التجمع الثاني للحوامل اللاتي يلدن في ديسمبر 12/2009

ياي ع فكره التنزيلات فيها اشياء حلوووه لملابس اليهال،، بس والله وبعد التنزيلات بعدهن غاليات،، لووولز،، والله ادمز اشياءه روووعه وحتى موذركير بس والله ضوووو خصوصا اننا لازم ناخذ اشياء وايده:
الشبريه ،والعربانه ، والملابس ،، و ،، و ،، و،،
وانا خايفه اخذ واخرشي تطلع لي مب بنت!!! والله صدق بتوهج،، لووولز ،، عادي بلبسه وردي المهم يحلل لفلوس ،، لووولز ،، اظن ريلي بيذبحني بيقولي خليتي الولد دلووع

صح كلامج (i)
امس كنت في سيتي سنترعندنا في البحرين
و محلات الاطفال كلها تخفيضات .. بس حتى مع التخفيضات غالية (n)
يعني ما في شي نقدر نقول عنه صفقة :rolleyes:

السلام عليكم ورحمة الله وبركاتة ....

كيفكم حبيباتي؟؟؟؟

:15::15::15::15::15::15::15::15:

حبيت اكون صديقة جديدة معاكم في هذا التجمع الرائع
وان شا الله اني افيد واستفيد..... وانا الان حامل في الاسبوع 17

:15::15::15::15::15::15::15::15:
تقبلوا مروري,,,,
اختكم
نونة الكمنونة (f)(f)

عليكم السلام و رحمة الله
مرحبا فيج بتجمعنا حبيبيتي (f)
ان شاء الله تستفيدين منا اكبر استفادة (a)
و ربي يسهل عليج ولادتج ان شاء الله
يا ريت حبيبتي اتحطين تاريخ ولادتج عشان اضيف اسمج بالقائمة (i)

ياااي شجعتوني اجهز للنونو
اليوم رايحه للسوق و راح شوف شو في
باركولي
اليوم عيد ملاااااااااااااااااااااااااااادي

:D:D:DHAPPY BIRTHDAY TO MEEEEEEEEEE

الف مبروك (f)
و العمر كله ان شاء الله (a)

بنات شو فيكم التجمع صاير بارد و بطيء وينكم؟؟؟؟؟؟؟

أريد أقلكم جنس البيبي و القصة بعد بس ما أشوف أحد يدخل المنتدى:o

يلاااااااااااا قولي
يالسة انتظر .. حرام عليج :confused:

اتصدقون بنات والله من ساعه وانا مب قادره ارقد مثل الناس واتجلب من الالم
حتى ريلي ما عرف يرقد مني راح يرقد في الميلس!!
حاسه بالم فظيع ع جوانب خصري،، ما ادري اذا عارفين المنطقه،، يعني انا ما اعرف بس اظن مكان الكلى
معاني اشرب مااااي الحمدلله اوكي بس من انسدح خلاص يبدأ الألم
صارلي مده على هالوضع بس والله اليوم شد عليه بطريقه غريبه،،
يمكن من الرقاد؟ معأني ارقد ع جنب ودوشجي(الماتريس) مالي صحي جدا بس من ارقد احس بهالضغط والالم ،

لا ثقلتي علينا و لا شي
تراج اختنا .. و همج همنا (f)
راجعي الدكتورة حبيبتي و لا تسكتين عن الموضوع :rolleyes:
و ما عليج الا الخير ان شاء الله (a)

[COLOR=#808000]ما تشوفين شر حبيبتي حاولي تطمنينا عليج وما عليج شر ترى بعض الاحيان الدكاترة يبلغون شوي يمكن تكون المشيمة عندج نازلة نزول طبيبعي بالنسبة حق الاسابيع الي انتي فيها.

الشر ما يجيج يا الغلا (f)
و الحمد لله انا احسن و رحت للدكتورة بالخاص و طمنتني (y)

كيف حالكم يا كروشات ان شاالله بخير ان شاالله اليوم بأكدولي جنس البيبي و لو اني المرة الي فاتت أكدو لي لكن يلا زين نتأكد 100% و ان شاالله يوم أوصل البيت أخبركم على طول

يلاااا عااااااد
خبرييينا :rolleyes:

زهره السعاده..
ما تشوفين شر حبيبتي..وان شالله ترتفع المشيمه هاليومين ونطمن عليج...بتوله عليج وايد يا زهره التجمع...:)

مشكورة حبيبتي يا الغلا (f)
و الشر ما يجيج ان شاء الله (a)
طمنيني عليج و على البيبي ؟؟ (f)

