Bhs فاشل !

وانة بعد عن تجربة يا زعم مطقمة اولادي من لbhs
التيشيرتات مثل ما قالوا الامهات صاروا مربع
وصاروا قصار يضحك شكلهم
حراام غالين بس خرطي ههههه

يسلموووووو

انا اخذت تنورة لبنتي من ادمز ومن اول لبسة عقب الغسيل صارت ملحة وتلووع الجبد وعلى طول قطيتها

يعني مو كل ثياب الماركات اوكي

اما ثياب المذركير السنتر بوينت وسناء فاشلين ولا يعجبووني جربتهم لما كان عمر بنتي اقل من سنة يتمغطون ويتواسعون والوانهم تبهت والقماش يتكرفس اما التبانات تكون اووكي بمعنى ممكن تلاقين عندهم اشياء زينة وتصلح بس انا اتكلم بشكل عام بحسب تجربتي

شمعة محبة
عن تجربة دبنهامز انصح فيه وخامتهم حلوة وتدوم

خواتي

في كل مكان تحصلي الزين والشين
عن تجربة صادني في كذا محل اشتري
لبستين وتتغير الوانها
فكل مكان تلاقي هالشي
ويصمون في الاسعار اخر شي ننصاد

فطوم صدقتي .. !

احب اقمصة آدمز و البناطيل .. بس آخر مرة اخذت جينز بني لولدي و من أول غسلة صار اللون أملح باهت !


بكل مكان جذي ،،


دبنهامز انصدمت فيهم الشتاء اللي فات ،، بنطلون صار أملح ( قماشه قطني ناعم ) ، و السايزات تبعهم كلش صغيرة .. يعني البلوزة لسن السنتين لثلاث و خلاص الحن صغيرة ما تنفعني للشتاء الجاي .

bhs نادر ما اخذمنه احس خاماتهم غريبة
اغلب شئ اوكايدي و اوركسترا وسيرجنت ميجور و بمبكين بيتش ونكست

ماكس بعضهم من اول لبسة يطير لونهم ويملح ويتوسع الجيب

والبعض يدوم مرة اشتريت لولدي شورتين وتيشيرتات من اول ما فتح ماكس

للحين يلبسهم وبصحة وسلام كانوا تحت الركبة اللحين فوق الركبة بس عادي ما تغيروا

وستايلهم حلوووو

اخر بضاعة نزلت لماكس اشتريت تيشرت

لبسة وحدة والله صار لونها باهت وكانها من سنين

بس الحمد لله اسعارهم رخيصة

المشكلة على اللي اسعارهم غالية فوق العشرة دينار

قطعة وحدة اخر شي تخترب في لحظة حسافة

وعندي بعد من بي اش اس شورت صار له 3 سنوات بس ولا كانه









هذا شورت من بي اش اس صار له 3 سنوات
ما تغير ولا تبدل
وعندي بعد تيشيرت صار مربع بس قطيته جان صورته لكم









تطقيمة من ماكس اول ما فتح يعني من جم سنة
ما تغيروا ابد وجاري اللبس





ماكس
وهذي كمان نفس المدة واللحين بصحتها






ماكس
وهذي بعد نفس الفترة وحليوة في اللبس






ماكس
وهذي من اول لبسة صارت ملحة وباهتة
بس في الصورة مو واضحة

اني بعد تخلصت من شورت و قميص كنت ماخذتهم لولدي من ماكس ..

الشورت الجينز صار باهت جدا .. عطيتهم زوجة اخوي تلبسهم الولد للبيت .


و القميص مادري ليش صغير رغم انه ل 3 سنوات .. !

موضوع حلوو

وبالنسبة للماركات تراهم احيانا ولا شي


بولدي حسون بما انه اول مولود لي كنت ادلعه اخر دلع في اللبس يعني كنت متخرعه وما احب اشتري الا الماركات انا وزوجي .. وكنا كل مطيحين في ادمز ودبنهامز وبي اتش اس لكني شفت اثيابهم تملح من اول غسله او ان الاقمصة من اول غسله خلاااث الكواي يصير صعب مرة ثانية غير هذا الجيب يندلع ويصير مبهدل ..

