الزكاااااااااام المتواصل ,,, الحل

هلا خيووو,,,

ما يشوف شر الكتكوت,,,

اني سمعت ان الزنجبيل المطحون تحطينه ويه الحليب ويشربه زين للزكاام..

تمسحين ريووول الياهل بفكس اذا نام وتلبسيه دلاغاات وتتم عليه طول اليوم زين حق الزكااام

ان شاء الله اكون افدتج وتنفع معااااه,,

الفيكس سمعت انه زين بس نصيحة لو كان التكييف بارد خففوه ولا تحمميه وهو طالع من مكان بارد مباشرة او تطلعي بعد مايخلص الى مكان بارد اعطيه اشياء دافية شوربة وغيره وانتظمي في الادوية مثل الوصفة وراجعي به المستشفى لان ممكن تطور الامر للالتهاب لاسمح الله واعطيه عصير برتقال لان الفيتامين سي نافع جدا للزكام والله يشافيه ويعافيه

بنتي مثل عمر ولدك

لما يصير معها زكام...كنت أسويلها فكس في رجولها وصدرها وألبسها زلاغات وأخفف المكيف وأحاول أني ماأسبحها...وأعطيها برتقال .....طبعا مع الأدوية

وفية وحدة من الأخوات والله ماأذكر أسمها منزلة موضوع بخصوص هالشي

الوصفة هي أنك تدهني رجول الطفل بفكس أو زيت زيتون دافي وتحطي فية بعدين قرنفل (مسمار) وتلبسية زلاغات لصبح ..

هذا ألي أعرفه حاليا والله يشفية أن شاءالله..

اهلن اختي ما علية شر ان شاالله بس انا انصحج انش تعرضينة على اخصائي للانف والاذن وحنجرة لان بتي من يوم عمرها 3 اشهر وللحين عمرها سنتين مريت نفس مرحلتش زكام متواصل وعلى مدار السنة ومايفيدها لا بخار ولة ادوية ويا كثر المضادات الي عطيتها وحتى تجربة الي قالو اليش عنها فكس ويا ( مسمار ) بعد ما نجحت وبعدين وديتها الا اخصائي انف واذن وحنجرة طلع عندها التهاب فيها شحمية في البلعوم والتهاب في الجيوب الانفية وانا حاليا اخذ العلاج والله يسر ان شاالله ويشفي اولادنا ويبعد عنهم كل شر وان شاالله مشكلة ابنك بسيطة والعامل الوراثي بعد يلعب دور

مشكورين اخواتي وان شاء الله باخذ بنصايحكم ,,, وان شاء الله خير

ما يشوف شر 000عطيه شراب zertac مره في اليوم 2ونص مل لمدة عشر ايام قبل النوم ونقعي شوية مره وامسحي خشمه من برع وقطري ماي وملح000وادهني صدره بزيت زيتون وشوية فكس اطفال

كتبت ردي الصبح بس مادري ليش مافي وحطيت صورة بعد..


أختي جربي Karvol وايد زين ويصلح للأطفال.. هو عبارة عن كبسولات زيتية فيها مواد للزكام وماشاء من ريحته غصب الزكام يوقف. تحطينه للطفل بالمخدة لما بينام.. أنا العادة أطلبه من لندن من صيدلية بوتس بس الحين بوتس موجود بالكويت والإمارات وممكن يتحصل بسهولة,,,

الاخوات ما قصروا

ما يشوف شر الكتكوت

الزكام متعب واجد
الله ايعينه عليه
بنتي كانت كدا اصلا الزكام مايخف عنها
حتى لو وديتها المستشفى مافيه فايده مثلا اعطيها ادوتها 3 ايام او اسبوع ادا مافاد اخليها على الله
ويخف يومين ويرجع نفس الشي
ادا شفتها مرضت يعني الزكام اقول باوديها المستشفى وتالي اخاف الدكاتره يلعبوا فيها اقول خلاص مايحتاج
وهالمره بعد زكمت اليوم الاول خفيف ويوم ثاني زاد قلت باوديها وتالي قلت خلها على الله وصارت زينه ولله الحمد

اختي بعد ولدها نفس الحاله
من مستشفى لمستشفى ومافاد
قال اليها الدكتور خليه مايحتاج ادويه وان شاء الله يخفوا

للرفع جزاكم الله خير