بنات .. قولو لنا .. شنو الزيت الي نفع ؟؟ وشنو الي ما نفع معاكم ؟؟ يللا دخلوووو !!!

فراولة باردة;10113908:

هلا حبيبتي !!!

هاي صورة الامبولات .. وسعر العلبة الوحدة 20 دينار !!!!!!
وتلقينها في الصالونات .. مو الصيدليات !!!

وانا عن نفسي ... الصبار الي بس وقف التساقط !!!!!!!!!!!!
ويعطي كثاااااااافة ملحوظة من اول استخدام !!!
اما دابر املا وقت الي احطه بس ... يطيح شعري .. ولما اغسله .. لا !!!!!!
ان شاء الله راح انزل موضوع جديد ..
شنو الي نفع .. وشنو الي ما نفع .. لاني وااااااااااااايد جربت اشياء لشعري !!

persian_moi;10133780:

اختي فراولة باردة انا ماكان فيني صبر رحت اليوم شريت الامبولات خخخخخخ
انزين الحين كل يوم استخدم امبولة كاملة ولا شلون طريقة الاستخدام الصحيحة؟
وتتوقعين جم علبة بحتاج عشان اكمل فترة العلاج اللازمة لانه مكتوب على العلبة لازم علاج 6 اسابيع والعلبة فيها 10 امبولات فمادري المفروض كم امبولة باليوم !

جيجي كبش;10133917:
مافيه زي دابر املا بس الريحه تدوخ بس حلللللللللللللللللللللللللو

فراولة باردة;10134808:

هلا حبيبتي !!!!!!!

انا الامبولة الوحدة ... حق مرة وحدة ..
غسلي شعرج مرتين في الاسبوع ... يعني بتحطين 2 كل اسبوع !!!!!!!
شنو تسوين ؟؟
عقب ما تغسلين شعرج !!!!!
حطيه ودلكي به فروة راسج ... وبعدين جففي شعرج بالمجفف او تركيه بروحه ينشف .. يكون احسن وما يتعب شعرج من المجفف انا اسوي جذي !!!!!!
من وين انتي حصلتيه ؟؟؟؟؟؟؟؟!!!!!!

أموت بعيونه;10135683:
من اي صالون بنات يبيعون منتجات لوريال لبروفيشينال غير الريجنسي ؟

العج مدام مي;10136230:
روووعه الموضوع بس الصراحه الكثافه مااعرف بس شعري احسه يرتاح اذا حطيت عليه زيت الثووم..

دلوعه زمآني;10136280:
والله اني شعري رآآيح فيهآ دمآآر
لما احط زيوت يتسااقط في اليوم الي احطه اعظم !!!!!!
أما عن الزيت !!!
استعمل زيت السمسم !!!!
وشكراً .. صاحبة الموضوع .. على الموضوع المميز يستاهل التقييم !!!!

persian_moi;10137753:

مشكورة فراولة بس هو مكتوب انه نستخدم امبولة وحدة في اليوم .. انتي من قالج انه مرتين في الاسبوع بس؟ شكلي اليوم بوديه الصيدلية وبخليهم يشرحون لي بالتفصيل
حصلتهم من صالون ستايل اللي يصير مجابل يم يم الخريطة والسعر مثل ماقلتي 20 دينار

فراولة باردة;10138140:

هلا حبيبتي ..

هو المفروض .. تحطينه بعد كل غسلة شعر !!!!!!!!
وانا اغسل شعري مرتين في الاسبوع ( قاعده احاول ) ... يعني احطه عقب كل غسلة ...
خالتي كانت تستخدمه جذي ..
والله العظيم اني ما اجذب ... صار مالها فرق !!!!!!!!!!!!!!!!!!!!
يعني فروة راسها ما شاءالله ... ما تبين !!!!!!!!

مشكلتي;10140026:

ماشاء الله
موضوووووووع في قمة الروعة
واتمنى من كل بنت لاتبخل علينا بالشي الزين
تسلم يدك يالفراااولة بصراحة موضوع حلوووووو
المهم انا استخدمت :زيت النارجيل والخروع والسمسم والزيتون وحطيت عليهم مسمار شوي عشان الريحة وقريت على الزيت وحطيته
مع الاستمرار وقف التساقط واللحين شعري بدى يكثف بس ياخسارة خلصت الكميه لازم اشتري من جديد

تسلم يدك

persian_moi;10138485:

اهااا جذي يعني .. معناتها انا بستخدمه 3 مرات في الاسبوع .. انا ماشجعني الا كلامج عن خالتج وقريبتج لانه اذا عن نفسي فقدت الامل في كلشي :D انزين خالتج جم علبة استخدمت؟ وفي شكثر بانت النتيجة ؟ وبعد سؤال هي شنو كان سبب الفراغات اللي عندها يعني من صبغة او وراثي او حالة نفسية ....
أدري وايد سألت خخخخخ :o