صورت لكم من مطبخي كباب الحله بس في ناس بتعملها بطرق مختلفه عني بس حبيت اضعها لكم لانها لذيذة وسهلة جدااااااااااا
المقادير ::
1 كيلو لحم
بصلتين كبار
واحده طماطم
فصين توم
معلقة سمن
2حبه فلفل رومي ولو بتحبوا الفلفل الحار ماشي انا حطيت حار عشان بحبها كده
ملح وفلفل اسود وكمون وجوزة الطيب وحبهان وورق لورا وتوابل اللحمه المشكله
وبرضه علي حسب ذوقكم في الاكل والتوابل
الطريقة : :
يقطع اللحم مكعبات صغيرة وتغسل طبعا جيدا ثم نقطع البصل كله قطع صغيرة ونضعه في الحلة وعليه معلقه السمن كما بالصورة ونتركه يدبل بس ولا يتحمر علي الاخر
بعد البصل ما ياخد اللون الذهبي هذا نضع مكعبات اللحم وربع كوب ماء
بعد ذلك نضيف حبه الطماطم والفلفل الاخضر مقطعين صغير جدا وكل البهارات بتاعتنا والتوم مهروس
واخيرا نتركه علي نار هاديه ونقلب من حين لاخر باستمرار ولو الميه نشفت نزود ربع كوب ماء فقط لحين الاستواء الكامل .
ويقدم مع رز ابيض
وبألف هنا وشفا
