تجمع الحوامل اللاتي يلدن في شهر 3 (مارس- اذار) 2010

مرحبا بنوتات شخباركم؟؟


انا ما اطلع ابد من البيت
يا دوب حق اذا بشتري اغراض ليش اني اطبخ
نص ساعه وانا راجعه

اما الباقي اسليه نفسي يا بالنت يا اطالع افلام
يا نايمه :)

احسن من الطلعات والتعب والاختلاط بالناس
واخر شي يصيبج انفلونزا ولا امراض لي غنا عنها


انتوا شخباركم؟ طمنوني

انا متلك جود مابطلع الاعند الضرورة لاني بحس بتعب لما اطلع وبضل عالنت.الزكام متعبني كتير شكلو المكيف سبب مرضنا كلنا.بحس بوجع الظهر اذا اشتغلت شوي بالبيت الله بعين.

قلب البتول;10343939:
ما شاء اللة اغلبنا بحرينيات اللة يزيد وبارك يلا نبي نعرف تاريخ الولادة

انا اليوم وايد فيني آلام في البطن من اول من قعدت من النوم وليحين تروح وترجع كأنها تقريبا آلام الدورة واحس بشد وغازات فضيعه الله يكون بالعون :(

هلا حبيباتي شخباركم ؟؟؟


الحمدلله الحين احسن .. سويت سونار وقالو لي مايبين :( لمتى ابي اشوووفه ههههههه

ان شاء الله بنوووته قمر ..

شكله الكل يتمنى بنيه هني الله يرزق الكل واهم شي الصحة والسلامة

مساء الخيرات بنات
شخباااااااااااركم

ياهلا ومرحبا بكل اللي انضمو الينا في التجمع والله يكثركم ويتمم الينا على خير

المهم مثل ماقلت لكم ان امس كان عندي موعد عند كارين في ابن النفيس وهذا ثاني موعد لي وياها وكان موعدي خمس الا ربع ومادخلت عندها الا الساعة ست وربع تقريبا والضغط عندي مرتفع بالرغم اني اخذ حبوب الضغط يوميا وقامت تهذر وتهذر وماسكتت الا تبيني اعترف ان الضغط عندي قبل الحمل وانا اقول لها بس في الحمل وهي ابد مصممة على ان الضغط من قبل وعقب سوت لي التراساوند وذبحتني وهي تضغط بكل قوتها لان مثل ماقلت لكم اني متينة وفيني كرشة من قبل وهي تضغط على جرح العملية وكل ما اصرخ واقول خلاص بينفتق الجرح وهي ابد تبي تجوف تقول مايبين واضح وقاعدة تقيس حجم الراس والعمود الفقري وقالت لي كل شي اوكي وماصدقت خلصت من الضغط وماتسكت من دخلت عليها لين طلعت وهي تهذر بر بر بر بر وعطتني نوتة صغيرة تبيني اكتب فيها يوميا شنو اكل وشنو اشرب من الصبح لليل وقالت لي اخذ لي جهاز قياس الضغط علشان يوميا اقيس في البيت مرتين على الاقل

مادري ليش ماارتحت لها هذي ثاني مرة بس احس انها تبي بس تخلص المرضى اللي عندها باسرع وقت
وكتبت لي اسبرين قالت لي لازم اخذه مع حبوب الضغط علشان ينزل وهي حتى في الموعد الاولي قالت لي عنه وسالت دكتورة عن هالشي وقالت لي لا مستحيل الاسبرين زين تقول ان اذا في وحدة تاخذ ادوية فيها اسبرين على طول وحملت يقطعونه عنها بسبب الاسبرين والحين انا متشوشة ومو عارفة شاسوي اخذه او لا

رجاء من البنات اللي عندهم مواعيد خلال هالايام لو تتكرمون وتسألون دكاترتكم عن الاسبرين للحامل اللي تعاني من ارتفاع ضغط الدم واتمنى انكم تكتبون لي الرد

بروكولى ماتقلقيش يا جميل.
انا برضه ضغطى عالى وباخد ألدوميت لظبط الضغط.
وباخد أسبوسيد 75 مجم وده أسبرين .
وباخدهم بقالى فترة والحمد لله البيبى كويس.

انتى عرفتى جنس الجنين ولا لسة؟

قصة كبيرة;10348033:
بروكولى ماتقلقيش يا جميل.
انا برضه ضغطى عالى وباخد ألدوميت لظبط الضغط.
وباخد أسبوسيد 75 مجم وده أسبرين .
وباخدهم بقالى فترة والحمد لله البيبى كويس.

