تجمع بنات مصر المتاخرات عن الحمل او بيتعالجوا "3"

بنات انا بقالى كام يوم عندى آلام رهيبة فى المبايض ممكن يكون من الجلوكوفاج؟

عارفين سؤال الغده الدرقيه دا كان ليا انا انا كنت اخر اتصال فى الحلقه هههههههههههههههههههههههههههه

لما حتى قال يا فجر دى انهارده حلقه الغده الدرقيه روحت انا ضحكت وانا اللى قولتله انى باخد كلوميد وكنت قايله اسم غير اسمى عشان اخت جوزى لو بتتفرج متعرفنيش هههههههههههههههههههههههههه

قصة كبيرة;9891685:
جزاكى الله خيرًا يا فجر على المعلومات

مشمشة نستحمى بمياه ساقعة يعنى؟ يعنى لو الواحدة عايزة تحمل يبقى فى الصيف بس بقى :P ههههههههههههههههه

حلو مونى يا مونى

ازيك يا بسبس عاملة ايه؟

ايه يا بوسى روحتى فين؟ زعلتى منى ولا ايه؟

ماشى يابيبو فينا من تريقه اوك
يابنتى انا بقول ان المايه ماتبقاش مولعه وان كمان منسيبهاش تنول على ظهرنا جامد عشان ده بياثر عالبويضه

,؛.اه يا مشمشه مانا اصلى كلمته انهارده هههههههههههه بس علطول بتصل بس مش بقول اسمى الحقيقى ولا بقو المدينه صح عشان اخت جوزى

ناصحه يابسبس تنفعى فى FBI

يا مشمشة بهزر معاكى
والله يا بنتى الواحد تعب من كتر الكلام ده .. الواحد حاسس انه بقى مقيد فى كل حاجة بيعملها حتى الحاجة اللى مفروض تسعده مع جوزو .. نااااااااامى على ظهرك ماتقوووووووووميش تحسيه إصلاح وتعذيب مش تظبيط هههههههههههههههه

كوباية مايه;9891697:
عارفين سؤال الغده الدرقيه دا كان ليا انا انا كنت اخر اتصال فى الحلقه هههههههههههههههههههههههههههه

لما حتى قال يا فجر دى انهارده حلقه الغده الدرقيه روحت انا ضحكت وانا اللى قولتله انى باخد كلوميد وكنت قايله اسم غير اسمى عشان اخت جوزى لو بتتفرج متعرفنيش هههههههههههههههههههههههههه

معقوله هههههههههههههههه
طيب يا بنتى كنتى قولتى
بس تصدقى صوتك عسل اوى

,؛.بيبو انا قولت قبل كدا متناميش على ضهرك نامى على جمبك اليمين وان شاء الله تحملى قريب اوى اوى اوى وتحصلينى انا والبت مشمشه

فجر1975;9891730:
معقوله هههههههههههههههه
طيب يا بنتى كنتى قولتى
بس تصدقى صوتك عسل اوى

,؛.ههههههههههههههههههههههه يالهوى يا كسوفى هههههههههههههه لا بجد افتكرتى المكالمه ولا بتجاملينى

يارب يا ستى

صحيح انا كنت باركتلك بس مش مشكلو نباركلك تانى احنا ععندنا يعنى اعز منك مبروووووووووووووووووووووووووووك يا بسبس

بس ليه بقى على الجنب مش الظهر؟

فجر1975;9891460:
يابنات مالكم ...........زمش معقول حياتنا هاتبقى بالورقه والقلم كده
احنا مش الات احنا بنى ادميين مش عرايس بتتحرك بالريموت
احنا لحم ودم لينا مشاعر واحاسيس .يعنى ايه النهارده لازم يبقى فيه جماع وبكره يبقى ما فيش
طيب ما هو ممكن اكون عايزه العكس سيبوها على الله
وعيشوا حياتكم ما ترتبيش لحاجه وما تبقيش طول الوقت مراقبه نفسك كده هاتلاقى مع مرور الايام حتة الموده والرحمه والحب اللى بينك وبين جوزك مش هاتلاقيه لان الحب مهم جدا جدا جدا فى ان الحمل يحصل

احنا ممكن كده الواحد يجيله اكتئاب

عند حق و الله يا فجر احنا كدة حنكئب نفسنا و مش حنعيش حياة طبيعية

عاصفة الايام;9891639:
ايه ده مش عاجبكم عاصفه قوى كده.........كلكم :sad:

طيب قولو مونى .........ولا مش عاجبكم ده كمان :think:؟؟؟

لا لا موني حلوة اوي علي الاقل في دلع شوية احسن من العواصف دي

قصة كبيرة;9891756:
يارب يا ستى

صحيح انا كنت باركتلك بس مش مشكلو نباركلك تانى احنا ععندنا يعنى اعز منك مبروووووووووووووووووووووووووووك يا بسبس

