قولولي اى حاجة أرجوكم متسبونيش

إيه الكلام الفارغ ده انا كنت فاكراه شخص محترم وعاقل لكن ده واضح إنه مش محترم بالمرة وبعدين إيه اللى جابرك عليه سيبيه يابنتى واضح إنه إساسا مش بيحترم نفسه فمش ممكن يخلى حد يحترمك وبعدين إزاى الناس تحترمك وهو نفسه مش بيحترمك ...وبعدين كله كوم وإنه بيشرب مخدرات ده كوم تااااااااانى خالص تعرفى إنتى لو كملتى إرتباطك بيه يبقى إنتى اللى حكمتى على نفسك بالموت مابقى من حياتك ما إنتى عارفة مشاكل الحشاشيين عندنا وبتسمعى عن قلة ادبهم وإحترامهم للناس ولجوءه بالضرب بشكل عادى جدا إيه إنتى عايزة تدمرى حياتك ...هتقولى فرص زواجى قليلة صدقينى إنتى لو خاطرتى وكملتى معاه هتكرهى العيشة واللى عيشينها وهتكرهى كلمة زواج نفسها من الهم اللى هتشوفيه وفين أهلك من الكلام ده هم عارفين إنه حشاش ولا لأ لو عارفين وساكتين تبقى مصيبة كبيرة ولو هم مايعرفوش يبقى إنتى خنتى الامانة لما عرفتى وماقلتيش لهم لأن دى مصيبة كبيرة فيه ما ينفعش يتسكت عليها ربنا يهديكى يابنتى خدى موقف جاد وإنجى بنفسك من الوقعة اللى ما يعلم بيها إلا ربنا دى .

أختى سارة
انا مش هأطول فى الكلام معاكى والبنات كلهم ردوا عليكى ردود عاااااااااقلة جداااااااا خصوصا اختنا ( ام سلمى ) جزاها الله كل الخير
انا بس هقولك حاجة انتى ازاى اصلا ارتبطى بشخص بيشرب مخدرات واهلك ما سألوا عنه وما يعرفوا هذه المصيبة ولو قولتى انك ماكونتيش عافة ارتبطى بيه وبعد الخطوبة عرفتى انه بيشرب ازاى استمريتى وكمان كتب كتابك والمصيبة الأكبر انك كمان سلمتيله نفسك كل ده ليه ؟؟؟؟ هتقولى بحبه حبيبتى الحب مش كل شىء أهم شىء الأخلاق والدين واللى بيشرب مخدرات كده لازم يتعامل معاكى بالطريقة دى وألعن كمان ولو قدر لكى ان تتزوجيه بجد اقسملك هتلعنى اليوم اللى حبتيه فيه . ناس كتير ادخلى واقرأى على النت حكايات ما يعلم بيها الا ربنا بهدلة وقلة قيمة هتقولى يمكن يتغير بعد الزواج وهخليه يبطل شرب لالالالالالا انسى اللى كده وطريقته دى من قبل الزواج ما يتغير ابدااااااااااااا بالعكس هيزيد ويبقى افظع كتيررررررر الحقى نفسك من دلوقتى لأنك هتندمى اشد الندم ووقتها مش هتلاقى غير الاهانة والبهدلة منه ومن اهله كمان لأنهم مايحترموه هو اصلا يبقى هيحترموكى انتى ازاى ؟؟؟
صلى صلاة استخارة واكثرى من الاستغفار وعسى الله ان يشرح صدرك ويهديكى الى ما فيه الخير لكى
اسفة على الاطالة

تقبلى مرورى
اختك shamselasel