تجمع بنات مصر المتاخرات عن الحمل او بيتعالجوا "3"

عاصفة الايام;10098943:
بنات انا بجد زعلانه جدا ونفسيتى تحت الصفرررررررررررررررررررررر بجد حاسه احساس سىء جدا
:cry::cry::cry::cry::cry::cry::cry::cry::cry::cry:
حتى مش قادره اتكلم مع حد حتى معاكم ومحتاره
:cry::cry::cry:

مونى مالك يا قمرة ايه بس اللى مضايقك.فضفضى
انتى عارفة لما تتكلمى هترتاحى على فكرة الحالة دى بتجيلنا كلنا من وقت للتانى بس لازم نتكلم ونفضفض علشان مانتعبش.فهمانى يا حبيبتى

Nesoo;10100059:
[QUOTE=دينا حمدى;10091354]
خير إن شاء الله يا حبيبتى وشافاكى الله وعافاكى يااااااااارب وان شاء الله كلو هايبقا تمام ياجميل
وتقريبا بيبو حملت وهرمون الحمل عندها موجود وبرضو اعرف واحده برا المنتدى حملت مع اول يوم تاخد فيه الدوا بتاع هرمون اللبن
متقليش إن شاء الله خير
تفائلوا بالخير تجدووووه

الحمد لله يا نيسو على كل حال وربنا اذا اراد شيئا هيقول له كن فيكون ولما ربنا يريد ليا الحمل اكيد هحمل لو حتى عندى ايه
وربنا يرزقنا جميعا

LOLAAAAA1985;10101070:
انا زعلانه منكم ياا بناات محدش افتكرني

لولا ازيك يا قمرة
احنا مانقدرش ننساكى وانا بالذات علشان دلع مامتى زيك كده
فانتى زى ماما بس على النت هههههههه

ازيكم يا بنات اخباركوا ايه كلكم وحشتونى انا روحت للدكتور يوم السبت تانى يوم من الدوره زى ما قالى وكشف عليه بالسونار وقالى ان كل شئ تمام وان الرحم كويس وكل شئ مظبوط وزوجى كان معايا وسالناه على التحاليل مرضاش يخلينا نعمل تحاليل وقالى استنى اما تكملى السنه افضل وقالى انتى فضلك 4 شهور مش هيجرى حاجه لو استنيتى وقالى انا حتى مش هكتبلك على اى منشطات لانى مش محتجاها والحمد الله وكتبلى بس على شويه فيتامينات ومقويات لانى ديما عندى هبوط وطبعا انا هستنى اما اكمل السنه وان شاء الله يمكن ربنا يكرمنى فى 4 شهور قبل السنه انا وانتم وكل البنات يارب بس الحمد الله الدكتور طمنى وعندى معاد معاه يوم19/8 عشان يتابع التبويض بتاعى

ربنا يكرمك يا رورو يا رب و يكون التبويض تمام و يحصل حمل ان شاء الله قبل ما تكملى السنة على فكرة انا كمان فاضلى 4 شهور و اكمل سنة جواز بصرة :)

