تجمع الحوامل اللواتي يلدن بشهر تشرين الثاني(نوفمبر 11) 2009 ( الجزء الثالث)

ميره المرزوقي;10028919:
انا الحممل لااعب فيني

ااعصب وواصررخ وضغطي يرتفع على اااتفه الاسباب

كلنا جذي ...و المشكله اني شوي اخس ..لاني قبل كنت اخذ حبوب و لها نفس التاثير الزفت على المزاج ...يعني تخيلي انا مب من الحينه مزاجي ارف من سنه و انا نفس المزاج ...حتى توه قبل لا يطلع زوجي يقول لي انتي بلاج كل معصبه معصبه ...احس عمري استويت زوجه نكديه غصب عني ... متى نقوم بالسلامه ان شاء الله و تتعدل الهرمونات و يتعدل المزاج حتى انا روحي تعبت من نفسي الى كل معصبه

*طالبة الجنة*;10029801:

السلام عليكم ورحمة الله وبركاته

هلا حبيباتي .... شكرا لكم وجزاكم الله خيرا جميعا علي دعواتكم لي
رحت موعد الدكتور امبارح وقالي ان كمية الماء حول الجنين زادت عن المره السابقه لكنها مازالت اقل من المعدل الطبيعي
وهاستمر علي نفس العلاج لمدة اسبوعين كمان وانا باخد حقن يوم بعد يوم يعني بعد كده هابقي مصفي :o:o الحمد لله علي كل حال كله يهون المهم صحة البنوته
ربي يقر عيني برؤيتها سليمه معافاه تامه خلقه وخلق وبنات التجمع وبنات المسلمين جميعا يارب

هذي اخبار تطمن بما ان صار في تحسن الحمد الله ... و ان شاء الله الموعد الجاي يكون وصل للحد الطبيعي ان شاء الله

و ربي يتمم لك على خير ان شاء الله

أم أنس وإيناس;10031984:
:cry:بنات ليه ما احد رد على سؤالي
اذا ماتعرفون قولو ما نعرف لا تنطشوني:cry:

رجعت للصفحات الي قبل ما لقيت السؤال

عيدي سؤالج و اكيد الي تعرف الجواب ما بتبخل عليج بالاجابه ان شاء الله

و لا تزعلين و لا تشلين في خاطرج

أم أنس وإيناس;10026916:
هلا حبايبي انا بخير والنونو كمان والحمدلله
بس بغيت اسالكم سؤال مخوفني كثييييييييييير

تعرفون الزواجات كثيره ماشاء الله في الاجازه
وعندنا بالسعوديه في قصور الافراح ممنوع اجهزة الجوال الي بكاميرا لان فيه ناس ماتخاف ربها وتصور النسوان
المهم فيه اجهزه عند الباب مع الحارسات تكشف الي معاها جوال بكاميرا ان شاء الله عرفتوه
بس مادري اذا حطوه على الحامل يضر ويسبب تشوهات مثل ماسمعت
لاني خايفه منه اتمنى الي تعرف اي معلومه تخبرني

هذا سؤالي(f)

أم أنس و إيناس لا تخافين
أكيد ما راح يسبب هالجهاز شئ لأن مرة وحدة و ما تتعدى ثواني .. و لا هو أشعة قوية عشان تضر البيبي
و تقدرين تسألين الدكتورة و تسوين ألتراسوند عشان الإطمئنان أكثر

سلام لكل بنات التجمع ,,

اليوم كان موعدي لان الاسبوع الماضي الموعد تأجل لهذا الأسبوع ,,

الحمد لله المشيمة ارتفعت شوي عن قبل ,

وعرفت جنس البيبي ولد

الحمد لله اهم شئ السلامة, عندي ولدين و انشاء الله الجاي الله يسهل علينا و يجي بالسلامة

والموعد تغير ل 27

كل يوم وقالو موعد غير , الله يستر

أما عن سؤالك يا أم أنس وايناس لا ادري بس ما انصح بالذهاب للحفلة اذا مو متأكدة من ضرر هذه الاجهزة ,

