يابنات مصر ممكن تدخلوا لحظه مش هتندموا ابداااااااااااااااا (فرح اسلامي)

موضوع ررائع يابطه

بس للأسف أهل العريس لا يمكن يوافقوا على انى اعمل فرح اسلامى (استغفر الله العظيم) ربنا يهديهم
لكن أنا نفسى واتمنى ان يكون فرحى اسلامى وانى ابدأ حياتى الجديدة بطاعة ولو لزم الأمر معملش فرح أساساً

وربنا يحلها من عنده

ياترى الكاب ده شكله ايه ؟ انا معرفوش بصراحة
لكن محتاجة حاجة تكون ساترة وشيك فى نفس الوقت للحنة
ياريت حد يعرض صورته

ماشاء الله فكرة حلوة جدا يا قمر انا كتب كتابي كان اسلامي و جميل جدا و على فكرة ان شاء الله البناء بردة هيكون اسلامي فلو محتاجين اى مساعدة انا تحت امركم

الامومة..
الله ييسر امرك و ادعي كتيير انه الله يغير قلوبهم و يعينك على تطبيق مايرضي الله



هيدا هو الكاب

اول رد فيه الصورة
http://go.3roos.com/KLjlnmfGJY8

نرمين حرب;11257840:
السلام عليكم
ممكن حج يساعدنى ويعرفنى ايه نظام قاعات المهندسين وخصوصا الباسنت وعايزه اعرف البوفيه اسعاره ايه
وكل سعر شكل البوفيه بتاعه ايه وهل 4700 شاملين البوفية ولا لا و4700 دول شاملين ايه بجد ياريت رد بسرعه لانى انا من اسكندرية وعايزه احجز هناك لانى هتجوز فى طنطاوياريت بجد موضوع البوفيه ده لانه مهم ليه جدا

ازيك ياقمر عامله ايه
قاعة المهندسين جميلة اوي الباسنت
الاوركيد صغيرة وفيها عواميد
الباكدج بتاع الباسنت شامل
اول حاجه القاعه تسع لحد 350 فرد
الترابيزات فرش كامل
تجهيز كوشة للعروسين
زفة مشاعل في مدخل القاعة
شربات للعروسين
دي جي حفلة كاملة
ليزر ودخان
2 بالون ف مدخل النقابة باسم العروسين
تصوير فيديو ميكسر 3 ساعات ويسلم مع الشريط نسخة سي دي
شاشة عرض
تكييف مركزي
تجهيز باحدث وسائل الضوء
40 صورة فوتوغرافية ديجيتال هدية من النقابة لابرز لقطات الحفل او بوستر بصورة العروسين في مدخل القاعه مقاس 1 متر ف 0.7 متر
2 اسانسير
ده ب4700 لغير المهندسين
وب3700 للمهندسين وضيفي عليه تورتة 3 ادوار هدية من النقابة للمهندس

وفي امكانية عمل افراح اسلامية منفصلة او غير منفصلة
وفي افراد خدمة بنات للسرفيس والتصوير وكل حاجه

البوفيه بقى
2 جاتوه وكانز ب10
1 ساندوتش لحوم و1 قطع جاتوه وكانز ب12
1 ساندوتش لحوم 2 قطعة جاتوه وكانز ب14
2 ساندوتش لحوم و1 قطعة جاتوه وكانز ب15
1 ساندوتش لحوم 1 قطعة جاتوه 1 ميني بيتزا 1 باتيه 2 ساليزون 3 باتون ساليه وكانز ب17
2 ساندوتش لحوم و2 قطعة جاتوه وكانز ب18
عيش و3 نوع سلطة ورز فرنساوي ونصف فراخ مشوية وسمبوسة وبطاطس شيبسي وقطعة جاتوه وكانز ب32
عيش و3 نوع سلطة ورز بالخلطة ومشوي ومشكل ( 2 شريحة لحم و2 سيخ شيش طاووق و2 كفتة) سمبوسة بطاطس شيبسي وقطعة جاتوه وكانز ب35

