حلم العذارى;9975707:أنا بغيت أرد على الموضوع ,
لعدة أسباب
مو بس علشان أنصحج !..
*
إنما لأسباب أكثر
[MARK="FF0066"]أستغرب جداً جداً [/MARK]
من البنات إلي يردون على وحدة مترددة في الزواج من ( مطلق ) أبي أفهم ليش ؟!.
جد ليش ؟!.
إذا كان الرجل الكل يشهد بحسن أخلاقه , وما ينقصه أي شي , وجد الرجل ما يعيبه ولا شي
وتوه بعز شبابه 26 سنة ( سن نضوج )
وفوق جذي إنتي ترتاحين له وايد
أبي أفهم شنو عيبه ؟!.
ممكن تقولين لي ؟!.
*
محد يعرف آلم ( الطلاق ) إلا إلي يجربه والله!..
بس إلي ما جربه ما يحس بقيمته أبد
والمطلق , من حقه يعيش حياته حاله حال باقي البشر , مو يصير على الهامش!!!!!!!!
*
عزيزتي ..,
أنا ما بقولج وافقي أو رفضي
بس أحنا هني في المجتمع البحريني , صغير وايد
يعني لو سآلتي عنه عند كل منه .. والكل مدحه , وقال إنه زين
لأن لو فيه شي مني مناك , لازم بيقولون لكم
وإحنا ديرة صغيرونة كل شي ينعرف فيها
تطمني !..
وبعد سآلي عنه أزيد
وفوق جذي , هو قالج إنها مشاكل وخلافات زوجية مالها حل و وصلت لطريق مسدود
وهو شاب صغير 26 سنة
يعني ما عاش معاها فترة طويلة ,
الحين زوجته خذت البنت , و تلاقينها تزوجت
ومستانسة , وعايشة حياتها
وهو المسكين ؟!.
ما يعيش حياته , ما يتزوج يعني ؟!.
*
أنا أحس سبب تافه إنج ترفضينه فقط لأنه ( مطلق )
المطلق , لا هو عيب ولا هو حرام
و بنته ما بتعيش معاه , بيتم يشوفها بين فترة والثانية
وأي شي بينه وبين طليقته ما بيتعلق إلا بهالطفلة
وأكيد لو تزوجتوا راح .. تكونين شايفته شلون يتعامل مع بنته & طليقته
يعني مو معقولة ما بيحطج بالصورة بعدين
السؤال ؟!.
إنتي بتعيشين معاه أو مع طليقته و بنته والناس ؟!!!!!!!!!
الناس ما تشبع حجي ترى!..
*
عزيزتي ..,
فكري بعقلج وما عليج من كلام الناس
إذا حسيتينه شاب ما يتكرر .. ونصيب حلو وإنتي مرتاحة له وايد .. هذا المطلوب
وهو زين ,
وأهله زينين ,
ما أعتقد فيه عيب
أهم شي إنسان يخاف ربه , أخلاقه معروفة بين الناس , وشخصيته حلوة
إذا كل شي متوفر فيه
ما عليج مطلق أو لا !..
[MARK="FF0066"]إذا إنتي صغيرة 19 سنة , هو بعد صغير 26 سنة .. يعني إنتي ما بتضيعين شبابج [/MARK]
*
أكا أنا مطلقة ؟!.
يعني عيل محد يتقدم لي ؟. بس خلاص ما فيني فايدة ؟.
لو أحد تقدم لي بيقولون له لا تاخذها هذي ( مطلقة ) ؟!. مو حرام هالنظرة من المجتمع
[MARK="FF0066"]رحموا المطلقين شوي! [/MARK]
*
فكري بعقلج بدل المرة آلف مرة
وقرري على أسس أقوى من المظاهر ( مطلق )
قلت لج الواحد أهم شي يخاف ربه , وأخلاقه زينة
شتبين بعد ؟.
الوحدة ما يبغي إلا الستر مع واحد خلوق ,
*
[MARK="FF0066"]وإذا ما صار نصيب!.. [/MARK]
وتقدموا لج ..,
حطي في بالج نقطة مهمة
إنج تسآلين عن ( الأمراض الوراثية ) في المقابلة قبل الفحص الطبي
يعني أفضل من إنكم ترتاحون لبعض
وفي الفحص الطبي ما تطلعون مناسبيين ,
من الحين أقولج ضروري ذكر هالنقطة!..
*
والله يوفقج إن شاء الله
(y)(y)