صوت الحنان;10032814:
أم أنس و إيناس لا تخافين
أكيد ما راح يسبب هالجهاز شئ لأن مرة وحدة و ما تتعدى ثواني .. و لا هو أشعة قوية عشان تضر البيبي
و تقدرين تسألين الدكتورة و تسوين ألتراسوند عشان الإطمئنان أكثر

لا انا الحمد لله ماحطوه علي
بس اختي مسكينه حطوه عليها وهي حامل لها شهر ونصف
فخافت مدري انا سمعت ان له اضرار

ورد وريحان

يعطيك العافيه ومبروك الولد الله يجيبه بالسلامه

أم أنس وإيناس;10033215:
ورد وريحان

يعطيك العافيه ومبروك الولد الله يجيبه بالسلامه

شكرا على الدعاء عزيزتي

الله يتمم علينا كلنا بخير

أم أنس وايناس انتي عندك ايه من الاولاد؟ وقالو لك اللى جاي ايه؟

الله يتمم على اختش يا ام أنس و إيناس و إن شاءالله ما فيها إلا كل خير
ورد و ريحان .. الحمدلله تطمنتي و الله يجيب لش الولد بالسلامة و هو بخير و عافية

ورد وريحان;10033267:
شكرا على الدعاء عزيزتي

الله يتمم علينا كلنا بخير

أم أنس وايناس انتي عندك ايه من الاولاد؟ وقالو لك اللى جاي ايه؟

انا ماعندي هذا اول حمل لي
وقالولي ولد ان شاء الله
والله يتمم علينا جميعا بخير وسلامه

أم أنس وإيناس;10033619:
انا ماعندي هذا اول حمل لي
وقالولي ولد ان شاء الله
والله يتمم علينا جميعا بخير وسلامه

انشاء الله تقومي بالسلامة ويتربى بعزك الولد انشاء الله ,

والله فكرت ان عندك أنس وايناس ههههه:tongue:

أم أنس وإيناس

حبوبه يوم بتسيرين هالأعراس قوليلهم أنا حااامل وممكن هالجهاز يسبب ضرر لي وللجنين أكيد بيعذرونج وأسألي الدكتوره أحسن لأني ما أعرف عن هالجهاز

وإن شاء الله ما فيه ضرر

:)

بلوو

في بعض الإختراعات وااايد أقدرها :tongue: مثل هالزباله والمسكنات ياااااي خاصة وقت الدوره كنت أستخدم مسكن رووووعه يخوز الألم علطول ماشاء الله

أيلس أدعي وأقول الحمددددددلله على نعمة هالدوا :D ما أدري أجدادنا وأسلافنا كيف كانوا عايشين :ss:

شكلها هالزباله بتدخل قائمه الإختراعات اللي أحبها خخخ :wink:

صوت الحنان

طريقج حلوه صراحه :wink: زين جي بدال ما أبخر الغرفه بالريحه الغاويه ببخبر الحوش (( الحوي )) خخخخخ :D

تسلمين عالطريقه حبوبه (f)

ميره

لا حول ولا قوة إلا بالله .. حاولي تهدين أعصابج مب زين حق البيبي ما عليه هاي سنة الحياه يوم حلو ويوم مر

الله ييسر أموووورج يارب

:)

آمييين يا ميره

جنة الحياه

وعليكم السلام ورحمة الله وبركاته ... الحمدلله يوم أتحسنت عن قبل إن شاء الله هاي بداية للعلاج بشكل صحيح الله يعااااااااافيج عزيزتي ويبعد عنج كل سوء ومرض آمييين :)

طمنينا عليج دااايما وخبرينا النتيجه النهائيه بعد أسبوعين

إن شاء الله يكون كل شي طبيعي (y)

ورد وريحان

هلا حبوووووبه .. الحمدلله الحمدلله يوم أرتفعت المشيمه الله يتمم حملج على خييير

وألف مبروووووك عالولد

أم أنس وإيناس;10033202:
لا انا الحمد لله ماحطوه علي
بس اختي مسكينه حطوه عليها وهي حامل لها شهر ونصف
فخافت مدري انا سمعت ان له اضرار

ان شاء الله مافيه ضرر ...و هو نفسه الي يكون في المطارات صح ؟؟؟

انا سافر 3 مرات و كل مره امر تحت الجهاز ان شاء الله مافيه اي مشكله

...( هنوده )...;10035098:

