بناءاً على طلب الجماهير
نكمل احداث القصة >> لا تصدقين روحج وايد :tongue:
وصلت البيت تقريبا على 10:30
و خبركم الحمام " و انتو بالكرامة " اول شي ادخله بس اوصل البيت :ss:
و لما دخلت جفت دم بملابسي الداخلية :ss:
انا ما عرفت هذا من شنو و لا ادري اذا طبيعي لو لا ؟!
لاني ببداية حملي كان ينزل علي بس قالت لي الدكتورة عادي
بس احين انا بالشهر الرابع نهايته هل هذا طبيعي ؟؟ ما ادري :ss:
فقمت و اتصلت على اختي " الله يحفظها "
و انا ما عندي الا اختين الله يخليهم (a) .. و نتيجة ولادة بنت اختي المتعسرة :ss:
اتصلت على اختي الوسطية (i) .. مع انها المسكينة كانت معانا طول الوقت
و ارهاقها مثلنا و اكثر:( .. لكن ما عندي ذيك الحزة الا هي :ss:
لا تقولون لي وين امج ؟؟
لانه امي معاي بنفس البيت .. بس لو قلت لها ذيك الحزة فيني شي تموت مكانها :confused:
فقلت الى اختي اللي جفته بملابسي
و سالتني جم سؤال حسب انها عندها خبرة مني (i)
فقالت لي اني اروح الطوارئ و ما اسكت عن الموضوع :rolleyes:
لانه الدم كان موقف علي من 3 اشهر و احين نازل مرة ثانية (w)
انا ذيك الحزة خفت شوي :ss:
لاني كنت من صبح ذاك اليوم و انا احس بالم
و حركة البيبي كانت مؤلمة خصوصا اذا جى تحت :(
فقلت لزوجي بالموضوع
و اخذني مباشرة على الطوارئ
تقريبا وصلنا هناك على 11:20 بالليل (i)
دخلت على الدكتورة
و قلت لها عن اللي جفته
فقالت لي روحي على السرير عشان نفحصج :rolleyes:
و انا مدري بضبط شنو بتسوي بس رحت
جت و قالت لي نزلي ملابسج الداخلية عشان افحصج من تحت
انا حزتها .. كنت خايفة .. متلخبطة .. و تفكيري مو وياي :ss:
فقمت و نزلت ملابسي
و فحصتني بشي بلاستيكي عشان تتاكد انه الرحم مو مفتوح عندي (i)
و الحمد لله
طلع الرحم مصكوك و ما في عليه اي دم (a)
و المسكينة اختي
طول الوقت ع اتصال بي :ss:
و لما عرفت انه فحصوني من تحت هاوشتني
و قالت لي لا تخلين احد يلمسج من تحت فاهمة :mad:
بعد ما كملت الفحص الدكتورة
قالت لي انتي الليلة رقاد عندنا عشان نطمن عليج اكثر(y)
سوا لي تحليل للبول
عشان الالتهابات .. بس الحمد لله ما في (y)
سوت لي اترساون و قالت البيبي تمام
بس بنسوي لج تخطيط و بعدين بنوديج الجناح (i)
حطوا لي جهاز التخطيط
ما كان لقياس نبضات البيبي .. كان لقياس التقلصات في الرحم :ss:
زوجي في هذا الوقت
ما كان يقدر يدخل علي واجد (n)
لاني كنت موجودة بحجرة ما قبل الولادة و في بنات وايد (i)
الممرضة جات و حطت علي مغذي
و ليتها ما حطته .. لانها استخدمت اطول ابرة موجودة
يمكن طول الابرة داخل ايدي 4 سم .. عورت ايدي و طول الليل ما نمت منها :confused:
الجهاز كان يقيس التقلصات
و وصل اعلى رقم 46 في الشاشة :ss:
و لانه حفظنا الارقام من ولادة بنت اختي >> فكان هذا معناته طلق :ss:
لما قلت الى اختي هذا الرقم
بغت اتموت .. بس هي ما بينت لي شي :ss:
و قالت لي .. ما عليه اللي فيه خير الله يقدم (i)
قلت لها اني الليلة بنام بالمستشفى
قالت لي اتصلي لامي و خبريها .. قلت لها لا !
قالت لي : ويش فيج مجنونة ؟؟ انتي معاها بالبيت !! :rolleyes:
قلت لها : انا لما طلعت من البيت طلعت بدون ما تدري >> مثل الحرامية
عشان لا تحس بشي .. خصوصا انها المسكينة توها جاية من السفر (i)
كملوا التخطيط
و قالوا لي بينقلوني فوق
و انا اسال الممرضة عن التخطيط :rolleyes:
الا اتقول لي : اوكى طبيعي ما فيه شي .. باجر الصبح بتجيج الدكتورة (i)
ذيك الليلة ما نمت
اول شي لاني مو مصدقة كلام الممرضة
الرقم كان كبير .. شلون اتقول عادي و طبيعي :rolleyes:
ابرة مالت المغذي مالمتني عدل و مو قادرة احرك ايدي (n)
ناديت الممرضة مرتين
عشان اتشيله بس مو راضية :ss:
اتخيلوا من التعب و الارهاق
كنت اغفى و احلم ان الممرضة جت و شالته
اصحى اجوفه موجود و اتضايق :ss:
حماتي كانت ذيك الليلة مداومة
بالمستشفى لانها ممرضة بس بجناح ثاني
وما قدرت اتمرعلي الا الصبح بعد ما كملت الدوام (i)
و ردت هاوشتني لاني خليتهم يفحصوني من تحت :mad:
صارت ساعة 7 تقريباً
و بدات الدكتورة تدور على المرضى (i)
جت و سالتني اذا كان ما زال ينزل علي دم فقلت لها لا (y)
و انا ذيك الحزة مو قادرة اتحمل ابرة المغذي خلاص فقلت لها ما ابيها !
و شالوها اخيراً الحمد لله (y)
و بعدها بشوي جت الدكتورة الاعلى منها
و سالتني جم سؤال و قالت لي بنرد نسوي لج اترساون
و اذا هذا بنفحصج من تحت ! :rolleyes:
قلت لها لا (i) البارحة سوا لي و الحمد لله كل شي اوكى (y)
قالت بس عيل بنسوي اترساون من جديد نتطمن اكثر (y)
بكمل لكم القصة باجر
تعبت و انا اكتب :o