شنو ممكن اعطيها غير الحليب؟؟؟؟؟

اللي تبى تعود ولدها بالمرضعه او الغرشه
ترضعه قبل من صدرها وينام بعد ما يقوم طبعا جوعان بيبكي
خليه يصيح لا تعطيه من صدرك وانتي عاد مجهزه الغرشه فيها الحليب
خليه يبكي كثير يصرخ وصدقيني راح يمسك الغرشه بسرعه ويمص من كثره الجوع
ومره ثانيه بعد راح يبكي من تعطيه الغرشه بس راح يقل

انا سويت في ولدي ومحد كماه راسه يابس يبى من صدر بس من سويت هذي الحركه ارتحت
بس يبالها تقوي قلبك شوي لانه كثير بيصيح

وعمره الحين 3 شهور واسوي له بسكوته فالرليز بالغرشه تقريبا ربع بسكوته وما شالله تعجبه

وموفقين يا عسل

هلا عيون .. الله يخلي لش قصايد و ابو قصايد
بقولش عن تجاربي
أني اول شئ أبتدي ب بسكويت دايتربا أذوبه في الحليب في المرضعة او أدوبه في عصير
و بعد جم يوم أبدأ بسيريلاك مدوب في ماي او في حليب و أكل البيبي بكفشة (ملعقة:D)
و بسكوته فارليز .. و كل يوم أزيد الكمية شوي
تالي أبدأ بخضرة مفيوحه و مهروسة طبعا بدون بهارات .. شويونة ملح
و شوي شوي
تفاحة مفيوحة و أهرسها
ربع موزة أهرسها .. كسترد
إلا المانجو و الروبيان لا تعطين إلا بعد سنة

و إذا ذكرت شئ برجع بقولش :D

والله للحين مو عارفين نأكل عيالنا أو لا.. عقب قرارات منظمة الصحة لاتعطونهم شي قبل ست شهور... كلنا كلينا من 4 شهور وحتى عيالنا عطيناهم من أربع شهور الحين يات إن بهالسن يتحسسون...

آنه اليوم بنتي كملت أربع شهور بس مادري متى أكلها.. ولفيت الصيدليات والسوبرماركتات كلها مافي شي من أربع شهور وسألت الصيدلي وقال عشان قرار المنظمة بس مافيها شي لو أكليته بكمية بسيطة بالتدريج...

وطبعا أول أكل يكون الأرز المبشور لأن خفيف على المعدة أما القمح ماينصح به قبل الست شهور...
أنا اللي مجربته حق ولدي أرز ميلوبا وايد أخف من السيريلاك وناوية أجربه كبداية حق بنتي..

الحين أعطيها يوميا عصير برتقال مخفف والحمدلله ماشي معاها...بس لو الطفل فيه كحة أو بلغم أبتعدي عنه..