التجمع الثاني للحوامل اللاتي يلدن في ديسمبر 12/2009

وبعدين طلعت وطيران على عيادة الدكتورة فوزية كمال :D ذبحتني الشمس :cool: وكان الشارع مخربط ولكن وصلت بسلامة ودخلت ما كان هناك الا انا :) اخذ الممرض مني المعلومات وقالي دخلي ودخلت جهزت نفسي على السرير ويات الدكتورة وسوت لي التراساوند وقالت هذا رجل البيبي وهذا العمود الفقري وهاذي المعدة وهاذي الكبد وكل شيئ اوكي اها بنت شوفي قلت لها ما اشوف شي :o قالت لي ايش عندج قلت لها ثلاث اولاد ضحكت :D قالت من جذي ما تشوفين شيئ وردت روتني العضو التناسلي وكان واضح :o وبعدين رحنا للوجه وكانت ماشاء الله عليه تينن بس كانت تحط يدها على ويها ما ادري ليش بزور خذينا لها صورة فيها ملامحها القمر (S) وبس ورحت بيت امي اريح اشوي وبعدين رحت البيت وانتظرت زوجي وما كنت مخبرته اني بروح لدكتورة فوزية كمال فقلت له ورويته صورتها واستأنس واااااايد وعطيته السي دي بس ما فتح على الكمبيوتر :(:confused: وفي ليل سألني متى تدخلين السابع قلت له تقريبا بعد 10 ايام قال بس ولدي في السابع :eek: قلت ليش قال وايد يولدون في السابع شكله تحمس لما شاف بنته :D نسيت اقولكم عطتني موعد ولادة حسب التراساوند 11 /12 !!

ما شاء الله عليها (a)
ربي يحفظ القمر لامها ان شاء الله
هههههه .. شكله زوجج واجد متحمس للبنوتة :cool:
الله يردج في وقتج ان شاء الله (f)
عسولة اغير موعد ولادتج لو اخليه نفسه ؟؟

اي كلش طبخات سهلة
بس ويهج:o بيتغير وبعرفج

ههههه .. اي و الله صدقتي
ويهي بيصير الوان :o

بنشوفها وبنسوي مثلها وان شاء الله تضبط
شكرا شكرا :o ان شاء الله بسويها وبنزل لكم الصور بعد

خبريني بالنتيجة
اكييد طلعت حلوة :wink:
اي سويها و راوينا الصور :cool:

مسااااااااااااااااااااااء الخير على الجميع اخباركم واخبار البيببات اخبار الرفس معاكم انا ساعات ما اقدر انام من الحركه وساعات بسيطه كلش وايد احاتي الحركه احس ببناتي اول الحركه وايد اقوى مع انه اوزانهم صغير ه بس ما شاالله الحركه كانت وايد زينه

مساء الانوار يا هلا (f)
وينج انتي ؟؟ وين تختفيين ؟؟
طمنينا عليج و على البيبي
بالنسبة للحركة طبييعي اتزيد في بعض الاحيان
و بعضها اتقل الحركة .. لا تحاتين (y)

تسلمين يالغالية يدوم لج الخير
إن شاء الله راح اطمنكم اليوم بعد الفطور موعدي
يارب يكون كل أموري خير لأنه زايده فيني الآلام وخصوصاً أمس
مقدرت أمشي من الألم اللي بورجي الله يكون بعونا والله يسهل علينا إي أنا دائماً من اطلع من المستشفى احط لها الفكس واشربها الأدول بس يقولون أن تطعيم سنة ونص يكسر الله يستر من يوم الأربعاء الله يكون بالعون شخبارج أنتي وشخبار برهومي هااا اشوفج بتديتي تجهزي لبرهوم الله يوفق لج وتمم لج على خير وقومج بالسلامة وتشوفي برهوم بحضنج يارب :)

