كيكة الباربي هديه مني كتكوته نايمه لكم ..بالصور ..

هاااي بنات ..
بنتي الصغيره بتكمل ال3 سنوات بعد اسبوعين ..
وحابه اسوي لها كيكه بنفسي ..
وعلشان اتأكد ان المقادير تمام ..قلت اسوي كيكه صغنونه كتجربه علشان مااتوهق حزتها ..وقبل الحفله بيوم اسوي وحده جديده بحجم أكبر ..














بسم الله نبدأ:



طريقة عمل الباتركريم:

نفس الكريمه اللي سويتها حق الكب كيك (الجزء [FONT=Arial]الثاني)بس هاي باللون الوردي:[/FONT]


1- بالعجانه نضع اصبع ونص زبده بحرارة الغرفه ونخفق عدل لين ماتصيرالكريمه لونهاأصفر فاتح باهت
2-نضيف باكيت فانيلا ونخفق
3-نضيف ملعقتين ونص ملاعق دبل كريم والعجانه مستمره فالخفق
4-بالتدريج نحط 2كيس سكر بودره تقريبا 400غ(هالخطوه (يبيلها خلط عدل وراح تطولالمده 5 -7 دقايق) لين ماتصير كريمه بيضا متماسكه
5-نحط ملعقة دبل كريم اضافيه [COLOR=purple]+ [/COLOR]2[SIZE=4]ملعقة كورن[COLOR=purple]سيرب أو جولدن سيرب ونخفق لمدة دقيقه.[/SIZE][/COLOR]
6-نضيف نقطة لون أحمر او اي كميه حسب الرغبه للحصول على اللون الوردي..
اذا كانت الكريمه جامده نزيدها دبل كريم ..
نترك الكريمه فالثلاجه تبرد شوي بس( ربع ساعه يعني)





نجي حق الباربي ..او العروسه ..انا اخترت حجم صغير ....

نلف جسمها كله بالنايلون علشان مايتلعوز بالكريمه ..ونرص صوب الرجلين علشان تسهل علينا ندخلها فالكيكه..















طريقة الكيكه الاسفنجيه:

1-نفصل 6بيضات الصفار عن البياض ..
2-نخفق البياض لين ماينفش ويصير ابيض ناصع ومتماسك.
3-نضيف على الصفار 1 كوب من السكر + باكيت سكر الفانيلا ونخفق بالخلاط .
4-نص مقدار بياض البيض نضيفه على الصفار ونحرك شوي شوي لين مايختفي البياض ..هالخطوه يبيلها صبر لأن بتشتغلين شوي شوي...وبعدها نصب الخليط الاخير على النص الثاني من بياض البيض..ونحرك شوي شوي..
5-ننخل كوب من طحين جميع الاستعمالات +نص ملعقه صغيره بيكنج بودر ..وبعدها نضيف بالتدريج الطحين للخليط ونحرك شوي شوي.. ..هالخطوه بعد يبيلها صبر لأن بتشتغلين شوي شوي.
نصب المزيج في قالب مدهون بالزبده والقاعده عليهاو رق +ونصب في ملة بايركس صغيره مخصصه حق الفرن ..ونحط الصواني فالفرن على درجة 375 لمدة 25 دقيقه .
نبرد الكيكه عدل ..ويفضل وضعها فالثلاجه علشان ماتتنتف وقت التقطيع ونقطعها 3 دوائر
بيصير عندنا 3 قطع مدوره + قطعه على شكل قبه ..
نحاول نقطع كل قطعه من النص بس اخر قطعه (قاعدة الكيكه) لا تقطعينها..انا عندي قطاعه صغيره على شكل ورده ..عادي راح تتغطى بالكريمه بعدين مارح تبين الورده..المهم بعد التقطيع نتأكد ان العروسه تدخل في الفستان
نلف قطع الكيك بالنايلون وندخل الثلاجها لحين الاستخدام..







































نحضر المربى:

في قدر صغير 3 ملاعق مربى التوت +3 او 4 ملاعق ماي وعلى نار وسط ..لمدة 10 دقايق..
نشخل المربى ..واللي تحبها بالبذور تقدر تستغني عن هالخطوه ..انا حبيتها سائله وناعمه مافيها تكتلات..نحطها في مله صغيره وفالثلاجه تبرد..

















طريقة الفوندان بالماشمللو:

..نسخن كوب من المارشمللو بالمايكروييف ونضيف عليه كوب سكر ناعم ونعجن اذا العجينه لينه زيديها سكر ناعم . رقي العجينه بالنشا علشان ماتلزق ..نقطع عجينة الفوندان بالشكل اللي نبيه ..عن طريق القطاعات ..


















الحين بعد ما حضرنا هالاغراض ..
نبتتدي نجمعهم لصنع فستان الباربي..
بيكون عندنا :
كريمه +العروسه+قطع الكيك+مربى التوت+وردات الفوندان للتزيين















الخطوه الأولى:

نجيب قطعة الكيك (القاعده) وندهنها بالمربى ..والقطعه اللي اللي فوقها ندهنها بالكريمه ونسكرها..وهكذا..
يعني كل طبقه بيكون داخلها مربى كريمه..



























الخطوه الثانيه :

نغلف الكيكه بالكريمه ونملس سطحها.. وندخل العروس فالفتحه...وندخلها فالثلاجه .. 10 دقايق.



























الخطوه الثالثه:

نحط طبقة ثانيه من الكريمه على كامل الفستان ونسوي سطحها مره ثانيه ..وبإصبع الابهام نحرك الكريمه بشكل دائري وبشكل عشوائي..

















الخطوه الرابعه:
باقي الكريمه نحطها في كيس الحلويات ..نملي الخصر والصدر والظهر بالنجوم نفس اللي فالصوره..




































الخطوه الخامسه:
نزين الفستان بورود الفوندان مثل ماموضح فالصوره..






















جربوا الطريقه لبناتكم ..والله انتوا بتستانسون عليها أكثر منهم..
على فكره انا ماقصيتها ..متحسفه عليها خخخخخخخخ:D
































ما أحلل اللي تنقل موضعي من غير ذكر اسمي (كتكوته نايمه) و (منتدى عروس)