اخرب احلى ايام حياتي او لاء

ارد عليج مرة ثانيه واقول لج


لو ياها نصيبها مرة ثانيه


تتوقعين اهيا راح تراعيج لأنج راعيتيها ؟؟

تتوقعين ان اهي ما بترسم على ويها علامات الفرح لأن انتي مثلتي جدامها انج مو فرحانه وايد ؟؟

ماراح تسوي اللي بخاطرها لأن انتي ما سويتي اللي بخاطرج عشان احساسها ؟؟



اختي .. اذا امها واخوها طبيعيين معاها.. انتي ليش تراعينها زيادة عن اللزوم ؟


تقدرين تراعينها في السوالف ان ما تييبين طاري شي يزعلها ..


لكن اللي تسوينه عشانها بصراحة زيادة عن اللزوم

ومثل ما قالو ان بعدين اهي اللي راح تمشي حياتكم انتي وريلج .. وانتي ما بتستحملين تعيشين هالعيشة لفترة طويلة

خلج طبيعية معاها .. وحسسيها ان ماصار شي .. وان اللي راح ماكان نصيبها اللي الله كاتبه لها


انزين ما فكرتي ... لأن مثل ما قلتي ان بالنت حساسة

مافكرتي ان ممكن بعدين تحس ان اهي السبب في عدم اشعال الفرحة في بيتهم وعمل حفلة عرس ؟؟

وتتحسس زود ؟؟؟

مشكوره على ردك اختي بس انا مو متعوده اجرح احد .... وامها و اخوها يخافوهن عليها لانها احيانا تمرض من كثر الزعل ... لما تصير مشكله كبيره تمرض
وخطيبي لما يهديني هدايا غاليه يقوللي لاتمصخينها وتقولي خطيبي جابلي لانها مكسور خاطرها !! وانا اساسا مو من طبيعتي اني اتدلع واتمصخ واقول شوفو ايش جابلي !
بس لازم الانسان يراعي الانسان الثاني قد مايقدر... تتوقعون كيف احساسها لما الناس تطالعها وتقول هالبنت حلوه نبي نخطبها وتجي وحدة وتقول عندها ولد والناس تهرب كأنك تقولين عندها مرض !!
حرااااام والله حراااام

أختي ميم .. تسلمين على هالاخلاق الحلوة ..
بس من وجهة نظري ان انتي قاعده تسوين اشية زياده عن اللزوم بس عشان ما تجرحين مشاعرها .. انتي لا قاعده تسوين شي غلط ولا حرام لازم تعيشين فرحتج طولها بعرضها .. مثل ما قالو الخوات ان اهيه تزوجت و فرحت بس نصيبها ان ما تكتمل فرحتها .. فأنتي ليش تقللين من فرحتج و تسوين في بين بدل صالة .. جم مرة بتتزوجين ؟!!! لا تسوين شي تندمين عليه في المستقبل ..

بعدين انتي ما تعلمين الغيب .. يمكن اذا جاها نصيبها ان شا ءالله تسوي حفلة في صاله و تلبس و تفرح وما تقول باضحي عشان مرت اخوي مثل ما اهيه ضحت !!!

هاي شي يصير في العمر مرة .. بعدين اذا اهيه تمت مبوزة و الا مبتسمة الحياة بتمشي و البنات بيتزوجون ..!!! محد بيقول لا بننتظرها تتزوج قبل عشان ما نجرح مشاعرها !!!

مشكوره اختي على الرد وبفكر في كلامك !! الله يرزقها الزوج الصالح اللي يقبلها ويقبل ولدها ويعيشهم احلى عيشة ان شاء الله

حلم العذارى;9855297:

عادي!..

لا هي أول ولا آخر بنت تنفصل وتتطلق!..

جداً المسآلة بسيطة وعادية

/
\

حلو تقدرين حماتج - أخت زوجج -

وحلو تراعين مشاعرها

وحلو ترضينها وما تسعين لزعلها

*

لكن!..

تآكدي إن لكل شي حدوده بعد

هي تمر بحالة نفسية صعبة بسبب الطلاق

وهذا شي لا بيدج ولا بيدها .. بيد الله سبحانه وتعالى

مع الأيام , ومع الوقت

بتتغير هالنفسية وبترجع مثل قبل وأحسن بعد!..

ويمكن يجيها ولد الحلال الصالح , الخلوق , إلي يستر عليها ويهنيها

*

إنتي ؟!..

وين موقعج الأعرابي من هذا كله ؟!.......................

هل إذا تشافت من صدمتها العاطفية من الطلاق بتذكرج بشي ؟. أو بتفيدج بشي ؟.

إذا تقدم لها معرس جديد , وفرحت وقامت سوت حفلة ولبست وكشخت

هل بتذكرج بشي ؟!.

