تجمع الحوامل اللواتي يلدن بشهر تشرين الثاني(نوفمبر 11) 2009 ( الجزء الثالث)

أم نبيلة

السح يعني يعني ما أعرف كيف أشرحلج بلو ميره ساعدوني :tongue:

هو ولد عم الرطب من فصيلة الرطبيات خخخخ :D

تمر لونه بني غامج ومعفوص حالته حاله خخ :D

هييييييييه هيه هالوزن يباله تنزيل بس بلو الحمدلله طمنتنا أن نص الوزن بيروح بعد الولاده

تقريبا نص الوزن من الماي اللي فالجسم + وزن الجنين والمشيمه وألخ

على قولة عمتي القشار

:D

عزتي

الله يطمنج على البيبي ياااااااارب ويكون كل شي تمام ... أنا بعد ولدي فاضح عمره عدل قليل أدب خخخخ

ولا يمكن عشانهم بلا دهون الحين فكل شي واضح وضوح الشمس

:wink:

تطور طفلكِ بالأسبوع الثلاثون

الأسبوع 30
يبلغ وزن طفلكِ الآن 1400 غرام و طوله 27 سم تقريباً . ترف أجفانه بشكل كامل الآن و يعتبر نقي العظم مسؤولاً من الآن عن إنتاج خلايا الدم الحمراء .

يستمر طفلكِ باكتساب الوزن و طبقات دهنية و هي التي تقلل تجعدات طفلكِ كما أنها تحفظ حرارته بعد الولادة .

سيبدأ طفلكِ من أجل التحضير للتنفس بعد الولادة بتقليد هذه الحركات من خلال تحريك الحجاب الحاجز . تتصف هذه الحركات بالتواترية و قد يحدث الفواق أحياناً نتيجة لاستنشاق السائل الأمنيوسي عن طريق الخطأ .

دعينا نتكلم عن شكاوى جسمكِ . هل لا زال نومكِ مزعجاً . ننصحكِ بالنوم على جانبكِ الأيسر .

يعتبر الإمساك من الشكاوي الشائعة و هو ينجم عن نقص حركات الأمعاء الناجمة عن هرمونات الحمل التي تعمل على الحفاظ عليه . إلا أنكِ تستطيعين التغلب على الإمساك من خلال التمارين المنتظمة و تناول الأغذية الغنية بالألياف كالخضار و البقول و الحبوب الكاملة .

^-^
أحس دايما فيه فواق أحس مرات بحركات منتظمه مثل الدقات طق طق طق أعتقد أنها الفواق

...( هنوده )...;10170191:
أم نبيلة

السح يعني يعني ما أعرف كيف أشرحلج بلو ميره ساعدوني :tongue:

هو ولد عم الرطب من فصيلة الرطبيات خخخخ :D

تمر لونه بني غامج ومعفوص حالته حاله خخ :D

هييييييييه هيه هالوزن يباله تنزيل بس بلو الحمدلله طمنتنا أن نص الوزن بيروح بعد الولاده

تقريبا نص الوزن من الماي اللي فالجسم + وزن الجنين والمشيمه وألخ

على قولة عمتي القشار

:D

عزتي

الله يطمنج على البيبي ياااااااارب ويكون كل شي تمام ... أنا بعد ولدي فاضح عمره عدل قليل أدب خخخخ

ولا يمكن عشانهم بلا دهون الحين فكل شي واضح وضوح الشمس

:wink:

عرفته خلاص :D

...( هنوده )...;10169529:
بلو

أنا بعد مب مقتنعه وايد بسالفة الأعشاب .. أحسه يسبب إسهال وهالشي يخلي الوحده متوتره ما تعرف هل تبى تربي ولا تبى تسير الحمام الله يعزكم

