تجمع بنات مصر المتاخرات عن الحمل او بيتعالجوا "3"

انا من عبدالسلام عارف

اهلا انتى خريجه سنه كام يا دارين انا 2005
وبعدين فى سؤال بايخ انتى ليكى اخ اسمه محمد اصل انا ليه واحد صاحب اخويا من مدينه السلام واخته اسمها دارين لا تطلعى انتى ولا حاجه

لاانا خريجة 2008السنة اللي فاتت


لامش انا ههههههههههههه انا اصلا مش اسمي الحقيقي دارين

ماشى يا ستى مش فارقه انا هقوم بقى انام وكمان سهرتك معايا وانتى المفروض تخلى بالك على نفسك وحجاولى متسهريش كتير واتمنى ابقى ققبلك تانى باذن الله ودعواتك معانا الف سلامه يا قمر

ان شاء اللة اقابلك تاني علي خير ياحبيبتي

مع السلامة

roro8484;10135340:
حبيبتى ممكن تكتبى رابط تجمع بنات مصر فى قسم المطبخ اصل دورت عليه ومش لقياه
بالنسبه للاستعداد لرمضان انا بعصر طمام واسبكها واحطها فى اكياس فى الفريزر للطبخ وخلافه وبعمل شربات بتاع الحلويا واحطه فى برطمان كبير وبستعمله طول رمضان البفتيك والبنيهات قبل ما اخذنها فى الفريزر بكون متبلاها عشان اطلعها اعملها على طول وكذلك الفراخ بتبلها وقطعها بعينها فى الفريزر بقشر ثوم ووباخد نصه بعمل بيه دقه عشان السمك المقلى او الطحينه او البتنجان بعمل تتبيله واحطها فى برطمان واحطها فى الثلاجه وبقيت الثوم فى الفريزر بالنسبه للمكسرت بكسرها واخلطها ببعض واعينها عشان اى حشوة لاى حلويات وطبعا كنت مخذنه فراوله بطلعا اعصرها واعمل عصير فراوله وفيها شرايح صغيره وبرده مخذنه جوافه
واى حد عنده افكار تانيه يريت يقول عشان نستفيد كلنا ومنتلبخش ونوفر فى وقتنا على قد منقدر

ما شاء الله انتى شاطرة اوى يا رورو انا بقى بصراحة مبعرفش اخزن حاجة او اعمل حاجة بكميات يعنى الشربات مثلا بعمله وقت مبعمل الحاجه و استخدمه فى ساعتها و التتبيل بطلع الحاجة من قبلها بيوم اتبلها و اشيلها فى التلاجة و كده يعنى
بصى يا قمر ده رابط الجزء التانى و هادورلك على رابط الجزء الاول و لما الاقيه هابعتهولك http://forums.3roos.com/t467290.html

bright bride;10137010:
ما شاء الله انتى شاطرة اوى يا رورو انا بقى بصراحة مبعرفش اخزن حاجة او اعمل حاجة بكميات يعنى الشربات مثلا بعمله وقت مبعمل الحاجه و استخدمه فى ساعتها و التتبيل بطلع الحاجة من قبلها بيوم اتبلها و اشيلها فى التلاجة و كده يعنى
بصى يا قمر ده رابط الجزء التانى و هادورلك على رابط الجزء الاول و لما الاقيه هابعتهولك تاني مرة نقول بتعملي الأكلة دي ازاي؟ ( بنات مصر ) جزء تاني

الله يخليكى يا قمر بس حاولى تعملى الحجات دى مش شرط بكميات كبيره اوى ممكن تعملى حاجه تقضيكى كام يوم ولما تخلص تكررى الموضوع توفيرا للوقت والمجهود لان اليوم فى رمضان بيخلص بسرعه اوى ولا تلحقى تنظفى ولا اى حاجهفعشان كدهبجهز الحجات دى عشان الاقى وقت للتظيف والعباده وقراه القران

صباح الخير يا بنات عاملين ايه وحشتونى؟
بوسى حمدالله على سلامتك وحشتينى قوى.. يارب تكون اتبسطتى

