كيفكم بنات باقول لكم شي بس لاتضحكووون!!!!!!!!

عزيزتي ..,

أحنا عندنا في البحرين

أول شي يتم في الخطبة ( يوم إلي يجون يخطبونج )

هو المقابلة " الشوفة الشرعية "

تقعدين معاه , ويقعد معاج .. بحضور الأهل طبعاً

وإذا أرتحتوا لبعض .. تتم الموافقة

وحتى لو العروس أو العريس طلبوا مقابلة ثانية !.. عادي

المهم إن كلا الطرفين قلبهم مرتاح

ويبغون بعض ..,

ومو بس جذي !..

إذا تمت الموافقة

وأثناء فترة التجهيز للمجلة أو الخطوبة

عادي يتكلمون مع بعض بالتلفون ( طبعاً بعلم ورضا الأهل ) , وفي ناس ما يرضون

بس هو يعتمد على العوائل نفسها

وإذا صار عقد القران , ( الملجة )

يعيشون مع بعض فترة خطوبة

طلعات , وروحات , وجيات

ويتعرفون على بعض زين ما زين

وإذا حبوا وبعض وإنسجموا مع بعض آخر إنسجام .. يتم الزواج ( ليلة الدخلة )

وإذا ما أرتحوا لبعض وما قدروا يواصلون

ينفصلون عن بعض !..

*

هذي زواج , إستقرار , بيت , مسؤولية

ما أتخيل نفسي

أعيش مع إنسان ما أرتاح له ولا أحبه , ولا بحياتي كلها شفته

شنو هالتخلف ؟!.

شنو هالتحجر ؟!.

بآي عصر أحنا عايشين

*

أحمد ربي آلف مرة

إن ما عندنا مثل هالعادات والتقاليد

الإسلام , والدين نفسه

ما حلل

عاداتكم وتقاليدكم

والشوفة الشرعية , حلال .. لا هي عيب ولا هي منكر

أستغفر الله بس !..

ناس ما أدري من وين تفكر