قصة ولادتي لكل الا ينتظرها ..

بسم الله الرحمن الرحيم

اليوم حابة أقول لكم قصة ولادتي الحلوة ولاتخاااافون مابخوفكم من الولادة :tongue:

أول شي اني عاطيني موعد الولادة على حسب الاترساوند 1/7/2009

وعلى حسب الدورة 5/7/2009

لكن قدمت وولدت تاريخ 22/6/2009

ولادتي والحمدالله رب العالمين كانت سهله وميسرة بفضل الاستغفار والادعيه

وبما أنه أول ولاده ليي كانت قيصريه كنت واااااااااااجد خااايفه من هالولادة انها تكون قيصريه وما أولد طبيعي

بس الحمدالله انه كان كلشي طبيعي وولدت طبيعي ..

لليلة الا كنت بولد فيها ماكان فيني شي .. ولا كان ويايي ألم ولا حتى بوادر ولادة .. كان عدنا حنه حماتي وكنت قاعده ومستانسه والكل الا يشوفني يقول ليي هاا ماولتيين ؟؟ هههههههههههههه

المهم .. عقب ماخلصنا وركبت شقتي .. أنبطحت على السرير عشان بنام .. قمت أتقلب يمبن ويسار مو جايني نووم .. شفت الساعه الا هيي 5 الفجر .. واني للحين مانمت ..

واني منبحطه على السرير ماحسيت الا بضربه قووووووووويه تحت ومره وحدة نزل عليي مااااااااااااي كأنه بلبله من كثره .. قمت أركض الحمام وزوجي كان قاعد يقول ليي شفيش ؟؟ قلت له ماادري بس مره وحدة جتني ضربه قويه ونزل عليي ماي .. قوم بسرعه ودني المستشفى ..

نزلنا حمودي عند عمتي ورحنا المسشتفى .. كشفوا عليي وقالت ليي الممرضه اني منفتحه 1 سانتي وسيدة بدلوي ثيابي ونقلوني فوق حجرة الولادة ..

عاد الحين بيبتدي الرعب هههههههههههههههههههههه .. خلوني وطفوا عليي الليت واني ميته من الألم وأصاارخ وأصيييييييح من الألم .. دخلوا عليي زوجي واني أصيح اقول لييه خلاااااص خله يسوني عملية ماني قادرة بموووووووووت وهو يقول ليي لالالالا مابتمووووتين بتولدين طبيعي ..

المهم عقب ماطلع جت الممرضه وضربتني أبرة تقول هاي الابرة حق أتوسع بسرعه وما أتعب .. ومن ضربتني أياها ماشفت الا الألم زاااااااااااااد وقام يجيني كل دقيقه

وقمت أصرخ وأنادي عليها اقول ليها تعااالي بموت من الألم تعالي شوفيني .. وجت الا تقول وصلت 8 سانتي وخلااااااص ماباقي شي ويطلع البيبي .. ونادت على الممرضات وجو ليي واني أصيح وأصاارخ من التعب والآلم .. وهم يقوولون ليي يلا أدفعي خلاص اكو راس البيبي بيطلع واني ماعندي قوووة وطاقه .. كل مره أدفع ويجي بيطلع اليببي أرد أوقف لاني أتعب .. وهم يقولون ليي لاتوقفيييين عشان البيبي مايتعب .. وتالي آخر دفعه دفعتها بقوووة شرف حسوني على الدنياا

حطوه على صدري وشفته وبسته في خده وتالي شالوه

وأبتدو يخيطوني والحمدالله مايخيطوني واجد لانه حسوني صغير وزنه كيلويين و700 غرام

ادعواا الله يهديه ويهدي أخوه ويجعلهم ذرية صالحه ويخليهم ليي والى أبوهم