و انتي وحشتييينا اكثر (f)
الحمد لله بخير .. انتي شخبارج ؟؟ و البيبي ؟؟
ما تشوف شر بنوتج .. طمنينا عليها صارت احسن ؟؟ :rolleyes:
و ان شاء الله كل امورج تكون بخير يا رب (f)

[COLOR=mediumturquoise]السلام عليكم ورحمة الله وبركاته يا حوامل
ممكن انظم لتجمعكم?
موعد ولادتي إن شاء الله تعالى 28 ديسمبر

عليكم السلام و رحمة الله
اكيد ممكن تنضميين معانا حبيبيتي (f)
تولدين بسلامة يا رب
و راح اضيف اسمج للقائمة (i)
[/COLOR]

هذه يا بنات قصتي في معرفة جنس البيبي ( خخخخ تقولون قصة ولادة)
أنا موعدي للألتراساوند أمس بس ريلي ما صبر قال لازم أسير عيادة خاصة و فعلا يوم الثلاثاء سرت انا و أختي عيادة نسائية وصلت هناك الساعة 6 الا ربع طبعا العيادة كانت زحمة وقعدت أنتظر وااااايد ع الساعة 8 تقريبا نادوا اسمي و دخلت و أخذت الدكتورة تفاصيل الحمل و بعدين ع الألتراستوند قلتلها ما بطلع من العيادة الا و أنا عارفة جنس البيبي أول ما حطت لي الجهاز على بطني بين البيبي فديته و بين قلبه و راسه و ريوله و حتى أصابعه واضحين ماشاءالله و أخذت الدكتورة قياساته و وزنه و طمنتني كل شي تمام الحمدلله و هلحين بأت البحث عن أعضاءه ماشاء الله وااااااااااااايد يتحرك لعوز الدكتورة مو بعارفة تشوف شي منه اول شي نام على بطنه صارت الدكتورة تحركه و تحركه قام نام على ظهره و حط ريل على ريل و حط القدم بالضبط على العضو (مستحي و بيتغلى بعد) قامت الدكتورة تحركه بقوة و لا كان يفك ريوله سكرت الجهاز و قامت تحرك بطني بايديها و تقله حرام عليج امك هذه تعبانة فيج خلها تشوفك و بعدها فتحت الجهاز مرة ثانية و حطت الصورة على العضو الا تقولي الدكتورة ماشاء الله هذا...............................

ولد
ماشاء الله حتى انا شفت العضو ماله وااااااااااضح جدا ما يخربط أبدا والله في هاي اللحظة يت على بالي أم نبراسي و قمت أدعيلها الي رزقني يرزقها ريفرح قلبها و من الفرحة على طول قمت و اتصلت بريلي و قعدت أقوله قالولي بنت (بجوف ردة فعله) قالي الحمدلله كانت وحدة صاروا أحلى بنتين و بعدين عاد قلتله ولد طار من الفرحة ( تراه وحيد أهله) و قام بشر أهله
و توتة توتة خلصت الحدوتة..............شو رايكم تنفع فيلم هندي؟:wink:
نسي أقلكم انه الدكتورة أعطتني موعد للولادة يوم 8/12 ان شاالله مو 6/12 فعاد هلحين لازم حبيبتنا زهرة السعادة تغير لي موعد الولادة و تحط لي ولللللللللللللللللللللللللللد

اخيرا القصة :rolleyes:
ويلي على الدلع (a)
ظل شي ما سوته الدكتورة حق تشوف جنسه :rolleyes:
الف الف مبرووووك الولد .. عسى ربي يجعله من الذرية الصالحة (a)
و من عيوني الثنتين اغير لج موعد الولادة و احط جنس البيبي (f)

باجر اكمل الردود من الصبح :wink:
و انزل القائمة الجديدة (i)
بحفظ الله حبايبي (f)

صباح الخير
نكمل باقي الردود

حوامل الي قالو لهم فيهم بنات اشلون الحركة عندكم انا يادوب احس فيها يعني اذا نمت على ظهري تكون في حركة بس خفيفة اما اذا انا قاعدة ما احس بشيئ الا نادراً مثل الفقاعات في بطني وتكون الحركة كله تحت هل حركة البنت جذي لاني في اولادي الحركة تكون في كل البطن يمين يسار مب متركزه كله تحت :eek:

انا حامل بولد (a)
لكن زوجة اخوي + بنت اختي توهم والديين
و ثنتيناتهم ما حسوا بحركة البنوتة الا متاخر و خفيفية (i)
فلا تحاتيين حركة البنت عادة تكون اقل (a)

