أخواتي...أنا في حالة قلق على بنتي من نفوس الناس المريضه...كيف التصرّف ؟

موضوعش مههم جداً


الله يحفظ عيالنا جميعاً

وانا الصراحه من كثر خوفي على بنتي مااخليها تبتعد عني حتى واحنا نتسوق كل ماسكتنها أو أبوها ماسكنها

وفكرة القصص فكرة جداً حلوه وعمليه


الله يحفظ الجميع

مشكلتك نفس مشكلتي مع بنوتتي عمرها سنتين
أنا أتركها تلعب بس تحت نظري أو أبوها أهم حاجة ما نلتهي عنها

يا هلا بكم أخواتي الغاليات

أول شيء أشكركم...على الأقل حسّيت إنها مش مشكلتي لوحدي...

كنت بدأت اشعر إني موسوسه زياده عن اللزوم

بس أعمل كل هذا علشان لا أفاجأ بمشكله في يوم من الأيام...الله يبعد عنا و عنكم الشر يا رب

مهم أيضا تحصين الطفل...و أنا بدأت أكلمها و اقول لها يا مريم ما يصير نروح مع أي واحد ما نعرفه...

و هم ما شاء الله أذكياء في هذا الوقت...يعني تصير تسأل: ليش ؟ و إيش راح يعمل ؟ و ترد تقول لي لا بابا قوي راح يضربه....حسّيت وقتها كيف براءة الطفوله...و شعورها إنه كل الدنيا و اللي فيها أماااااااان...

الله يحفظهم يا رب...و يبعد عنهم النفوس المريضه اللي صارت منتشره هذه الأيام...

عزيزتي الغاليه
كل الاطفال في هذي الايام منطلقين ما شاء الله بالحكي وبالحركه اكتر من زمان
وما بتقدري تسيطري عليهم سيطره كامله لعنادهم الشديد
بس انا بقوللك خليها تلعب وتتعرف على الناس بس راقبيها بعينك طول الوقت وما تخليها تغيب عن عينك
لانها لا اظن انها تستوعب معنى النصيحه الان يعني اهم شي انها ماتغيب عن عينك وممكن انك تحكيلها قصه
بس ما تكون مخيفه علشان ما تكوني بمشكله وتطلعلك مشكله الخوف وعدم النوم
اهم شيء تكون عينك عليها والله يخليلك اياها
تحياتي

السلام عليكم لاختي مرموم ... وعلى كل البنات

هذي بصراحة مسألة صعبة في هذه السن ... لانك مهما تحكي ما باتقدري توصلي المعلومة بشكل جيد لبنت ... بحيث تفهم الامر بدون ما يأثر فيها نفسيا .. وعلشان تفهم لك هذا الامر لازم تكون اكبر سنا ..
واقولك شي .. كل الاطفال في هذا السن حكايين .. وكلامهم كثير .. لانه سن استكشاف انفسهم ومدى قدرة تعاطيهم من الغير .. لهذا بيجربو هذا الشي مع الكل الغريب والقريب ... صحيح ان فيها خطورة بس مش بالدرجة اللي وصفاها ..

بس اذا وصلت انها ممكن تروح مع اي احد ... هذه لها وقفه وضروري التصرف بشكل اكثر حاسم .. انتي لا تسمحي لها بالخروج مع الناس بغض النظر عن مدى قرابته لك حتى لا تعمم الامر على الغير ...
هدديها بشي قوي ويخوف ... يعني وسام ابني دايما استخدم معاه اسلوب التخويف صحيح انه غلط بس احسن من ان تحصل له شي اندم عليه ..
انت شوفي هي من ايش تخاف ... وحاولي اخترعي قصص خيالية مخيفة لوحدة راحت مع رجال غريب وهو كان في المعصد وهي تكلمت معاه ومشت معها واخذها مكان بعيد من ماما وبابا وهو قام ضربها وحرقها وهكذا ...
هذا هو الحل الوحيد .. في ما يخص انها تمشي من الغرباء .. اما انها تتكلم مع الناس خليها تتكلم عادي مالم تحسي ان في شي غريب مريب في الامر.

و الله أخواتي نصايحكم رائعه...و كفاية مشاركاتكم النفسية لي في الموضوع...