الوالدة شافت الثياب اشلون تتغير ونصحتني اذا اروح اشتري اروح معاها والله انها تعرف للقطن الاصلي وتعرف الى الكتان وتعرف انواع الاقمشة وخلتني اتجنب بعض الاقمشة لان الوانها لا اارديا اتروووح حتى لو بس بماي غاسلتها وهالحلااات اكتشفت انهم احيانا يستخدمون اسوأ الاقمشة بس لانهم ماركات الناس اتروح تشتري ..

وعن ماكس بصراحة اقمشتهم وااايد زينة وانتي عليج مثل الشي انش اتنقين القمش العدل قبل الموديل الحلووو وراح اتلاقين النتيجة .. والحمد لله مع ماااكس وااااااااااااايد واااااااااااااااااايد مرتاحه يعني بصراحة الاقمصة ادوم عندي كوايها وايد سخل وقماشها ما يغربلني في الكواي وهذا اهم شي .



وبالنسة للفوانيل اللي اشتريهم لودلدي الصلاة على النبي ما يتغيرون خير شر وبالاخص هاااي الفانيلة شريت منها كل الألوان وللحين بكامل صحتها ولا اتغيرت مع اني مخلتنهم للبيت وللطلعات اللي يم البيت وكل من يشوف اثياب حسوني من اهلي واهل زوجي يقولو ن لي ما شاء الله وااايد حلوين اختيارش :)


خاليا الى نور وحسين اشتري على طووووووووووووول من ماكس وما يتغير نوع القماش مالهم واشوف مثلهم تقريبا بمحلات مارمات بس مجرد شايلين ماكس ومخليت اسم الماركة وهو مثل الشي حتى اني مرة قارنت بنطلون لحسون يواحد ثاني من هالماركات ..

مثل ما قلت لكم دققو في القماش قبل الموديل :)

عن نفسي ماجربتbhs
اغلب ملابس ولدي من نكست و ادمز
وmex

ومرتاحه لهم كثير

كذا وحدة منكم تمدح في ماكس مع اني عن تجربة كللش ما يعجبني لان اول ما فتح قبل كم سنة خذيت فانيلات لبنتي ومن اول لبسة تغير لونهم كأن صاير لهم سنين عشان جذي ما اخذ منه وحتى بعد زوجي اخذ منهم اقمصة ونصم فيهم عقبال الغسال يتكرفسون وما ينكوون عدل هو فعلا في كل محل تلاقي الزين والشين والواحد لااازم يختار الملابس بعناية اكثر حتى لا ينغش

وسلامتكم

بما اننا نتكلم عن ماكس ..

منزلين بضاعه حلوة للبنوتات من عمر سنتين الى 8 .. بركن لحالهم .. لونين ( بنفسجي ، تركوازي ) فساتين و تنورة و بلوزات و بنطلون ضاغط .. كلش حلوين و بسعر حلو .. !

ايش رايكم في خامة H&Mاحس قماشهم حلو وما يتوسع ولا يحبب
من كذا لبسة شريتها لكن انتوا ؟؟

! أنثى !;10130305:
بما اننا نتكلم عن ماكس ..

منزلين بضاعه حلوة للبنوتات من عمر سنتين الى 8 .. بركن لحالهم .. لونين ( بنفسجي ، تركوازي ) فساتين و تنورة و بلوزات و بنطلون ضاغط .. كلش حلوين و بسعر حلو .. !

! أنثى !;10130305:
بما اننا نتكلم عن ماكس ..

منزلين بضاعه حلوة للبنوتات من عمر سنتين الى 8 .. بركن لحالهم .. لونين ( بنفسجي ، تركوازي ) فساتين و تنورة و بلوزات و بنطلون ضاغط .. كلش حلوين و بسعر حلو .. !

انا بعد شريت لولدي و عمره 8 شهور
من اول غسلة صارت صغيرة...و اخذت شكل مربع و مبهدله عدل

و توووووبة اشتري من عندهم شي