ஃ تجهيز وتثقيف بنات لشهر شعبان 1430 - 2009 م " جزء 90 " ஃ

B6ah;10100046:
والله مادري ,, وهالشي يختلف من بيئه لبيئه ..:)


بس احنا عندنا مايشوفها الا بعد الملجه و لا يزوها الا فالعيد او مناسبه ..


وهو الي يجيها هي ماتروح بيتهم .. ولا تطلع وياه لين العرس .. ^_^

السلام عليكم

بطوووط
مافهمتيني ..؟؟
انا اقصد نفس كلامج في ردج الثاني..
انه ليش هي تروح له من الاساس ..
ممكن يجيها ويقعد في المجلس معاها وانا امي كانت تجي شويتسولف معاه وتطلع بين فترة وفترة وطبعا هالشي مايصير الا بعد الملجة ..

اما قبل
بس كانت له النظرة الشرعية وبس ..

مبيت نوووووووووو واي طبعا ..

بس حبيت اوضح حسيتج فهمتي كلامي غلط وانا كنت مأيدة كلامج

سحووبة
حبوبتي شوفي خياط مها الجزيرة في السد ..عندهم وحدة تقايس


نعووومة وبيبي بنك وحيوورة ودحدووحتي وكل اللي ردوا علي بخصوص الخلطات للجسم ..
فديتكم تسلمون لي عالردود ..
اما بيبي اويل انا ماستعمله الا مرتين في الاسبوع يمكن بس مب كل يوم ..يوميا استعمل كريم الكاكاو او الشيا من بدي شووب

بشوف موضوع كامي اللي حطته مامريت عليه ..
وباجرب كريم كاب هذا ..بشوفه بعد ..

واليوم باسكرب بالسكر وزيت الزيتون ..مع اني احب الملح بس باجرب السكر ..

دام فيني نشاط وهمه الحين وادري رمضان بيضربني الكسل عدل ..

الله يعينكم بنات على الاسعار بصراحه
على ايامي عرسي الريتز كان ب 135 ريال يعني ولاشي بالنسبه لاسعاركم الحين !!

camellia;10107879:
الله يعينكم بنات على الاسعار بصراحه
على ايامي عرسي الريتز كان ب 135 ريال يعني ولاشي بالنسبه لاسعاركم الحين !!

اي والله معاج حق كل شي تغير وكل شي صار غالي :confused:

بنات سمعتوا عن فاطمه الدوسري اتسوي ليزك في البحريييين
اوكي شغلها وله ؟؟
لان بصرااحه انا اخااف اغااامر وابي اشووف اذا حد مسوي عندها او سمع عنها

مساء الياسمين ^_^

ميمي
حبيبتي اللبس مثل ما قالوا لج البنات
اما سالفه الزياره .. احنا عندنا مايصير تروح بيت المعرس
شلون تجي من البحرين لين قطر ,, صعبه ..
والله يوفقها ان شاء الله ..


بنات ..
شنو احلى كولكشن عطر ليوم العرس ,,؟

مساااااااااء الخيييييييير بنوتات ،،،


بدر البدور <<<< عندج عطورات شانيل حلوة مثل كوكو شانيل وتشانس

أنا ليوم عرسي استخدمت كوكو شانيل وكان الكولكشن عبارة عن

(العطر -صابونة- كريم مرطب- لوشن مرطب- معطر الشعر -لوشن

بخاخ "هذا ينفع للطوارئ هههه يعني ماعندج وقت تتفركين ومستعجلة") ،،

وطبعا كل واحد تشترينه بروحه وتسوين انتي كولكشن وتقدرين تحذفين بعض الأشياء مثلا اللوشن والكريم تقريبا نفس الشي)

وعندج بعد كولكشنات استي لودر دايما يمدحونها وإنها تنفع للعرايس بس الصراحة أنا شميت بعضهم وماعجبتني

وفي النهاية يعتمد على الوحدة وذوقها في العطور وأيضا زوجها شنو يفضل من روائح

بس عندج معطرات الشعر مهمة لأنها أكثر شي يثبت يعني تبقى الريحة على طول

ولاتنسين دهن العود والمخمرية


وسلامتكم

بدووورة
انا مع ناعسة الاهداب
انا خذت شانيل اليور الست كامل بعد
بس ماكان فيه البخاخ بدل اللوشن ..
وخذت لي بعد من ايست لودر ست كامل الوايت لينين ..ماكنت ابي برايفت كولكشن ..
بس ايست لودر استعملته عقب شهر العسل عرفتي مو نفس الوقت ..
ايام عرسي كل شي كان مخلص وحسافة ما جا على بالي امر البيت الحديث طريق سلوى يبيله ..
بس اشوة اني لقيت اللي ابيه

