تجمع الحوامل اللاتي يلدن في شهر 3 (مارس- اذار) 2010

شقوره;10403232:
السلام عليكم كيفكم حوامل

سامحوني انقطع هل كم يوم لاني تعبااانه وااايد صار لي خمس ايام الصداع مو مفارقني ماخليت مستشفى مايعطوني غير البندول ولا قاعد يسوي شي

اليوم رحت الامل ماتم تحليل اله وسووه لي وكل شي قالت تمام واخر شي عطتني البندول والله تحسفت اني رحت لهم
اذا احد صاده هل شي ولا عندكم علاج للصداع ماياثر عل حمل تقول لي عنه

هلا حبيبتي شقوره ما تشوفين شران شاء الله والله انا بعد هالايام فيني صداع ولاني مركبه تقويم فالدكتور ظفط على اسناني وزاد علي الصداع ما استحملت كلت بندول
و اعتقد ان البندول الحل الوحيد للحامل .وطريقة اختنا قلب البتول بعد حلوه بجربه انا بعد بس ما بخلي ريلي بخلي الخدامه لان اذا رريلي همزني ما بيهدني الا مطلع قيمة التمسوده من عيني .
ما عليج شر حبيبتي شقوره صج افتقدناج .

زين البراري;10406425:

صباح الخير بنات اشلونكم ......


باجر الصبح عندي موعد مع الدكتوره ادعولي ؟؟

ان شاء الله يا ربي كل يكون طبيعي وانتي بعد اول ما تردين طمنينا

بحرينية_حلوة;10406498:

صباح الورد يا حوامل 2009 .. شخباركم .. ؟!!!

زين البراري .. الله يطمنج ان شاء الله و كل شي يكون عال العال ..

انا بعد باجر عندي موعد .. ادعو لنا احنا الثنتين ..

يا رب يطمنا و كل شي يكون طبيعي

ان شاء الله يا ربي يكون كل شي سليم و انتي بعد طمنينا





بنااات كل وحدة تكتب عند اي دكتورة اتابع وين ناوية تولد


انا عن نفسي اتابع عند د.هدى شريدة في المستشفى العسكري وناوية اولد هناك باذن الله

السلام عليكم
كيفكم حوامل

بنات بسألكم انتو اذا تروحون للدكتورة تاخذ منكم عينة للبول وانتو بكرامة ولا لا؟
انا دكتورتي كلش ماجيكت لي ولا مرة ولا حتى تحليل دم حدها تسوي الالتراساوند وتهذر على الفاضي ما احس اني بتابع عندها على طول ولاني للحين مافتحت لي ملف في المركز الصحي كل يوم اقول بروح ويصير عندي ظروف وماقدر اروح

وحاليا قلت بجوف للموعد الجاي وبجوف شنو تقول لي ويمكن خلاص اكنسلها ويمكن اتابع مع المركز الصحي لان بصراحة مجربة المراكز الصحية اهتمامهم اكثر فيني وخصوصا انا مصابة بارتفاع ضغط الدم فلازم يكون لي كذا مرة فحص وخصوصا للبول لان وايد يخافون من الضغط ولكن الدكتورة كارين كلش عادي عندها السالفة ولا اهتمام بس تبي تخلص المريض باسرع وقت

-------
قلب البتول
شخبارج ومشكورة لانج تردين على كل البنات ومهتمة بالتجمع الله يعطيج العافية
-------
جوود
الله يوفقج ان شاء الله في الوظيفة بس احس تعب واجد في الحمل لو ماجلة لبعد الحمل افضل وخصوصا انج تاخذين ابر تثبيت والله يتمم لج على خير
-------
انجنيرا
دلع
بحرينية حلوة
زين البراري
شخباركم وشمسوين مع الحمل والكرشة اللي ابتدت تكبر وعلى فكرة ترى انا للحين ماحسيت بحركة الجنين

------

الاخت قصة كبيرة
وينج مختفية شخبارج وشخبار الحمل والضغط ؟ اتمنى انج تدخلين وتتناقشين معانا بالنسبة للارتفاع الضغط واجوف معاناتك ومعاناتي واوجه التشابه بينا هههه وعشان ناخذ خبرة وانتي كم قراءة ضغط الدم عندك قبل وبعد استخدام الحبوب؟

زين البراري ، بحرينية_حلوة

خواتي ان شاء الله يارب تتطمنون بكره ويكون كل شي سليم بإذن الله، وبس احنا هذي حالتنا كله قاعدين نحاتي قبل مواعيدنا شنو بيصير وشنو بتقول الدكتورة :(

