تجمع الحوامل اللاتي يلدن في شهر 3 (مارس- اذار) 2010

شلونكم بنات شخباركم من زمان مادخلت ولله لاهين مع الزكام والتعب انا انطر هاليومين متى اروح اشوف جنس البيبي موعدي 10-10
بنات بانبهكم لاتخذون تطعيم الانفلونزا لانه يقولون مال امريكا مب مضمون يسبب الزهايمر والشلل مع التقدم بالعمر بس تصدقون بريطانيا بدوا ياخذون لقاح سويسرا واحنا جايبين لنا مال امريكا يعني نا اقول كل شي اللي الله كاتبه لكم بيصير بس لاتخذون شي مب مضمون ومب مجرب

بنات بقول لكم سالفة مرت اخوي ...
مرت اخوي حامل بالشهر الخامس وفيها الربو ( الضيقة ) المهم هذا عادي كل حمله لها تتعب بس هالمرة تعبت وايد وصارت في غيبوبة في غرفة الانعااش يومين .. وبعد ما صحت ودوها قسم القلب في غرفة بروحها يقولون لها هذا مال اللفلونزا الخنازير انتي فيج :(

ومن سمعت الخبر وانا راسي بينفجر كل ما اشرب البندول ما احس يفيد في شيء :(

مرت اخوي عندها بنت عمرها في حدود الثلاث سنوات وبعد مصخنة .. والثانية عمرها 9 اشهر بس عادي مافيها شيء بس فاقدين امهم ..

ادعوا لها يقومها حق عيالها وامي عيونها ذبحتها من الصياااح عليهم وعلي .. امس رحت لها قلت لها ما فيني شيء شوفيني صرت زينة بس اهي خايفة على اليهال اكثر ...

بنات ايش اخباركم ؟
انا بعد حامل و ولادتي ان شاء الله في 15 مارس 2010 وحابه انضم الى هذا التجمع الحلو
وبنات امانه احرصوا على نفسكم من الامراض الخطيره واهم شي نؤمن بقضاء الله وقدره ( قل لن يصيبنا الا ماكتب الله لنا ) واتمنى للكل الصحه والعافيه يااااااااارب وماتشوف شر مرت اخوك يا يتوم

يتوم هذولي الدكاترة حتى لو ما فيج
الا غصب فيج .. وترى الناس وايد مكبرين الموضوع
وايد وايد ماخذين الموضوع اكبر من حجمه
اقل شي واحد صاده زكام راح على طول المستشفى وهو ما فيه شي
بس الخوف مخليه .يرووح ( هم ذكروا فيه اعراض معينه لهالمرض
اذا ارتفعت درجه الحرارة ووصلت ما بين 37درجة او 39
اهني ضروري تروحين

وعن الربو ترى عمتي توفت بأول رمضان من هالربو .. والله يعين مرت اخوج
ويحفظها من كل شر

انا صايدني زكام
بس ما ابي اروح .. لأنه عارفه ما فيني شي اساساً


وعن الصداع .. لا تاخذين باندول وايد ترى مو زين ابد
انا ذيك المرة كان فيني صداع وانا مترددة اخذ اولا
خذيت وحده ما كفتني بعدين الثانية وصرت تمام بعد كم ساعه

وهذا الباندول اللي استخدمه انا





خذته من السعودية بس مدري اذا موجود بالبحرين اولا!

јǿđ;10370992:
يتوم هذولي الدكاترة حتى لو ما فيج
الا غصب فيج .. وترى الناس وايد مكبرين الموضوع
وايد وايد ماخذين الموضوع اكبر من حجمه
اقل شي واحد صاده زكام راح على طول المستشفى وهو ما فيه شي
بس الخوف مخليه .يرووح ( هم ذكروا فيه اعراض معينه لهالمرض
اذا ارتفعت درجه الحرارة ووصلت ما بين 37درجة او 39
اهني ضروري تروحين

وعن الربو ترى عمتي توفت بأول رمضان من هالربو .. والله يعين مرت اخوج
ويحفظها من كل شر

انا صايدني زكام
بس ما ابي اروح .. لأنه عارفه ما فيني شي اساساً


وعن الصداع .. لا تاخذين باندول وايد ترى مو زين ابد
انا ذيك المرة كان فيني صداع وانا مترددة اخذ اولا
خذيت وحده ما كفتني بعدين الثانية وصرت تمام بعد كم ساعه

وهذا الباندول اللي استخدمه انا








خذته من السعودية بس مدري اذا موجود بالبحرين اولا!

