•¤ تجهيزات " عرائس سلطنة عمان " لشهر رجب لعام 1430-2009 م ( الجزء 23 ) ¤•

صحيح كلامك

بالنسبه لفكرتك هي الحين بتكمل سنه 31\7 وفي هالشهر غير عن عيد زواجها عيد ميلادها كان بتاريخ 2\7 و بعد والده ومكمله شهر تاريخ 9\7 يعني كم مناسبه في مناسبه عندها فشهر سبعه
وصعبه تلبس فستان عرسها لانها مستاجرتنه من الامارات الا اذا تشتري لها فستان يكون سمبل وفخم في نفس الوقت ...
و زوجها يبيها تسافر وهي مو راضيه خايفه على البيبي يقولها حتى لو نروح صلاله بس نغير جو وهي مو راضيه تسافر ولاغيه فكرة السفر حاليا ...

وبالنسبه لربيعتك فعلا ايام الخميس والجمعه الصالونات لا تطاق من الزحمه
ومثل ما قلتي الجو بروحه ما يساعد عاد على الزحمه الواحد يتضايق وما يستحمل حتى عمره
الله يعين العرايس بصراحه ...
انا قايله لاهلي اني مستحيل اتزوج في الصيف مهما كان وبقول لبنات عمتي اللي في قطر يقدموا لهم على
اجازه تكون في الشتاء لاني مستحيل اتزوج في الصيف مهما كانت الظروف
احسها صعبه الوحده تتزوج من غير الجو الليل اصلا قصير الوحده ما تفرح في القاعه كثير لان العشا ياذن على 8 ونص تقريبا ومتى بيبدا العرس ومتى بيخلص احسه كله بيكون في وقت قصير عكس الشتاء الليل بيكون طويل والجو احلى بكثير ...

دانه
البنت اللي حطيتي صور لحناها من ازكي ايش اسمها ؟؟

تعببببتتتت وانا اسأل عن مكان يشيل شعر الوجه شغله حلو طنشتوني وما حد رد طيب لا تردو احسن :sad:

عزوتي شموخي
سمحيلي ما عندي فكره عن هالمواضيع كان قلت لك ومن عيوني
بس للأسف ما اعرف شي ان شاء الله البنات بيفيدوك ما بيقصروا

تعرفي ما شرط تروحي صالون حتى لو تروحي عند بلوشيه لان البلوشيات مشهورات بالحف
وشغلهم حلو يمدحوه ...

عزوتي شموخي;9927105:
تعببببتتتت وانا اسأل عن مكان يشيل شعر الوجه شغله حلو طنشتوني وما حد رد طيب لا تردو احسن :sad:

عزوتي شموخي الغاليه ولله شفت استفسارك بس مش تطنيش انا ما احف وجهي ف ماعرف :(
بس الغاليه معروفات الهنديات بحف الوجه والحواجب بعد ...
روعه شغلهن على حسب كلام بنات اهلي....
:wink: اتمنى الي عندها فكرة تفيدك ....

انا مزاجي ونفسيتي (n)(n)(n)(n)(n)...كل شي مخبص ومعقد عندي ولا عمري بفرح بحياتي.....

الماس كلامك على عيني وراسي بس انا شارية الولد وبهالطريقه بيطفش حد راضي حد ما راضي وحد يقولي جهزي عمرش وحد يقولي لا انتظري ...
خلاص ملييييت ولله مليييييت :confused: ماعندي حد اشكيله والشكوى لغير الله مذله....
الماس بليز خبريني ايش سويتي لما والدك ما كان موافق كيف قنعتيه بأي طريقة ؟؟,,, انا اخواني ماسكين موضوعي لانه والدي مش موجود ... واتمنى تفيديني لانه المشكلة لما شورك يكون بيد اكثر من شخص وكل حد يطلعلش برأي جديد ..