الطيور المهاجرة ازيك؟

bright bride;10138982:
الطيور المهاجرة ازيك؟

الحمد لله بخير
كيفك انتى حبيبتى
كل عام وانتى بخير
ممكن تعرفينى عليكى

يابنات وحشانى خالص انا بقالى مده متدخلتش بس وحشانى المنتدي اللى عرفته من ساعة ما كنت بجهز وكنت عروسه المهم انا قبل مااتجوزت جالتى الدوره يوم 30 -4 بعد الجواز 27-5 وبعدين 25 -6 والشهر اللى فاتت كنت تعبانة اوي وعندي الالم فى ظهرى ومغص ونزل دم عليا دم بس مش كتير يوم 27-7 ووقف وبعدين نزل يوم 29 دم كتير اوى وكنت حاسه انى تعبانه وهموت مش عارفة هل ده كان حمل ونزل ولو كان حمل ممكن احمل الشهر ده ولا لا وايام الاباضة امتى معلش طولت علكيم بس بالله عليكم حد يجاوبنى عشان قلقنى

حبيبتى الدم الكتير الى نزل عليكى لو استمر كام يوم يبقى دوره ولو حمل هنزفى وهيقف بعد الشويه لان الحمل بيبقى لسه فى اوله بس عمتا دى تقريبا دوره وده بيبقى تغير فى جسمك نتيجه الاجواز ودخول الحيوانات المنوزيه فى الجسم وبتبقى لسه متعودتيش عليه فبيصحصل خلل وعمتا دى بشره خير يمكن يحصل حمل المره الجايه احسبى بعد دورت اول اسبوع لا تانى اسبوع هو التبويض بس انتى تقريبا دورتك مش منتظمه وصعب انك تحددى ميعاد للتبويض ممكن تتابعى مع دكتور ميغاد التبويض بس انصحك خليها على الله ومتحسبلهاش احسن لان ده بياخر الحمل وان شاء الله ربنا هيرزقك قريب انتى لسه عروسه استمتعى بحياتك الاول ومتقلقيش نفسك من دلوقت

bright bride;10133716:
يارب يعدى علينا 100 رمضان و احنا مبسوطين مع ازواجنا و فى اتم صحة يارب
انا بحاول دلوقتى ابتدى فى قراءة القرأن تحسبا لاى ظروف تحصل فى رمضان زى البيريود لانى ساعات مش بعرف اعوض الاجزاء اللى مقريتهاش و نفسى اختمه اكتر من مرة يارب يارب
بالنسبة للمطبخ و الاكل انا بقاللى فترة بتابع تجمع بنات مصر فى ركن المطبخ و المائدة و بجد استفدت منهم كتييييييييررررررررررر و كنت كل حاجة يقولوها احطها فى ملف وورد فبحاول دلوقتى ارتبه كويس و اصنف الاكلات
و عملت لستة بالاكل اللى هعمله ان شاء الله فى رمضان- علشان محيرش نفسى و اتفرغ للعبادة- سواء اكل عادى او حلويات و على اساسها عملت لستة بالحاجات اللى عايزة اشتريها و نزلت فعلا اشتريت نصها و النص التانى فى وسط الاسبوع
و مسكت المطبخ و التلاجة رتبتهم علشان اعرف احط الحاجات الزيادة اللى هجيبها زى الياميش و كده
بالنسبالى انا بحاول اقلل من الاكل لانى خايفة اتخن فى رمضان و نفسى اخس اوي اصلى من ساعة ماجيت هنا و انا بزيد لانى مش بنزل الا نادرا و كمان حبسة البيت ساعات بتخلى الواحد يطلع همه فى الاكل يلا الحمد لله
انا رغيت كتير سامحونى و ياريت كل واحدة تقول هى بتستعد لرمضان ازاى يا بنات و كل سنة و انتم طيبين

والله برافو عليكي

طيب ما تكتبلنا كام اكلة كدة منالليسته بتعتك

انا بردوا كنت ناوية اعمل كدة عشان اريح دماغي بس لسه معملتهاش

وعندي عزومة اول يوم رمضان عايزة افكار للاطباق اللى ممكن اعملها

هنكون 10 افراد تقريبا

بنت مصر11;10134031:
كل سنه وانتم طيبين رمضان كريم انا ببص عليكم كل فتره بس محدش يعرفني منكم انا محتاره البريود جتلي النهارده واول مشوفتها انهرت انا باخد علاج عشان هرمون البروجسترون ضعيف شويه وخايفه من المنشطات مش عارفه اكمل ولا لاء وزهقت من الناس كلها حتي اصحابي بيحرقو دمي ربنا يسامحهم الي تقولي متخلي حوزك يجدعن شويه مع انها كانت قبل كده نفس حالتي بس لما ربنا اداها نست انا اسفه دوشتكم بيا بس كنت مخنوقه