بلوو
في بعض الإختراعات وااايد أقدرها :tongue: مثل هالزباله والمسكنات ياااااي خاصة وقت الدوره كنت أستخدم مسكن رووووعه يخوز الألم علطول ماشاء الله
أيلس أدعي وأقول الحمددددددلله على نعمة هالدوا :D ما أدري أجدادنا وأسلافنا كيف كانوا عايشين :ss:
شكلها هالزباله بتدخل قائمه الإختراعات اللي أحبها خخخ :wink:

اذا بتحطينها في الحوي عيل مالها داعي ...يوم تغيرين للبيبي ان شاء الله تفره على طول بالزباله البيت الرئيسه الي غالبا تكون برع بالحوي اصلا و خلاص ...انا استخدمتها لاني كنت في شقه و بروحي ما اقدر اطلع كل شوي و اترك بنتي بروحها علشان اتخلص من الحفاظات في الزباله الخارجيه

اليوم الصبح كان عندي موعد فالعياده الحكوميه

الحمدلله خلاص فتحت ملفي فالمستشفى اللي بولد فيه (( الوصل ))

وقالتلي الدكتوره كل شي تمام الحمدلله

وصورة السونار موووووول ما يبين فيها شي سبحان الله فرق بين مال الخاص والحكومي

بس بغيت أسألكم أنا ما آخذ حبوب الكالسيوم بس فيتامينات وأعتقد أنها تحتوي عالكالسيوم لأن الدكتوره يوم سوتلي فحص الدم قالت ما يحتاج

شو رايكم لو آخذه بيكون أحسن ؟؟؟

BlueLily;10035150:
اذا بتحطينها في الحوي عيل مالها داعي ...يوم تغيرين للبيبي ان شاء الله تفره على طول بالزباله البيت الرئيسه الي غالبا تكون برع بالحوي اصلا و خلاص ...انا استخدمتها لاني كنت في شقه و بروحي ما اقدر اطلع كل شوي و اترك بنتي بروحها علشان اتخلص من الحفاظات في الزباله الخارجيه

صح خاصة أن هالزباله تكلف + الأكياس الخاصه فيها

أعتقد الزباله قريب 300 والأكياس ما شفت أسعارهم بس أعتقد غالي :)

...( هنوده )...;10035163:
صح خاصة أن هالزباله تكلف + الأكياس الخاصه فيها

أعتقد الزباله قريب 300 والأكياس ما شفت أسعارهم بس أعتقد غالي :)

شوفي اذا بتتكاسلين كل شوي تروحين تفرينها برع ...خذي زباله نوع ثاني ...قلت لج في نوع انتي تحطين فيه اي كيس عادي ...يعني ماله كيس خاص فيه ...انا الى عندي كان جذي ...و بنفس الوقت تكتم الريحه ...ما تطلع الصووره بس نفس الي بالر ابط

Safety 1st Easy Saver Diaper Pail - Safety 1st - Babies "R" Us

من الاشياء المفيده بعد ...اكياس التخلص من الحفاض ...تنباع في علب و تكون معطره بعد ....تنفع لما تروحين تزورين بيت ناس او كنتي في مكان عام ...بدل ما ترمين الحفاظ مثل ما هو و تتسرب الريحه و تنحرجين من الناس ...تحطيهم في الكيس نفس الي بالصوره و يكتم الريحه

بعد من الاختراعات الي احبها Diaper Changing Pad ...
و في منها احجام و اشكال مختلفه ...

.تنفع لما تغيرين للبيبي و انتي في مكان عام بدل ما تخلينه على الطاوله التبديل الي تكون بالحمامات العموميه ممكت تكون وصخه و في نفس الوقت تفرشين للبيبي على الطاوله تكون اريح لظهره ...لانها تكون شوي اسفنجيه ..

و تنفع وقت الزيارات ..و الرحلات

.و فيها مكان لحفظ حفاظات اضافيه و مكان لحفظ مناديل التبديل ... و تنفع اذا طالعه مشوار قصير و راجعه بسرعه بدل ما تاخذين شنطه كبيره