يارب رحمتك

الامل عند رب العالميين يا حبيبتي كلها وساوس شيطان تقربي من الله بتشوفيين الفرح يتبعج مثل ظلج
الله ييسر لج امورج ويحقق لج اللي في بالج يارب

الله يفرج همك حبيبتى ويرزقك من حيث لاتحتسبين
كلنا بتمر علينا اوقات ضيق مالنا الصلاة والدعاء والاسغفار تقربى الى الله اكثر

افرودييت;9886407:
ازيكم يابنات

حبيت اتكلم معاكم شويه حاسه انى هموت والله
الظاهر يابنات انى مفيش امل ليا فى الفرح من قلبى

يا أميرة يا حبيبتي هوني على نفسك
تفاءلوا بالخير تجدوه
وخلي عندك حسن ظن بالله
افتكري انا عند ظن عبدي بي
لازم يكون عندك ثقة بالله ووالله كل ابتلاء فيه خير

ربنا ييسرلك امورك مالك فى ايه؟؟

حبيبتى هل تؤمنين بأن هذه الدنيا دار سفر وليست دار إقامة هل تؤمنين بأن كل متع هذه الدنيا زائفة وزائلة ولن يبقى إلا وجه ربك الكريم .
فما الذى قد يحزنكى بعد ذلك إن لم تنالى السعادة التى تريدينها فى الدنيا فتأكدى أنها ليست نهاية المطاف بل هى بداية المطاف وبيدك أنتى وحدك تحكمين على نفسك بالسعادة فيما سيأتى من حياتك بعد ذلك او تحكمين على نفسك بالشقاء فى الدارين ...بيدكى الخيار فإختارى الآن وحددى هدفك وإسعى إليه وطريق الوصول إلى الفرح معروف وواضح للعيان ..إذهبى إليه وإبدايه وما ان تبدأى السير فيه حتى ستجدين ما تبحثين عنه من فرح وسعادة .
(من وجد الله فماذا أضاع ...ومن أضاع الله فماذا وجد)
يسر الله امرك وهداكى لسبل الخير والفلاح والسعادة فى الدنيا والآخرة .

الله يفرج همك ويبلغك مرادك
يااارب

ربنا يفرج همك
و يفك كربك
اللهم امين

ليييييييييييييييييش ؟ وش اللي صار طمنينا عليكي فرحنالك لما انخطبتي وكنتي فرحانه بيه وباهله ايش اللي صااار طمنينا عليكي اكيد مافي غيرنا تفضفضيلنا احنا خواتك وكلنا معك حبيبتي فضفضي ولا يهمك مافي شي ماله حل والله يفرج همك ويزيح غمك اميييييييييين يارب العالمين

طيب حبيبتى قولى فيه ايه
انت كتبتى كلمتين وخرجتى ليه
كملى وفضفضى
وربنا معاكى وييسر لكى الامور

يا قلبي خلي دايماً عندك حسن ظن في الله

هل تظني إن ربنا خلقك علشان يتعبك ويعذبك في الدنيا؟؟

الله سبحانه وتعالى قال أنه عند ظن العبد به فأحسني الظن دايماً

تعوذي من الشيطان وخلي عندك حسن ظن بالله والله يفرج همك وهمي يااااااااارب

مالك يابنتى في ايه بس ؟؟

وضحي اكتر واحنا نهون عليكي ان شاء الله ..


ربنا يتمم لك بخير يااااااارب

الحياة الم يخفيها امل يحققها عمل لاتياسي ونحن فوقنا رب رحيم اختي في الله حاتفرج كل حاجة بس خلي يقينك باالله كبير ولا تقولي يارب لي هم كبير بل قولي ياهم لي رب كبير فرج الله همك وهم المسلمين اجمعين

أذكري الله و أبعدي عنك وساوس الشيطان ..... قولي دائما لا حول ولا قوة إلا بالله .... و ربك كريم

و لا تنسي تطمنينا عليكي .... لان افتكر اخر موضوع لك انك اتزوجتي او انخطبتي و كنتي فرحانة؟!

عزيزتى إفروديت

أشعر بكِ جيداً
إقرأى سورة البقرة وأكثرى من الإستغقار

نريد الإطمئنان عليكِ...