أبد والله

ولا بتجين في بالها

بتواصل حياتها بدون ما تذكرج حتى , إنتي مجرد زوجة أخوها ..,

*

هي طيبة , وحبوبة

وإلي تمر فيه مو بيدها

لكن!..

بنفس الوقت مو بيدج أبد

/
\

على أي أساس بتحرمين نفسج , وأهلج , وزوجج

من فرحة العرس ؟!.

كلميني بالمنطق !..

من حقج تسوين لج الحفلة بأي مكان تبينه وتعزمين أهلج ويفرحون فيج وتعزمين ربعج وتستانسين

من حقج تلبسين الفستان الأبيض , و تسعدين زوجج

ومن حقج تعيشين معاه أيام العسل بعد الزواج بكل تفاصيلها

ومن حقج تجهزين شقتج على راحة وإنتي رايقة !..

*

كل هلأشياء مو بس من حقج , إلا هي أبسط حقوقج

بتحرمين نفسج منها بس علشان ( حماتي تمر بآزمة عاطفية .. وما أبي أزيدها )

لا لا .. أبداً تفكيرج مب صحيح

/
\

حماتج !..

مردها مثل ما قلت لج بتتجاوز الآزمة

ويمكن يجيها رزقها و تتيسر .. وبتعيش حياتها

آخر سعادة

هني إنتي ما بتندمين ؟!.

بتسآلين نفسج شنو فادتني طيبتي الزايدة ومراعاتي إلي مالها داعي

كاهي فرحت وسوت , ولبست , وأنا ؟!.

حرمت نفسي من هلأشياء ليش ؟!....

*

أنا عجبني فيج حبج لأهل زوجج وتقديرج

لكن!..

في هالنقطة ما أشجعج ولا أراعيج

/
\

وبقولج شي مهم وايد إنتي غافلة عنه !..

إذا حماتج حست فيج قاعدة تراعينها وتحطين لنفسج حدود وحواجز علشانها

هني هي بتتعقد أزيد و بتتضايق أكثر , ويمكن تكرهج

تدرين أو ما تدرين ؟!

بتقول بداخلها هذي قاعدة تشفق علي وترآف لحالي لأني مطلقة وهي متزوجة

قاعدة تسوي أشياء ما بتي تحسسني بالضيق ,

لأنها حساسة وايد

وما بتتقبل شفقة من عند أحد

حتى لو قصدج شريف وحسنة النية

ما بتراعيج ..,

لأن الضيق إلي فيها .. أكبر من إنها تراعي أحد

*

راعيها , حبيها , أحترميها

بس لكل شي حدوده !..

والمبالغة في الشي مب من صالحج ولا من صالحها

وعرفي إن المتضرر الوحيد

هو ( إنتي )

وتآكدي إنها من تتجاوز أزمتها وتعيش حياتها

ما بتذكر شي من إلي إنتي قاعدة تسوينه

لأنها أساساً حالياً , مب مهتمة لشي

وصدقيني هي مب حاطه في بالها مسآلة إنتي عروس و إنتي , وإنتي

ربما فقط .. سيرة الزواج تكدرها

خليها براحتها

خليها ..,

مردها تهدىء وترتاح ..,

/
\

عيشي إنتي حياتج , ولا تحرمين نفسج من شي .. لأجل لا شي

( وأتمنى يكون كلامي مفهوم و واضح بالنسبة لج )

*

موفقة , والله يسعدج ويهنيج

ابداااااااااااااااااااااااااع :up::up:

مشكوره اختي حلم العذارى كلامك برد على قلبي وفتح عيوني على اشياء كنت ناسيتها

اختي

انتي واااايد مهتمة فيها وباقولج مبالغة في الاهتمام

حبيبتي اهيه اختارت حياتها انها تنفصل وتتضايق عشان زواج اخوها ومادري ايش

انتي قعدي معاها وصارحيها انج ابداً ماتقصدين ازعاجها او مضايقتها بس بحدود

لأنها صارت حساسة وانتي بعد صرتي حساسة

فكري بزواجج وسويه احلى مايكون في قاعه واخذي راحتج واهيه اللهم لااعتراض

واهتمي بشريك حياتج لأن هو اللي راح يدووم معاج وانتي مثل ماقلتي انج قاعدة مؤقت

ودوووم ابتسمي ولاتحسبين حساب انها راح تزعل لاتعقدين روحج انتي عرووس

يعني باجر اذا جبتي بيبي واثنين وثلاث بتقعد تتحسس من كل شي

يعني بتخرب حياتج واهيه مب كل حياتج زوجج كل حياتج

والله يوفقج ويسعدج يارب

مشكوره على كلامك الحلو

اختي ماااشاء الله عليج انتي واايد اصلا مراعيتها بس بعد لكل شيء حدوود
تذكري هذه احلى ايام عمرج ومابتعوود مرة ثاانيه حاولي اتسووينها بالشكل اللي يريحج لانه رضا الناس غاية لا تدرك وبعدين تتحسفين ع اشياء بودج اتسوينها وماسويتها مجامله

الله يعوض سوسو .. و يرزقها الزوج الصالح.