السح والعسل كفايه

وممكن بآخذ أعشاب بس شي خفيف

والله يسهل عليج يا بلوووو

:):)

~~~~~~~~~~~~~~~~~~~~~~~~~~~~~~~~~~~~~~~~~~~~

السؤال التالي (( نكست كوسجنق )) :tongue:

شو رايكم بالمشدات بعد الولاده لإستعادة الرشاقه يعني :D

شو رايكم المشد العادي اللي يبيعونه فالصيدليات أحسن ولا المشد العادي قطعة القماش الطويله العريضه مثل المشد الأندونيسي (( أحسه متعب هالمشد )) :ss:

ومتى بتبدئون تلبسونه بعد أسبوع أسبوعين !!!!!!

وشو هو نظامكم فإستعادة الرشاقه بعد الولاده من رياضه وأعشاب وغذاء وكريمات ... ألخ

:)

أفيدونا

والله وحده نصحتني قالتلي ثاني يوم من الولاده لبست المشد العادي اللي يتلبس تحت الفساتين يجي من تحت الصدر لييين الكروووشه وخلته اربعييييين يوم قالت والله ماخلصت الاربعييين الا وانا ماعندي كرشه والكل اتفاجأ انا ناويه اسوي مثلها:D:D:D احس نفسي مخنوقه من الحيييين هههه متخيله شكلي وانا شاده هالكروووشه:o:o

...( هنوده )...;10169579:
ياااااي دخلت الأسبوع 30

باقي 10 أسابيع بس ما أصدق ... الصبح يالسه أفكر أقول فخاطري يااربي صح الحمل متعب بس حلو ما ابا تخلص هالأيام الحلوه والذكريات الممتعه

خاصة حركة الجنين فبطنج واااايد كيوت

الله يرزق كل مسلمه الذريه الصالحه ولا يحرمها من هالنعمه العظيمه آميين

اميييييييييييييييييييين ياااارب الله لايحرمهم من هذه النعمه من جد احس بفرحه وامومه موطبيعيه


وبالنسبه لي باقيييلي اسبوووووووووووووووووووووووووع بس واخلص الالسااابع يااااااارب تفرحنا بشوفتهم سليمين معافييين من كل شر:D:D

عزتي في شموخ ذاتي;10169730:
السلام عليكم ورحة الله وبركاته

حواااااااامل , اليوم كان موعدي مع الدكتوره , وحولتني على الاستشاري اللي كنت متنومه عنده , وقالتلي موعدي 14 من هذا الشهر مع الاستشاري , وقالتلي ولدك قليل ادب فاتح رجوله على الاخير , ربيه , وتخيلوا تنادي النيرس تقولها شوفي هذا الولد واضح شوفي ..............., شوي واتضارب معاها خخخخخخخخخخخخخخخخ تسب ولدي وانا جالسه

هههههههههههههههههههه فديييييته خليه يتهوى يمكن الدنيا حر عنده هههههه الله يحفظهم يااارب

عزتي

الله يطمنج على البيبي ياااااااارب ويكون كل شي تمام ... أنا بعد ولدي فاضح عمره عدل قليل أدب خخخخ

ولا يمكن عشانهم بلا دهون الحين فكل شي واضح وضوح الشمس

:wink:[/QUOTE]


الحمد لله مو بس ولدي يفشششششششششل , لا طمنتيني الله يطمنك خخخخخخخ,

تصدقي وزني مثل ماهو ماتغيير 72 كيلو ؟؟؟؟؟؟؟؟؟؟؟؟

مستغربه على الاخير :rolleyes:

بنت القمر وأحلى قمر;10171605:
هههههههههههههههههههه فديييييته خليه يتهوى يمكن الدنيا حر عنده هههههه الله يحفظهم يااارب

خخخخخخخخخخخخ ., والله مايستحي , المفروض يستر نفسه مو يفشلني , لو شفتي الدكتوره كيف تضحك , وتعلم النيرس , شئ مررررره يفشل

أجمل ايام العمر;10169827:
حبيبتى انا مختلفة معاكى فى مضووع مسح الاسماء من اللستة عشان احنا لازم نبقى فاكرين الاعضاء اللى معانا و كل واحد معاه حجته فى غيابه يارب يكون خير يارب

و اللى اجهضوا لازم نفضل فاكرينهم و ندعيلهم عشان واحنا بنولد باذن الله




(y)(y) الله يرزقهم يااااارب





:D الحمد لله على كل حال

على راى بلو قربة مخرومة





اي والله من جد قربه مخرووومه:D:D





:D ولا يهمك يا سكرة





انا سرتى بقت طالعة جداااااااااااااااااااااااااااا