الله يفرج همك

الله يفرج همكِ
ويهنيكِ ويسعدكِ يارب العالمين
ويفتح أبواب الرزق بوجهكِ
ويسهل أموركِ ويسعد بالكِ بالخير والبركة والهناء قولي آمين
الله يسر تعبكِ عليك

أكثري من الإستغفااااااار

كل حاجه وحشه حصلتلى فى الفتره اللى فاتت دى
لدرجه انى مش قادره اتكلم عن ايه ولا ايه?
والله يابنات تعباااااااااااااااااااااااااانه وعندى كم مشاكل فظييييعه

كتير بروح اوضتى وببكى بصوووووووووت عاااالى ونفسى اصرخ بأعلى صوت ...........
مش مبسوطه فى ححياتى كل حاجه تحزن ........
كبرت
حاسه انى بقى عندى 90 سنه
حتى الجواز مش فرحانه بيه مش عايزه اتجوز اسيب البيت ازاى؟
ده احنا حتى جوزنا اخويا اللى اكبر منى علشان مراته تبقى معايا وتتعود على البيت وتبقى فيه مكانى من بعدى وهى واهلها عارفين كده من الاول .......
دلوقتى مش يتنزل خالص وكل تصرفاتها بتدل على نداله مش طبيعيه حتى خلليت اخويا بقى فى صفها ومبقاش بينزل يقعد معانا ولا الهوا بعد ماكان بيقول هعمل وهعمل وهعمل وقلقت على البيت اكتر بيت ماما
بيت امى حبيبتى اللى انهار بعد موتها ..........

وخطيبى مش فاهمنى
وخلانى افقد الثقه فى نفسى
كل حاجه فيا مش عاجباه وكل حاجه يعايب عليها
وكل حاجه اهله قالوا عليها فى القايمه مش هيعملوها واحنا من اصلنا ستكتين بس كفايه الاحساس
انا مبحبش اللى يدخل دخله كبيره وهو مش فى نيته يعملها ..........

يعنى انا محطمه من كله والله انا بجمع ليكم الشتات من احزانى لانى فقدت السيطره على اعصابى وعلى عقلى وقلبى وكل حاجه ........
نسيت الضحك ..ونسيت الفرح ..ونسيت اللبس ..ونسيت الخروج ..ونسيت الحنان

بابا مش عارف او مش رااااااااااااضى يعوضنا عن امنا كل تفكيره دلوقتى بعد ماعمتى دخلت فى دماغه موضوع الجواز حسبى الله ونعم الوكيل
مش عايزه واحده تيجى تقوللى حقه قبل ماتردوا عليا فى النقطه دى حطوا نفسكم مكانى وانتوا هتحسوا بيا وبرضه مش هتحسوا بيا الله لا يوريكم ...........

بدل مايفكر ازاى يعوضنا بيفكر ازاى يعكنن علينا علشان نقولها يابابا انت نفسيا تعبان روح اتجوز (قال الكلام ده لخااااالتى) وطبعا هى بدورها اتصلت عليا وقعدت تضغط عليا انا وتشيلنى هم الجبال اللى هى متحملتوش فى مكالمه ...........

ومحمد لو اتصلت عليه وحكيتله همى نااااااااااااااااااااااااااادر لما يتعاطف معايا فى مشكله .........

ده مرره زعقلى انى اتصلت بيه ومكنتش عارفه اتكلم من العياط كنت منهاره
وقاللى بتتصلى بيا علشان تقلقينى وكمان مش عارفه تتكلمى؟؟؟؟ تصوروا ؟؟
ادى الحنين اللى قولت عليه العوض
لا عاجباه شخصيتى
ولا عاجبه لبسى اللى الكل كان بيتحاكا بيه
ولا اى حاجه ولما اقوله كده يقوللى عادى مش اصحابك لازم هيقولوا ليكى كده بس عادى عادى اكيد هتتغيرى مش هتفضلى كده ؟؟؟

والله يابنات انا الحمدلله الكل بيحكى عن شكلى وجسمى ولبسى وكل حاجه وده ولا الهوا ولما اقوله وانت لما جيت مشوفتش الحاجات دى ورفضتها ليه من الاول يقوللى انا مش بهتم بمظهرك انا اهتميت بشخصيتك :$$$$

