محتاره جدا

السلا عليكم ورحمة الله وبركاته
انا متزوجه ليا ٣ شهور ونص قبل لاتزوج كانت دورتي غير منتظمه كانت شهر تجي وشهر لا ويمكن مره ولا مرتين تجلس اربعه شهور ولاتجي مره من المرات قبل ٥ سنين سويت تحليل وقالت الدكتوره هرمون الحليب عالي واعطيتها لدكتور تاني قال نسبتوا طبيعيه مو جدا مرتفعه بس يمكن لمن اخذتي التحليل ونفسيتك تعبانه واخذت الدوستانكس وبعدها الدوره تجيني شهر وشهر لا خلال الخمسه السنين الماضيه وفي كل سنه مرتين اسوي تحليل هرمون ويطلع طبيعي واسوي اشعة التراساوند مافي اي شي تقلي الدكتوره انتي طبيعيه مره
بس المشكله انو الشهر الي قبل اتزوج فيه ماجاتني الدوره والشهر الي اتزوجت فيه المفروض بعد الزواج بيومين مو عدها وماجات والثلاثه الشهور الي بعدها كمان ماجات قبل ٤ ايام ومافحصت عند دكتوره لاني في غربه وفي شوية مشاكل بس اجرب اشرطة الحمل وتطلع نقتيف وقبل ٤ ايام نزل نقط دم فزوجي خاف وقال يمكن حمل ولانو تعبتي نزل الدم مع اني مااحس باي اعراض ورحت اليوم الي بعدها للدكتوره وسوت لي فحص البول وماطلع شي وكشفت عليا كشف سريري قالت مانتي حامل ومن بعدها وانا استنى الدوره ومانزلت ليا ٥ ايام دحين ماني عارفه ايش اسوي ابغا الدوره تنزل واموري تتعدل عشان كمان اقدر احمل ولانو بطني بدات تنتفخ ونفسيتي تعبت ومابغا اخذ برليموت ان يتخني وخايفه يكون في شي

ارجوكي يادكتوره ارجوكي ساعديني انا من لمن بلغت وانا في دوامه وخوف ودحين زاد ارجوكي شوري عليا وبايش تنصحيني

الله يجزاك بالخير