امونتي
ماقد سمعت عنها والله ..
ان شالله يفيدونج البنوتات

amontii;10107912:
بنات سمعتوا عن فاطمه الدوسري اتسوي ليزك في البحريييين
اوكي شغلها وله ؟؟
لان بصرااحه انا اخااف اغااامر وابي اشووف اذا حد مسوي عندها او سمع عنها

مانصحج فيهااااااااا خالي مسوي عندها وعيونه كله اتصير حمر ويشتكي للحين

ان بغيتي عندج الريفي في البحرين ممتاااز امي مسويه عنده وكذا حد من اهلنا مسويين عنده والحمدلله مرتاحين

amontii;10107912:
بنات سمعتوا عن فاطمه الدوسري اتسوي ليزك في البحريييين
اوكي شغلها وله ؟؟
لان بصرااحه انا اخااف اغااامر وابي اشووف اذا حد مسوي عندها او سمع عنها

ماانصحج فيها تقريبا الكل يذمها

نصيحه سويها عند الريفي ماافي احسن منه لليزك :)

السلام عليكم بنات
الله يجزاكم خير....................
انا ابي اسوي ليلة الحنا لعمتي وابي مساعدتكم عليميه من قلب ياليت اللي عندها ارقام او اسماء محلات او افكار ماتبخل علي ابي اسوي لها شيء حلو ومميز بليز لأن هذيه هديتي لها وبس

alreemdoha;10109918:
السلام عليكم بنات
الله يجزاكم خير....................
انا ابي اسوي ليلة الحنا لعمتي وابي مساعدتكم عليميه من قلب ياليت اللي عندها ارقام او اسماء محلات او افكار ماتبخل علي ابي اسوي لها شيء حلو ومميز بليز لأن هذيه هديتي لها وبس

بطرش لج رقم وحده عندها اشياء لليله الحناء من كراسي واشياء للكوشه واايد حلوه اغراضها

وممكن تجيبين وحده تخبز خبر رقاق ,, تسوي لقيمات هالاشياء يعني

والبوفيه سووا كله شعبي احلى واحلى لو كان كله شغل بيتكم

والتوزيعات وزعي حنه , حلوى , رهش , خبز محلى
ممكن كاسات الشموع تحطين فيهم شموع
او تحطين فيهم ورد مجفف مع بخور
مداخن فيها بودره حنه
<< اقول لج الاشياء اللي سويناها حق ليله حنه اختي

والله يوفقها ويتمم لها على خير (f)

امونتي
يمدحون الريفي وخالد الشريف ممتازين

[FRAME="11 70"]
ما قصرتي ربنا يوفق الجميع
[/FRAME]

مرحبا بنااااااااات..

شخباركم؟؟
حبايبي تعرفون وحدة اسمها ((ام منصور))تسوي خبز محلا وعصيدة وها الشغلات..؟؟

مرحبا بنات..

ممكن تفيدوني برقم تلفون ومكان محلات عبي..

واحد اسمه لورا والثاني لارين

شكرا مقدما

:)

Hot_Chocolate;10110653:
مرحبا بنات..

ممكن تفيدوني برقم تلفون ومكان محلات عبي..

واحد اسمه لورا والثاني لارين

شكرا مقدما

:)

هلا اختى هوت شوكلت..
لورا على بالسد..
ولارين اول مرة اسمع عنة..

نونو قطر;10105761:
صبااح الانوار

اجابتي على السؤال

تضويق الجلابيه سهل البسيها وخل حد يحط لج هاي الدبابيس على القياس الي تبينه وخذيهم اي خياط تتعاملين وياه وبيظبطها لج
هالمخايطه الي عندهم حريم بيتفلسفون عليج وبيظربون ظربتهم بالسعر

هاي ابسط حل :D

صح كلامج ..
اختي سوت جذي بس انا مابي

لولوة الدوحه;10107695:
السلام عليكم



سحووبة
حبوبتي شوفي خياط مها الجزيرة في السد ..عندهم وحدة تقايس

ممكن فكره

((بدر البدور));10108696:
مساء الياسمين ^_^

بنات ..
شنو احلى كولكشن عطر ليوم العرس ,,؟

احلىىى شي عطورات استيلودر وشانيل

sapphire;10109597:

