ابي رايكم اطلع من بيت اهل او لا............

انصحك يالغالية لاتطلعين ولاتستعجلين بتخاذ القرار

السلام عليكم

عزيزتي منو قلك ترتاحين اذا طلعتي من بيت اهلك عزيزتي احنا بزمن صعب جداااااا تعيشين وحدك وخاصة ابنك بعده صغير اعتقد الموضوع ابسط بكثيييير من طلعتك من البيت وهو انه تكعدين ويه اخوك واختك وتتكلمين بكل صراحه وقوليله اني ادري تخاف عليه وعلى سمعتي بس خليك واثق مني انا عايشه عشان اربي ابني واعيش عيشه محترمه يعني عززي الثقه اللي بينكم لانه صدكيني معه كل الحق بهذه التصرفات من كثر اللي يشوفه من بنات الناس ومن حجي العالم اللي ماله اول ولا اخر اما اختج فاحمدي رب العالمين انه هي تحبه ولاتضربه ولا تاذي راعي وضعها عمرها 45 سنه وما حست باحساس الامومه وبالنسبه الها ابنج فرصتها انه تعطيه كل الحنان اللي بقلبها وهذا صدكيني عمره مراح يضر ابنج انتي ممكن بطريقه حلوه وبصبر شويه تحجين وياها وبس عزيزتي الابن مهما يكون ممكن يجي غيره اذا الله رزقك بزوج صالح لكن امج وابوج الله يرحمهم منين تحصلين اخ واخت بعد الاخخخخخ ميتعوض صدقيني واعز من ولدنا ابنج اول وتالي يكبر ويروح لابوه لكن محد يبقالج غير اخوتج هم اللي يشيلوج بوقت الضيق واني عندي خالتي مرت بنفس وضعك بالضبط وانتضرت الى ان كبر ابنها جمعتله فلوس وبنت بيت وزوجته وطلعت ببيت بس بعد ما كبر وصار رجال عزيزتي اهلج مالج غنا عنهم والولحده مو سهله بالعكس صعبه جدا بعدين تطلعلج اشياء تكولين ياريت لارحت ولا جيت فكري الف مره قبل اتخاذ القرار وتره ماكو احد مرتاح والحياة لازم بيها شوية عقد سواء ويه زوجك او اهلك لازم في شوية مشاكل وظروف تمرين بيها والله يهديهم عليج ويهديج عليهم امين يا رب

اختي انا اللي اعرفه انه عاداتكم فالبحرين مثل عاداتنا..

ونحن عدنا مب عدله الحرمه تعيش بروحها ويا ولدها.. يعني اعرف انه انتي حاليا تعانين ويا معاملة اختج واخوج بس ياليت لو تدورين اي طريقة ثانية ..

يعني مثلا لو عندج عم أو خال اخوانج يسوون لهم قدر .. كلميهم وقوليلهم انه وصلت فيج انج تفكرين تطلعين من البيت .. وانج ما تبغين الامور توصل لهالدرجة .. وساعتها بيخافون من هالشي و بيكلمون اخوانج يكفون اذاهم عنج ...

شوفي .. محد منا يعرف اذا فعلا الوضع وايد سيء ولا ممكن تتحملينه .. انتي الوحيدة اللي تقدرين تحكمين.. فأنا انصحج لو تقدرين تتصرفين .. لو تقدرين تواجهين اختج واخوج لو تقدرين تسوين اي شي غير انج تطلعين من بيت اهلج .. يكون افضل

لأنه مب سهل تعيشين بروحج ترا.. فكري فالموضوع الف مره واستخيري...

والله يفرج همج ..

- في بنات قالو كلام الناس لأنك مطلقة، كلام الناس ما يخلص والناس ما يعجبهم شئ بالدنيا فليش الوحدة تمشي وراء رضا الناس وتعذب عمرها وهي ما تسوي شئ غلط.
- وبنات قالو اخوج يخاف عليج عشان كذا يسوي هالحركات، صحيح يمكن جزء منه يخاف عليج بس السبب الاكبر ان وللاسف الشديد في مجتمعنا الخليجي الأهل ما يثقون في بنتهم الارملة او المطلقة وكأنها مجرمة .
- بالنسبة لأختج هي تبي تمثل دور الام لج ومن المؤكد انها ما تبي لج الا الخير بس احيانا يمكن تخاف من كلام الناس والمجتمع ، واما دلعها الزايد لولدج فأعذريها لأنك قلتي انها ما متزوجة وكبيرة بالسن فهي تبي تعوض فقدانها للامومة وتعتبر ولدج مثل ولدها وهذا اكيد سبب حبها الزايد له.