بس حبيبتي بقولج شغلة :

انتي مالج أي دخل في اللي صار لسوسو عشان تقعدين تندمين و تفرطين بسعادتج ، صح ولا لاء ؟

حالة سوسو شي .. و انتي شي ثاني.

و مراعاتج لها صراحة شي اقدره فيج وهذا من طيبج الزاايد.

شوفي اذا بينتيها انج حزينة عليها راح توحيلها اكثر ان هي صح ،
وان الشي اللي يصير حواليها (من سوالف العرس و غيره ) غلط ومفروض ما يصير !

بينما العكس صحيح

و هذا طبعا كله ايحاء خاطىء.(n)

بينما ممكن تكونين سعيدة ومبتسمة :D(y)
( بس طبعا ما اقصد تستفزينها )

و هالشي راح يكون مفعوله احسن لج اولا ولها ان شاء الله


الله يوفقج

الله يعينك بس
هذا مشكلة اللي ما يرضون بالنصيب :(

الله يريحها .. ويرزقها بالزوووج الصالح الي يعوضها خير ياااااارب

**ام يارا**;9849175:
انتي ليه مضيقه على عمرك وعلى خطيبك عشانها ,,, طيب هي فرحت وعملت حفله في قاعه وسوت كل شي نفسها فيه في عرسها ,,, وقضاء الله وقدره ماصار فيه نصيب ,,, والله يعوضها ان شاء الله ,,,
انتي احترميها وخافي عليه قد ماتقدري( لايكلف الله نفسا الى وسعها ) لكن مو لدرجة انو ماتعملي فرحك في قاعه ,,, انتي كم مرره رح تتزوجي مررره وحده ان شاء الله ,,, سوي كل الي نفسك فيه ,,,
انتي خليكي قريبه منها ,,, خذي رايها ,,, لكن بحدود ,,,

الف مبروك حبيبتي والله يتمم لك على خير يااارب

بكرة اذا ربي اعطاكي واعطاها عمر ان شاء الله بالطاعة بيجيها نصيبها ولا راح تفكر الا انها تعوض ايامها الي راحت بقصر وحفلات وكل شي طبعا انتي هنا بتكونين في حل سوسو هههههههه لاا ان شاء الله بس مو حلو كذااا انتي تفرطين باشياء دعيتيلها ولا زلتي خلاص نفسيات الناس مانقدر نتحكم فيها اجل بكرة لاتضحكين مع زوجك قدامها ولا تلبسين زين ولا تتكشخين عشان ماتزعل بس بتضايقين زوجك لان الصورة الاولى منك راح تنطبع باول الايام وكشختك واناقتك للها اثر بالقلب افرحي وسوي بقصر ويقول الله تعالى

(يا ايها النبي لاتحرم ما احل الله لك)
لاتحرمين او تمنعين شي عشان شخص هوة الي جايبه لنفسها كذا تتوكل على الله وتعلم ان الي جاي افضل واحسن من الي راح والله يوفق الجميع لاتنسين شوفي القصر والفستان الابيض والي مراح تنسين هذيك الليلة خليها اسعد الايام لانها تكون حلوة

كل اللي قالوه البنات معاهم حق

الله يرزقها ويرزق جميع البنات الازواج الصالحين

شوفي اختي الي صار صار لا هي اول ولا أخر وحدة تطلقت....وترى احيانا الانسان من كثر ما يكون حريص يغلط فخلك ريلاكس وتعاملي معاها عادي وعيشي ايامك وافرحي

ماختلفنا تراعي مشاعرها بس موعلى حساب نفسك وخطيبك ومو تسوينها يادهينه لاتنكتين حبيبتي تري انتي التعبانه لانها ماراح تفهم انه موقصدك افرحي وسوي زواجك بقاعه وماعليك من احد تري هي بالعمر مره ولازم يكون خطيبك محور اهتمامك مو اي احد غيره

حسيتها سخافه منها وغيرانه بقووة
وتبي تتطفشك يالغلا ولا تعطيها فرصه ابد
لو تحب اخوها كان عاملتك بحب اخوها وزود
نصيحتي طنشيها وسوي زواج رايق ع الاخر
انا الحمد لله حمياتي يحبوني مووت لاني اعتبرهم خواتي
وانا معهم متفاهمين واصدقاء