انتفاخ البطن ،، ارجوكم ساعدوووني :(

ليش ماشي ردود
الله يخليكم ردوا علي :(

مرحبتين أختي عمة حامد.. الله يشافيج و يعااافيج..


في حلين:

1. تستمرين على الأدوية و الينسون لأن الشيء دايما يطلع مفعوله إذا واصلنا استخدامه..

2. تعملين مساااج (مساااح للبطن يساعدج تتخلصين من الغازات) و في باكيت أعشاب مثل باكيت الليبتون مكتوب عليه للغازات و الانتفاخات..


أختي في فترات أحس بنفس الشعور.. و أحس بتعب و إنه بطني مشدود..
تصيبني هالحاله من كثرة الشغل و الحركه و أحس بشد في بطني مع انتفاخ..

و الشي اللي يريحني هو بصراحه (الدواسه) إنه أخلي حد يحط كوعه أو كعب رجله في بطني.. و أحس بحرااااره تطلع من جسمي..


يعني أختي يمكن عندج (فقاااره) مثل ما يسمونها عيااايزنا.. و هذي ما تروح غير بهالطريقه..


و الله أعلم..


:)

مشكورة اختي انثى صح ،، بس والله تعبت، انا ماحس بالام بس انتفاخ بسبة الغازات
انزين اذا خليت حد يسويلي مثل ماقلتي بيروح الانتفاخ كليا ولا بيرجع مرة ثانيه ؟؟؟

أختي أنا ما ادري إذا هالطريقه تناسب اللي تعانين منه و لا لأ.. أنا اسوييها يوم احس مثل شد في البطن و انتفاخ..

نحنا نسميها أعصاب.. الأجانب يستخدمون المساااج.. إنتي فهالطريقه تكونين طايحه على ظهرج.. و حد (خفيف) اختج مثلاا... تحط كعب ريلها في بطنج و بالتحديد السر.. و خليها ضاغطه لين ما تحسين إنه بخااار حاار طلع من بطنج..

أقولج اختي أحسن ادورين حد يعرف و بالتحديد حريمنا الكبار..


و زياده على هالشي يدوسون أعلى الفخذ و أعلى اليد..


إذا ما حصلتي حد يعرف هالشي.. سويلج مساج.. للبطن للكتف و لباطن القدم..



و بالنسبه هل يرجع و لا لأ.. هذا يعتمد على طبيعة الشخص..
يعني أنا لازم شهريا.. او شهر بشهر.. بسبب ضغط شغلي و يلسة المكتب.. و بعد مع السفر و كثرة المشي.. أحس بهالتعب و الشد..


و الله يعافيج إن شاء الله.. و سيري عند حد تثقين فيه.. عشان ما يسويلج مساج او شغط خااطئ للبطن..

مشكورة حبيبتي والله يعيطج العافيه :)

عاد ما في احسن من حبوب الفحم الطبي في منه اوانع وايد بس اللي يكون معاها نعناع وينسون عجيبه ومجربتها خذي حبهوحده وشوفي شلون بترتاحين

اشربي مغلي الكمون

وهو غلي كوب ماء ثم ضعي عليه الكمون واتركيه فتره واشربيه

إشربي بردقوش ..
سخني الأعشاب ع النار لين يغلي ويتلون لمدة ربع ساعة
بعدين أشربيه
يومياً ... قبل الأكل
وهو يزيد الوزن ^_* ويفتح الشهية بما أنك ضعيفة ..

شفاك الله وعفاك . اعتقد مشكلتك قولون وعلي حد علمي اجمل علاج هو المشوبات الاتيه بالتبادل (النعناع_الينسون-البردقوش- الزعتر)والله الشافي