لو عايزة اي تفاصيل قوليلي انا مذاكرة كويس ههههههههه
لاني كنت هعمل فرحي فيها:)

بطوط انا خطيبي بقولي حجز القاعة كتب الكتاب اللي في المسجد فيها كوشه ودي جي اسلامي وزفة اسلاميه وطربيزات للمعزيم بس الصراحة مش عارفة هيفصلوا بين الرجاله والستات ولاايه
بعد الجواز هاجي اقلكوا كان نظام الفرح ايه
ادعلي ياقمر يكون اليوم جاااااااااااااااااااامد
وعقبال فرحك ان شاء الله

يا بنات انا حجزت قاعه وكنت عايزه الفرح اسلامي وللاسف منفعش لاني كنت عايزاه اسلامي ومختلط عشان صعب احجز قاعتين بس ملقتش فرقه اسلاميه كويسه في اسكندريه ففكرت اني احجز قاعه ومحطش دي جي اغاني ولا يكون في رقص واتفقت مع صاحب القاعه انه يدخلنا زي شو فولكلور مصري وبعدين شويه وفرقه شباب صعيدي وبينهم موسيقى هاديه جدا وكانب عزمت قرايبي على حفلة عشا وقعدنا سوا شويه ولا يكون في رقص بنات ولا اغاني لان الفرق دي مجرد ان الناس هتتفرج عليهم مش هيرقصو معاهم ويارب يكون حاجه كويسه ومش فيه معصية

