استفسار بخصوص ابر الهيبارين

السلام عليكم دكتور الحمدالله انا حامل بعد معاناتي مع مشاكل بطانه الرحم انا سبق لي الاجهاض ثلاث مرات متتاليه وجميع تحاليلي كانت سليمه آخر دوره كانت 23-5 ودورتي طولها 30 يوم سويت تحليل هرموني قبل موعدها اب 3 ايام وكانت النسبه 44 و بعد 48 ساعه اصبحت 125 اعطتني الدكتوره ابر هيبارين كل يوم ابره وجواسبرين مره وتحاميل سايكولوجيست مرتين وبريجنا بلان مره وفوليك اسيد مره ورحت سويت سونار وكان المفروض يكون لي 6 اسابيع كان بتاريخ 6-7 وسوت سونار خارجي بين الكيس وقالت في بيبي وفيه نبض بس مو قادره اسمعه لانه صغير وسوت لي سونار داخلي والحمدالله سمعنا النبض وقالت النبض 120 وقالت ضعيف بعطيك ابر تثبيت عشان يصير اقوى وشافت تدفق الدم بشرايين الرحم وقالت لازم ازيد جرعه الجواسبرين بدال مره تصير مرتين وقالت اشوفك بعد اسبوعين اشوف تحسن او لا وقالت عندي نسبه تخثر بالدم واذا ما تحسن بعد زياده جرعه الجواسبرين ازيد جرعه الهيبارين والحين اخذ المثبت ابرتين كل ثلاث ايام وانا خايفه من كثره الادويه هل الاسبرين مرتين ممكن يضر وبالسونار قالت لي البيبي مبين عمره 5 اسابيع و3 ايام هل هالشي طبيعي علما قالت لي كل شي هلثي بس الخوف ملازمني مدري ليش وهذا العلاج يفيد لتخثر الدم وممكن يتم حملي على خير باذن الله وحملي تم بدون علاج او منشطات واجهاضاتي كان الحمل بعلاج ومنشطات دكتور هل جرعه الجواسبرين مرتين مضره للبيبي ممكن تسبب تشوهات لا سمح الله