// علمووني يا بنات شلون اتعامل مع ام زوجي ؟ //

هلالالالا قلبوووو

انا بعد مثلك توي متزوجه بس انا من اول مادخلت خليت الرسميه بعيد عني خصوصاً مع ام زوجي ايام الخطوبه كنت ادق اسلم عليها ومطيحة الميانه شوي خخخخ وبعد الزواج صرت من اشوفها تسوي شي ولا مشغوله في شي اقول لها تبي اساعدك تبين شي وانا داخله وانا طالعه اسألها اذا تبي شي ومن اشوفها بتشيل شي شلته عنها واذا شفتها طالعه وزوجي مش موجود اقولها بجي معك يعني اتقرب منها يعني هيك شي عاد مايحتاج اقولك الواحد لازم يصبغ حتى مع عمي نفس الشي اجلس اسولف معه وكذا يعني

نصيحة تقربي منها من الحين ولا الا طولتي على هالحال بتتعودين وهي بتتعود ووايد بتتعبين بعدين
روحي السوق واشتري لها هدية وقوليلها انك اشتهيتيها لها مثلا قطعة ثوب ولا بخور وعطور
ادخلي المطبخ وسوي الاكل مع اشياء جديدة وقوليلها انك جبيتي توريها ذوقك
واهم شي اجلسي سولفي معاها وايد وابدا لا تجلسين بروحك او تحسسيها انك ما تجلسين معاها وايد
وترا كل انسان مهما كان حرمه او رجال تراه بيحن قلبه مع الكلام الحلو
ومحد فينا ما يحب الكلام الحلو والمدح
يعني امدحيها ومثلا قوليلها ان ترتيبها للبيت عجبك وانك مقدره انه ولدها الوحيد وراح تخلينها راضيه عليك او ان لبسها طالع كشخه واللون مناسبها او اشكريها على مواقفها معك وبيحن قلبها عليك بعد الشكر

تغار منك شي اكيد. وكيف تتقربي منها اولا : لا تقولين لها عن اي شي يسويه لك زوجك سواء كلام حلو او هدايا عشان ماتغار وثانيا كل ما قابلتيها سلمي عليها بشوق ووحشتيني ومن ذا الكلام اسهل منو مافي لان المرأة بطبعها تحب الكلام الحلو واهم شي تتحمليها كثيرحتى لو استفزتك تذكري لو كانت امك تزعلي منها اكيد لا ! لانك في بداية حياتك لازم تتحملين عشان ترتاحين طول عمرك والاهم من هذا كله تاخذين الاجر دنياواخره والله يوفقك من كل قلبي
والله ي

الغيرة شي طبيعي
وخلي تعاملك معاها مثل تعاملك ويا امك
يعني انتظريها للغداء اذا كانت مو موجودة
واذا طلعتي ويا زوجك قولي لها تأمرين على شي اجيب لك من برا
وساعديها بشغل البيت وخليك طبيعية مثل حياتي ببيتكم قبل
وزوجك بدل لا يقول لك انه امه تغار منك
انتي أبدي وقولي له انك تحبي امه وايد
وانكم مثلا سويتوا طبخه ويا بعض
وشفتوا التلفزيون ويا بعض وكذا
وربي يسخرها لك وتصير لك مثل امك
وربي يوفقك مع زوجك