الريفي هذا اللي قصد فيه بن فطيس

يامؤمن الريفي )انا جيتك زبون
جيتك على مدح اكثر الناس وعنيت
**
جيت وتعالى الله عمّا يشركون
لولاه (يامؤمن) لطبك ما اهتديت
**
راضي بحكم الله علي مهما يكون
عالج عيوني لو بعد طبك عميت
**
ودي اخاشر فالبصر من يبصرون
واشوف دربي لا سرحت ولا ضويت
**
والى قنصت اثبت مع اللي يثبتون
واشوف طيري كل ما اوميت ودعيت
**
ياااكثر ما يضرب خويي (الطابلون)
من كثر ما اكلّته مطباات وكليت
**
وودي اشوف اللي علي يعرضون
وبعض الليالي ودي اسري دون ليت
**
وااشوف ناس ٍ فالقفا ما يرحمون
اما وقفت لصاحبي والا مشيت
**
من دون نظاره ولا هم يحزنون
يااا كثر ما كسّرت كشمات وشريت
**
لكنٌ يا دكتور جعلك ما تهون
ابغيك كلمت راس دامك ما بديت
**
اسمع......ولا ابغي اللي وزانك يسمعون
ربي كتب يكشف لك اسراري وجيت
**
صورة عديل الروح عندك فالعيون
واخاف تقطعها بموسك ما وعيت
**
ولا عليك امر..اطوها تحت الجفون
وعقبه لو تقطع عيوني ما شكيت
**
هي راس مالي والعرب ما يدركون
اني على باب الممات و ما حكيت
**
ياقو قلبي يوم قفن الضعون
اللي على ذاك الموادع ما بكيت
**
ويا صبر صبري والعواذل يحسبون
اني دلهت من الهوى والا سليت
**
اسكت عساهم من سكاتي يسكتون
وانا عن اللي في ضميري ما انتهيت
**
وادور الفرحه مع اللي يسهرون
وان ذكروني خذت فنجال وسريت
**
اخذت من وقتك يا دكتور العيون
عالج عيوني لو بعد طبك عميت
**
واستر علي واللي معك لا يفطنون
انت الوحيد اللي بعد ربي دريت
**

ثااااااااانكيو وصح لسانه

لوولوو :: وتطلع بين فترة وفترة وطبعا هالشي مايصير الا بعد الملجة ..

لا حتى بعد الملجه ماتطلع وياه ,, لو يبي ايها يسلم ويقعد شوي ويطلع .. >_< ..




sapphire :: صوره عديل الروح عندك فالعيون عندك فالعيون .. واخاف تقطعها بموسك وماوعيت ,,




روووووووعه .. تسلمييين خيتو عالقصيده ..


alreemdoha :: بنت الانتر كفت ووفت :tongue:



بطه :: ماعندي فكره ان شالله الفتيات يفيدونج :tongue:


بناااااات بسألكم .. بوبي براون ون احصلها فقطر ؟؟ انا جني شفتها فدبن هامز ,, يوم رحت من جم يوم ماحصلتها .. :(

بطه ..

بوبي بروان في فور يو في الستي اول ما تدخلين على يدج اليسار جنب كلنك ..

الريم ..

روحي الرونق و خذي غراش دهن العود الفاضيه و روحي جنيد خذيلج دباب مخلط دهن العود الوحده على 300 و شوي عبي الغراش بالمخلط و اشتري بخور و غلفي كل وحده بقصديره و حطيه معاه مع حبه شوكلت و خذي من الرونق الاكياس التور اللي لهم ربطه و حطيهم فيه ووزعيه بس خذي شوكلت ذهبي و اكياس خضرا او حمرا على حسب ثيم الحنا و انا انصح باخضر و ذهبي او احمر و ذهبي ، عجنوا حنه و حطوه في كاسات او الفانييل مالت القهوه اللي عليهم سدوا انا افضلهم لان حجمهم اصغر و بتسوون فيهم كميه اللي في رامز او دلو السدو اللي في الرونق و كتي فوقهم زري ملون على ثيم الحنا و طبعا لونين و حطي عليهم بلاستك شفاف مال الصحون بس ضبطوا التغليف عقب لفوه بتور او سولوفان ، وزعوا علب اكل فيها خبيص ساقو نخي و باجلا ، مطابق فيها حلوى او قهوه مطحونه ، علب الحلوة و الرهش الصغار اللي في سوق واقف ، ميني خبز رقاق بانواعه ، البوفيه خلوة شعبي عيش و لحم و بلاليط و هريس و مضروبه و بثيث و خبيص ، وزعوا خنفروش العادي و بو شوكلت ، لقيمات ، و يفضل لو كنتوا مسويين طاولات او مسويين الحنه في قاعه تحطون التوزيعات عالطاولات ، اي و سويلج طلبيه عقود ياسمين و فل في محل هندي او من اللولو يجيبونه لج فرش من الهند ووزعوه عالكراسي ، وزعوا مناظر اللي عليهم مثل النقش الهندي و معاه شوكلت و بحط لج صور توزيعات تقدرون اتطبقونها ، و بالنسبه للكوشه و الطاولات عندج افراح الجلوة الكل يمدحهم ، و الطق عندج فرقه اماني و ام سعود اللي تسوي الجلوة من البحرين اي ولا تنسين تاخذين مرشات و تحطين فيهم ماي و رد مادري عطر و تخلين حد يرشه في يد المعازيم عقب العشا و عقب ما تدخل العروس و نصيحه لا تسوين لها كرسي الكوشه قعده عالارض لا سويها كرسي مرتفع عشان تقدر تقعد و تقدر تقوم بسهوله ..