تصوروا مظهرى؟؟؟؟؟
اللى الكل بيحكى عنه
ده جاى بيحسسنى انه تغاضى عنه؟؟؟ وعداه؟؟

مبطلش كلامه الجارح ليا وتريقته دايما عليا وعلى لبسى الا لما قولتله مرره نبعد عن بعض فتره لانى نفسيتى تعبانه وعملها خناقه بس مش مهم المهم انى وصلتله وجهه نظرى ........ والله حتى اللبس اللى بجيبه من مصروفى (وانا من بعد ماما حالتى حاله) يقوللى عليه وحش قوى متلبسيهوش تانى واقوله حرام عليك ده جديد يقوللى وحش اعملك ايه؟؟

فى مرره قاللى متشتريش تانى الا لما اكون معاكى
منا مش معقول انزله معايا علشان اشترى جيبه مثلا وارجع ......... كنت ايام ماما ممكن ..........
وفى نفس الوقت هو مقليش انه يشتريلى فاهميننى وده غير كده انه بابا رافض اننا نخرج مع بعض ..........

وده ولا فى دماغه

والله بلاوى يابنات ومشاكل
والا يوم الفرش
فاكرين اللى كنت مخطوباله السنه اللى فاتت؟؟؟

تقريبا نفس المشكله حصلت المرره دى بس باختلاف 180 مرره
السنه اللى فاتت يقولولى انتى زوقك بسيييييط جدا جدا لدرجه متنفعش مستوى باقى الفرش وايه ده؟ فين الاويمه والكلام ده ؟؟

ومع دول تناااااااااااقض
يقولولى ايه ده ايه الزوق ده (اخته الكبيره برضه) هو انتى عايزه حاجات الافراح دى بقى والورود والكلام ده؟؟ لالا مينفعش ..............
تناااااقض انا جيت قولت لبابا (مهو طبعا عملولى مشكله مع بابا ) يابابا انا ايييييييه؟
الناس خلوبنى افقد الثقه بنفسى السنه اللى فاتت يقولولى انى بسيطه زياده عن اللزوم ونفس الزوق ده يقولولى انى بالمعنى العربى كده (فلاحه) طيب ازاى؟؟
قولولى يابنات انا ايه؟؟
زوقى حلو ولا وحش ؟؟
انا شكلى حلو ولا وحش؟؟
انا شخصيتى حلو ولا لآ؟؟

فين ايام ماكان الكل بيحلف بزوقى فى الديكور واللبس والشكل والكلام وكل حاجه مبقتش بسمع كلمه حلوه عنى ليه من يوم ما ماما راحت؟؟

يعنى هى راحت وخدت كل الحلو معاها؟؟؟

مبقتش حاسه بأمان فى الدنيا ليه ؟؟

اللى احبه يروح منى
وامى تروح منى
وظروف وحشه قوى وقسوه من الايام
وكلام فى العيله عن جواز بابا
وقسوه بابا

يتكتب كتابى على واحد مش بيحسسنى بحبه ليا الا نااادر
بس عارفين؟؟
بيقول انه بيحبنى لكنى مش حاسه .........
زى بالظبط نبض القلب
احنا مش بنشوفه لكن بنحس بيه ...........

وانا مش بحس بيه منه .......

احس بأمان ازاى؟؟
ده غير حاجات تانيه كتيييييره قوى لو افتكرتها ممكن يجيلى انهيار تانى ...........

ومرات اخويا عملتلى مشكله مع بابا واخويا من اسبوع كده والله انظلمت والكل شاهد لكن محدش يقدر يقول لبابا لآ ........ وهى باينه انها معملتش حاجه المشكله هى السبب فيها من تحت لتحت .......
كل حاجه حلوه بتروح
وجوزى اللى المفروض يعوضنى ويرجعلى كل اللى راح
بيموت اللى باقى جوايا وهو مش حاسس برغم انى قولتهاله ..........
والله جت فتره لما كان يقوللى حاجه اقوله انا كده وعاجبانى كونك مش شايف جمالى ومميزاتى يبقى عيبك لوحدك متقنعنيش ان كل لناس اللى مروا فى حياتى مش بيفهموا ...........

