تجمع الحوامل اللاتي يلدن في شهر 3 (مارس- اذار) 2010

*النرجس*;10073518:
ماشاء الله انا السعوديه الوحيده فيكم كلكم بحرينيات ونعم فيكم :)

طبعا انا انقطعت عنكم فتره لاني كنت عند امي لي اسبوع اليوم هزئتني وقالت لي ارجع لبيتك ولزوجك :(

انا متوحمه في بيتي وزوجي والله تعبت بدرجه اول ماطبيت البيت على طول للزباله استفرغ الله يكرمكم

الله يخفف علي والله اني انتظر الاسابيع تمر بسرعه وادخل الرابع وارتاح من الوحم ياخوفي بس يستمر معي طول التسعه الشهور الله يستر

بعد ماسردت قصتي المتواضعه ودي اطمن عليكم اخباركم انتو وش ومسوين عندي سؤال بس مستحيه اقوله وبصراحه مالي غيركم اسئلكم ......
امممممممممممممممممممم ابي اسئل عن الجماع في هالفتره كيف مضر ولا عادي ولا كيف لان زوجي صار يطالبني بس انا صرت متوحمه فيه بس حسيت اليوم اني زودتها وفي نفس الوقت خايفه على الجنين

كيف انتم عادي ولا ......... >>>> والله اني مب عارفه اسئل السؤال شوي محرج بس مالي غنى عنكم ياليت تردون علي والله يجزاكم خير

بنت حسب ونسب;10075106:
F6AIM>>> حبيبتي الحمدلله انج معايه في الامارات ... حسيت بغربة في هالمجموعة مادري ليش.. يمكن لانهن يسولفن مع بعض ويتجاهلن وجودي .... غريبات بنات البحرين
المهم انا اخر دورة 17 - 6 .. وموعد الولادة باذن الله 24 مارس ... واتابع عند مركز ناديا الطبي عن الدكتورة سوسن مع انه اول حمل لي كنت في النور عند الدكتورة نضال .. مادري ليش غيرت ... وولدت اكيد في الكرنيش ... هالمرةان شاء الله بربي في الكرنيش..

F6aim;10075582:
بنااااااااااااااات الله يخليكم عندي استفسار وايد ضروري:

انا كنت ارضع ولدي يوم حملت اضطريت اني افطمه:( و فعلا فطمته من 20 يوم،،الحين هو عمره سنه و سبع شهور، المشكلة الأساسيه انه مب راضي يشرب اي حليب ثاني بهدلني و تعبني معاه، ما خليت شي ما سويته و لا طريقه الا جربتها ما أعرف شو اسوي،جربت المرضعة و الكوب بكل الأنواع ,, هو لازم يشرب حليب بعده صغير...أنا احاول احط الحليب في بعض اكله بس بعد ما يغني .....والله تعبت اللي مجربه الفطام تنصحني و الله يجازيكم خير...

*النرجس*;10077319:
مافي ولاسعوديه اسولف معها ليش كذا احسكم مب مترابطين كل مدينه مسويه حزب :(

јǿđ;10078546:
الافضل الجماع تبتعدين عنه في الثلاث الشهور الاولى وهذا راي اكثر من دكتورة
او انج تخففين منه بس يستحسن انه ما يعاشرج

فلورا2;10079973:

هلا بنات فجيتوا علي

من زمان ما أدخل الرابطة
الرابطة صايرة حلوة لأن كل وحدة تدخل تفضفض اللي في نفسها
(الواحد من يسمع علل غيره تهون عليه علته) الحمد لله
الله يعطيكم العافية وتفوموا بالسلامة ان شاء الله

من كم من يوم زوجي شالني من السرير بالغصب على الساعة 10باليل يدور ليي على مستشفى وطبعا مافي مستشفيات فاتحة هالحزة وعندهم دكتورة نساء وولادة
المهم بعد ما دوخني السبع دوخات في هل سيارة قلت ليه خلنا نروح الصيدلية , والصيدلي من قلت ليه حامل وفيني لوعة عطاني حبوب Navidoxine وقال إذا بتروحي عند أي دكتور بيوصفه ليش أني ما صدقته بس اخذته عشان خاطر زوجي وما كنت ناوية أني آخذه لأن لازم أبلعه مع ماي وأني ما أقدر أشرب ماي, لما رجعنا البيت بحثت عنه في النت وأشوف ما شاء الله معظم اللي أستخدموه يمدحون فيه وأنه زين حتى للي ما عندها لوعة عشان يحتوي على فيتامين ب6 ,بلعته بقطترتين ماي ونمت وفي اليوم الثاني ما شاء الله ما كان في لوعة بس كان عندي جوع رهيب خميت الأكل اللي في بيت أبويي خم وما جا الغدا إلا أني أول وحدة قاعدة على السفرة( والكل مستغرب صار ليي كم من أسبوع ما أدني المطبخ) ومن الحبة الثانية ما شاء الله قمت أشرب ماي
مفعوله عجيب هالدوا تحسنت حالتي وايد عن قبل
بس بعد إذا أشتد الوحام ماينفع معاي وأحس يسبب لي حرارة في الصدر (وخاصة إذا آخذه قبل الأكل) ,فأمس جربت وتركته وماشاء الله أحس إني أوكي والحمد لله بس أهم شي إني أحتاط وما آكل أشياء تهيج المعدة والنفس

الحمد لله أني اليوم صار لي 8 أسابيع يعني تقريبا باقي أسبوع وأدخل الشهر الثالث... لوووول

يا أخت F6aim أنصحج أنج ما أجبرين طفلج على الحليب إذا هو مو متقبلنه عادي ناس واجد يفطمون عيالهم أصغر من جذي وما يبدلون ليهم بحليب صناعي أو حتى أي نوع من الحليب وإذا أنتي تبين أعطيه لبن أو روب أو أي منتج فيه حليب ,أنا بنتي بعد ما فطمتها (الحمد لله كملت وياها سنتين) حاولت أعطيها حليب المراعي والصافي...الخ لكن كانت ترده من يوصل بوزها بس ما شاء الله عليها ماتنسى الروب على الغدا ولا اللبن بعد العشا

*النرجس*;10083765:
اهلين مشكورات على الرد من جد كنت بزعل منكم بس الحمدالله طلعتو حلوين :)

انا يوم كنت بالشهر الاول ماكنت احس بالوحم كثير واعطتني الدكتوره Navidoxine
ونفع معي بس يوم صرت بنص الثاني اشتد على الوحم وصار مايجيب لي نتيجه فعطتني primperan
اخذته وماجاب معي نتيجه قالت لي خذيهم الاثنين والحمدالله انا اخذهم الحين الاثنين واحس ارتحت شوي

بنات بسئلكم هالايام احب الشطه مايطيب لي الاكل إلا مع الشطه ولا مااقدر اكل مسكين الجنين في بطني حرقته مدري هو مضر ولا عادي لاني اشوف الهنود ماشاء الله عليهم ياكل في هالحار وماعليهم شيء وش رايكم انتو !!! زوجي يقولي إللي تاكل شطه يطلع شعر كثير بجسم البيبي قلت له الله يعينها على شيلة الشعر اذا بنت :) اما الولد عادي خخخخخخ

عي المها ون;10085825:
شخباركم بنات اليوم احس بشد قوي في بطني هذي عادي ولا شلون
وولدي ماشاء لله عليه كانه حاس اني بايب بيبي ثاني كله يصيح ويقول شيليني ويقطط في عمره

عي المها ون;10085825:
شخباركم بنات اليوم احس بشد قوي في بطني هذي عادي ولا شلون
وولدي ماشاء لله عليه كانه حاس اني بايب بيبي ثاني كله يصيح ويقول شيليني ويقطط في عمره

طيف 22;10090017:
مرحبااا بنات اخبااااركم ويا الحمل والوحم انه والله ساامحووني من يومين غبت عنكم جاني ارتفااع بدرجة الحراره وزكاام وتعباانه والله وصارت معي غلطة كبيره مو عاارفه شلون اتصرف الدكتوره وصفت لي مضاد للالتهااب اللي بااكيت ابيض فيه ازرق المهم ذكرت اسمه فووق اللي صاار انه مكتوب حبتين مرتين يومياا وانه كنت اكل حبه كل 12 ساعه ويفترض اني اكل حبتين كل 12 ساعه وتوني عاارفه وماادري شاااسوي بس اتوقع انه ماايضر والله يستر ماادري بنات شنو تنصحووني فيه

قلب البتول;10093598:
cefuzime هذا اسم مضادي اللي استخدمة وقوتة 250 اذا انتي مثلي فانتي ما غلطتي لان الدكتورة اللي وصفته لي كتبت لي حبة كل 12 ساعه يعني مثل ما انتي شربتية

بروكولي;10094086:
مساء الخير
شخباركم مع التعب كلكم بدون استثناء
انا هالايام زايدة عندي اللوعة والتعب وكلش ما انام ما اقدر طول الليل اتقلب بس على السرير مادري ليش اني غير عن الناس في حملي كلة يصيدني ارق المهم الحين من شوي طرشت زوجي يجيب لي حبوب اللوعة ومن قال للصيدلانية مباشرة عرفته وعطته navidoxine بس ماسألها كم مرة اخذ وكم حبة ومتى بالضبط والحين ان شاء الله القى عندكم الجواب وباسرع وقت لاني محتاجة ليها الحين

طيف 22;10094195:
اشوه طمنتيني فديتج بس انا كاتبه لي حبتين مرتين يوميا المهم انا اقول النقص ولا الزيااده بس مشكلتي انه الافرااز ليحين مستمر يجي لونه اصفر معاه ابيض ماادري شااسوي انه اقوول بتوكل على الله ويمكن هذا مال الحمل ومابي اكل من الأدويه