تجمع بنات مصر المتاخرات عن الحمل او بيتعالجوا "3"

سارة العروسة;9943125:
صدق اللة العظيم
اللة عليكى كلامك جميل
انا يا جميلة بقالى 3 شهور وكام يوم متجوزة
انا عن نفسى سايبة الامور على اللة
دى طبعى من قبل ما اتخطب واتجوز
وديما بشوف ان كل شىء بميعاد وكل حاجة هاتيجى فى وقتها الصح الى ربنا كاتبة

لكن الى عمرى ما بعرفش اتصرف فية
هوة الكلا السخيف دة والى بيطلع من ناس انا اول حد ومن بعدة جوزى عارفين ان قصدة بجد مش طيب

بصى يا قمر القصد والنيه دول بتاع ربنا............بعدين 3 شهور يا مفتريه...........و بتضايقى :tongue:
ده انتى تلقاكى لسه الدنيا ما تظبطتش...............:wink::wink:
يا بنتى فعلا سبيها على الله بس مفيش مانع ناخد بالاسباب وحتى لو حد نيته مش كويسه وانت متاكده من كده .......وهو قالك انا نيتى مش كويسه ........... يمكن مريض نفسى او غيران فيصعب عليكى...ربنا يهديه ... مش تتضايقى ......وخصوصا ان ربنا قادر ولازم نثق فى دى ممكن كل حاجه اكتر من تمام .........وميحصلش حمل وممكن الدنيا كلها متلخبطه ويحصل ......... وحصلت دى وسمعنا عنها كتيييييييير بس احنا اللى مش بناخد بالنا احنا ربنا سترها معانا كتير قبل كده وادانا حاجات كتير اكتر من حقنا ..لان ربنا كريم ورؤف ولطيف ..........."وما يفعل الله بعذابكم"

السلام النفسى والثقه فى رحمه ربنا اعظم الاشياء


بقول درر مش كده (y).مش عارفه ايه الفصاحه اللى نزلت عليا دى ههههههه:o

انا جييييييييييييييييييت
بخخخخخخخخخخخخخخ
بتتكلموا فى ايه

اهلا ازيك يا فجر عاملة ايه؟

قصة كبيرة;9943227:
اهلا ازيك يا فجر عاملة ايه؟

ازيك انتى يا بيبو عامله ايه
وانتو يابنات عاملين ايه كلكم

قصه .......فجر ازيكم............عامليين ايه .......كلامى مش عاجبكم ولا ايه.....:(:(؟؟؟
ولا انتم ايه رايكم ؟؟

انا كويسة الحمد لله

عاجبنا طبعا ليه بتقولى كده..

قصة كبيرة;9943276:
انا كويسة الحمد لله

عاجبنا طبعا ليه بتقولى كده..

علشان ولا كومنت ولا اضافه ولا حذف .............ولا اى ريسبونس

عاصفة الايام;9943268:
قصه .......فجر ازيكم............عامليين ايه .......كلامى مش عاجبكم ولا ايه.....:(:(؟؟؟
ولا انتم ايه رايكم ؟؟

لا عاجبنا طبعا
انتى معاكى حق فى كل اللى بتقوليه

السلام عليكم
انا كويسه الحمد لله
انتو كلللللللكم اخباركم ايه؟

ماشاء الله عليكى ياعاصفه كلامح حلو بجد تصدقى فكرا نغيظهم بيها بقا ههههههههههه مش اقصد غيظ يعنى
بس يالا نجرب جايز الناس تهمد شوياا عننا

ياه والله يابنات احنا كدل فل اووووووووى وعايشين شويا نتمتع بحياتنا مع اجوازنا في الاول شوياا وإن شاء الله ربنا هايكرم كل واحده في ميعادها

عاصفة الايام;9943295:


علشان ولا كومنت ولا اضافه ولا حذف .............ولا اى ريسبونس

لا ابدا يا عاصفة بالعكس انتى كلامك عقلانى وجميل :)
معلش الواحد اوقات بيتشغل فى الشغل ومش بيلحق يرد أول بأول

ماتزعلش بقى (f)(f)

هى ليه بوسى مش باينة النهاردة

سارة العروسة;9942811:
صباح الخير
ازيكم
انا مابقتش احب اروح احضر افراح بجد
كل ما حد من اهل جوزى يشوف وشى يقول اية الاخبار
لالالا طيب ما فكرتوش تروحوا لدكتور
وكلام كثير من العينة دى + مرات اخو جوزى هيا حامل الان وكل مانتقابل تقعد تلقح بالكلام انها تعبانة وانها راحت لدكاترة وانوا مش عيب ان الناس تروح لدكاترة وكلام من دة

اعمل اية يا العالم دول

سارة حبيبتى احنا كلنا هنا حاسين بيكى و صدقينى دا بيحصل معانا كلنا و على فكرة عايزة اقوللك ان نسبة كبيرة من معازيم الفرح بتيجى و ببتكلم فى حاجات متخصهاش و بعد ماينتقدوا كل حاجة فى الفرح و العرسان يدورا بقى على المعازيم ههههههههههههه أصلى شفت من الكلام دا ياما.

بس خلينا نفكر شوية ليه ربنا رايد ان ميحصلشى حمل على طول سواء بسبب أو من غير سبب اكيد لحكمة المولى عز و جل عارفها. لكن احنا عشان علمنا محدود مش عارفين. طيب نيجى بقى للمواضيع دى نتعامل فيها ازاى.

استخدمى الموقف الى انتى فيه لصالحك بمعنى لو محدش ضايقك بالكلام يبقى خير و بركة و لو حد ضايقك فى فرح مثلا قليله ربنا لسه مش رايد و لما يريد هيجى البيبى و اهى فرصة الواحد يعيش حياته زى العرسان دولا و دى محدش بيقدرها غير الى اتلخم بدرى بدرى و خليكى دايما مبتسمة. الى قدامك لو نيته صافية هيتمنالك كل خير و لو لآ هيتفرس و احتمال يطق بس ابعدى عنه عشان ميجيش عليكى حاجة ههههههههههههه

يا بنتى لو كل واحد فكر ربنا انعم عليه بنعم اد ايه مش هيلاحق يعد. مش يمكن ربنا يرزقنا باطفال صالحين و يشرحوا قلبنا طول عمرهم و يمكن كمان يطلعوا من اوائل الثانوية العامة :D انا شوفتهم امبارح ما شاء الله عليهم و شفت فرحة اهليهم بيهم ربنا يرزقنا عاجلا يا رب بالذرية الصالحة
صحيح حد هنا ليه قرايب فى الثانوية العامة . ربنا يا رب ينجح الجميع بمجاميع عالية

بحبكم كلكم

انا جييييييييييييييييييييييييييييييييييييييييييت

وحشتوني الحبة دوول

moslem bride;9943370:

سارة حبيبتى احنا كلنا هنا حاسين بيكى و صدقينى دا بيحصل معانا كلنا و على فكرة عايزة اقوللك ان نسبة كبيرة من معازيم الفرح بتيجى و ببتكلم فى حاجات متخصهاش و بعد ماينتقدوا كل حاجة فى الفرح و العرسان يدورا بقى على المعازيم ههههههههههههه أصلى شفت من الكلام دا ياما.

بس خلينا نفكر شوية ليه ربنا رايد ان ميحصلشى حمل على طول سواء بسبب أو من غير سبب اكيد لحكمة المولى عز و جل عارفها. لكن احنا عشان علمنا محدود مش عارفين. طيب نيجى بقى للمواضيع دى نتعامل فيها ازاى.