اهلا يا حبيبتي انا طبعا عارفاكي

معلش كبري دماغك وسيبك من كلام اي حد واكنك مسمعتيهوش

وان شاء الله ربنا يرزقك قريب فرصة رمضان ادعي كتير وان شاء الله ربنا يستجاب


محبة

ازيك انتي يا حبيبتي اخبارك ايه

وكل البنات ربنا يطمنا عليكوا


فجر

ماشاءالله عقبال ما يعدي عليكي 100 رمضان يارب

ويارب رمضان الجاي ان شاء الله يكون معاكي نونو صغنن


ربنا يخفف عنك يا بسبس ويقومك بالسلامة يارب

بيبو طمنينا عليكي روحتي للدكتورة تاني ولا لسه

انا هكتب جزء كده بس انا مش عارفة مخالف كدة و لا لأ ياريت حد يقولى
1-مكرنة بالبشاميل بس انا بعملها بدل اللحمة المفرومة بفراخ مسلوقة و بعدين تقطعيها نسايل و تشوحيها مع بصل و فلفل اخضر و جزر مبشور و خضار مشكل و مرقة دجاج و تحطى عليها مايونيز و جبنة سايلة بتبقى حلوة اوى و وجبة متكاملة مش محتاجة جنبها الا السلطة و ممكن بدل المكرونة تحطى بطاطس مقلية و مقطعة طرنشات حلوة برده
2- بيكاتا لحم +ارز
3- صينية بتنجان بالبشاميل
4-كبسة لحم او فراخ
5-لحمة محمرة+بامية +ارز
6-كفتة داوود باشا+ارز
7-فراخ محمرة+ارز+ملوخية
8-شاورما دجاج فى عيش لبنانى
9-صينية بطاطس بيوريه+ارز
10-صينية كوسة بالبشاميل
11-كباب حلة+ارز
12-فيتوتشينى الفريدو
13-كفتة+ارز
14-بسلة بالحمة المفرومة+ارز
15-بيتزا+بطاطس محمرة
16-جلاش بحشوة البيتزا +فراخ بانيه
17-بفتيك+مكرونة
ممكن حاجة اكررها مرتين او حاجة ناكلها على يومين كده يعنى
و السلطات بقى ممكن سلطة خضراء,سلطة بطاطس بالتونة,بطاطس بالمايونيز,سلطة زبادى و التنويع برضه فى مثلا الارز مرة بالخضار و مرة بالشعرية او المكسرات او مكسيكى و المكونة مرة محمرة و مرة بالصلصه الحمرا او التونة و الزيتون و كدة
بالنسبة للحلويات فيه ملفين للاخت هند حلوين اوى اخترت منهم كزا حاجة و اللينك اهو
http://forums.3roos.com/t245543.html
http://forums.3roos.com/t199056.html


بالنسبة للعزومة يا نانى انا مش عارفة و الله بس احنا فى بيت بابا ماما كانت بتحاول تعمل نواشف اكتر علشان اللخمة فى الاكل و الواحد ياكل براحته و كدة :) زى مثلا مكرونة بالبشاميل و كفتة و بفتيك و فراخ بانيه مثلا و جلاش بحشوة البيتزا او سمبوسك و خضار سوتيه بالمايونيز و الشوربة اساسى طبعا و سلطات مع مشروبات رمضان زى الكركديه و التمر هند و قمر الدين حاولى تعملى كميات مش كتير لو هتعملى حاجات متنوعة علشان مجهودك و ميتبقاش اكل كتير

على فكرة يا نانى انا اول متجوزت كنت قاعدة فى دبى بس بعد كدة اضطرينا نيجى قطر لظروف شغل زوجى بس بجد احلى ايام حياتى كانت فى دبى ابقى سلميلى عليها بقى :) انا كنت ساكنة فى شارع الرقة و انتى؟

