دمعة;10006182:
,,فطووومة شخبارك وشخبار يقونة الحلوة؟؟
اني صايرة اوسوس اليوم بعد:(
كل يوم الصبح قبل مااصحى من النوم لاااازم يرفسني النونو,, الا اليوم مارفسني
قعدت من النوم وتريقت وهو نفس الشي,, وخبرت زوجي وقال لي تعالي على السرير واكلي لك كاكو بس كنت متضايقة وماحبيت آكل شي
وبعد شوي حسيت بحركات جدا بسيطة مو مثل رفسات كل يوم,, حتى بطني مو خشن مثل يوميا,, والحين احاتي وخايفة اروح المستشفى
احسه مثل اللي يتجمع لي عند الصدر وبعدين حركة بسيطة ويوقف,, واني متعودة على رفسات متواصلة وقوية
الحمد الله تمام
ويقونه بعد الحمد الله
حبيبتي هذا كله من الوسواس
الله يتمم حملنا على خير يا رب العالمين
يمكن لان المكان صار ضيق للبيبي عشان كذا تقل الحركه
دمعة;10006573:
,,صج صج محاتاة هالشي,, اقول لزوجي يوم دشيت الثامن بيصير لي جديه؟:ss:
يقول لي قومي اكلي كاكو وانسدحي عشان يتحرك واني مالي خلق,, رحت نمت لي ساعة وقعدت صليت الظهر وبعدين اكلت كاكو,, ادلعه بعد مااعطيه اي كاكاو هههههه
لازم فيريروروشيه :D وبعدين قعدت امسح على بطني واصلي على النبي واقرأ آيات وشوي شوي تحرك,, اني الصبح احس بحركة خفيييفة وصعبة
كأنه بيفتر ومو قادر.. تحت صدري مباشرة,, وحركة خفيفة كلش تحت الحوض
وبعدين واني اسبح قمت اتخوى بروحي شوي,, ارش ماي بالرشاش والبرشر قوووووي على بطني خخخخخخخ وتالي عطاني جم رفسة حتى عيوني دمعت من الفرحة وقعدت اصيح,, اقول ماعليه رفس واضرب وسو اللي بتسويه,, اهم شي تكون زين :confused:
الحمد الله انك تطمنتي
صح والله احسن نحس بالرفسات القويه ولا نجلس نفكر
انا لما تتحرك وايد اخاف اقول ليش تتحرك وايد اكيد في شي ولما ما تتحرك اقول ليش ما تتحرك ههههههه
يالله ان شاء الله تعدي الايام وتمر ونشوف عيالنا كلنا يا رب
@قطرات الندى@;10006625:
يالله اخليييكم بقوم اودي اختي عندها مقابلة ادعوا ليها تنجح فيها
الله يوفقها يا رب
اميرة العشاق;10006656:
حبايبي بنات عروس
حابه اخبركم اللي صار علي
:(
كنت راح اجن وربي بجن وحالتي حاله
طبعا غبت عنكم وانتو تفتكرون الامر عادي
انا كنت اقول لكم عن الم رجولي
وكنت دايم ماروح المستشفى واقول عادي كل حامل كذا
الى ان شد علي الام وكنت مو قادره امشي زوجي اخذني للطوارئ
علشان نشوف المشكله قالت لي الدكتوره بتسوي الترا ساوند
وقالت لي الرحم عندك مفتوح معاك ماي او افرازات بنيه او شيء قلت لها لا
قالت لازم اعمل كشف اشوف معاك التهاب او شيء قلت يالله ماعليه
واثاريها خدعتني وسوت لي قياس دخلت ايدها :( وقالت لي انتي ولاده رحمك مفتوح 4 سم
قلت لها مابي توني بالسابع قاليش 30 اسبوع كثير يولدون
وعلى طول نيمتني بقسم الولاده شفت اللي يولدون ويطلقون وناس تولد وتمشي وانا جالس
واصيح طفلي بروح مني لانها قالت وزنه صغير وبعد مامل عدل عطوني ابرتين
للتنفس علشان لما اولد يكون كمل ظليت 3 ايام داخل غرفة التحظير للولاده واشوف
النسوان تولد وانا مفجوعه واصيح عليهم وادعي ربي ييسر ولادتهم
بعدها انفجرت وقلت انا ابي اطلع مافي الم طلق مراح اولد
قالت لي لازم اقيس يمكن الرحم سكر واطلعك قلت ماعليه اذحي واقيس بس اطلع
من هالسجن الا قبر الموت مع الناس اللي تولد
وسوت فحص قالت لسه مفتوح وماقفل يعني ماراح تطلعين
قلت طلعوني حتى لو على مسؤليتي
قالو راح ننقلك لقسم التنيم الحوامل بس طلعه مافيه
قلت ماعليه على الاقل اشوف اهلي ويزوروني ويجو جنبي واقدر اتصل واشوف العالبم
ورحت هناك وبقيت يومين خلاص حسيت روحي بتطلع قلت لهم مراح اولد انا راح اطلع واللي يصير يصير
وكاني توني جايه من المستشفى طلعت على مسؤليتي رغم ان الرحم مفتوح
ومادري شسوي قالو لي راحه تامه ورفضو يعطوني مثبتات
قالو انتي مراح اطولين ومدام مفتوح 4 سم فيه ولاده
والسبب انو معاي التهابات في الرحم رغم اني اتعالج الا انها مانفعت
قالو لي انتي ولاده مبكره سواء جلستي او طلعتي ان ماولدتي هالاسبوع بتولدين بعد اسبوعين
:( دعواتكم لي ربي يتمم علي ارجوكم مابي طفلي ينولد وهو لسه صغير وماعرف اذا يعيش او لا
خاصه انه ماكتمل زي ماقالو لي اسغه
طولت عليكم بس انا الان بطلع
لاني تعبانه عوار في ظهري وارجولي ماقدر اجلس
وربي يكون معاكم ويتمم عليكم كلكم يارب
ويفرحككم باطفالكم وربي يعوض اقلام الزمن زعلت وايد عليها
ربي يحفظكم من كل شر
حبيبتي ما تشوفين شر
الله يتمم حملك على خير ان شاء الله
وراح ندعي لك ان شاء الله
بس انا اظن هذا الفتره تكونيين في المستشفى احسن عشان يراقبوا وضعيه الطفل
وحاولي انك تأخذي استراحه وما تشتغلين ابدأ وحطي تحت فخذك مخده كبيره
وخلي بالك على روحك
وان شاء الله ما فيك الا الخير يا رب
وحاولي انك ما تركبي وتنزلي من الدرج اذا كان عندكم
وطمنينا عليك حبيبتي اذ قدرتي واذا ما عليك تعب