السلام عليكم ورحمة الله وبركاته
ازيكوا يا قمرات، ربنا يعينكوا جميعا ويباركلكوا ويتمم فرحتكوا على خير.
انا كنت بشارك في الموضوع ده من اول من نزل وكان عاجبني جدا واستفدت منه كتير، بس انقطعت عنه باه بعد ما ربنا كرمني وتزوجت الحمدلله.
انا بشارك دلوقتي بصراحة عشان احكيلكم عن تجربتي انا لعلها تفيدكوا باي شكل، انا ياقمرات عملت فرحي اسلامي طبعا الحمدلله، كان في مسجد الحجاز بفيصل طالبية، هوه مسجد امور كده وحالته معقولة اوي، هوه فيه قاعة واحدة فقط للمناسبات، وعندهم اوبشن انهم يقسموها بحاجز في النص للفصل بين الرجالة والستات، وده الاوبشن اللى استخدمته الحمدلله، سيناريو الفرح كان كالاتي: ندخل القاعة انا اقعد مع الستات والعريس يقعد مع الرجالة، ثم يبدا كتب الكتاب طبعا الماذون بيعقد القران واحنا سامعينه عشان بيتكلم في مايك، يخلص كتب الكتاب، مباركات باه من الاهل وكده، هتكون ساعة حجز القاعة انتهت، ثم مغادرة القاعة.
للاسف المسجد صعب يتجاب فيه فرقة بنات، لان مكان السيدات بيكون مش كبير اضافة لان الغناء والهيصة هيكونوا مسموعين بوضوح خالص عند الرجالة، فممكن الرجالة همه اللي يكون عندهم فرقة بس برضو متكونش كبيرة وكده لان المكان مساحتة مش ضخمة بحيث يحتوي على فراغ لفرقه باه وكده، ممكن حاجة بسيطة كده بدفوف وخلاص.
انا طبعا الهيصة الحقيقية بالنسبالي كانت في الحنه، كنت عاملاها عندي في البيت وكلها بنات وبس وجبت فرقة بنات ولبست لبس امور وحطيت مكياج امور وروشت وبس.
طبعا بالنسبة لوجهي باه والمكياج وفستاني وكده عملت ايه فهقولكوا، قلت من البداية انا مش عايزة اعمل فورمة في شعري ولا البس فستان مكشوف واخد راحتى وكده ، بما ان اصلا هيه ديتها ساعة كتب الكتاب وبس لا هيكون في فرقة ولا اغاني ولا هعمله في قاعة منفصله ليا فاضبط نفسي صح يعني، وبالتالي لقيت ان الكاب مش هيكون له لازمة معايا طالما مش هعمل شعري ولا هلبس فستان مكشوف، فقررت ان فستان الفرح يكون محجبات يعني بكم ويكون حشمة أو على اقل تقدير يكون ببوليرو ،بما اني مش هلبس كاب وهظهر قدام الناس برضو وانا خارجة من الكوافير ومن القاعة، وقررت برضو اني اختار طرحة للفرح تكون ادوار يفضل 3 ادوار مثلا عشان انزل دورين على وشي لما اكون قدام الناس ويداري وشي بالمكياج بدرجة كويسة والدور التالت يباه نازل على ظهري عادي.
وهنا طبعا بدات رحلة بحث طويييييييلة عن الفستان، :060:، هوووف ياربي، طبعا كل الفساتين الموجودة حمالات او كب وتحتها بدي والبدي طبعا ماسك وممكن يكشف جزء من الرقبة فاضطر الف الطرحة على رقبتي كمان وحواااار تاني خالص، فقلت ادور على حاجة بكم منه فيه مش بيتركبله لان التركيب برضو بيباه مش شيك اوي وبيباه ضيق برضو زي البدي، لحد ما لقيت محلين فقط فيهم اللي انا عايزاه واحد اسمة نانسي او باربي في روكسي قصاد الحرية مول، ده كان عندة بوليروهات لذيذة يباه فعلا شكلها حلو مع الفستان، ومحل تاني في شارع مصر والسودان قبل كنتاكي على الناحية اللي قصاده للاسف مش متذكره اسمه برضو؛ من كتر مالفيت دماغي ساحت:worn_out:؛ فيه حاجات نحسها مختلفة عن اللي في المحلات التانية وكان الوحيد اللى لقيت عنده فستان محجبات، بكم واسع والفستان نفسه حشمة مش محزق وكده وكان شيك خالص وشدني من اول ماشفته والحمدلله من فضل الله برضو لقيت في المحل ده تشكيله طرح كتتتتير معظمها كان ادوار واختارت واحدة امورة كده ب 3 ادوار وكبيرة كده.
اللى حصل باه يوم الفرح اني لبست الفستان ومكنتش فيه تنتوفة باينة مني ، ورحت الكوافير عملت ميكب زي اي عروسة ولفيت طرحة سبانش برضو زي اي عروسة والكوافيرة ركبتلي الطرحة الادوار وقلتلها تنزل دورين على وشي وتكشكشهم كده عشان يبقوا الى حد كبير مداريين وشي بالمكياج وكده، ولما وصلت القاعة ودخلت مكان السيدات رفعت الدورين ووانا خارجة نزلتهم تاني ، وتمت الليلة على خير الحمدلله
وعقبالكوا كلكوا ياحلوين وانا تحت امركوا في اي حاجة
ربنا يسعدكوا جميعا
F:F:F:F:

طالبة الحق;12060540:
السلام عليكم ورحمة الله وبركاته
ازيكوا يا قمرات، ربنا يعينكوا جميعا ويباركلكوا ويتمم فرحتكوا على خير.
انا كنت بشارك في الموضوع ده من اول من نزل وكان عاجبني جدا واستفدت منه كتير، بس انقطعت عنه باه بعد ما ربنا كرمني وتزوجت الحمدلله.
انا بشارك دلوقتي بصراحة عشان احكيلكم عن تجربتي انا لعلها تفيدكوا باي شكل، انا ياقمرات عملت فرحي اسلامي طبعا الحمدلله، كان في مسجد الحجاز بفيصل طالبية، هوه مسجد امور كده وحالته معقولة اوي، هوه فيه قاعة واحدة فقط للمناسبات، وعندهم اوبشن انهم يقسموها بحاجز في النص للفصل بين الرجالة والستات، وده الاوبشن اللى استخدمته الحمدلله، سيناريو الفرح كان كالاتي: ندخل القاعة انا اقعد مع الستات والعريس يقعد مع الرجالة، ثم يبدا كتب الكتاب طبعا الماذون بيعقد القران واحنا سامعينه عشان بيتكلم في مايك، يخلص كتب الكتاب، مباركات باه من الاهل وكده، هتكون ساعة حجز القاعة انتهت، ثم مغادرة القاعة.
للاسف المسجد صعب يتجاب فيه فرقة بنات، لان مكان السيدات بيكون مش كبير اضافة لان الغناء والهيصة هيكونوا مسموعين بوضوح خالص عند الرجالة، فممكن الرجالة همه اللي يكون عندهم فرقة بس برضو متكونش كبيرة وكده لان المكان مساحتة مش ضخمة بحيث يحتوي على فراغ لفرقه باه وكده، ممكن حاجة بسيطة كده بدفوف وخلاص.
انا طبعا الهيصة الحقيقية بالنسبالي كانت في الحنه، كنت عاملاها عندي في البيت وكلها بنات وبس وجبت فرقة بنات ولبست لبس امور وحطيت مكياج امور وروشت وبس.
طبعا بالنسبة لوجهي باه والمكياج وفستاني وكده عملت ايه فهقولكوا، قلت من البداية انا مش عايزة اعمل فورمة في شعري ولا البس فستان مكشوف واخد راحتى وكده ، بما ان اصلا هيه ديتها ساعة كتب الكتاب وبس لا هيكون في فرقة ولا اغاني ولا هعمله في قاعة منفصله ليا فاضبط نفسي صح يعني، وبالتالي لقيت ان الكاب مش هيكون له لازمة معايا طالما مش هعمل شعري ولا هلبس فستان مكشوف، فقررت ان فستان الفرح يكون محجبات يعني بكم ويكون حشمة أو على اقل تقدير يكون ببوليرو ،بما اني مش هلبس كاب وهظهر قدام الناس برضو وانا خارجة من الكوافير ومن القاعة، وقررت برضو اني اختار طرحة للفرح تكون ادوار يفضل 3 ادوار مثلا عشان انزل دورين على وشي لما اكون قدام الناس ويداري وشي بالمكياج بدرجة كويسة والدور التالت يباه نازل على ظهري عادي.
وهنا طبعا بدات رحلة بحث طويييييييلة عن الفستان، :060:، هوووف ياربي، طبعا كل الفساتين الموجودة حمالات او كب وتحتها بدي والبدي طبعا ماسك وممكن يكشف جزء من الرقبة فاضطر الف الطرحة على رقبتي كمان وحواااار تاني خالص، فقلت ادور على حاجة بكم منه فيه مش بيتركبله لان التركيب برضو بيباه مش شيك اوي وبيباه ضيق برضو زي البدي، لحد ما لقيت محلين فقط فيهم اللي انا عايزاه واحد اسمة نانسي او باربي في روكسي قصاد الحرية مول، ده كان عندة بوليروهات لذيذة يباه فعلا شكلها حلو مع الفستان، ومحل تاني في شارع مصر والسودان قبل كنتاكي على الناحية اللي قصاده للاسف مش متذكره اسمه برضو؛ من كتر مالفيت دماغي ساحت:worn_out:؛ فيه حاجات نحسها مختلفة عن اللي في المحلات التانية وكان الوحيد اللى لقيت عنده فستان محجبات، بكم واسع والفستان نفسه حشمة مش محزق وكده وكان شيك خالص وشدني من اول ماشفته والحمدلله من فضل الله برضو لقيت في المحل ده تشكيله طرح كتتتتير معظمها كان ادوار واختارت واحدة امورة كده ب 3 ادوار وكبيرة كده.
اللى حصل باه يوم الفرح اني لبست الفستان ومكنتش فيه تنتوفة باينة مني ، ورحت الكوافير عملت ميكب زي اي عروسة ولفيت طرحة سبانش برضو زي اي عروسة والكوافيرة ركبتلي الطرحة الادوار وقلتلها تنزل دورين على وشي وتكشكشهم كده عشان يبقوا الى حد كبير مداريين وشي بالمكياج وكده، ولما وصلت القاعة ودخلت مكان السيدات رفعت الدورين ووانا خارجة نزلتهم تاني ، وتمت الليلة على خير الحمدلله
وعقبالكوا كلكوا ياحلوين وانا تحت امركوا في اي حاجة
ربنا يسعدكوا جميعا
F:F:F:F:

ريـري;11578426:
بطوط انا خطيبي بقولي حجز القاعة كتب الكتاب اللي في المسجد فيها كوشه ودي جي اسلامي وزفة اسلاميه وطربيزات للمعزيم بس الصراحة مش عارفة هيفصلوا بين الرجاله والستات ولاايه
بعد الجواز هاجي اقلكوا كان نظام الفرح ايه
ادعلي ياقمر يكون اليوم جاااااااااااااااااااامد
وعقبال فرحك ان شاء الله

ممكن لو سمحت تبعتولى جروبات الفرق الاسلامية على الفيس بوك على الخاص
وجزاكم الله خيرا

بطة الجميلة، بصي ياقمر ، المحل اللي جبت منه الفستان ،لقيت الكارت بتاعه عندي الحمدلله، هوه اسمه تباهي، زي ما وصفت كده بالضبط ، لو انتى جايه من محطة مترو الدمرداش وماشية في شارع مصر والسودان هتلاقيه قبل كنتاكي على الناحية التانية ، على الشمال يعني، لو عايزاني اكتبلك العنوان ورقم التليفون قولي ياقمر وانا ابعتهملك على الخاص، لاني مش عارفة اذا كان مسموح اكتبهم هنا ولا لا.
بالنسبة باه للطرحة، للاسف والله ياحبيبة قلبي ظروف يوم الفرح ده مسمحتش خالص اني اتصور بالطرحة، انا اتصورت يدوب كام صورة كده لما روحت البيت وكنت رفعتها ، لان زوجي مكنش مرحب بالتصوير خالص عشان الحرمانيه
المهم انا هشرحلك فكرتها ايه، هيه طرحة عادية خالص زي الطرح اللى بنشوفها في محلات التاجير، اختاريها بس بتلات ادوار، يعني انتي لما بتشوفي الطرح في المحلات بتلاقي طرحة عادية مش ادوار وفي طرح دورين وفي تلاتة، انتي اختاري واحدة تلاتة ادوار، وفي الكوافير بتنزلي دورين على وشك؛ المعتاد انك تنزلي دور واحد بس زي ما كنا بنشوف في افلام زمان كده والعريس يرفعها من على وش العروسة ويبوسها في جبينها مثلا وكده، انتي باه نزلي دورين عشان يدارو وشك بالمكياج ، لان قماشة الطرحة اصلا بتباه شيفون او تل فبيكونوا شفافين جامد، كل اللى هتقوليه للكوافيرة انها تثبت الدورين دول لما تنزليهم بدبوسين مثلا من عند جبينك كده يعني، عشان الدورين دول يبقوا مكثفين على وشك وميبينوش حاجة ، يعني بعد ما تنزليهم لميهم بحيث يكونوا مداريين الوش اكتر حاجة مش منسدلين على الجناب ، لان كل ما كانوا مكثفين كل ما هيداروا وشك اكتر ، والدبوسين دول عشان يثبتوا الدورين في مكانهم زي ما عملتيهم ومينسدلوش على الجناب.
لما توصلي القاعة بالسلامة باه تشيلي الدبوسين دول وترفعي الدورين دول من على وشك، ووانتي خارجة تاني من القاعة، تنزليهم وتداري بيهم وشك كويس وتخلي اي حد يحطلك الدبوسين دول عشان تثبت او انتي حطيهم لنفسك ، لانهم سهلين جدا يعني، وعلى فكرة هتعرفي تشوفي كويس متقلقيش عادي يعني.
اتمني اكون عرفت اشرحلك ياقمر وربنا يسعدك ونفرح بيكي قريب وانا تحت امرك في اي حاجة

