ما عندي شعر

حبيبتي اانصحك بزيت الخروع بنت خالتي كان شعرها قلييل جداااااااااااااا وستعملت زيت الخروع بعد شهرين والله سار كثيييييييييييييير ويجنن وكمان اذا تبغي استعملي الحنه

فعلا مثلما ما قالت الاخت كول على طول استخدمي الحناء حلوه جدا للشعر وبالنسبه للزيت بالنسبه لي الصبااااااااااااااااار لا غنى عنه كثافه وطول ونعومه
وهذا رابط موضوع للاخت فراوله بارده عن الصبار ان شاء الله يفيدك

http://forums.3roos.com/t467947.html


ان شاء الله اكون قد افدتك اختي ... وعلى فكره انا استخدم زيت الصبار الصيني


دمتِ في حفظ الرحمن ,,

اختي دايم اقول انه لازم تتاكدين ان الحديد عندك اوك
لانه لو كان ناقص شعرك راح يتساقط حتى لو جربتي
جمييع خلطات الشعر اللي توقف التساقط
اذا كان كل شي سليم استخدمي الخلطات اللي تناسبك

سلااااااااااااام

شخبااااارك

حبيتي عندك زيوت كثيرة حلوة بس لازم تستمرين
زيت الخروع ..زيت النارجيل ..زيت الصبار <<هذا الزيت بنات كثير يمدحونه
واذا تساقط شعرك زيادة عادي هذا شي دايم يصير لي اول مااستخدم الزيت
وعندك الحنا يكثف الشعر بعد خذي وصفة حور جنان حقة الحنا كثييير يمدحونها

واي سوال انا حاضرة

وان شاء يكثر شعرك ويوقف تساقط ويصير زي ماتتمنين
ااااااااامين

اول شئ انصحك عزيزتي تروحين تسوين فحص دم يمكن لا سمح الله يكون عندك فقر دم او نقص فيتامينات.

ايام الجامعة صديقتي كان عندها نقص وكان واضح في وجهها وكانت ضعفانه وما تاكل وعندها تساقط فظييييييييييع اتخيلي لدرجة انها صارت صلعة بكل معنى الكلمة مقدمة راسها خلاص صلعة وحجم شعرها كله ما يجي بحجم صبعين . طبعا اول شي عطوها فيتامينات واهتمام بالاكل، ثانيا صارت تسوي اسبوعيا زيت خروع ولما تغسل شعرها تاخذ فوطة مبللة بالماي الحار وتلف به شعرها ، والحمد لله كان في تحسن .

يعني عزيزتي اول سبب للتساقط يكون داخل الجسم نفسه مو خارجه. يعني فحصي اول وشوفي وان شاء الله خير.

حبايبي تسلموون ع مشاركاتكم (f)

زيت خروع استعملته من قبل وما جفت نتيجه منه

وانا عندي فقر دم وهالايام واايد بالي مشغول وافكر حتى النوم ما انام عدل

وان شاء الله بجرب زيت صبار

مشكلتي فديتج ممكن تعطيني الرابط :)

دووم اسمع عن الحنه بس ولا مره جربته

انسانه بلا روح;9963793:
حبايبي تسلموون ع مشاركاتكم (f)

زيت خروع استعملته من قبل وما جفت نتيجه منه

وانا عندي فقر دم وهالايام واايد بالي مشغول وافكر حتى النوم ما انام عدل

وان شاء الله بجرب زيت صبار

مشكلتي فديتج ممكن تعطيني الرابط :)

دووم اسمع عن الحنه بس ولا مره جربته

عندك فقر دم وتفكرين كثير ولا تبين شعرك يتساقط
شي طبيعي

حبيبتي هذا الرابط
http://forums.3roos.com/t376762.html
والوصفة هي
(وصفتي الحنا الفتاكة )

ملعقتين كبارحنا كويسة
ملعقتين كبار سدر
ملعقة خل تفاح
ملعقة كبيرة محلب
3ملاعق كبار كريم ماكسام الاصلي الصيني
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز
ملعقة كبيرة زبادي
ملعقتين عسل اصلي

قسم بالله روعه يابنات تطول بسرعه خيالية وتكثف وتغذي وتعطي لمعه رهيبة لاتفوتكم الحنا ضروري للشعر استخدمها مرا كل اسبوع مع وصفة الزيوت الي تحبوها ووصفتي ماتنشف الشعر لاني مسوية جدول خاص بي مرا حنا ومرتين وصفتي بزيت النارجيل ررروعه لاتفوتكم وصفاتي يابنات

الطريقة

تعجني المكونات مع بعض بنات تصير شبة سائلة موثقيلة حيل ضعي على شعر نظيف ومغسول جيدا بنات بعدين غسل الشعر بالشامبو ووضع حمام زيت التي تستخدمية

ضعي ماسك الحنا لمدة 4 ساعات فقط

بالنسبة للصبغات انصح الي تصبغ شعرها لاتضع الحنا الا بعد 6 او 8 شهور على الصبغة لان الحنا يدمر الشعر المصبوغ يابنات والحنا لها فوائد في تطهير فروة الراس وتعقيمها وتعطي حيوية للشعر ونضارة اذا استمريتي عليها مستحيل استغني عن وصفتي لان صار شعري يحسد علية ماشاء الله

المهم اختي انا اشوفك تشكين فقر دم فانصحك اول شي التغذية او خذي فتامينات لانه لازم اول شي تحلين علاج التساقط بعدين تسوين خلطات تكثييف


والله اني حاسه فيك ياااااااااااااااارب شعرك يوقف تساقط

في ااامان الله

شوفي حبيبتي انا انصحك تروحي للصيدليه
وتشتري فيتامينااات حبوب الحديد والكالسيوم وفرووز
اختي كان شعرها مافيه نظاره وقليل والله يوم استخدمت الفيتامينااااااااااات
تغيرت 180 درجه
دعواتك يالغلا

اختي حاولي تاكلين اشياء مفيده مثل الاسماك واللحوم والالبان والاجبان والفواكه والخضار وشربي ماء كثير
بالنسبه للشعرك استخدمي دابر دوم اسمع انه مفيد

عزيزتي بما انه عندك فقر دم وتعيشي حالة قلق انصحك تروحي عند الدكتور وخبريه بالمشكلة وطلبي منه يكتب لك فيتامينات لأنه هو الوحيد اللي يحدد انتي شنو ينقصك بالضبط من فيتامينات وغيرها. صدقيني الزيوت والخلطات وحدها ما راح تجيب نتيجة لأن علاجك من الداخل اولا .

واهتمي بالتغذية ، كلي فواكه وخضار وايد وعصائر طبيعية. لما تطلعين للمطاعم ما تطلبي مشروبات غازية ولا عصائر مصنعة، اطلبي عصير فريش . عودي نفسك على هالشئ . وحتى بالبيت اشتري فواكه واعملي عصائر .

ياا ربي لازم اروح المستشفى ما احب هالمكان ولاا ادانيه
والحديد يمتن انا مابي امتن بالغصب نزلت وزني وصار جسمي حلو بعد اخربه
اهئ اهئ
رفيجتي كانت تاخذ الحديد وصارت متينه وطلع لهاا خدود :ss:
وانا مابي
راح اجرب خلطه الحنه وزيت صبار وراح اكل فواكه وخضروات
بس اشلون الواحد ياكل وماله نفس بشي :confused:
عالعموم فديت قلوبكم ما قصرتووو
ربي يعافيكم من كل شر ويريح بالكم (f)

انسانه بلا روح;9971738:
ياا ربي لازم اروح المستشفى ما احب هالمكان ولاا ادانيه
والحديد يمتن انا مابي امتن بالغصب نزلت وزني وصار جسمي حلو بعد اخربه
اهئ اهئ
رفيجتي كانت تاخذ الحديد وصارت متينه وطلع لهاا خدود :ss:
وانا مابي
راح اجرب خلطه الحنه وزيت صبار وراح اكل فواكه وخضروات
بس اشلون الواحد ياكل وماله نفس بشي :confused:
عالعموم فديت قلوبكم ما قصرتووو
ربي يعافيكم من كل شر ويريح بالكم (f)

عشان صحتك لازم تروحي . وبعدين يمكن ما تحتاجين لكبسولات حديد والدكتورة بتقولك كلي مأكولات فيها حديد، او تقدري تقولي للدكتورة ما ابي كبسولات حديد وانك راح تعوضي بالاكل الصحي ، واطلبي منها تعطيك فيتامينات.