طبعا هالصوره خذيتها وانا بالطياره وكنه على طيران الجزيره ووقتها وايد حلو نطير من الكويت 7 و10 ونوصل تركيا 11الا ربع وطيران مريح
هالصوره بالعباره واحنه رايحين بورصه رحنه بالعباره البطيئه لان احلى من ناحيه المناظر وماتدوخ:Dطعبا هذا منظر اسطنبول من بعيد
وهذا منظر بورصه من بعيد طبعا شوفو الفرق بالجبال لان بورصه خضره اكثر من اسطنبول
هذا سكنه :Dشقق فندقيه بمنطقه شكرجه شارع كوكورتلو اسمه في اي بي هوتيل وايد نظيف وحلو وكل شقه تتكون من 3 غرف نوم وحمامين ومطبخ وصاله
وقفت بالبلكونه وصورت هالمناظر ماكو شغل:D
وبعدها كنه ميتين من اليوع رحنه مطعم اسمه ضيافه بمنطقة موراديه وايد حلو اكله لذيذ ومكانه حلو مفتوح واسعاره مناسبه:wink:
هذا داخل المطعم القعده الداخليه
هذي القعده الخارجيه وايد حلوه والجو كان وايد حلو:D احنه قعدنه بره وهذي صورة مجرى الماي اللي فيه عجبني شكله وصورته
وهذا طبقي اللي طلبته :Dعليي بالعافيه اسمه كرشك ضيافه يعني مشكل وهذا المشهور اللي عندهم
هالورده هديه مني لكم صورتها من حديقة الفندق هههههههه اعجبتني ونطروني كل يوم اصور لكم شي موضوعي متجدد انشالله وابي تشجيع منكم(a)
اتمنى موضوعي يعجبكم ياعرايس وترقبوني برحلاتي المقبله(f)