وجوزى بيقرف من شكلها :D




انا صار لونها اسووود:confused::confused:











حبيبتى خللى بالك من الضغط عشان غلللط على البيبى و بلاش اكل فيه ملح و لا شاى ولا قهوة خاااااااااااااااالص ز اشربى سوايل كتير و ان شاء الله خير




الله يععيييين على هالضغظ ويحفظنا منه ياارب




ربنا يطمنك بكرة باذن الله يا ميرة على احلى مريومة





سلامتك الف سلامة يا كاتو ...

حاولى ترتاحى و متجهديش نفسك خاااالص





يعنى ايه السح ...؟؟؟؟؟؟؟؟؟؟؟؟ :wink:





انا ناوية قرب الولادة اسال الدكتور ان شاء الله بخصوص المشد ....

و ان شاء الله ناوية اعمل حمام مغربى و بخار بسكل منتظم عشان السواد بعد الولادة و كمان الاكريمات و نظام اكل معتدل و رياضة عشان الوزن باذن الله



لاااااااااااااااااااااااازم من ده




آمييييييييييييييييييين





ههههههههههههههههههههههه ... انا كمان بنتى كانت قليلة ادل و فاتحة رجلها اخر حاجة :D

هههههههههههه الله يحفظهااا يااارب خلووهم يتهوو شويه شكلهم حرانييين:D:D

سلام كروشات ...

لكم وحشة مو طبيعية بس شسوي التعب ذابحني مو عاطني مجال ادخل النت ...

انا كنت في السفر طبيعية بس كنت اشتكي من تعب المشي .. لكن من رجعت ديرتي وانا على طول ابغي ارقد وما اقدر اسوي شي اتعب على اقل مجهود هذا غير الصداع اللي مو راضي يروح ..

الجو عندنا ناااااااااااار من اطلع شوي عند الباب احس انه بيغمى علي ...

الصداع مخلي مزاجي زفت مالي خلق اكلم احد ولا اطلع من البيت حتى حركات البيبي اتضايق منها..

بالنسبة للصيام احسه وايد متعب مع ان هذي ثاني مرة اصوم رمضان وانا حامل بالأشهر الأخيرة ...

احس بجوع وعطش فضيييييييييع ما اصدق يأذن المغرب على طول على الماي لين تلوع جبدي ...

البنات اللي عندهم تنميل ...انا بعد عندي تنميل لكن بعد ما اقعد من النوم احس بتنميل فضيع في يديني ثنتينهم مايروح الا بعد مدة ...

اشكر اللي سأل عني وافتقدني خصوصا هنودة ...وياربي ببركة هالشهر الفضيل الله يقومكم كلكم بالسلامة وتفرحون بعيالكم في حضونكم ...

kato;10168417:
صباح الخير يا حوامل اخباركم اية
انا الحمد لله روحت امبارح للدكتور والحمد لله كل شئ تمام بس بالنسبة للحركة انا مش حاسة بيها بسبب ان انا عندى انقباضات فى الرحم نتيجة المجهود وقالى لازم الراحة عشان لو فضل انقباضات الرحم كدة ممكن اولد فى السابع ربنا يستر وادانى حقن مهدأ لانقباضات الرحم وربنا يستر الحمد لله والله المستعان

عليك بالراحه التامه و ربي يتمم لك على خير و تولدي بالشهر التاسع ان شاء الله

...( هنوده )...;10169529:

السؤال التالي (( نكست كوسجنق )) :tongue:

شو رايكم بالمشدات بعد الولاده لإستعادة الرشاقه يعني :D

أفيدونا

ما عندي فكره لاني ما جربت و لا شي ...ولدت قيصريه و خفت مالبست اي نوع من المشدات كل و لا العمليه تتبطل عليه

أجمل ايام العمر;10169827:


يعنى ايه السح ...؟؟؟؟؟؟؟؟؟؟؟؟ :wink:

انا ناوية قرب الولادة اسال الدكتور ان شاء الله بخصوص المشد ....

و ان شاء الله ناوية اعمل حمام مغربى و بخار بسكل منتظم عشان السواد بعد الولادة و كمان الاكريمات و نظام اكل معتدل و رياضة عشان الوزن باذن الله

السح يعني العجوه ..يعني نفس الي بنحطه في المعمول و الكعك

و على حمام المغربي ...حلو بعد الاربعين ...جربته يشيل السواد كله

مب نحن عندنا ازمه حمامات تكرمون ...و راحين و جاين ..

من يومين صاير ويايه شي غريب ...مجرد ما انام على جنبي احس بمغص بمغص بمغص في بطني مش طبيعي ...و اروح الحمام ((كرمكم الله )) لكن يكون مجرد انذار كاذب ...

اول يوم قلت يمكن راح يصيبني تسمم من الاكل ..لكن ما صار شي مجرد مغص

ثاني يوم قلت يمكن كثرت بالاكل ...و قللت الاكل ...لكن المغص مثل ما هو

ثالث يوم استوعبت ان اكييييد من ضغط الجنين على الامعاء يسبب لي المغص و الانذار الكاذب



يعني مش كفايه القربه المخرومه بعد انذارات كاذبه

عبلة;10171773:


البنات اللي عندهم تنميل ...انا بعد عندي تنميل لكن بعد ما اقعد من النوم احس بتنميل فضيع في يديني ثنتينهم مايروح الا بعد مدة ...

ما تشوفين شر يا عبله ...حتى انا الصداع صاير يومي حتى قمت ما اقدر اقاوم و اخذ حبوب عن الصداع ...

بالنسبه للتنميل بيخف بعد الولاده بالتدريج ...لما يبدا الماء الزايد بالجسم يخف ....في حملي الاول كان يصيبني تمنيل مع الممممممم كنت ما احس بايدي ابدا كنت احس كانها مشلوله و طول الليل ابكي من الالم كان شي فضيع ....ربي يبعده عن الجميع ان شاء الله

لكن هذي المره الحمد الله مجرد تنميل من غير الالم و غالبا يكون الصبح لما اقوم او اذا طولت و انا ماسكه شي يعني لما اقرا او اذا مسكت التلفون على طول تنمل

الله يعينا و ييسر لنا و يتمم لنا على خير ..خلاص هانت مب باقي شي ان شاء الله

بنت القمر

شكله المشد يسوي نتايج فتاكه (y) ... خلاص إن شاء الله لازم أشتريلي واحد منه :wink:

هيه صدقج يا قمر أنا بعد أحس عمري مخنوقه من الحين

بس اللي بيكون فصالحنا أن الجو بيكون بارد تخيلي نلبسه فالصيف والله بنموت من الحر :ss: خخخ

إن شاء الله ياااااارب يتمم حملج على خييير وتشوفين ضناج فحظنج وتفرحين فيه آميييين

:):)

عزتي

ماشاء الله عليج

يمكن وحامج كان صعب يعني ما كلتي عدل .. أنا ماشاء الله تبارك الرحمن زدت أكثر عن 10 كيلو ماشاء الله

لين ما أربي بزيد أكثر عن 15 كيلو على ما أعتقد الله يستر :ss:

أنا كان خاطري أمتن لأني مليت من الضعف طول عمري ضعيفه قبل سنتين كان وزني دون 45 كيلو

:)

عبلة

هلا فييييييج يا عبلة ... تولهنا عليج يا قلبي ... سلاااااااااامات ما تشوفين شر إن شاء الله

ما عليج منا أهم شي راحتج أتغذي عدل وأشربي ماي وااااايد بين الفطور والسحور عشان ما تحسين بعطش

ولا تبذلين مجهود كبير

العفو يالغاليه ... كلنا أفتقدناج الله ييسر أمورج ويسهل عليج الحمل والولاده يااااااااارب

:):)(f)

BlueLily;10172949:
مب نحن عندنا ازمه حمامات تكرمون ...و راحين و جاين ..

من يومين صاير ويايه شي غريب ...مجرد ما انام على جنبي احس بمغص بمغص بمغص في بطني مش طبيعي ...و اروح الحمام ((كرمكم الله )) لكن يكون مجرد انذار كاذب ...

اول يوم قلت يمكن راح يصيبني تسمم من الاكل ..لكن ما صار شي مجرد مغص

ثاني يوم قلت يمكن كثرت بالاكل ...و قللت الاكل ...لكن المغص مثل ما هو

ثالث يوم استوعبت ان اكييييد من ضغط الجنين على الامعاء يسبب لي المغص و الانذار الكاذب



يعني مش كفايه القربه المخرومه بعد انذارات كاذبه

سبحان الله أنا داخله التجمع عشان أكتب نفس الكلام

اليوم الصبح حسيت بمغص فبطني قلت أكيد من سندويشات الشورما (( مسوينه حق السحور )) أكيد أتسممت

أو طلق لأنه الألم يروح وأي يعني ولاده مبكره الله يستر :ss:

كنت خايفه لأني إمبارحه كنت تعبانه مووووت أول مره أتعب جي من بداية رمضان

