مو قادرة اقنع زوجي ... ماخذ الامور بكل بساطه

علما ً اني اكتب هذا الرد الثاني لأني بضغطت زر انمسح كل شي ومع ذالك رجعت و كتبت من جديد (y)

هذا الموقف الي قاعد يصير بينش و بين زوجش بالضبط صار بيني و بين زوجي و اصر على رايه ان راح يستخدم وسيلة ( القذف الخارجي ) و عطاني وعد قاطع انه ما راح ينزل بالداخل لكن الي كنت خايفة منه صار و الي قاهرني لو كنت والدة طبيعي ما كنت بخاف لهاي الدرجة لكني والدة بعملية و اني ما كملت حتى نص سنة من ولادتي و بنتي عمرها اربعة اشهر لمن صار الحمل و فطمتها في الشهر الخامس مو حرام رضيعة تنحرم من الرضاعة الطبيعية في هذا السن .. مو حرام الطفلة تنحرم من الرعاية الصحية من آثار الحمل و الوحام.. لكن الي حصل انه قام يسبحها و يلبسها و يسوي لها مراضع لاني وقتها كنت تعبااااااانه من الوحام وما اقدر اتحرك بداية الشهر الثاني .. و الحين دخلت الشهر الخامس من الحمل و استعدت صحتي و قمت اعتني ببنتي و صرت اعوضها عن الفترة الي انقطعت عن رعايتها و هذا الشي جدا ً يألمني لمن اتذكره و يحز في نفسي لأن الي في عمرها يرضعون من امهاتهم و ياخذون حاجتهم من الحليب الطبيعي أما اني حملت على بنتي و راح ييجي لها اخ ثاني وهي بعدها ما فهمت على الدنيا وما اقدر اقول غير قدر الله وما شاء فعل .. بس ما اتمنى هالشي يحصل لأي احد و اتمنى لكل الرضع يعيشون فترة الرضاعة الطبيعية بأكمل وجه و كل الأمهات ياخذون قسط من الراحة حتى يقدرون يرعون عيالهم و يمارسون حياتهم بسهولة :)