بنات فى موضوع محتاره فيه قوى وتعبلى نفسيتى
هحكيلكم حكيتى باختصار علشان تحسو معاى بالمشكله
انا عندى 29 سنه اتخطبت 4.5 معرفش عدو ازاى المهم
اتجوزت من 26/10 اللى فات يعنى بقالى 10 شهور
المشكله انى اتجوزت من 26/10 ل26/11 وبعدين جوزى سافر
وطبعا محصلش حمل
سافرت له فى شهر 4 اللى فات وقعدت معاه شهرين وجيت فى اول 6
روحت للدكتوره قبل ما اسافر وقالتلى مش حاعملك اى حاجه انت ملحقتيش بس كشف عادى وسونار
المهم رجعت من السفر وبردو مش حصل حمل
اخدت من نفسى وانا هناك كلوميد وتعبت قوى الشهر ده ولما رجعت قالتلى اللى بياخد كلوميد من غير ما يكون محتاج بيعمله اكياس على المبايض ويتعب
وممكن يكون هو ده اللى تعبك وعملتلى تشيك بالسونار وقالتلى انه الحمد لله مافيش حاجه
وبعدين عملت متابعه تبويض شهرين فى الشهر الاول مكانش فيه حاجه التانى قالتلى انه فلى كسل بسيط فى المبيض علشان قطر البويضه فى اليوم ال16 وصل 14 والمفروض يكون 18-22
وقالتلى تيجى المره الجايه من تانى يوم البريود اديكى كلوميد بكميه اقل من الى اخدتها
قلتلها عايزه اكمل شيك واعمل اشعه بالسبغه علشان اطمن على الانا بيب
المشكله انى جوزى جاى شهر" الشهر الجاى" واحد ومش حا نلحق نجرب!!!.......... نفسى اروح لدكتور يجيب من الاخر
واعمل كل الحاجات مش اجرب بس انا خايفه اروح عند حد مش اعرفه لان الطب دلوقتى بقى تجاره وكل واحد ممكن يفتى ويعمل حاجات مش بس ملهاش لازمه بل ممكن كمان تكون مضره
كلمت جوزى علشان اتكلم معاه ويهدينى ويقولى اعمل ايه قلى سيبى كل الافكار من دماغك وانا حاريحك مش تقلقى ؟؟؟انا سايبك تعملى كل ده علشان انتى عايزه كده لكن يأثر عليكى بالشكل ده لا مش تروحى لاى حد
لحد ما اجى واحلل انا كمان وخير انشاء الله

مش عارفه اعمل منى لنفسى اشعه السبغه دى ولا اعمل ايه انا مش عايزه افضل اجرب واضيع كمان بعد الجواز 4 او 5 سنين تانى
ومش عارفه بعد ما يسافر المره دى حانشوف بعض تانى امتى
بجد اعصابى تعبت ومش عارفه اعمل ايه


:cry::cry::cry::cry::cry::cry::cry::cry::cry::cry::cry:

صباح الخير يا جماعة عاملين ايه؟

مونى بصراحة انتى غلطانة.. ايه يا بنتى القلق اللى انتى فيه ده كله؟ لازم تكونى واثقة ان ارادة ربنا دى اكبر من اى حاجة واكبر من التحاليل والاشعات والكلام ده كله.. خلى ايمانك بالله كبير.. ولازم تكونى واثقة ان ربنا هيقدرلك كل حاجة فى الميعاد المناسب.. ادعى ربنا انه يوم ما يرزقك يرزقك طفل سليم معافى من كل شر..
شيلى الافكار دى من دماغك وفكرى بس ازاى انتى وجوزك تتبسطوا سوا لما ينزل اجازة بالسلامة ان شاء الله.. والله كتر التفكير فى الحاجات دى بيلخبط الهرمونات والتبويض.. وهتلاقيكى انتى سليمة فى الاخر.. وماتقعديش تفكرى وتحسبيها بالشهور والسنين الحاجات دى بتاعت ربنا.. زى ما ربنا قادر وبيخلى واحدة تحمل ليلة دخلتها قادر ويخليكى تحملى فى اى وقت.. ماتقعديش بقى تحسبى وتقولى جوزى نازل شهر وميعاد تبويضى امتى ولا جالنا ناس يوميها وماحصلش جماع.. بجد كل ده هبل.. عارفة ليه؟ لان الحمل كمان مش شرط يحصل فى فترة التبويض بدليل ا ن الدكاترة عمرهم مابيبقوا متأكدين انتى حملتى امتى بالظبط وبتلاقى حساباتهم مختلفة عن حسابات السونار.. يعنى كل الحاجات دى فى الاخر بتاعت ربنا..
انا كنت تعبانة وهرمون اللبن عندى عالى والمبايض كسلانة بس ربنا ارادلى الحمل...
وواحدة قريبتى اتولدت بعيب خلقى عندها قناة من قنوات فالوب مسدودة ومع ذلك الحمد لله ربنا كرمها بالولد ربنا يخليهولها يارب,
سيبى كل حاجة على ربنا .. ربنا قادر على كل شئ.

