:sa31:
كيفكم ياحلوااااات ان شاء الله تكونون جميعا بخير.....
اليوم حبيت اخبركم عن تقرير رحلتي المتواضعه الى الهند ارض العود والعنبر:)
سبب الرحله بيزنس وسياحه واستجمام
وعلى فكره الموضوع متجدد كل يوم ان شاء الله رح احاول ادخل واكتب يومياتي واحط صور بسيطه مباااااااااااااااااشره من الهند للحبيبه قلبي عروس
واحب الفت انظاركم الى الهند بلد طبيعه خيااااالي ارشح الهند افضل من ماليزيا لسياحه وهذي تظل وجهت نظري(f)
تم الحجز عن طريق الخطوط السعوديه وطبعا زفت ماانصح بالتعامل معاهم لانهم عرقلوا رحلتنا وجننونا تخيلوا جلسنا 17ساعه بالمطار كل شوي يأجلون الرحله:mad:ماصارت لعبه؟؟
المهم بعد عناء وتعب بالمطار اقلعت الطائره الساعه 2ليلا بتوقيت الرياض وكان حجزنا على درجه اولى علما باني اشوفها جدا عاديه مافيها زود مقارنه بخطوط الخليج الي ارشحها للجميع (y)قمه الراحه والخدمه المتميزه
وصلنا الى مدينه بومباي وكانت الساعه اتوقع بس ماني متأكده انها 10 او 11 بتوقيت الهند
وحصلنا السواق الي متفقين معاه من قبل ينتظرنا عند باب المطار معها ورقه كاتب فيها اسم زوجي والسلام عليكم:D
المهم توجهنا الى فندق تاج محل ومالقين فيه حجز كان فل بعدين رحنا لفندق الهيلتون وعلى طوووووول احلى نوووومه:21_162:كنا تعبانين مرررره
وصحينا تقريبا على قبل المغرب وصلينا الظهر والعصر ونزلنا تحت اللوبي واكلنا ساندوتشات تشكن:21_21:جدا لذيذه وعصير اناناس وبعدين طلعنا نتمشى قدام الفندق وحصلنا محلات مثل قوتشي واستي لودر و...الخ واخذنا فيها فره وبعدينا رجعنا للفندق
وريحنا في الغرفه الين جانا النوم......
اليوم الثاني
صحينا كلنا نشااااط:yahoo:ونزلنا نفطر على الساعه 9 الصباح
وبعد الفطور راح زوجي لشغله وانا جلست في اللوبي اتفكر في الاجواء الخياليه الامطاااااار الغزيره والخضره شي لايوصف وبعدها طلعت للغرفه وفتحت النت اسلي نفسي الين جاء زوجي بعدين مشينا الساعه 2 الظهر الى منطقه كندالا تبعد عن بومباي ساعه ونصف يعني 150كيلو تقريبا وهي عباره عن جبل اخضر لايوصف من جماله كله شلالات وخضااااار ومنتجعات اليوم الي طلعنا فيه كان اجازه عندهم فلااسف ماحصلنا حجز في النتجعات الفايف ستارز كلها فوووول فاضطرينا ناخذ جوله ونصور الشلالات والسد الي بناه الاستعمار البريطاني القديم وكم صوره على الطاير ورجعنا الى بومباي وكان الطريق يخوف باللليل واحنا ننزل من الجبل ووصلنا لبومباي الساعه 10 الليل وتجهنا لتاج محل الي حجز لنا فيه سواقنا وكان فندق بمعنى الكلمه على كثر الفنادق الفخمه الي زرتها ماشفت افخم ولا ارقى من تاج محل وكانت غرفتنا مقابله للبحر وبوابه الهند:thumbs:منظر ولا اروع
يوجد بتاج محل ثلاث مطاعم متنوعه من ضمنها مطعم هندي نعشينا فيه اكله مررره لذيذ وبعدينا طلعنا لغرفتنا وخلدنا الى النوم:21_210:
وفيه نقطه مهمه عن تاج محل الليله تقريبا ب750 ريال وهو مايقارن بالهيلتون النصابين الي الليله فيه 1200ريال
اليوم الثالث صحينا متأخر وراح علينا الفطور:gum:وطلبنا كابتشينو وبث:D_smil1:
بعدين صلينا الظهر والعصر جمع تقديم وانطلقنا الى حديقه الحيوان وبصرااحه مافيها زووود وهذي صوره لتمثال اعجبني في الحديقه واسمحوالي الصوره من موبايلي لان الصور الكميرا بنزلها لكم ان شاء الله اذا رجعت لارض الوطن سالمه غانمه:21_148:
العمله الهنديه...روبيه
ريال سعودي =10روبيه
افضل خطوط داخليه انصح بها في الهند هي:FLY KINGFISHER
سعرالتذكره على الخطوط السعوديه درجه اولى ذهاب واياب في شهر 7: 3300ريال سعودي لشخص
افضل الفنادق في مدن متفرقه بالهند:......
مدينه بومباي(موباي):
1-فندق تاج محل
2-فندق الهيلتون
مدينه كوتشي:
1-فندق لي مريديان LE MERIDIEN
2- افخم منتجع في ولايه كيرلا عموما THE LEELA
KEMPINSKI KOVALAM
3-منتجع رمادا
مدينه البي:
منتجعLAK PALACE
مدينه مونار:........
منتجع CLUB MAHINDRA
مدينه كاليكت:.......
فندق تاج
نصيحه من خلال تجربتي حجز الفنادق عن طريق مكتب او اي حد من الهند للحصول على سعر اقل بكثير....((مثال:عن طريق حجزنا مباشره من الفندق تاج محل الليله ب1800ريال وعن طريق في بومباي اصبح السعر 750ريال))
اهم المعالم :
بوابه الهند في بومباي
السد الذي بناه الاستعمار البريطاني في كندالا تبعد عن بومباي ساعه ونص بالسياره
المعلم التاريخي المعروف تاج محل في مدينه دلهي
افضل المطاعم:
مطعم خيبر في مدينه بومباي
مطعم هندي في فندق تاج محل في بومباي
احلى شارع في مدينه بومباي:شارع كلابا
افضل المحلات للعطور ودهن العود يتوافدون عليهم التجار من كل مكان:محمد ايوب للعطور
اجمل المدن السياحيه بولايه كيرلا:.......
1-كوتشين....2-البي.....3-كوماراكم>>ويوجد بها الهاوس بوت البيت العائم متعه بحد ذاتها....4-تيكدي....5-مونار.....
6-كاليكت.....
المواصلات: استخدمت السائق الخاص بماانها رحله عمل وكانت السياره والسائق من نفس المكتب الهندي الذي نعمل معه....والتاكسي في الهند تكلفه 7دقائق ب2ريال اي مايعادل 20روبيه هنديه جدا رخيص ....او بالامكان استأجار سياره والحصول على سائق خاص ويجيد ا
اللغه العربيه عند الطلب....
المناخ:الجو معتدل رطب عموما وبارد على المرتفعات وامطاااااار غزيره في شهر 6-7-8 ميلادي
تشتهر الهند بالعود ودهن العود ذا الجوده العاليه والسعر المناسب والذهب والالماس بديزايانات مميزه وراقيه واسعار اقل(y)
وتشتهر بالبهارات وانواااع الشاهي عالي الجوده ....الخ
الشعب الهندي شعب طيب وخدوووم بدرجه اولى ولديهم خدمه متميزه عن باقي الدول....
هذا ماكان في جعبتي ومن تجربتي وخبرتي المسبقه:)
لي عوده ان شاء الله بكل جديد حتى يسهل على كل مسافره الى الهند اخذ المعلومات بسهوله:wink:
فندق الهيلتون
TRIDENT NARIMAN MUMBAI
هذي صور لافخم منتجع في كيرلا والصور من موقع الاوتيل:)
THE LEELA KEMPINSKI KOVALAM BEACH HOTEL
هذا موقع لسلسه فنادق تاج محل الافضل في العالم والهند تحديدا......
Mumbai Hotels India - Hotels in Mumbai: Taj Hotels in Mumbai India
وهذا موقع لي مريديان كوتشين
LE MERIDIEN HOTEL
Modern Hotels - Le Méridien Hotels & Resorts
التوقيع:
" alt="" loading="lazy">
وعلى فكره حبيبات قلبي اعذرووني اذا فيه تقصير سواء بالاسلوب اوفي الصور لانها اول مره اكتب تقرير عن رحله:21_207:
اتمنى يعجبكم كل شي بموضوعي حتى تصويري الخايس:21_201:
