لأن الإجازة ابتدت، و تكثر فيها العزايم، و العالم حرانين و يبون يبردون على أنفسهم، جبت لكم هالحلى الحلو و الخفيف لبعد العشا و أهم شي فيه إنه باااارد :)
نبدأ بسم الله...
في البداية نجهز صينية الباي، و يفضل تكون قاعدتها متحركة، علشان يسهل علينا فك الباي من القالب... أو بطنوها بورق النايلون...
المقادير:
300 غ من الكوكيز... أنتوا شوفوا علبة البسكوت كم غرام فيها و قيسوا عليها... أنا تقريباً استخدمت 6 من العلب الصغيرة
40غ = 4 ملاعق كبيرة زبدة مذوبة
1 ملعقة كبيرة حليب بارد
1/2 1 لتر آيسكريم فانيلا (استخدموا نوعية جيدة لأن الطعم يفرق)
1/3 1 كوب زبدة الفول السوداني الخشنة crunchy peanut butter
أول شي نطحن الكوكيز لحد ما يصير ناعم، بعدين نضيف له الزبدة و الحليب و نخلط علشان يندمجون...
و بعد كذا نرص خلطة الكوكيز في قاعدة الصينية و على جوانبها... ممكن ترصون بيدكم أو باستخدام كوب أسهل لكم...
ندخل الصينية الثلاجة لمدة 10 دقايق علشان تبرد القاعدة و تتماسك...
في هالوقت نجهز الحشوة...
نخلط الآيسكريم مع زبدة الفول السوداني بالخلاط لحد ما يندمجون مع بعض...
الحين نطلع الصينية من الثلاجة و نبدأ نغرف حشوة الآيسكريم فيها... و نساوي السطح...
ندخلها الفريزر لمدة 3 ساعات إذا مستعجلين، أو نجهزها من الليل لثاني يوم...
و طبعاً بنقدم معاها صوص المارشاللو... و هذي مقاديره:
(ممكن تسوون الصوص و تخلونه على جنب، و وقت التقديم تسخنونه)…
300 مل كريمة خفق، تقريباً يعادل كوب و ربع
نصف كوب كاكاو سادة، مقطع قطع صغيرة، أو ممكن تستخدمون هير شيز الدمعات
50 غ مارشماللو أبيض، نفس الشي، شوفوا الكيس كم غرام فيه و قيسوا عليه
نحط الكريمة مع الكاكاو في قدر و نرفعه على نار هادية... (أنا ما كان عندي كريمة و حطيت بدالها حليب... النتيجة نفس الشي بس القوام يصير أخف من الكريمة)
و نحرك لحد ما يذوب الكاكاو، بس ننتبه ما نخليه يغلي، نبيه بس يسخن!
الحين نضيف عليه المارشماللو و نحرك لحد ما يذوب تماماً...
الحين نطلع الصينية من الفريزر و نرفع الباي من القالب بحذر و نحطه بصحن التقديم… نجيب سكين حادة كبيرة، نغمسها بماء حار و نشفها بسرعة و نقطع فيها الباي.. الطريقة هذي تسهل علينا تقطيع الآيسكريم…
نوزع الباي في الصحون و نغرف الصوص الساخن فوق كل قطعة و نقدمه على طووول :)
و هني و عافية على قلوبكم (f)