وكنت مسويه لقيمات وتعبت بس مب وايد فاذكرت سالفة كاتو أن المجهود ممكن يسبب ولاده مبكره عشان جي عطوها مثبتات

فخفت تكون حالتي مثلها الله يستر

بس بعدين أتذكرت كلامج قبل كمن يوم خبرتينا عن إنقباضات ما أذكر شو أسمها عادي أتصيبنا فهالفتره من الحمل

أعتقد أسمه براكستون هيكس شي جي

مكتوب عنه فالكتاب الأسبوع (( 23 ))

لعلك لاحظت حدوث انقباضات منتظمه في معدتك كل 20 دقيقة يدوم مثل هذا التحجر قرابة العشرين ثانيه وهو مزعج رغم أنه غير مؤلم

تستمر هذه التقلصات طوال فترة حملك مع أنك لا تلاحظيها قبل هذه المرحلة وهي ضرورية لتأمين عبور الدم عبر الأوعية الرحمية ولتسهيل نمو الرحم كما أنك قد تشعرين بما يشبه وخز الأبر بموازاة بطنك يحدث من جراء تمدد عضلات الرحم لكن هذا الألم سيزول حتما إن أرتحت قليلا

:)

أحنا عندنا الفجر يأذن الساعه 4 و37 دقيقه على ما أعتقد

:)

فيوم كنت راقده نشيت فجأه لأني عطشانه وأبا أشرب ماي تخيلوا على حظي التعيس كانت الساعه 4 و37 دقيقه خخخ :tongue:

يعني ما عرفت أنش قبل هالوقت بخمس دقايق صدقت أنقهرت :mad:

وبعدين حسيت بمغص وحسيت عمري متسممه وكنت خايفه وجي آخر شي قررت أفطر اليوم

وفطرت شربت ماي

أعرف إن عادي أفطر إذا تعبت لأني حامل بس الحين أشعر بالذنب

:(

جان كملت صيامي مب أحسن

كيفكم حوامل مع الصيام
بغيت اسالكم بنات طلعلكم خط الحمل من فوق السره وتحتها
وهل يروح بعد الحمل والا يبقى خلاص
الله يعيننا اجسامنا تغير بعد الحمل بس الحمد الله على كل حال


هنوده
بالنسبه للمشد انا نصحوني بالمشد الاندنوسي يقولون يلصق البطن بالظهر خخخ هذا الي نبيه علشان نسترجع رشاقتنا بعد الولاده ان شاء الله(f)

أم أنس وإيناس;10174183:
كيفكم حوامل مع الصيام
بغيت اسالكم بنات طلعلكم خط الحمل من فوق السره وتحتها
وهل يروح بعد الحمل والا يبقى خلاص
الله يعيننا اجسامنا تغير بعد الحمل بس الحمد الله على كل حال


هنوده
بالنسبه للمشد انا نصحوني بالمشد الاندنوسي يقولون يلصق البطن بالظهر خخخ هذا الي نبيه علشان نسترجع رشاقتنا بعد الولاده ان شاء الله(f)

هلا والله بام انس وايناس , من زماااااااااان عنك يالغلا , بشريني عنك وعن البيبي ان شاء الله بخير

ومن ناحية خط الحمل ,,,,,,,,حدث ولاحرج انا الخط طالع والسره بارزه , وتشققات الحمل مررررره كثيره وتعورني , جربت معاه كل شئ بس مانفع , احسها مره تالمني وتسببلي حكه مو طبيعيه ................ومن ناحية انها بتروح بعد الولاده , اعتقد لالالالالالالالازم نخضع لعلاج مكثف عند اخصائيه جلديه واخصائيه بشره .............وكلللللش, الله يعيننا يارب

أم أنس وإيناس;10174183:
كيفكم حوامل مع الصيام
بغيت اسالكم بنات طلعلكم خط الحمل من فوق السره وتحتها
وهل يروح بعد الحمل والا يبقى خلاص
الله يعيننا اجسامنا تغير بعد الحمل بس الحمد الله على كل حال


هنوده
بالنسبه للمشد انا نصحوني بالمشد الاندنوسي يقولون يلصق البطن بالظهر خخخ هذا الي نبيه علشان نسترجع رشاقتنا بعد الولاده ان شاء الله(f)

بلاش تفكرينى انا بشرب مي كتير بحاول انسسسسسسسسى :eek:

سندريلا مصر;10174884:

السلام عليكم ورحمة الله وبركاته

بنات ايه أخباركم واخبار البيبيهات؟
ان شاء الله تكونوا بخير وتفرحوا بالبيبيهات فى حضنكم ويارب يكون رمضان سهل عليكم

وحشتينا يا قمر ...

اخبارك ايه انتى و البنوتة العسلة اللى جوة ..؟؟؟