الطيور المهاجرة;10139100:
الحمد لله بخير
كيفك انتى حبيبتى
كل عام وانتى بخير
ممكن تعرفينى عليكى

انا برايت متجوزة بقالى 8 شهور عندى 23 سنة و قاعدة فى قطر خريجة صيدلة يا جميلة و لا اعمل :)

bright bride;10133716:
يارب يعدى علينا 100 رمضان و احنا مبسوطين مع ازواجنا و فى اتم صحة يارب
انا بحاول دلوقتى ابتدى فى قراءة القرأن تحسبا لاى ظروف تحصل فى رمضان زى البيريود لانى ساعات مش بعرف اعوض الاجزاء اللى مقريتهاش و نفسى اختمه اكتر من مرة يارب يارب
بالنسبة للمطبخ و الاكل انا بقاللى فترة بتابع تجمع بنات مصر فى ركن المطبخ و المائدة و بجد استفدت منهم كتييييييييررررررررررر و كنت كل حاجة يقولوها احطها فى ملف وورد فبحاول دلوقتى ارتبه كويس و اصنف الاكلات
و عملت لستة بالاكل اللى هعمله ان شاء الله فى رمضان- علشان محيرش نفسى و اتفرغ للعبادة- سواء اكل عادى او حلويات و على اساسها عملت لستة بالحاجات اللى عايزة اشتريها و نزلت فعلا اشتريت نصها و النص التانى فى وسط الاسبوع
و مسكت المطبخ و التلاجة رتبتهم علشان اعرف احط الحاجات الزيادة اللى هجيبها زى الياميش و كده
بالنسبالى انا بحاول اقلل من الاكل لانى خايفة اتخن فى رمضان و نفسى اخس اوي اصلى من ساعة ماجيت هنا و انا بزيد لانى مش بنزل الا نادرا و كمان حبسة البيت ساعات بتخلى الواحد يطلع همه فى الاكل يلا الحمد لله
انا رغيت كتير سامحونى و ياريت كل واحدة تقول هى بتستعد لرمضان ازاى يا بنات و كل سنة و انتم طيبين

امييييييين يارب العالمين على الدعوة الحلوة ده
ازيك يا برايت وكل سنة وانتى طيبة وبالف خير
ماشاء الله جميلة فكرة اللستة ده واسمحيلى هعمل زيك
انا استعديت لرمضان حضرت طماطم فى الفريزر علشان تبقى سهلة وبامية وورق عنب واشتريت لحوم والبانيه والكبدة والبوفتيك شيلتهم متبلين ولفيت سمبوسة وعصجت لحمة مفرومة واشتريت جمبرى وشيلت جزء منه متقشر جاهز فى الفريزر وبس كده

بنت مصر11;10134031:
كل سنه وانتم طيبين رمضان كريم انا ببص عليكم كل فتره بس محدش يعرفني منكم انا محتاره البريود جتلي النهارده واول مشوفتها انهرت انا باخد علاج عشان هرمون البروجسترون ضعيف شويه وخايفه من المنشطات مش عارفه اكمل ولا لاء وزهقت من الناس كلها حتي اصحابي بيحرقو دمي ربنا يسامحهم الي تقولي متخلي حوزك يجدعن شويه مع انها كانت قبل كده نفس حالتي بس لما ربنا اداها نست انا اسفه دوشتكم بيا بس كنت مخنوقه

وانتى طيبة يا قمرة ومنورة معانا وان شاء الله ربنا يكرمنا كلنا فى شهر الخير يارب
خليكى زى ما انتى متابعة مع الدكتور ويارب الزيارة الجاية يطمنك وبالنسبة للناس حاولى تكبرى دماغك منهم ومتديش فرصة لحد انه يتكلم وردى عليهم ناشف وقوليلهم انك عايشة حياتك ومبسوطة ومش مستعجلة على حاجة
وربنا يكرمك ويكرمن قريب ان شاء الله

moslem bride;10135394:





حبيبتى انا حاسة بيكى والله و ان شاء الله ربنا هيرزقنا كلنا قريب معلشى انا برده واحده صحبتى ربنا مرزقهاش بالاطفال غير بعد فترة كبيرة و كل ما تكلمنى اول حاجة تسال عليها تقولى ها لسه مفيش حاجة . استغفر الله العظيم ساعات باحس انهم بيطلعوا علينا كل الى كان مضايقهم يلا ربنا يسامحهم و يهدى الجميع. ربى لا تذرنى فردا و انت خير الوارثين. اللهم بلغنا رمضان