مساء الورد على الجميع

اللي عندها فكره عن السباحه للحامل .. هل هيا خطره على الحامل؟؟

مساء النور و السرور حبيبيتي (f)
شخبارج ؟؟ و البيبيبي ؟؟
جوفي حبيبتي انا عني شخصيا دخلت بركة سباحة و انا بالشهر الثالث (a)
بس اهم شي لا تقفزين للماء لكن انزلي فيه شوي شوي (y)
لا تمزحين في الماي و خبري اللي معاج انج حامل حتى ما ينسون و يمزحون معاج (i)
و تاكدي انه الماء اللي بتنزلين له نظيف عشان تتفادين الالتهابات (y)

حوامل حبايبي شخباركم اليوم طمنوني عليكم وعلى بيبياتكم
انه الحمد لله امس رحت سويت التراساوند في مستشفى الامل والحمد لله الدكتوره طمنتني على البيبي وقالت لي كل شي تماااااااااااااام بس للاسف ماقدرت تشوف جنس البيبي لانه وايد نازل تحت وصار ريوله تعبت وهي تحاول لكن للاسف مافي فايده والله قلبي عورني ابي اعرف شنو ابي اجهز شوي بس شكلي مابعرف الجنس الا وقت الولاده

الحمد لله بخير (f)
انتي شخبارج يا الغلا ؟؟ و البيبي ؟؟
الحمد لله انه كل امورج و امور البيبي بخير :cool:
و ان شاء الله تعرفين جنسه قريب (i)
انا عرفت جنس البيبي بدون ما ابالغ بصلاة على النبي محمد و آله (f)
يعني لما سويت مرة ثانية اترساون قالت لي الدكتورة مو مبين صاك ع روحه
قمت اصلي على النبي محمد و آله (f)
و قبل لا اوصل حتى لصلاة الخامسة الا فاتح روحه (a)

اها لاني الي اعرف تحليل السكر في الشهر السابع بس شكلهم بدلوا الحين واختج خبر خير :eek:

انا من اول موعد سوا لي تحليل السكري في بول >> و انتوا بالكرامة
يعني من الشهر الثالث :rolleyes:
شكله يعتمد على المركز (i)

احنا الحمدلله انتي شخبارج واشلون بنتج الحين انشاء الله احسن، اشلون التراساوند في الامل اوكي يعني الجهاز متطور والدكتورة شاطرة؟؟ بس ما ظنتي تنظرين للولادة علشان تعرفين جنس البيبي :wink:

اني بجاوب عليج >> لقافة :tongue:
لا حبيبتي الجهاز الاترساون العادي يعني 2D (i)
و سعره على واجد مناسب 10 دينار بس :rolleyes:
مع انه اتصلت لعيادة قالوا لي بيسون لي نفس الاترساون ب 35 دينار :eek: !!!!

[COLOR=red]

[COLOR=red][SIZE=4]ازيكو يابنات وحشتوووووووونى اوى
اخباركم ايه واخبار البيبهات
انا الحمد لله بخير بس مش بقعد كتير بقيت بتعب من القعده قدام الكمبيوتر
بس اكلى بردوا ضعيف وصعبانه عليا بنوتتى اوى نفسى اكل بس عشان اغذيها
مش بشرب لبن خاااااالص ونادر لما باكل بيض حاسه انى اكلى كله حاجات مش مفيده مش عارفه اعمل ايه فى نفسى حد يزعقلى

الحمد لله بخير (f)
انتي شخبارج ؟؟ و البنوتة ؟؟
الله يساعدج حبيبتي و يقضي باقي الايام عليج بخير (a)
لا حبيبتي لازم تتغذين عشانج و عشان البيبي (y)
لا تنسين انج بتثقلين بالايام الجاية و بعدها بتجيج الولادة (i)
و كل هذه الامور تحتاج قوة منج فلازم تتغذين يكون احسن لج و للبيبي (y)

فين باقى البنات اللى كانوا عملين ضجه فى التجمع :(
مس بحرين اكسبريسوووووو زهرتنااااااا زهره السعاده فينكم ؟؟؟؟؟؟؟؟؟؟؟؟؟؟

ادري مقصرة معاكم :o
و صار لي وقت طويل ما تواصل معاكم (w)
فيج الخير حبيبيتي تساليني عني سالت عنج العافية (f)
بس انا كنت مرقدة و بعدها كان لازم اخذ راحة اجبارية :ss:

[COLOR=#808000]هلا حبيبتي بالنسبة للتوقيع ترى عادي يشير ويرجع من نفسه انا يتم يوم او يومين مشير وبعدين يرجع بدون ما اسوي اي شيئ فلا اتعبين روحج شكل الموقع جذي عادي!!

اي صح كلامها (y)
لا تشغلين روحج بالتوقيع .. يشير و يرد يرجع عدل (i)