طالبة الحق;12616925:
بطة الجميلة، بصي ياقمر ، المحل اللي جبت منه الفستان ،لقيت الكارت بتاعه عندي الحمدلله، هوه اسمه تباهي، زي ما وصفت كده بالضبط ، لو انتى جايه من محطة مترو الدمرداش وماشية في شارع مصر والسودان هتلاقيه قبل كنتاكي على الناحية التانية ، على الشمال يعني، لو عايزاني اكتبلك العنوان ورقم التليفون قولي ياقمر وانا ابعتهملك على الخاص، لاني مش عارفة اذا كان مسموح اكتبهم هنا ولا لا.
بالنسبة باه للطرحة، للاسف والله ياحبيبة قلبي ظروف يوم الفرح ده مسمحتش خالص اني اتصور بالطرحة، انا اتصورت يدوب كام صورة كده لما روحت البيت وكنت رفعتها ، لان زوجي مكنش مرحب بالتصوير خالص عشان الحرمانيه
المهم انا هشرحلك فكرتها ايه، هيه طرحة عادية خالص زي الطرح اللى بنشوفها في محلات التاجير، اختاريها بس بتلات ادوار، يعني انتي لما بتشوفي الطرح في المحلات بتلاقي طرحة عادية مش ادوار وفي طرح دورين وفي تلاتة، انتي اختاري واحدة تلاتة ادوار، وفي الكوافير بتنزلي دورين على وشك؛ المعتاد انك تنزلي دور واحد بس زي ما كنا بنشوف في افلام زمان كده والعريس يرفعها من على وش العروسة ويبوسها في جبينها مثلا وكده، انتي باه نزلي دورين عشان يدارو وشك بالمكياج ، لان قماشة الطرحة اصلا بتباه شيفون او تل فبيكونوا شفافين جامد، كل اللى هتقوليه للكوافيرة انها تثبت الدورين دول لما تنزليهم بدبوسين مثلا من عند جبينك كده يعني، عشان الدورين دول يبقوا مكثفين على وشك وميبينوش حاجة ، يعني بعد ما تنزليهم لميهم بحيث يكونوا مداريين الوش اكتر حاجة مش منسدلين على الجناب ، لان كل ما كانوا مكثفين كل ما هيداروا وشك اكتر ، والدبوسين دول عشان يثبتوا الدورين في مكانهم زي ما عملتيهم ومينسدلوش على الجناب.
لما توصلي القاعة بالسلامة باه تشيلي الدبوسين دول وترفعي الدورين دول من على وشك، ووانتي خارجة تاني من القاعة، تنزليهم وتداري بيهم وشك كويس وتخلي اي حد يحطلك الدبوسين دول عشان تثبت او انتي حطيهم لنفسك ، لانهم سهلين جدا يعني، وعلى فكرة هتعرفي تشوفي كويس متقلقيش عادي يعني.
اتمني اكون عرفت اشرحلك ياقمر وربنا يسعدك ونفرح بيكي قريب وانا تحت امرك في اي حاجة

جزاكم الله خير يا قمرات ديه اول مشاركه لي معاكم وانا حبيتكم في الله واتبسطت جدا بمعرفتكم وبجد استفدت منكم كتييييييييييييييير قوي وربنا يباركلكم وييسرلنا زواجنا كلنا
ان شاء الله فرحي قرب بس لسه محددناش ميعاد ودعواتكم يا بنات لحسن الدنيا متأزمة ع الاخر وان شاء الله حعمله اسلامي مع ان محدش عمله في العيله قبل كده فربنا يستر ويكون كويس عشان ابقى قدوة
بس يابنات نفسي اعمله اوبن اير ويكون فترة قبل المغرب عشان ان شاء الله حكون انا وخطيبي صايمين اليوم ده ونفطر في البوفيه بس لو سمحتم يا بنات اللي تعرف اسعار الفيلل اللي كانت محطوطة في الموضوع ده في الاول كده ياريت تقول لنا عليها ويارب الاسعار تكون حنينه وشكرا لمجهودكم الرائع

للرفع

موضوع حلو يا بطه ويا ريت فعلا اللى تقدر تعمله تبقى تمام انا بقى حضرت افراح اسلامى كتير وبجد حاجه تانيه خالص وفرحه تانيه خالص عارفين فرحه فيه رضاء ربنا عليكى

يعطيك الف عااااااااااااااااااااااافيه