انتي ما صغيرة انتي الان الام ، والمفروض تكون عندج شخصيه اقوى . لازم تقعدين معاهم وتقولي لهم كل اللي في قلبج وتوضحي لهم انك تعرفي الصح والخطأ وان الثقة مطلوبة . ووضحي لهم انك اذا بتجلسين معهم المفروض يعطوج الثقة وانك مستحيل تخوني ثقتهم ، وبالنهاية اذا راحتك في انك تطلعين من البيت فسوي اللي يريحك ما دمتي راح ترتاحي وتعيشي حياتك طبعا بالحدود الصحيحة دينيا واجتماعيا.

دانو الكرز;9907883:

اممم

انصحج اختي ماتستعجلين بهل قرار الان راح ازيد من المشاكل بينج وبين اخوانج ..
بنسبه حق اخوج
اهو خايف عليج لو موب خايف ما سالج وين كنتي وين رحتي هذا الشي من حرصه عليج وخايف عليج ..
لا تكبرين السالفه الانج مطلقه وتبين حريتج لا انتي لازم تحسين ان وراج ريال يسالج صح لو لا !
واختج
تقدرين تاخذينها معاج وقت طلعاتج بعض الاحيان وتتقربين منها اكثر واكثر وتكسبينها
زين لين طلعتي بشقه بروحج فكرتي منو بيمسك ولدج ؟
اذا خادمة ف مانصحج بالمره الان اختج اامن لج من الغريب ..
وكلنا ندلع عيال اختنا موب عيب هههههه :D
انا بعد ادلع اعيال اختي واموت فيهم بعد
وولج صغير لازم يحس بالحب
والله بنسبه لي تدلعه احسن من ان تضربه وتقط عليه كلآم يجرحه !

الله يحفظه لج ويخليه ياربي :)

انا مع كلام الاخت دانو كلامها عين الععقل انصحج فكري فيه

توكلي على الله واطلعي لمصلحه ابنك قبل مصلحتك بس انتبهي يمكن اخوك يسويلك مشاكل

رائعتي بارك الله فيك ويسر أمورج لما هو خير وأصلح

رائعتي انا لا انصحكِ بذلك ربما ستقولين ان وجهة نظري تقليدية وربما سوف اجد هجوم من البعض ولكن سوف اقول ما عندي وعلى بركة الله
لو فرضنا بأنكِ خرجت ببيت مستقل ... ستكون لديكِ خادمة فهل ستأتمنينها على ولدكِ وعلى بيتك خاصة وانتِ موظفة هل ستستطيعين النوم بأمان بعد الحوادث التي حدثت لنا نحن كخليجيين من وراء الخدم ..... على الأقل وجود أختك في البيت هيبة يعني في أحد يراقب وفي حس بالبيت ... يعني ممكن تنامي تحصلي الخادمة جايبة لك رجال بالبيت أو حتى معلمه ولدج أمور ما تتمنينها برجال كبير ...

ووجود أخوج بالبيت مع ابنج بصراحة شيء طيب على الاقل يمكن في يوم بيعوضه على عدم وجود الاب يمكن يسد عنج بمدرسة والا جدام معلمينه او في اجتماع اولياء الامور لا ن في سن يصل اليها الولد يحتاج الى اولي العصبة من الرجال ....

الشيء الثاني اذا انتي ضامنه حالج ما راح تضمنين غيرج .... حرمة مطلقة في شقة مع ولدها قمة الاستعطاف والكل بيطمع فيج ....


رائعتي انتي قلتي بأن لك اخوة كبار من الافضل استشارتهم بذلك فالرجال هم ادرى وقراراتهم احكم منا نحن النساء .... استخيري الله وناقشي اخوتكِ بالوضع فربما تجدين شقة قريبة من أحد أخوتكِ الكبار أن كان ولابد من ان تخرجي من البيت .....


اختك ِ العتب

اعتقد ان ابنك بحاجه لجو اسري ولو كان مو كامل
يعني اختك واخوك معليش تحمليهم بس ابنك لا تعيشينه في وحده ولازم تبيني لهم حدودهم في التعامل معاك

"Lovely LoLo";9906877:
حبيبتي استخيري الاول
ولو حسيتي انه اريحلك اطلعي..وربنا يسهل لك امورك ويحفظلك ولدك

(y)(y)(y)(y)(y)(y)