لا والله اختي انا عمري ما شفت هالبندول



شخباركم بعد بناااات ؟؟؟ ادعوا لي ان البيبي يكون بخير موعدي تاريخ 5-10 يوم الاثنين

:wink:انا معاكم منولة1400 حامل وهذا ثالث حمل لي واناخايفة بس الله يهونها علينا اجمعين تكفون لاتنسون تضيفوني فالقروب

جود تصدقين عاااد صار خاطري فيهى من قلب قلت لزوجي يوديني قال الجازه الجايه


يتوم ماتشوف شر مرت اخوج وان شاء الله يكون تشخيص الاطباء غلط وتطلع بلسلامه لعيالهى اامين يااارب


هلبندول شايفته في مكان موذاكر بلضبط ياا جيان ياجواد

شخباركم بنات وكيف الحمل معكم

كان عندي موعد قبل يومين طلبت اشعه تحديد الجنس بس طلع مب واضح واعطوني حبوب الحديد والكاليسيوم وبصراحه مره تخوف هالحبوب قسم بالله اني اتشهد قبل ماابلع لانها كبيره وطعمها ملوع

انا عندي دوام للجامعه هالاسبوع لاني بعدني ادرس الله يعيني هالترم احس من الحين وانا تعبانه عاد كيف اذا بديت الدوام الله يسهل يارب

مرحبا حوامل

سلام بنات

انا صار لي يومين تعبانة كحة وزكام وصداع والم في جسمي الظاهر ولدي عداني وامس تعبت ارتفعت حرارتي رحت اليوم الطوارىء السلمانية ومن قلت لهم زكام حولوني لغرفة العزل وقاسوا حرارتي طلعت 37 ونص وضغطي كان نازل وسووا لي اتراساوند للجنين قالي كل شيء اوكي فية وبعدين سووا لي كشف انفلونزا الخنازير اخذوا مسح من بلاعيمي ومسح من خشمي

عطاني شراب للكحة شربت منه

وباندول وهذا بعد اشرب منه

وعطاني مضاد اسمة zinoximor وبحثت عنه وسألت وقالوا لي ما في ضرر على الجنين وبشربة ان شاء اللة

وعطوني دواء حق انفلونزا الخنازير احتياط لين تطلع نتيجة التحليل اسمة flufly عاد هذا اللي ما بشربة اخاف وتاريخ انتهائة بعد شهرين وما سمعت ناس حوامل شربوة بحثت وما في جواب

فحبيت اسأل يتوم ويوم رحتي الطوارىء عطوش نفس هالادوية او لا وشربتينهم او لا وهل اتصلوا لج حق نتيجة التحليل او للحين

وزوجة اخوش شخبارها ان شاء اللة صارت احسن تمنياتنا ليها بالصحة

وربي يستر علينا جميعا

شخباركم بنوتات ان شاء الله بخير

اختي قلب البتول انتي موعد الولاده نفس يومي تقريبا الي هو 8\3

بسألج اذا انتي تحسين بحركة الجنين ولالااا لاني ماحسها لين الحين

ارجوج افيديني وايد خايفه وهالايام كله ظهري وبطني من تحت يعوروني

قلب البتول
اشوفج مختفيه صار لج يومين تقريبا :(
ماتشوفين شر اختي أجر وعافيه ان شاء الله تحملي بروحج فديتج ...

صباح الخير حوامل شحالكم ان شاء الله بخير

اليوم انا من الصبح ناشه >>> عشان الدوام طبعا

والله لايعه جبدي من الصبح مالي خاطر اداوم

ههههههه هلا الله يعينج على الداوم .. وانا بعد من حالج بس الجامعه

يالله الله كريم

صباح الخير

قلب البتول ما تشوفين شر أن شاء الله

صباح الخير حوامل
اي والله من لها مزاج تداوم هالأيام، البطن كل ماله ويكبر والتعب قاعد يزيد انا حتى أحلامي زادت، انتوا شخباركم طمنوني عليكم؟

Daloo3t_Obooy;10382490:
صباح الخير حوامل
اي والله من لها مزاج تداوم هالأيام، البطن كل ماله ويكبر والتعب قاعد يزيد انا حتى أحلامي زادت، انتوا شخباركم طمنوني عليكم؟

أهلين والله أنا كله تعبانه وأبي أنام وكله مالي مزاج أحد متى تعدي هالشهور بس وبطني بين شويه

صباح الأنوار عليج .. =)