يا قلبي ... دمعت عيني نعم على معاناتك:cry:

الله يهدي أهالينا .. كل واحد تفكيره صووووب...:angry:

حبيبتي لا تقولي كذا عندك السميع العليم ربك قادر على كل شي

واحنه اخواتك حبي فضفضي وان شاء الله ربك قادر يغير من حال الى حال

اكثري الاستغفار وداومي على فراءة سورة البقره وتصدقي بنية تيسير أمورك

وربك كريم ... لا تحااااتي ... :yes:

شوفي ... زميلتي تحدد كل شي في رمضان وتجهزت وعرست على طول بعد العيد

يعني ممكن يتمموا كل شي قبل حتى رمضان .. ان شاء الله الاسبوع اللي قبله على طول
الله ييسر أمرك ويوفقك وتمتلكي في الوقت المناسب

عزوتي شموخي;9927105:
تعببببتتتت وانا اسأل عن مكان يشيل شعر الوجه شغله حلو طنشتوني وما حد رد طيب لا تردو احسن :sad:

أعصابك يا جمييييل:21_140:

معظم الهنديات حفهم زين

فيه صالون في الغبره اسمه مشاريع رأس الخيمه تقريبا قريب من أزياء دلال ومطعم الخليج العربي ..اسمها شبانه إيدها خفيفه
وواحد ثاني نفس الاسم في العذيبه جنب نادي الأفق ... ايدها خفيفه بعد

بس اللي لاحظته... أحيانا نفس اللي تحف بس بنت بيطلع لها حبوب وبنت لا !!

اه بعد في القرم عندك صالون دكشا ..
هذولي اللي اعرفهم وسمحينا ع القصور :8875:

عاشقة المستحيل;9926895:
صحيح كلامك

بالنسبه لفكرتك هي الحين بتكمل سنه 31\7 وفي هالشهر غير عن عيد زواجها عيد ميلادها كان بتاريخ 2\7 و بعد والده ومكمله شهر تاريخ 9\7 يعني كم مناسبه في مناسبه عندها فشهر سبعه
وصعبه تلبس فستان عرسها لانها مستاجرتنه من الامارات الا اذا تشتري لها فستان يكون سمبل وفخم في نفس الوقت ...
و زوجها يبيها تسافر وهي مو راضيه خايفه على البيبي يقولها حتى لو نروح صلاله بس نغير جو وهي مو راضيه تسافر ولاغيه فكرة السفر حاليا ...

وانا بعد من كلام ألماس ... :up:

شوفي ممكن تستأجر أو تشوف أحد من الصديقات أو الأهل بس عشان تتصور فيه

...بخبرك فصة وحده..

يوم عرسها ما ادري ايش اللي صار واحترقن كل الصور ... تصوري ولا صوره
.. عاد المسكينه تحسفت بس اللي صار صار...

في ذكرى زواجها أخذت فستان وراحت الصالون وتمكيجت
وخبرت زوجها يتكشخ خبرته معزومين ولازم تكشخ بمصر ووغيره..
حجزت عند الابداع الحر تصوير ... واجى زوجها وتفاجأ بعروسه تدخل سيارته ... المهم راحوا وصوروا ألبوم من أول وجديد :cool2:

وصارت عندها صور وذكرى حلوه... خليها تروح وما بتندم صدقيني ..

الله يوفقها يا رب

خخخخخ شكلي اليوم أكلم عمرررري ...<< هللللللللو ..يااهل الله ياللي هنا


... ان شاء الله استقريتي ع البطاقات .. عجبني الشعر الاولي حلووو

بالنسبه للمسكه .. حلو اللي حطتها عروس جنان :yes:

... أختي كان فستانها اوف وايت حطت ورود اوف وايت واوركيد او ليلك بنفسجي نسيت :sm229: بس طلعت حللللوه وراقيه

يا ليت عندي الصوره كنت نزلتها... حبوبه اذا عجبك شي اعتمدي وتوكلي على ربك
لا تترددي كثير وتسويلك مشاوير ما الها داااعي

وريلاااااااااااااااااكس ... خلى عطيني انا بخلصلش مشاوريش خخخخ ..

وبصراحه بنفتقد ربشتش وروحك ودمك الخفيف .... الله يوفقك أموره:flower:


... في محل بالعريمي وموجود بعد في الغبره عند مطعم الخليج العربي
اسمه نايس ليدي ...شفت بعد في محلات كثيره ب مزون وأمان بعد عندهم
واتوقع شفت عند دار الموضه في الخميس بلازا .. وحناين وكشخه ..

انا انصحج بصالون دانتيل للحف. موقعهم القرم. انا احف عندهم صارلي 5 سنوات وما أثق في صالون ثاني. شغلهم ثقة بس تأكدي ان "كريستين" هي اللي تحفلج.. بالفعل ما شفت وحدة تحف بضمير مثلها حتى في الأعياد في عز الزحمة بتسويلج بضمير مو مثل كل الصالونات بيسرعوا في شغلهم وقت الزحمة علشان يلحقوا على الزباين.