الله يسلمج من كل شر
ننتظر انج اتطمنينا و يا رب كل امورج تكون تمام (y)
ما عليج شر يا الغالية
ان شاء الله ما تمرض و لا شي (y)
انا الحمد لله بخير و برهوم بعد بخير :wink:
ان شاء الله وياج يا رب (f)





الحمد لله بخير
انتي شخبارج ؟؟ و البيبي ؟؟
ان شاء الله يا رب الله يسمع منج (f)

سلام صبايا
كيف الحال؟

اشتقتلكم كتير , بس عن جد ما في وقت ادخل النت , يا اما تلاقيني متمده او على التلفزيون او اركض ورا بنتي ملوكه يلي معذبتني و مش راضيه تاكل شيء.

هل فتره ما عندي و لا موعد حاسه بملل , احب اروح لمواعيدي و اشوف النونو او اسمع قلبه بس يلا شو بدي اعمل. الدكتوره تقول ما بدها تشوفني الا قبل 3 اسابيع من الولاده

عليكم السلام
هلا حبيبتي (f)
الحمد لله بخير .. انتي شخبارج ؟؟ و البيبي ؟؟
الله يساعدج ع بنوتج ان شاء الله
ليش ما عندج مواعيد لمتابعة شهرية لتقدم الحمل معاج ؟؟ :rolleyes:

ما شاء الله فكرتك حلوة و روعة و جديدة و بنفس الوقت بسيطة الله يتمم لج على خير

مشكورة حبيبتي :wink:
ان شاء الله يارب وياج (f)

ما شاء الله حلوة ملابس برهوم يتهنى فيهم يا رب و ان شاالله انا بنزل بداية تجهيزات ولدي بعد

عيونج الحلوة (f)
ان شاء الله يارب
ننتظر تجهيزاتج حبيبيتي :wink:

هلا بخواتي شخباركم عساكم بخير

يعطيكم العافية جميعا

هلا حبيبتي (f)
الحمد لله بخير .. انتي شخبارج ؟؟ و البيبي ؟؟

يتهنى برهوم بالملابس يازهرة السعادة وتسلم اناملك ع الشعيرية

ان شاء الله يارب
و يسلمج ربي من كل شر (f)

زهرة السعادة

ملبوس العافيه وربي يقر عينج بشوفة ابراهيم يارب العالمين

ان شاء الله يارب
وياج حبيبتي .. الفال لنا كلنا ان شاء الله :wink:

رحت امس اشتريت لي 3 قمصان للاستقبال حق الولادة وافتكيت بس يبلهم تعديل وان شاء الله بصورهم لكم وعندي بعد 4 جابتهم لي وحده من اهلنا من البحرين بس من الخبر وبسيطين وعجوبني للايام العادية
باقي اشتري ملاابس داخليه
الا منها تبع الاستعمال اليومي الي ينابع بالصيدليه نفس الشبك اكيد تعرفونه
وكل ماراح اشتري شي راح اغسله وع طول بالشنطه
والله يكرمك شبشب
وواغراض الحمام
من استشوار وفرشاه ومشط للشعر وموس حلااقه مو حق لحيتي اكيد هههه
لاني مسويه ليزر فيادووب يطلع شعر صغيرر
وبكره بروح اكمل باقي الاغرلض وكل ماراح اشتري ع طول بغسل وبالشنطه عشان افتك مره وحده
بنات بقول لكم شي
ادعو حق مرت ولد خالتي مسكينه نزل عليها دم ووشوي ماي ونومها بالمستشفي هي بالاول السابع ياقلبي والله كسرت خاطري
قلت خليني اجهز حق عمري صار الواحد مايضمن نفسه
وبعدين حطو ببالكم انكم ع السابع راح يزيد الثقل لاان البيبي يزيد 200 غرام بالاسبوع وبالعربي تثقلون ووايد
ووحده من ربعي قالت لي انا مادخل السابع الا مسكره شنطتي وفكاه عمري
بس هالسوالفي اليوم
ادري تعبتكم

زين وايد زين (y)
الشي اللي تشترينه تفتكين منه بعدين :cool:
ذكرتيني يبي لي اشتري لي ثياب داخلية (i)
ما عليها شر .. ان شاء الله ربي يثبت لها و يكمل باقي شهورها على خير
و يردها سالمة هي مع اللي ببطنها قادر يا كريم
و ربي يتمم علينا بخير و ولادة سهلة ان شاء الله (f)

ماشاء الله اتصليتي لهم والله زين بس انتي متأكده انه الدوره مجانا والله ابي اروح بس السياره ياخذها زوجي ويوهقني

اتفقي مع زوجج يوم الثلثاء
في وقت التدريبات انتي تاخدينها
يعني هو كل يوم في الاسبوع و لمدة ساعة !! (y)

و على فكرة انا استغربت من
انه التدريبات مجانا في التخصصي
و في مستشفى السلمانية ب 10 دينار !! :eek:

جوفي انا اتصلت لتخصصي
و سالتهم عندكم تدريبات للحوامل ؟
قالت : لي اي عندنا (y)

قلت لها : طيب متى اوقات التدريبات :rolleyes:
قالت لي : في شهر رمضان يوم الثلثاء من ساعة 8 الى 9 مساءاً
و بعد شهر رمضان يوم الثلثاء من ساعة 7 الى 8 مساءاً

قلت لها : كم لازم اكون مجتازة من شهور الحمل ؟
قالت لي : على الاقل تكونين في السابع :cool:

قلت لها : انزين الدورة كم مدتها ؟؟ >> انا ع بالي انها تدريبات تستمرلمدة شهر مثلاً او شي جدي (i)
الا تقول لي : لا التدريبات على طول مستمرة بدون انقطاع ! :rolleyes:

انا اهني اتوقعت انهم يحسبون على كل زيارة او تدريب مبلغ من المال (i)
جان اسالها : يعني كل مرة اجي ادفع لكم للتدريب ؟! (a)
الا اتقول لي : لا التدريبات مجاناً ! :ss:

انا استغربت :eek: و شكرتها و صكيت التلفون !

تدرين قبل لا اروح عندهم برد اسال عن هذه النقطة :ss:

بموعدي اليوم كله نصائح غذائية غير أنه بفطورني يوم للفحص السكري عندما أدخل السابع لأني لحين ما دخلت قالت لي تاريخ 7/9 أدخل السابع وفحص السكري تاريخ 14/9 بفطرونا غصب عنا مو مستوعبه الوضع :ss:وسألتني تسحرين قلت لها إي تقول لي ساعة كم قلت ليها 12 أو 1إلا تقول لي لا هذا مو صحيح أنتي يعني قاعده تصومين اكثر من الساعات المحدده العامة للجميع للصوم وهذا يضر بالجنين الحين قالت لي لازم تسحرين الساعة 3 علشان البيبيه تاخذ حاجاتها الكافية من الطعام وأني قاعده احاتي نفسي
وقالت لي كثري من السوائل وأنا ما اشرب سوائل زين وهذا مضر بي وبالبيبيه تقول لي بعدين ينزل السكري تطلع حجمها صغير مثل اختها جبتها كيلوين و5 غرام ياربي الله يتمم لنا على خير ويتقبل من صيامنا والله يعينا على صيام باقي الشهر

انا لو اتسحر ساعة 3 اموت
اتسحر ساعة 12 و اقعد 5 ميتة من الحموضة :confused:
الله كريم رحيم
بس عن السوائل حبيبتي لازم اتكثرين منها (y)
عشانج انتي و البيبي لا يجيج جفاف شر عنج
ربي يتمم لج على خير ان شاء الله و تفرحين بالبيبي (f)

:15: عروسات :15:

لاحظوا ان احنا صفحة 192 (i)

و باذن الله راح نفتح تجمع جديد بصفحة 200 (y)

فأي وحدة تجوف صفحة 199 اتجهز روحها لتجمع الجديد :cool:

و مبروك مقدماً على التجمع الثالث (g)