عارفين إنه أهلي يقولوا لي: ليش ما تخليها تطلع مع خالها أو خالتها...لازم تكوني معاها يعني ؟

أقول لهم أيوة...ما أتركها أبدا...لو خالها أو خالتها سهى عليها في لحظه...أقعد أندم طول عمري ؟

تظل هي مسؤوليتي...و ما أقدر أهرب منها...

الله يقدرني و اقوم بالمسؤوليه على أكمل وجه...و الله يحفظ عيالكم أجمعين

أنا لجأت لحل القصص لكن بأسلوب غير مباشر !!!!

ابنة شقيقتي ذكية واجتماعية لكن لا تتقبل النصيحة المباشرة لا أعرف لماذا " عمرها 6 سنوات " فبعد موقف لجات لحيلة أثرت فيها كثيراً

هي تحب تستمع لأحاديث الكبار لأنها تعتبر نفسها كبيرة فجلست مع أمها وشقيقاتي وبدأنا نتحدث بأسلوب سهل وواضح عن طفل صادق شخص كبير لا يعرفه وكان الشخص الكبير مريض فقطع يد الطفل وآذاه " أعرف أنني كنت شريرة في الوصف لكن وجدت أن هذا الحل الوحيد "

وكنت أثناء الحديث أقول لشقيقاتي بصوت منخفض تكلموا بصوت منخفض " وأنا أتعمد أن تسمع " كي لا تسمع .... وتخاف وتعتقد أن كل الناس أشرار وهو في الأثنين الجيد والسيء

وفعلا بدأنا نلاحظ أنها أصبحت أكثر حذراً في التعامل مع الأغراب

موضوع مهم جداااا اشكرش ام مريم على طرحه


اني تقريبا مثلش اخاف على ولدي واجد والكل الي حولي معقديني اني وسواسية زيادة عن اللزوم واني معقدة بس ما اقدر اغير روحي
يعني عندي ولدي عمره 5 سنوات اخاف عليه عددل وما امن يروح وية احد غيري الحين بس يروح ساعات وية ابوه مشوار بسيط في السيارة مثلا ياخذون عشا او يمر على صديقه بسرعة وبيرجع البيت اخل كتكوتي يروح وياه واخويي بعد اذا بيطلع طلعة سريعة في السيارة بيجيب كتب او ملازم لمراجعة يروح وياه صدوقي يعني مشوار في السيارة وسريع لكن يطلع مع احد مكان بعيد او سوق او غير مستحيل اخليه حتى لو وية ابوه ما ارضى ما امن على ولدي الا عندي

واذا نطلع ابه مجمعات واسواق كل صوبي وما اغفل عنه كلش واني اتشرى واتفحص الاغراض يكون صوبي ويسولف ويايي واخليه يا زعم يساعدني في التشري عشان يصير كل صوبي وما يبتعد عني
واما في الحدايق والبحر اخليه يلعب بروحه واني امشي وراه وتكون في مسافة اشوي بيني وبينه عشان يلعب بحرية بس اني وراه واراقبه وحتى لو لصق وية جاهل ولعب وياه اكبر منه او اصغر منه عادي اخليه وياه لانة اني امشي وراه وااراقبه ويبين واضح ان هالطفل وراه امه مو بروحه
لانة جم مرة ولدي يركب الدرج عشان يتزحلق ويجي جاهل وراه بيدزه وعلى طول اصرخ عليه من بعيد يعني مو بس عشان التحرش عشان اشياء واجد اني اكون ورا ولدي ما اخليه بروحه

وهو حاليا في الروضة وباقي عليه سنة ويروح المدرسة ما تتخيلين اي قد احاتي المدرسة من اذكرها اخاااف عليه وحتى عيوني تدمع وقلبي ينقبض الله يحميه ويحفظه من كل شر ويحفظ عيالكم ااااامين يارب العالمين

لانة الروضة ما يصيرون بروحهم كل المدرسات وياهم ما يخلون الجهال بروحه كلشش وغير جدي ان كلهم جهال في عمر بعض من 3 الى 6 سنوات غير المدرسة من 7 الى 12 سنة يعني في كباار

واني ولدي مو اجتماعي ويخاف من الناس اصلا وحتى لو احد استلطفه مستحيل يسولف وياه او يروح وياه من جدي ما احب اني اقول اليه قصص اخوف زوود واعقده

الله يقدرنا على تربيتهم ويحفظهم الينا من كل مكرروه

انا من رايي ماتقولون لها قصص تخوف.....

بس دامها ماشاءالله عليها اتحب الناس والجمعه دخليها روضه.....
وحاولي ماتطلعينها كثير مجمعات وغيره, وإذا لابد لااا تتركين يدها, خلك ماسكتها انتي ولا ابوها.

يا هلا بكم أخواتي الغاليات...

هي من يوم عمرها 6 شهور و هي ما شاء الله في حضانه...

و دخلت الروضه من العام الماضي...

و فعلا هذا اللي صرت أعمله...أعطيها حريه في حدود...

يعني رحت معاها المول...قلت لها لو راح تظلي بجانب ماما و تكوني شاطره...راح أجيب لك آيس كريم اللي بتحبيه...سمعت كلامي يومها...

هي ساعات ما تنتبه...بس عيني لازم ما تغفل عنها...

بس أدعي الله ليل و نهار يحفظها هي و أختها من كل شر يا رب

عزيزتي
اني بضراحة عايشة بالغرب
وابني عندو نفس الشي كثير اجتماعي وهو يروح للناس
بس الشي الي فادني انو عندنا ما بيكلمو الاطفال او بالاحرء ما يختلطو
وعندهم مش منيح الكبير الراشد يتكلم مع طفل هم هيج يفتكرو اشي مو زين
كنت دايمن بالبيت اقوله لاتروح على احد لا تحجي وياه اي شي بديت وياه من عمر 3 سنوات وبصراحة كثر ما احجي وياه اتعلم
اختي احجي وياه اهواية وعلميها ضدكيني راح يجيب نتيجة
وثاني شي ابد ما اخليه لوخده يعني لازم ملازمني وهالسنة يرزح روضة بصراحة خايفة عليه بس مو هواية لان لا سامح الله التحرشات الي عندنا يا ستار واعوض بالله من الاباء لابناءهم بس بالمدارس ولا احلة من نضامهم يعني الحمد لله والشكر مطمنة
الله يحفظ اولادنا يارب من كل سوووووووووووووء امين يارب العالمين

والله يخفظج بناتج من كل شر امين يارب

تحياتي

ماشاء الله ربي يحفظها.. الصراحة مامررت بنفس التجربة لأن ولدي مو من النوع المنطلق والجرئ بالعكس لزقة أمه مثل مايقولون وبالعكس خايفة من هالشي وقلت لأبوه خلاص تولى أمره يكون يبتعد عني ويتحرر..

فكرة القصة أختي أم مريم حلوة شوفيها ويارب تجيب معاها نتيجة.. صح الواحد صار يخاف في هالزمن من النفوس المريضة لو الطفل لازق فيج ممكن في اي لحظة يختفي..

دوم فهميها إن مو حلوة البنت تكلم كل من ولازم تكون رزينة عشان الكل يمدح فيها وتكبر وتتزوج مثل الأميرات من الأمير لأنها حليوة وأخلاقها عالية مثل سندريلا مثلا.. مو البنات يحبونها...

فعلا الموضوع خطير لانه اذا كان الطفل خجول كونا قولنا وعدنا ومش عجبنا واذا كان مش بيخاف برضه مش يعجبنا
انا عندي ابني عمره 3سنوات ومش بيخاف لما ابعد عنه لا بالعكس يحب يجري لوحده ويلعب مع اي حد ويكلمه
ومهما حكيتله قصص مش بيعتبرها ليه خالص اخر ما عمله فيا انه سابني وطلع يجري علي الطريق اللي فيه السيارات واحنا كنا بندور في غير مكان ولكن الحمد الله لاقينا واقف مع 4سيارات كانوا بيسالوا مين انت ومن ساعتها جيبت الحزام اللي تربطيه في وسطه والحزام بيكون في يدك وعجبه اوي لانه متخيل انه ماشي لحاله ولكن هو في ايدي

هلا بكم أخواتي الغاليات...

