تجمع الحوامل اللاتي يلدن في شهر 3 (مارس- اذار) 2010

عتوك;10017056:
السلام عليكم يا بنات
ومبروك الحمل لكم ولي
أنا بعون الله ولادتي ب9-3 2010
الله يقومنا بسلامة وهذا حملي الثالث

فلورا2;10018835:

زين إني فتحت المنتدى ولاقيت هالرابطة

أني بعد ضموني وياكم ومثلش يا أخت النرجس موعد ولادتي بأذن الله 19-3-2010 وهاي ثاني حمل لي.
وبالنسبة للوحم متعبني وايد طول اليوم غثيان ومعظم اليوم مسدوحة على السرير, وما أشتهي حتى أفكر في الأكل أو الماي(ما أشرب ماي أو عصير حتى إن زوجي قام يجيب ليي الجح الأحمر عشان أبل ريقي وعادة يكون هذا معظم غذايي وعشايي) ,مانعة على نفسي أدخل المطبخ ,وتكرمون عندي إمساك وما عارفة ليه حل.
وهذا كوم وبنتي كوم عمرها سنتين وسبعة أشهر واجد نشيطة وتبيني على طول العب وياها مثل قبل وتتحجج إذا شافتي على السرير والحين مبدلة زام النوم بعد تقعد طوال الليل تلعب وتاكل لأذان الصبح (الوقت اللي إني وأبوها نبي ننام فيه) ترى إني النهار حتى لو مسدوحة على السرير ما أعرف أنام
وصايرة نفسيتي تعبان ومنهارة من هل وحام حتى إني بعض الأحيان ما أشوف روحي إلا أصيح بدون سبب (وأعرف هذا كله من الهرمونات)
عشان جذي أستانست من شفت هل رابطة وشفتكم وياي, الله يثبت حملي وحملكم ويتمم لينا على خير
أني ليلحين ما رحت المستشفى لايعة جبدي منه بس شكلي مالي بد

بس بسألكم يا بنات عن المثبت اللي تتكلمون عنه وش هو بالضبط

عي المها ون;10019177:
بنات شمسوين مع الوحم انا الحمدلله للحين ماجاني شي وان شاء الله مايصيبني انا في حملتي الاولى كان في وحم ثقيل شوي انشاء لله يكون جنس البيبي غير هالمره لانه خفيف
انا اختي حامل الحين اهي في الشهر الثالث ولاتقدر على الوحم صادها نفس حملها الاول ترجيع وحاله الله يعينها
بس مشكلتي الكبيره احين مع ولدي صاير ماياكل كلش قبل ياكل اكثر من الحين يوم سفرت الخدامه ماكان ودي اسفرها بس سلوكها كشفها وماقدرت اخليها صج مايطريها كلش بس قلت يمكن ماثر على اكله
قولوا لي شنو اسوي له واصناف اكل يحبونها اليهال

نسيم@;10019875:
السلام عليكم الحمد الله على كل حال كان في خاطري ازف لكم الخبر السعيد بس قدر الله ما شاء فعل الحمل وقف عندي وانتظر الاجهاض للمره السادسة والله يخليلي ولدي الغالي ويتبعونة اخوانه وعسى ان تكرهوا شيئا وهوخر لكم وعسى ان تحبوا شيئا وهو شر لكم والله يرزق المحرومين الذرية الصالحة ويثبت حمل الجميع آمين ادعولي الله يعوضني

طيف 22;10020497:
مرحباااا خوااااتي
الله يثبت حملنااا ياااارب ويرزقنا الذريه الصالحه يااارب العالمين ويحفظ كل جنين في بطن امه ويكون بصحه وعاافيه يااارب العالمين انه اول حمله لي بعد الاجهااض من شهرين وانا اخر دوره لي 20\7 ولسه مارحت للمستشفى بس اخذ حبوب تثبيت والله يثبته لي ياااااااااااارب