السلام عليكم
كيفكم جميعا
وحشتوووووونى
معلش عندى ظروف صعبه ادعولى لاتنسونى من الدعاء
اختكم فرح

حبيبتى لولا انتى هنا
كيف حالك اليوم
يارب تكونى بخير

انا الحمد لله لا جديد
عاصفه انتي غلطانه مش تزعلي مني سيبها لربنا ربنا قادر علي كل شئ وبعدين مش لازم الحمل يحصل في ايام التبويض دي حاجه بتاعه ربنا واصبي علي الصلاه والاستغفار وان شاء الله ربنا يرزقك قريب

فرح اخبارك أئيه يا قمررررر

الحمد لله بخير
بس النفسيه زفت
الحمد لله على كل حال

سبيها علي ربنا ربنا كبيررررررررر رررررررر

ونعم بالله
ربنا يفرج همنا جميعا
ويفك كربنا عن قريب يارب

اخباركوا ايه يا بناتانا مزاجى مش حلو خالص بجد مضيقه ومليش نفس لاى حاجه وحسه انى وحيده اوى
بس مش بسبب الحمل ولا حاجه بسبب مشكله مع اخت جوزى بس هى كبرت الموضوع اوى وانا شايفه انه ميستهلش وحاولت ارضيها كذا مره تكلمنى بوش مش كويس وترد عليه رد ناشف اوى وانا طبعا صعبان عليه نفسي اوى

رورو اخبارك ايه
ماقولتليش روحتى لدكتور ميييييين ؟؟؟؟

موونى
انا مع بيبو فى كلامها صرااحة
ربنا ييسرلك امرك ياارب
ويرزقك الذرية الصالحة

لولا وفجر وفرح ودينا ونيسو
عاملين ايه ؟؟

بوسى فيين من زمان مش باينة :(

roro8484;10104958:
ازيكم يا بنات اخباركوا ايه كلكم وحشتونى انا روحت للدكتور يوم السبت تانى يوم من الدوره زى ما قالى وكشف عليه بالسونار وقالى ان كل شئ تمام وان الرحم كويس وكل شئ مظبوط وزوجى كان معايا وسالناه على التحاليل مرضاش يخلينا نعمل تحاليل وقالى استنى اما تكملى السنه افضل وقالى انتى فضلك 4 شهور مش هيجرى حاجه لو استنيتى وقالى انا حتى مش هكتبلك على اى منشطات لانى مش محتجاها والحمد الله وكتبلى بس على شويه فيتامينات ومقويات لانى ديما عندى هبوط وطبعا انا هستنى اما اكمل السنه وان شاء الله يمكن ربنا يكرمنى فى 4 شهور قبل السنه انا وانتم وكل البنات يارب بس الحمد الله الدكتور طمنى وعندى معاد معاه يوم19/8 عشان يتابع التبويض بتاعى

ازيك يا محبه اخبارك ايه يا قمر انا روحت للدكتور الى انا متابعه معاه اساسا د/سيد صلاح فى طلخا

عاصفة

انتي عاملة في نفسك ليه كدة

يا بنتي دة رزق ومحدش بياخد رزقة بالعافية

هتخديه ان شاء الله قريب في الوقت اللى ربنا كاتبه

وسيبك من الدكاترة والعك بتعهم

والله الواحد بيروح للدكتور بيشكي من حاجة يطلع من عنده بيشكي من 10 حاجات مبقاش عندهم ضمير دلوقت إلا من رحم ربي

متنكديش على نفسك

انا الحمد لله من ساعة ما اقتنعت ان الموضوع دة ماليش في ايدي حاجة تقدمة ولا تاخره سيبت الموضوع خالص ولا بفكر فيه ومرتاحة جدا وبس كل اللى بعمله بدعي ربنا من باب الطاعة والتقرب من ربنا مش اكتر

وانتي يا رورو

خلاص انتي عملتي اللى عليكي

اتعاملي معاها باللي يرضي اخلاقك وضميرك وعامليها كويس واكسبي ثواب وهي بقى حرة في تصرفاتها

لكن انتي اتعاملي لوجهة الله مش عشان بشر ومتستانيش منها لا رضي ولا غيره

اتعاملي من غير مقابل هتكوني مبسوطة ومرتاحة

اخباركوا ايه يا بنات

وحشتوني

بيبو وبسبس ربنا يطمنا عليكوا ويثبت حملكوا يارب ويتمملكوا على خير وتقوموا بالسلامة وفي حضنكوا البيبي اللى بتتمنوه يارب

وربنا يرزق كل البنات وانا معاهم قريب ان شاء الله