لو الطفل خجول زيادة عن اللزوم و لاصق في والدته هذا كمان شيء مش كويس...بكره هذا الطفل يكبر و يدخل المدرسه و الجامعه و يكوّن أسره...و بسبب عدم إنطلاقه في الحياه و معرفته بالناس...ممكن أي أحد يضحك عليه بسهوله...

و أيضا الطفل المنطلق زيادة عن اللزوم يكون الوالدين خايفين عليه...لأنه في ناس نفوسهم مريضه تستغل هذه النقطه و تعرف تستدرجهم...

لذلك حلو الطفل يكون عنده صداقات و يعرف يتعامل مع الناس...كل الفكرة إنه الأب و الأم يكونوا ملاحظين عيالهم و ما يغفلوا عنهم أبدا...و لو صار شيء ما يعصبوا عليهم...بالعكس يفهمومهم وين الغلط علشان يكون الطفل مستوعب...ما يحس الوضع مفروض عليه...

الله يخلي لكم عيالكم يا رب

صراحه البنات ما قصرووووو

واني واجد استفدت من نصايحهم

مع ان بنتي ما تتكلم مع اي احد غريب كللللللللللللللش

والله يهدي اطفالنه ويبعد عنهم الشررررررر

و هذا اللي صرت أعمله أخواتي و الله...

صرت أعطيها فسحه من الحريه...بس مع مراقبتي المستمرة لها...

الله يحفظها و أختها يا رب

هلا بأم مريم

هاذا موضوع ارقني لفتره و ليت اقرأ و ادور و استفيض فيه ووصلت لنتيجه اقتنعت انا ( على الأقل انا بها ) اللي هي انه الطفل في مرحلة ما قبل التمييز لازم ما ينترك بدون مراقيه أبدا و لا بأي شكل

اسمها مرحله قبل التمييز يعني قبل 7 سنوات الطفل ما يفهم و ما يعرف الصح من الغلط و اسهل شي انه اي حد يسويله غسيل مخ و يخليه يسوي كل شي

بصراحه انا على قناعه انه الطفل او الطفله كلهم نفس الشي ما ينتركوا مع حد في خلوة بدون الأم

يعني لا أحد غير الأب و الأم حتى المحارم من العم و الخال و الخاله و العمه

سامحوني انتوا ممكن تقولوا اني نظرتي سوداويه و هذا ظن سوء بالناس بس انا اقول انه هذا حرص

على فكره حتى ما تتركوهم مع اطفال اكبر منهم يعني طفل او طفله 4 و خمس سنين ما تنترك تلعب لوحدها مع اللي اعمارهم فوق 7 سنين سواء بنات او اولاد بدون مراقبه يعني ما نتركهم في بيت جدهم لحالهم و لا عند الجيران او عن الأقارب لازم يكونوا جواليها حتى اطفال 8 و 9 سنين يتحرشو باللي اصغر منهم

الأم و الأب لما قرروا يجيبوا أطفال لهالدنيا معناها انهم قادرين يتحملوا مسؤوليه و المسؤوليه هي التربيه اولا ثو الصرف عليهم و غيره تودوا الأطفال الحضانه لازم انتوا تدخلوهم الصف بيدكم و تاخذوه منه بيدكم ماشيين بالمول طفلكم او طفلتكم قدام عينكم ما يغيب عنكم لحظه و لو كلمه اي حد يكون بحضوركم و قدامكم

اما الأطفال فوق سبع سنين فنقدر نكلمهم و نفهمهم و و نعلمهم يقولوا على كل شي يصير معاهم و ما يخافوا أبدا و نفهمهم على الأماكن المحظوره بحسجهم اللي ما حد يشوفها و لا يلمسها و على بعض الكلام المسموح و الممنوع و بيفهموا لأنه خلاص مميزين شرعا يطلق عليهم سن التمييز يعني يبدوا يفهموا

اما انه نخوف اطفال صغار و نعيشهم في رعب هم ما بيفهموا ابعاده انا برأيي انه غلط

الحل هو الملاصقه للطفل او الطفله و الكراقبه عن كثب و ليش عم بعد لاحقين يبعدوا عنا و يشقوا طريقهم في الحياه بروحهم

و تقبلوا مروري