يااااااا عرايس مادري اذا حد ذكر هالمحل في الحيل. اسمه "ألقي نظرة" هم متخصصين بفساتين الأعراس وعندهم بعد فساتين وعبايات للسهرة. انا زرتهم أمس.. المحل وايد راقي وشغلهم حلو خاصة في العبايات. انصح المقبلات على الزواج انهم يزوروا المحل ويشوفوا خدماتهم.

شكرا بك املي ع افادتي تسلمين لي....


عزوتي انا بشرتي حساسه وااجد وعمري ماحفيت وجهي وبعد الزواج حفيت عند مركز عباد الشمس ما طلع لي حب ابدا وبالعكس ارتحت واجد بعد ماحفت لي سوت لي كريمات وفيشل محترم هههه واجد واجد شغلهم حلو...

بنات انا امس رحت عرس وكانت العروس لابسة برقع كريستال يطير العقل
عندكم فكرة من وين اقدر اشتري مثله وكم يكون سعره؟

سلاااااااااااااام عرايس

تعرفون احد يبا يستأجر من الزبرجد في روي؟
لاني استأجرت ودفعت عربون والحين اريد استرجعه وقالوا لازم اجيب وحده بدالي
اكون دفعت العربون عنها
بلييييييييييييييييييز اللي تعرف احد ترد علي

* البنفسجة *;9929267:

l مرحبا عرايس .,, الله يوفقكم ف التجهيزات ..(y)

البارحة رحنا نرتب بيت خالتي عرسها الإسبوع الجاي ,.

مأشاءالله 4 سيارات عشان الاغراض وااايد ..

و نحن ماكنا نبي نروح كلنا بٍ هم عاد عزمونا للعشاء و حنا و رتبنا و كله ..

و ربشنا شوي .. :21_112: تحميسات:whistling:
, وطبعأ العروس مامعنا :D

بس بغيت أسألكم العروس سألتني عن عطر حلو يناسب هاليلة مع فستان العرس ..(y)

و يكوون هادي و حلو :) .. ياريت تخبروني .. و يأريت عاد بالمرة عطر حلو لي أنا

حلو مع فستان السهرة و يكون فرنسي ,,, مافيني بأرض ألف السووق:dontknow: أسمع منكم و أروح أجرب و أشوف إلي يعجبني ..:up:

و مشكوووراات و موفقات يارب ~ :wink::1_8:

نسيت شي,, عطورات أمواااج رهيبه طبعا... ممكن تاخذ تبخه لليلة العمر

aalzidjali;9928789:
بنات انا امس رحت عرس وكانت العروس لابسة برقع كريستال يطير العقل
عندكم فكرة من وين اقدر اشتري مثله وكم يكون سعره؟

غريبه .. كيف عروس وتلبس برقع؟؟؟ تقليعه جديده ؟؟؟ :sm229:

يمكن تكون فصلته مع الفستان !!!

بس يعني تمت فيه ولا شالته ؟؟ ما راكبه معي؟؟ احيدهن يسون هالحركات في
ليلة الحنااا... بس العرس ..... :sm215:

بك أملي;9929555:
غريبه .. كيف عروس وتلبس برقع؟؟؟ تقليعه جديده ؟؟؟ :sm229:

يمكن تكون فصلته مع الفستان !!!

بس يعني تمت فيه ولا شالته ؟؟ ما راكبه معي؟؟ احيدهن يسون هالحركات في
ليلة الحنااا... بس العرس ..... :sm215:

:sm229: الغالية"بك أملي" فهمتيني غلط
هي العروس بس كانت ليلة الحنا ولابسته مع لبس عماني مطور لونه ابيض :wink: عجبني موووت وبخاطري البس مثله يوم يتحدد تاريخ فرحتي:confused: (a)

بنااااااااااااااااااااااااااااات ساعدوني:confused:





عرسي شهر 10 بإذن الله:o
وعندي حبوب بوجهي ماعارفه كيف اعالجه (n)
رحت مركز الامارات الطبي واغالب مراكز البشره وعملة تقشير بس للاسف للحين تظهر لي :eek:الحبوب ..!!!
والمشكله بشرتي دهنيه حساسه :confused:
واحين في ناس ينصحوني اروح عند اخصائيات البشره بأريج ..... وخايفه مااخذ نتايج:confused: