السلام عليكم و رحمة الله و بركاته ..
حبيباتي العرايس ، تختلف المسميات من منطقة إلى أخرى و التقاليد و العادات ..
وحده أعرفها الله كتب لها و خطبها واحد حساوي ، لكن البنت مو من منطقة الأحساء و ما تعرف ولا شي من تقاليدهم ..
و قبل فترة كلمت أم المعرس أهل العروس أن بيسوون الهدية <<< عاد البنت استغربت هم عاداتهم الهدية بعد الملكة :rolleyes: و الحين هم ما ملكو كيف يقولون الهدية
قامت سألت و سألت و عرفت إن المصطلح بس هو المشترك بين الشيئين ، و إن الهدية عند الحساويين غير و تكون قبل العقد ..
و لما عرفت إن في عادات تتسوى في الهدية و أشياء ثانية و دوخة راس يعني كأنها حفلة ، رفضت البنت أنها تسوي الهدية
حاولنا فيها نقنعها نقول لها اكسبي اهل المعرس و ارضي بعاداتهم ، قالت إنها ما تقدر لأن أهلها موب دارين أصلاً إن في فرق في العادات و إن الشي المشترك هو فقط المصطلح
و لما حاولت تفهّم أهلها و قالت لهم الكلام اللي قالوه لها صديقاتها الحساويات قالو لها إنتي ما تفهمين و من هذا الكلام <<< خلاص كبرو أمها و أبوها و ما في مجال يقتنعون إن في إختلاف في العادات و إن التشابه بس في المصطلح ..
ف الحل الوحيد اللي شافته عشان لا يصير إحراجات في ذاك اليوم و تطلع بشكل مو حلو قدام أهل المعرس إنها ترفض الهدية ..
اللي أبيه منكم أخواتي الإحسائيات تساعدوني و تقولون لي شنو هي تقاليدكم و الأشياء اللي تسوونها ، ترى في منطقتنا ما نعرف شي عن عاداتكم و تقاليدنا غير
الشي المهم شنو هي الأيام اللي تسوونها و لازم العروس تلبس فيها شي معين و شنو تلبس بالضبط (فستان ، لون معين ؟ ) و تروح الكوافيره ، لأن هذا اللي سمعناه عن يوم الهدية ، و إحنا في منطقتنا الهدية عادي يجون البيت و يعطون الهدية و يروحون مو لازم لا حفلة و لا فستان ..
أبي أعرف كل شي من البداية إلى بعد العرس و الصباحية و ما ادري شنو ..
آسفة طولت عليكم ، لكن أرجو أنكم تفيدوني و تعلموني ،،، و شكراً ..
إستفسار للعروسات الإحسائيات ، عن تقاليد الملكة و العرس
د
02-07-2009 | 08:19 PM
د
06-07-2009 | 12:31 AM
بلييييييز بنات أحد يرد عليّ :(
ع
06-07-2009 | 07:00 AM
والله كلام غريب
الله ييسرلها ويعينها
بس عادي كل شي بالتفاهم
ومو شي يزعل لو مشيت وحده من التقاليد
زي لما يتجوزو البدو من الحضر في حاجات بسيطه تختلف لكن عادي
يتفاهموا على شي منها
الله ييسرلها ويعينها
بس عادي كل شي بالتفاهم
ومو شي يزعل لو مشيت وحده من التقاليد
زي لما يتجوزو البدو من الحضر في حاجات بسيطه تختلف لكن عادي
يتفاهموا على شي منها
د
06-07-2009 | 01:44 PM
مشكورة حبيبتي عروسة دلوعه ع الرد ..
المشكلة أن أهل البنت مو جاي على بالهم أنهم يسألون أهل المعرس عن تقاليدهم ، مثل ما قلت في الموضوع كبرو الأهل و صار في بالهم إن ما في تقاليد إلا تقاليد منطقتهم ..
الله يعين ..