بروكولي

ليحين تتابعين عند د. كيران، انا دكتورتي منى الشرقي هم ماطلبت مني بس انا بروحي رحت سويت تحاليل عند مستشفى الهلال طلبت تحاليل الحمل من دكتورة النساء مالتهم اسمها د. رادا وبس سوتلي التحاليل (كم تحليل حق دم وبول) وكان كل شي تمام وخذتهم معاي حق دكتورتي وطمنتني الحمدلله وموعدي الياي بيكون يوم الأثنين 12/10 ان شاء الله كل شي يكون اوكي ادعولي بنات وايد احلم هالأيام وبعضهم احلام مزعجة :(

engineera83
انا حاليا اتابع عند د. منى الشرقي والحمدلله مرتاحه منها وايد بس للأسف ماتولد الحين وناويه اولد بإذن الله في ابن النفيس عند د. داليوال بس لازم اتأكد من شي لأني سمعت انها ماتولد الحين فإذا ماتولد بروح حق د. كارين، بنات اللي عندها فكره عن داليوال تخبرني اذا تولد او لا حاليا؟

بحرينية_حلوة
مشكوره حبيبة قلبي وان شاء الله ربي يطمنج ويطمني ويطمن كل ام على جنينه ،،،وان شاء الله باجر اتخبرينه اخبار حلوه عن البيبي .
engineera83
مشكوره حياتي ان شاء الله باجر اول ما ارجع من المستشفى بطمنكم .
Daloo3t_Obooy
مشكوره حبوبه ان شاء الله كلشي يكون تمام هاي فترة الحمال تسع شهور وهذ احنه دايما انفكر شبتقول الدكتوره واذا رحنه له بنقوله جذي ومن انشوف البيبي في الانترسوند ننسه الي نبي انقوله له بعد والله يسهل علينه كلنه .
بروكولي
والله حبيبتي هذاني افكر واصف الكلام للدكتوره باجر عندي موعد وبالنسبه للدبه ثيابي صارو ضيجين وعباياتي كلهم وسعتهم .... والحاله حاله .... الله يسهل علينه كلنه يا رب .

شقوره;10403778:
رحت سويت لي شاي اخضر تصدقين عاد صار خاطري في شاي زعفران بس يقولون موزين الزعفران للحامل اييب الطلق مادري اذا عادي بكرا بقول لامي تسوي لي

انا اول الاشهر شربت زعفران لين طفحت اتوقع اجيب الطلق اذا انتي بالشهر التاسع لاني بولادتي الاولة شربته وقت الطلق واللة اعلم بس انا اشربة وقت ما ابي

حنين ام;10405701:
صباح الخير حوامل

شقورة ما تشوفين شر

قلب البتول صار خاطري في عدس مع عيش ابيض :ss:

ههههههههههه اللة يقطع باليسج ضحكتيني

اجوف من خلص الوحم قمتوا تتشهون بالاكل مثلي اكا زايد وزني واللة يستر على التاسع اشلون بصير جسمي لاني هالايام اتشهه في الاكل

زين البراري;10406326:
هلا حبيبتي والله الدكتوره قالت لي في تكيس خفيف وعطتني جلوكفاج _ميتفورمين والحبوب الي قلتلج عنه .
وبالنسبه حق ريلي احس ان كان يقول ان فيني ولد عشان يهيئني وما انصدم على ما اظن واحس ان هاي كان قصده لان يوم الي قتله ان فوزيه كمال قالت لي جنه ولد احس اني كسرت خاطره ههههههههههههه .
بس الحمدلله على كل حال ...........
امس ريلي كان يسالف مع اعيالي قمت انا وسولفت معاهم وقالي ارجوج لا تدخلين نفسج بين الريايل يازعم يتقشمر :confused: واحتريت وحزت في نفسي الكلمه قالت هاي واليهال صغار الله يعين اذا كبروا .

حاااااااااااااااااااااااااااااااااااااسة فيج واللة لان الجو اللي عندي بعد كلة ذكوري عندي ولدين اقول لزوجي خاطري ببنوته اتسوي حس انثوي في البيت والا انت وعيالك بتجننوني واذا جبت ولد ثالث شكلي بحلق شعري قصير وبقعد معاهم

وتعالي اذا طلعوا اليهال مع ابوهم اصير البيت هدوء محد معاي اقول لو عندي بنوته بتسوا لي جو في البيت بدل القعدة بروحي

بس شنسوي اللي اللة كاتبنه بنكيف روحنا علية وربج ادرى بمصلحتنا وانا دايم ادعي ربي واللة كريم

زين البراري;10406347:
هلا حبيبتي شقوره ما تشوفين شران شاء الله والله انا بعد هالايام فيني صداع ولاني مركبه تقويم فالدكتور ظفط على اسناني وزاد علي الصداع ما استحملت كلت بندول
و اعتقد ان البندول الحل الوحيد للحامل .وطريقة اختنا قلب البتول بعد حلوه بجربه انا بعد بس ما بخلي ريلي بخلي الخدامه لان اذا رريلي همزني ما بيهدني الا مطلع قيمة التمسوده من عيني .
ما عليج شر حبيبتي شقوره صج افتقدناج .

اه يا قلبي ضحكتيني من قلب على سالفة زوجج ترى انا بعد زوجي مثلة الظاهر زوجي وزوجج اهل واحنا ما ندري لان زوجي بعد اخاف اخلية يسوي لي مساج لان صدق اطلعها من عيوني بس انا ساعات غصبا عني اقول لة لان مالي غيرة في الشقة ما عندي خدامه

ذكرتيني قبل وايد اسوي لزوجي مساج جسمة كامل ويستانس من حملت تكسرت وحس جسمي ما فية طاقة وكلة اقول لي متى بتسوين لي اقولة انا معاك بنروح انسوي مساج تايلندي عند ناس تايلنديين ما صدق خبر قال ليي وين موقعهم قلت لة في وايد بس خل ادور مكان نظيف ومضمون وبقول لك

زين البراري


بحرينية حلوة


يلا نبي اخر اخبار موعدكم بكرة



وانا موعدي اذا ما تغير الاسبوع الجاي وانتظرة ابي اعرف نتيجة السكر

ولا تنسون تخلونها تكتب لكم الفيتامينات والحديد

وقيسوا نسبة الدم والضغط والبول

وسمعوا دقات القلب عدل انا مرى الدكتورة قالت لي وهي تسمع دقات القلب انتي فيج ولد صح قلت لها اي اشدراج قالت من دقات قلبة اذا صوت الدقات مثل القطار بنت واذا مثل الحصان ولد

عاد لا تسألوني وش الفرق بين الصوتين لاني ما اعرف اصلا وهذي هي تسمع دقات القلب طول اليوم فتعرف اتميز احنا ما نسمع الدقات الا كل موعد

engineera83;10406622:
ان شاء الله يا ربي يكون كل شي سليم و انتي بعد طمنينا





بنااات كل وحدة تكتب عند اي دكتورة اتابع وين ناوية تولد


انا عن نفسي اتابع عند د.هدى شريدة في المستشفى العسكري وناوية اولد هناك باذن الله

انا اتابع في المراكز الحكومية لاني اجوف اهتمامهم احسن من الخاص بس انا اروح الخاص

الى فهيمة المطوع .................................... اذا ابي اسوي اشعه

الى زينب الجفيري ..................................... اذا ابي استشارة في الحمل والولادة

بحرينية_حلوة;10408617:

الااااااااااااه على المساج .. والله يا قلب البتول ذكرتيني

قبل لا أحمل كنت أروح أسوي مساجات .. بس الحين أخاف ..

أذكر رحت مرة مساج في Sparadise .. كان بالحصى .. و الجو كان أيامها برد .. شنو عجييييييييييب كان ودي أناااااام و أقول حق اللي تسوي مساج لي شبعت نوم باقوم بروحي :tongue:

أنصحكم عقب الولادة تروحون تجربونه و بتدعون لي

هلا بحرينية عاد اليوم انا صدتج للحين انتي بالدوام بقى اشوي وتخلصين

وين مكان هالمساج وكم يستغرق وقت وفي حق النساء والرجال او بس مخصص للرجال لان اذا اروح زوجي لازم يبي مثلي
وبكم الجلسةيأخذون

قلب البتول;10403163:
انا شوربة العدس كل مرة اغير فيها مرى اضيف شيء ومرة اشيل شيء بس بشكل عام
بقولج بدون كمية للمقادير انتي وكيفج اي قد تبين تحطين وهذا الحلو في الشوربات

اخذ بصل اشوحة بالزيت مو زيت وايد احط ثوم فوقة فلفل اخضر بعدين طماطم واحط مكعب ماجي واحط فوقة العدس المغسول مع كمية ماي واغطيه لين ما يلين ولازم بين فترات اتحركين العدس لا يلزق بالقاع وخلاص انا العدس عندي يلين بسرعه وانا ما اخلط الشوربة بالخلاط مثل ما يسوون لان العدس بسرعه يذوب اللي عندي واللي العدس مالهم ما يذوب يخلطون الشوربة بعد ما تستوي بالخلاط

وحطي في صحون التقديم ليمون وزوجي يحب مع الشوربة الفتوش وخبز الابيض الخشن يحب اغمس بالشوربة

لو انتي جارتي انجان اطرش لج كل يوم صحن من غذانا او عشانا بس بشرط انتي بعد تعطيني هههههههههههههههههههههههههه لاني احب الصراحة هالشيء ودايم زوجات اخواني يقولون لو انتي جارتنا تمام يوم انتي تسوين غذانا ويوم احنا نسوي غذاج واللة فكرة على الاقل يوم وترك نطبخ بس للحين محد قدر اصير جنبي كل واحد منا ومن خواتي في ديرة

وش نوع العدس اللي تستخدمينه؟! بجرب شوربتج هالاسبوع ان شاء الله
ويا ليت والله كنتي ذقتي طباخي وانا اذوق طباخج هههههههههههههه
الا انتي وين ساكنه!!