استخدمى الموقف الى انتى فيه لصالحك بمعنى لو محدش ضايقك بالكلام يبقى خير و بركة و لو حد ضايقك فى فرح مثلا قليله ربنا لسه مش رايد و لما يريد هيجى البيبى و اهى فرصة الواحد يعيش حياته زى العرسان دولا و دى محدش بيقدرها غير الى اتلخم بدرى بدرى و خليكى دايما مبتسمة. الى قدامك لو نيته صافية هيتمنالك كل خير و لو لآ هيتفرس و احتمال يطق بس ابعدى عنه عشان ميجيش عليكى حاجة ههههههههههههه

يا بنتى لو كل واحد فكر ربنا انعم عليه بنعم اد ايه مش هيلاحق يعد. مش يمكن ربنا يرزقنا باطفال صالحين و يشرحوا قلبنا طول عمرهم و يمكن كمان يطلعوا من اوائل الثانوية العامة :D انا شوفتهم امبارح ما شاء الله عليهم و شفت فرحة اهليهم بيهم ربنا يرزقنا عاجلا يا رب بالذرية الصالحة
صحيح حد هنا ليه قرايب فى الثانوية العامة . ربنا يا رب ينجح الجميع بمجاميع عالية

بحبكم كلكم

والله يا مسلمه انا معاكى فى كل كلمه انتى بتقوليها ولو الواحد هايقف عند كل كلمه اى حد بيقولها لنا يبقى مش هانخلص .......وفعلا لازم الواحد يكون مبتسم بس من القلب فعلا وده بيبقى نابع من جواه نتيجة رضاه بحكم ربنا ومشيئته
وربنا يرزقنا جميعا يا رب

ازيك يا بيبو ؟

نسيووو ايه الغيبة الطويلة دي ؟

كبري دماغك يا سارة و متخليش حد ينكد عليكي عيشي حياتك احنا تقريبا كلنا هنا كبرنا دماغنا و عايشين ايام حلوة و سايبيين الرزق علي ربنا

كلامك حكم يا ست موني بس فعلا عند حق

عيشوا حياتكم يا عيااال و ربنا حيرزق قريب ان شاء الله

فجر ازيك عاملة ايه؟

ازيكم يا بنات يا قمرات

الحمد لله يا لولا انتي عاملة ايه؟

شوفو بقى الموضوع الظريف ده
ذوق الرجل في اختيار المرأة يدل على شخصيته
يبدو ان ذوق الرجل في اختيار المرأة يدل على شخصيته كما اكدت احدى الدراسات الطريفة التي كانت نتيجتها ان الرجال الذين يختارون المرأة البدينة هم عادة غير مستقرين عاطفيا وقليلو الاهتمام ب

التحصيل العلمي والامور الجمالية.

اما اختيار معتدلة الحجم فيدل على ان الرجل يتمتع بشعور المسؤولية الاجتماعية ويهتم بمشاعر الآخرين، اما الذين يميلون الى ضئيلات الحجم فهم يتصفون بحسب الدراسة، بانهم اشخاص عمليون ولا يحبون الحياة الروتينية وليست لهم عادات ثابتة.

السيقان ايضا تدل على شخصية الرجل كما قالت الدراسة، فمن تعجبه سيقان المرأة الضخمة، يتمتع في الغالب بشخصية هادئة ويشعر بالمسؤولية ويركز انتباهه على افكاره ومشاعره، اما من يفضل السيقان النحيلة فهو عادة يتمتع بميل جمالي ويجد صعوبة في مواجهة الضغوط ويهتم بلفت انظار الآخرين اليه.

واوضحت الدراسة انه مهما اختلفت اذواق الرجال، فان المرأة الجذابة هي من تتميز بالتناسب والتناسق في مقاييس جسدها، ولا يتحقق ذلك الا اذا كان طول المرأة متوسطا ووزنها متناسبا مع ذلك الطول، وكتفيها اضيق من حوضها وانسجتها الشحمية اكثر من عضلاتها لتعطي جسمها انحناءات انثوية.