bent^cute;10056165:
مرحبااااااا يا بنووووتاااات
معليش من زمااان ما طليت عليكم ,, انشغلت والله مع شغالتي
مرضت وخفت لا يكون فيها انفلونزا الخنازير بس الحمدالله كل شي سليم ولله الحمد
والله الاسبوع الي راح كل يوم اروح السوق اشتري للبنوته الجديده اغراض
المشكله ولادتنا بالشتاء وما احصل شتوووي الا ناااااادر
بس الحمدالله شريت لها كم قطعه فخمه وملابس بيت ودي أصور لكم اياها بس مافيني حيل والله
بكره عندي موعد الترااساوند رباعي ملون عشان اشوووف البنوته العسل
واختها كل ما اشتري لها شي تغار منها مع اني أخبي الملابس عنها بس هي الله يهديها تحوس وتدور
علمتوا أحد ايش جنس الجنين الي فيكم والا خليتوه سر
هلا فديتج،، ويييييين هالغيبه، عاد لا تقطعينا والله نتوله عليج حبيبتي
وحمدلله ع سلامة خدامتج --> عاد كله ولا الخدامه ان مرضت البيت كله يمرض لووولز
وفديت بنوتج الغياره ، بس حاولي ادسين عنها الاغراض فمكان ابد ما تشوفه ولاغ ترى بيبدأ يتعمق لديها الاحساس بالتفرقه لانها بتعتقد انكم تحبون البيبيه اليديده اكثر عنها ولا قدر الله تتعقد وتعيش حزينه بدون ما حتى اتحسين
اسم الله عليها
وانا عني اعلنت الخبر ،، لووولز ،، مش مستاهله اني ادس
قلتلهم تقول الدكتوره فيني بنت والعالم الله
بس عادي يعني
انتي؟