ازيك يا مسلمة كل سنة وانتى طيبة
والله عندك حق فى كلامك ربنا يهديهم ويبعد كلامهم عننا ويرزقنا الذرية الصالحة عاجلا غير اجلا ان شاء الله

roro8484;10135454:
فعلا حاجه تحرق الدم انا ليه واحده صحبتى اتزوجت بعديه بشهر انا متزوجه بقالى9شهور وهى حملت على طول وهى دلوقت فى الشهر8 وليه واحده صحبتى تانيه اتزوجت بعدها بشهرين وللان محملت والى حملت كل متكلمنى انا او التانيه تعد تسالنا عن الحمل وكشفتوا ولالا وازواجكم كشفوا وتعد تدينا فى نصايح وكانها دكتوره وعالمه ذره وتعد تحكلنا عن متاعب الحمل وتتدلع اصدنا وتحكى كيف زوجها فرحان وبيدلعها واشتروا ايه لنونو انا بتمنلها والله انها تقوم بالسلامه هى والبيبى بس بجد بتزودها اوى وانا وصحبتى التانيه بندايق منها اوى لدرجه ان احنا معدناش بنكلمها كتير ولو كلمنها بنطمن عليها ونتهرب من المكالمه ونعمل نفسنا مشغولين ربنا يرزقنا باذن الله ويفرح قلوبنا فى هذه الايام المباركه

معلش يا رورو ربنا يهديها والله عندى صاحبة نفس الطريقة ده وصح كل واحدة عاملة فيها دكتورة وتحسسك ان الحمل ده كيميا صعبة جدا مش اى حد يوصله كأننا داخلين خناقة
بس هى الناس كده وربنا يهديهم

دارين د;10135546:
صباح الخير يابنات ازيكم وحشتوني انا من راي محدش يسمع لحد واللي بتتكلم كدة مستحيل تبقي صديقة اصلا وربنا يكرمكم يارب عن قريب

ازيك يا دارين اخبارك ايه ؟ فينك والبيبى عامل ايه ؟ ربنا يقومك بالسلامة ان شاء الله
كل سنة وانتى طيبة يا قمرة

قصة كبيرة;10138153:
صباح الخير يا بنات عاملين ايه وحشتونى؟
بوسى حمدالله على سلامتك وحشتينى قوى.. يارب تكون اتبسطتى

ازيك يا بيبو انتى كمان وحشتينا
اخبارك ايه طمنينى عليكى روحتى للدكتورة تانى ولا لسه وربنا يقومك بالسلامة

ناني فيبس;10140262:
والله برافو عليكي

طيب ما تكتبلنا كام اكلة كدة منالليسته بتعتك

انا بردوا كنت ناوية اعمل كدة عشان اريح دماغي بس لسه معملتهاش

وعندي عزومة اول يوم رمضان عايزة افكار للاطباق اللى ممكن اعملها

هنكون 10 افراد تقريبا



اهلا يا حبيبتي انا طبعا عارفاكي

معلش كبري دماغك وسيبك من كلام اي حد واكنك مسمعتيهوش

وان شاء الله ربنا يرزقك قريب فرصة رمضان ادعي كتير وان شاء الله ربنا يستجاب


محبة

ازيك انتي يا حبيبتي اخبارك ايه

وكل البنات ربنا يطمنا عليكوا


فجر

ماشاءالله عقبال ما يعدي عليكي 100 رمضان يارب

ويارب رمضان الجاي ان شاء الله يكون معاكي نونو صغنن


ربنا يخفف عنك يا بسبس ويقومك بالسلامة يارب

بيبو طمنينا عليكي روحتي للدكتورة تاني ولا لسه

ازيك يا نانى كل سنة وانتى طيبة يا جميلة
بالنسبة للعزومة ممكن تعملى مكرونة بالباشميل وجلاش وبوفتيك وفراخ مشوية وشوربة وسلطة وممكن جنبهم ملوخية علشان لو حد بيفضل اكل العيش

ازيك يا اونى؟ اخبارك ايه؟