انتى عرفتى جنس الجنين ولا لسة؟

مشكورة اختي على سرعة الرد وشوي طمنتيني عن الاسبرين وانتي في مصر صح ولا في اي بلد؟ لان انا اجوف في البحرين تضارب رأي الدكتورتين وخفت وانا بعد اخذ الدوميت 250 كأن وسالتها ان اذا يسبب تشوهات او لا لان من البداية اخذه قالت لي لا مايسبب شي والحمد لله
والله يتمم عليكي بخير وسلامة (f)
وبالنسبة لجنس الجنين لسة ماعرفتش لان مابين كلش قالت لي اذا كبر شوي ببين وعطتني موعد بعد شهر وان شاء الله خير :wink:

خير يا جميل ان شاء الله وأيوة أنا من مصر.
وباخد زيك ألدوميت 250 :D وماتخافيش مش بيأثر على البيبى ولا حاجة. بالعكس احنا لو سبنا الضغط بدون سيطرة هو ده اللى غلط لا قدر الله

وربنا يتمملنا كلنا على خير ان شاء الله

انا اليوم العصر ان شالله بروح المستشفى و اشيك على أموري ....
حملي هذا مادري ايش فيني من الصدمة مارحت غير مرة و حدة المستشفى و كانت بالشهر الأول لما عرفت اني حامل و الحين انا بدايه الرابع :(
ادري انه غلط ....
بس ان شالله اموري تمام غير شغله وحدة
اعتقد انه الدم عندي ناااازل حيل لأني احس بدوخة براسى مو طبيعية مع صداع شديد و خايفة منه .......

طبعاً بما انه حملي الأول ولد اكيد اتمنى الثاني بنت ... :) :)

بس امانه طمنووني بنات تنصحوني بإبرة الظهر ولا لأ .......

انا توني انضم معك يا ليت اشارككم و تشاركوني

خايفة من حملي هالمرة كثيرررررر يمكن لأنه جاء فجأة

بروكلي الاسبرين عادي ماياثر عل حامل انه كتبته لي الدكتوره من بداية حملي لاني عندي حالة اجهاض وحملي الاولي كان فيني ارتفاع فلضغط بس اهم شي اخذي 75 من الصيدليه يعني لاتاخذين العادي الي فلمستشفى 81 وقالت لي الدكتوره الاسبرين حتى يساعد على تقوية المشيمه انه بولدي فلولاده تقطعت المشيمه
وماعليج شر حبيبتي

اختي بروكولي،

انا سألت دكتورتين من قبل عن الاسبرين والبندول وثنتينهم قالولي مايسببون اي ضرر بالعكس الاسبرين يخفف الضغط وارتفاع الضعط مو زين للحامل يأثر عليها وعلى البيبي، وهم البندول الأزرق للصداع حبتين عند اللزوم وقالت لي بالعكس انتي تضرين روحج لو تميتي مصدعة وايد وانا حتى لو حسيت باعراض انفلونزا اخذ حبتين وانام ويختفي كل شي الحمدلله ...

tinker;10344806:
بنات انا طفلي الأول عمره 7 شهور .. و حملت عليه :(
بس الحمدالله على كل حال و بصراحه ما نسيت المعاناة و تعب الولادة
وهالمرة مفكرة اخذ إبرة الظهر .... ايش رايكم تنصحوني فيها !!!!!!!
انا خايفة بعدين تسبب لي الم ظهر او صداع !!!

هلا خيو انا بعد اجي خاطري اني اخذ الابرة بس بعدين اغير رايي وشلي بعوار الرأٍس هي صح اقولون اتريح بس اجرنا على اللة وهويكون معانا
وانا من النوع الخواف وهالابرة الغلط فيها اسبب مشاكل احنا بغنى عنها ولما تقرين قصص البنات اللي تضرروا منها اتخافين خاصة اللي كتبت قصة ولادتها ولما طلعوا الابرة من ظهرها طلع معاه نقطة دم وهالنقطة سببت لها فراغ بظهرها وبلاوي تخوف ما اقول الا اللة يكرمنا بولادة سهلة وميسرة وطبيعية

بحرينية_حلوة;10348663:

يا رب تبعد عنا كل الأمراض و تبلغنا في عيالنا أصحاء سليمين ما فيهم لا زيادة و لا نقصان ..

انا اللوعة ذابحتني .. في أول 3 أشهر طبعا واصلة top و قلت ان شاءالله ليما أكمل الثالث تخف .. اهيه صج خفت شوي .. بس للحييين فيه لوعه .. و لا يصير اللييييل يعني من الساعه 7 خلاااص تبتدي تزيييد .. تعبببت :confused:

منها ياربببببب تخف عني مع الأيام الياية .. و من (كرمكم الله ) أدخل الحمام لو بغسل أسناني بس .. لازم تزيد و أحس روحي بارجع .. فأغسلهم بسرعه بسرعه و أغسل و يهي و أطلع .. أحس جني مختنقة معني أبطل الدريشة و مو دايما أقفل الباب ..