بس ليه بقى على الجنب مش الظهر؟

,؛.علشان المبايض على الجناب مش فى الهانش هههههههههههههههههههههههههههههه

,؛.يعنى اللى اقصده انك كدا اقرب للمبايض وانا بصراحه بطلت النوم على ضهرى دا من زمان بصراحه ى قطمه وسط انما النوم على الجمب بيبقى لطيف ومريح

,؛.والناس زمان كانت تقولك الجناب تلقط عن الضهر يعنى شويه تنامى على جمبك اليمين وشويه على الشمال يبقى كدا المبيضين متحاصرين

كوباية مايه;9891648:
,؛.ازيكم يا عيال
,؛.انا انهارده اتصلت ببرنامج العياده والكلام اللى فجر بتقوله دا كان ليا هههههههههههههههههههههههههههههههههههههههههه

هههههههههههههههههههههههههههههههههههه

كوباية مايه;9891751:
,؛.ههههههههههههههههههههههه يالهوى يا كسوفى هههههههههههههه لا بجد افتكرتى المكالمه ولا بتجاملينى

لا والله فكراها كويس عشان كنت مركزه حتى الدكتور بعد ما قال كده ضحك وانتى ضحكتى فرحت ضحكت اوى هههههههههههههه
وقلت البت دى باين عليها دمها خفيف
حتى هو كمان قالك طيب لما انتى حملتى كويس

أم حموودى القمر;9891665:
ربنا يرزقكم كلكم يا بنات
انا داخلة علشان ادعيلكم بس

ربنا يخليكي يا ام حموودي علي الدعوة

قصة كبيرة;9891685:
جزاكى الله خيرًا يا فجر على المعلومات


ايه يا بوسى روحتى فين؟ زعلتى منى ولا ايه؟

لا يا بت حزعل من ايه انا بس انشغلت في الشغل مانتي عارفة الشغل و قرفه

فجر1975;9891782:
لا والله فكراها كويس عشان كنت مركزه حتى الدكتور بعد ما قال كده ضحك وانتى ضحكتى فرحت ضحكت اوى هههههههههههههه
وقلت البت دى باين عليها دمها خفيف
حتى هو كمان قالك طيب لما انتى حملتى كويس

,؛.هههههههههههههههههههه ايوه هى دى انا ههههههههههههههههههههههههههههههه

,؛.وسئلنى وزنك كام قولتله وزنى 60 وطولى 160 صح

قصة كبيرة;9891696:
بنات انا بقالى كام يوم عندى آلام رهيبة فى المبايض ممكن يكون من الجلوكوفاج؟

لو مش ايام تبويض ممكن يكون من الجلوكوفاج لان السيدوفاج بيعمل معايا كدة بردو بس غير كدة ممكن تكون ايام تبويض

قصة كبيرة;9890915:
انتى بتتابعى مع مين يا عاصفة؟

انا لسه مش متابعه قوى.....لانى زى ما قولتلكم انى اتجوزت 26/10 وجوزى سافر 26/11 وبعدين روحت لدكتوره اسمها نيفان فى حدايق القبه ماما تعرفها واختى كمان
قبل ما اسافر فى شهر 4 كشفت سونار كشف عادى كده وقالتلى الرحم تمام والمبيض تمام الحمدلله قولتلها ان باتعب قوى 20 يوم فى الشهر وزاد الموضوع ده بع الجواز
طبعا ولا كنت اعرف تبويض ولا غيره قالتلى كده كويس قوى............فضلت اتحايل عليها علشان تحاليل ولا اى حاجه قالتى ......لا انت بتهرجى انتى ملحقتيش......روحى ولو محصلش حمل ابقى تعاليلى بس اهم حاجه تظبطى فى فتره التبويض يوم بعد يوم ...................بعد ما حكيتلى على التبويض وحسابه وكده يعنى .
وسافرت يوم 9/4 وطبعا ولا يوم ويوم ولا حاجه طبعا عرايس وملحقناش كل يوم نقول حانظبط من بكره...........وجوزى الحمدلله متفاهم بس بيضحك عليا يفضل يقولى مش حايحصل حاجه ويستدرجنى لحد .............
ونزعل ونقول حانظبط المره الجايه............لحد ما الوقت فات فجبت كلوميد من نفسى واخدته من 5 يوم البريود..........وسافرت فى اليوم ال20
والبريود اتخارت 4 ايام ونزلت مش بريود ولا حاجه نزلت سودا وتقيله وتعبت منها قوى حللت مرتين دم ومفيش حمل خصوصا انى كنت حاسه بكل الاعراض
وبعد ميعاد البيريود ما خلص قعدت يومين وبعد كده كل يوم الاقى نقطه دم بنى كده
خايفه من لخبطه الكلوميد ورايحه للدكتوره النهارده ان شاء الله

المشكله الاكبر ان جوزى جاى 5/9 مش فى فتره التبويض ومهما عملت انا عارفه مش حايخليها يوم ويوم...................انا حاسه انى بجد بالشكل ده مش حاينفع حمل خصوصا انه قاعد شهر بس

معلش دوشتكم معايا بس ساعات بحس انى اتخنقت ؟؟