حتى لما روحت الشقه مرره علشان نشوف هنعمل فيها ايه كنت قاعده مع اخواته البنات (متجوزين) والله يابنات ولا كأنى قاعده بجد قله زوق رهيبه كأنهم مشافوش بعض من سنين ولا واحده وجهتلى كلمه شوفتوا؟؟ كلمه .......
وبيتحكموا فى الفرش بطريقه رهيبه انا مكنتش اعرف انهم كده لدرجه انى روحت دمياط ورجعت محسوره زى السنه اللى فاتت برضه وبسببهم .......ولقيتهم بيقولوا بسببى انا وانا والله عجبتنى حاجات وهم اللى موافقوش عليها وكانوا عايزين يفرضوا عليا رأيهم ولقيتهم بيتلككوا ليا يومها وغلطونى واهله زعلوا منى على ايه والله العظيم مااعرف .......انى ليه وليه سافرنا ومجبناش حاجه قولتلهم طيب منا قولتلكم على حاجات وانتوا اللى مش عايزنها؟؟
استعبطوا ويقولوا فين هى اوضه واحده ؟؟؟؟؟؟ ومش حلوه ؟؟؟؟؟
طيب وانتوا مالكوا حتى لو مش هتتشاف انا اللى هعيش فيها ولا انتوا ؟؟؟
ليه يابنات كل حاجه وكل الناس بتهزلى ثقتى فى نفسى؟؟

والله يابنات انا شاطره جدا فى الديكور وفى الالوان ده انا حتى برسم ازاى مش هيكون عندى زوق؟؟ وازاى هكون وحشه من جوايا ؟؟؟ وانا كل اللى يعرفنى يحبنى؟؟

مش محمد بس لآ ده كل الناس اللى اتضح ان امى كانت حاميانى منهم .........
ده حتى بابا قالب عليا علشان موضوع جوازه ده؟؟
هو ماتكلمش صريحتا لكن فى بنات عمتى جم واتكلموا قدامنا وشحنوه علينا كده عينى عينك وانا زعقت معاهم فهو واخد منى موقف من يومها لانه عارفه انه لو اتفتح الموضوع ده هبهدل الدنيا ........
كله الا بيت امى ومكانها ونفسيت اخواتى
بابا مش صغير وجوزنا اخويا علشان مراته تبقى فى البيت مكانى يبقى ليه الخراب؟؟
احنا كويسين قوى ليه حد غريب يجى يقسيه علينا اكتر هو احنا هنلاحقها من الزمن ولا من مرات الاب ولا من الاب؟؟؟؟

ولا هتطيقنى لما اجى ازروهم ولا اولاد اخواتى ولا اى حاجه انا فكرت فى الموضوع من كل الجوانب مش هينفع ......الا اذا لقى ملاك زى ماما الله يرحمها ودى ماتت واكيد اللى زيها ماتوا ...........


اعمل ايه ؟؟؟ تعبانه قوى
مش ملاحقه افكر فى ايه ولا ايه ولا ايه
مش عارفه محمد ولا ماما ولا جواز بابا ولا المصاريف فى البيت ولا مصاريف جهازى ولا اهل جوزى ولا مرات اخويا ولا اخواتى
مش عارفه ايه ولا ايه والا ايه
ضغط ضغط ضغط


وجوزى من ناحيه تانيه ولا عنده مسئوليه فى اى حاجه ولا فى دماغه حاجه ..........
واتكلمت معاه ومفيش فايده كل حاجه صوت عالى ويقول عليا نكديه طيب اعمل ايه ؟؟؟
نفسى حد يطمنى
عايزه ربنا يطمنى
عايزه بابا يطبطب عليا
عايزه حضن زوج انسى بيه همومى
عايزه اسمع ضحكت اخواتى
عايزه حد يضحك فى وشى ويبسطنى
عايزه اسمع كلمت مالك ياحبيبتى؟؟؟
عايزه ماما تحضنى وتقوللى كلمتها اللى دايما كانت تقولهالى (مبقاش ماما لو محلتلكيش المشكله دى وسمعت ضحكتك)

ايام ماما كان الكل يحكى عن دلعى واهتمامى بنفسى وحتى لمعه عيونى

دلوقتى الكل بيقوللى مالك انطفيتى؟؟ حاسبى على نفسك

كنت فين وبقيت فين ؟؟؟

طولت عليكم آسفه بس انتوا اللى طمنتونى للحكى معاكم واصريتوا تعرفوا مالى ويارتنى قدرت اقول كل اللى فيا وبيحصللى ..........................................................................................

واضح حبيبتي كل الليى تعانين منه صدمه لفقدان والدتك وهذا اللي تاعب نفسيتك وماثر عليها لانه مو محصله اي شخص يقدر يحل محلها وماراح تحصليين هذا واقع ولازم تتقبلينه وقت اللي تختليين فيه بنفسكحاولي تشكيين همومك لرب العالميين واكثري من الاستغفار واكييد ربي راح يطمنك ويمسح على قلبك وراح يرتاح بالك صحيح ماماتك راحت بحنيتها وطيبتها واهتمامها بس بقى اللي احسن وافضل منها واكثر حنيه عليك وهو رب العالميين يسمعك في اي وقت ويساعدك متى ما دعيتي وطلبتي منه هالشئ...
وبالنسبه لمسأله الذوق حبيبتي الناس اذواق كل شخص وله ذوق مش معناة اني ذوقي مختلف عن ذوقك يعني ذوقك وحش وذوقي الحلو لكن هو مجرد اختلاف في الاذواق يعني لا تنهز ثقتك في نفسك ولاشي...
وحاولي لما تنزلي تشتري حاجه متعلقه بجهازك نزلي انتي وخطيبك واحد من اهلك ماله داعي اهله يتواجدون او يتحكمون في ذوقك لانه في النهاية نفس ما قلتي انتي اللي راح تعيشيين في هالشقه والشقه شقتك وملكك لوحدك...
بالنسبه لموضوع زواج باباتك اهو صحيح صعب لكن لو كانت الفكره في دماغه صعب تخلينه يتراجع عن هالقرار وانتي الحمد لله قريب راح تتزوجيين يعني ماراح تعيشيين تحت رحمة او تاثير زوجه باباتك في حالة لو عملها وتجوزلا سمح الله..
اسرتك وخطيبك جزء من حياتك وإنما مش كل حياتك انتي لازم تهتميين بنفسك تكونين صداقات تطلعيين تتفسحيين تغيريين جو وتدريجيا راح ترجع لك روحك الحلوه اللي الكل تعود عليها..

وراح اجاوبك باختصار ع كل تساؤلاتك

*نفسى حد يطمنى
رب العالميين موجود

*عايزه ربنا يطمنى
لا تنسي قوله تعالي (الا بذكر الله تطمئن القلوب) اذكريه كثيرا راح يطمن قلبك بإذن الله

*عايزه بابا يطبطب عليا
روحي ارتمي في حظنه وعيطي واشرحي له شنو حاسه فيه بعد مافقدني والدتك الله يرحمها واهو مهما كان اب وهالحركه راح تعني له الكثير وراح تشوفيين حنية قلبه شلون راح تبين من هالموقف

*عايزه حضن زوج انسى بيه همومى
الزوج مثل الطفل كل ما حنيتي عليه وعاملتيه بحنيه وداريتيه راح يعاملك بالمثل لما يشوفك ع طول تبكيين ومهمومه اكييد ماراح يحس بعمق الهم والحزن اللي تحسين فيه لانه يشوفك ع طول في هالوضع حاولي تضحكيين وتنبسطيين معاه حتى لو دستي على روحك حتى لو كانت الضحكه تمثيل مع الوقت لما تحتاجيين تشكيين له وتبكيين له راح يحس فيك لانه كثرة ما يشوف دموعك تكون الدمعه رخيصه بعكس لو كانت نادرة راح تكون غاليه ومهمه بالنسبه له

*عايزه اسمع ضحكت اخواتى
ابدأي انتي بنفسك وحاولي تخرجيين من اللي انتي فيه راح تشوفيين كل اللي حوالينك مبسوطيين ويضحكون

*عايزه حد يضحك فى وشى ويبسطنى
نفس ما قلت لك حبيبتي ابدأي من نفسك وراح تشوفيين الكل يضحك ومبسوط بإذن الله

*عايزه اسمع كلمت مالك ياحبيبتى؟؟؟
كلنا اخواتك ويهمنا زعلك واحنا بكل وقت بنقولك مالك يا حبيبتي وقلوبنا مفتوحه لك وبتسمعك بكل وقت محتاجه فيه تفضفضيين او تشكيين

بحفظ الله حبيبتي ربي يهون عليك ويطمنك ويبسطك يارب ياكريم