اللة يكون بالعون على سالفة تفريش الاسنان انا عاد بحمالي ما احب افرشهم افرشهم يوم وشهر اخليهم وشكلي مع كل حملة بقلع ضرس

واللوعه فترة وتعدي انتي ما عليج الا تحسبين الايام عشان تعدي بسرعه

شقوره;10348546:
بروكلي الاسبرين عادي ماياثر عل حامل انه كتبته لي الدكتوره من بداية حملي لاني عندي حالة اجهاض وحملي الاولي كان فيني ارتفاع فلضغط بس اهم شي اخذي 75 من الصيدليه يعني لاتاخذين العادي الي فلمستشفى 81 وقالت لي الدكتوره الاسبرين حتى يساعد على تقوية المشيمه انه بولدي فلولاده تقطعت المشيمه
وماعليج شر حبيبتي

اخ عورني قلبي اشلون تقطعت عليج واكيد تعبوج لما جو بيطلعون القطع انا بولادتي الاخيرة ارتفعت اشوي المشيمة وتعالي جوفي وش سووا في بطني عشان تنزل هالمشيمة ولادة ثانية عليها مشاكل وبولاي بعد

јǿđ;10345780:
مرحبا بنوتات شخباركم؟؟


انا ما اطلع ابد من البيت
يا دوب حق اذا بشتري اغراض ليش اني اطبخ
نص ساعه وانا راجعه

اما الباقي اسليه نفسي يا بالنت يا اطالع افلام
يا نايمه :)

احسن من الطلعات والتعب والاختلاط بالناس
واخر شي يصيبج انفلونزا ولا امراض لي غنا عنها


انتوا شخباركم؟ طمنوني

اي ذكرتيني بما مضى لما كنت بحملي الاول ارجع من الجامعه وانام واقعد اطالع تلفزيون وما اطبخ الا قليل والبيت نظيف ما يحتاج شغل وايد بس اللحين ما شاء اللة اولادي ما يخلون شيء مكانه وطول اليوم تنظيف وراهم واليوم ولدي الصغير مسكين مسخن وتعبان نيمته اللحين وسويت لة بخار وعطيته خافظ حرارة وان شاء اللة يقعد احسن ما ابي اوديه مستشفيات بعالجة بادوية شعبية واذا ما استفاد بودية العيادة على الاقل الناس اقل من المراكز الحكومية

بحرينية_حلوة;10346919:

اي يحليلنا .. أغلبنا بحرينيات .. ما شاءا لله تبارك الرحمن .. الله يزيد و يبارك .. :D

انا موعدي بإذن الله 17-3 .. بس الاسبوع الياي عندي موعد و ان شاءالله اتأكد مرة ثانية و راح أخبركم ..

اما عن أخباري ..

انا من قعدة الدوام ظهري يعورني :confused: و احس ازيد شي صوب اليسار والله جنه عرج مشدووووود .. يعني أحاول اني اتمشى شوي مو طول الوقت قاعدة .. بس من أرجع من البيت و اتسطح ماودي أقوم .. ( يا حلاة السريييييييير )

ههههههههههههههههههههههه انا مثلج بداية حملي كلة راقدة على السرير والسبب هبوط الضغط والحموضة عندي واتملل من قعدة السرير تكسر الجسم والللحين يوم صرت احسن وقمت اشتغل خاطري انام ومن اقعد بالسرير ما ودي اقوم

Daloo3t_Obooy;10346927:
انا اليوم وايد فيني آلام في البطن من اول من قعدت من النوم وليحين تروح وترجع كأنها تقريبا آلام الدورة واحس بشد وغازات فضيعه الله يكون بالعون :(

اقولون هي الالم بسبب تمدد الرحم عشان يتحمل حجم الجنين لا تخافين

ZM143;10347042:
هلا حبيباتي شخباركم ؟؟؟


الحمدلله الحين احسن .. سويت سونار وقالو لي مايبين :( لمتى ابي اشوووفه ههههههه

ان شاء الله بنوووته قمر ..

شكله الكل يتمنى بنيه هني الله يرزق الكل واهم شي الصحة والسلامة

اقول لكم اولاد هالتجمع من قبل ما يجون لدنيا عرفنا صفة فيهم وهي العناد من اللحين اعاندون وما يخلونا نعرف شنو نوعهم

واللة يكرمج ويكرمني بالبنت الصالحة يارب