دره سعوديه;9815366:
ياعيني يالمصولقه
ذكرتيني بعمتي اذا شافت اي شي يلمع تقول صلاق او صلاقه
بس عندي سؤال
هذي اللمعه تقولين خلطتيها للأعراس ممكن اعرف مكوناتها
وبعدين اذا تعرفين خلطة احمد قبيسي قوليها 
مرحبا أختي ..
هذي لمعة اشتريتها .. وهي أصلاً للوجه .. بس أنا ضفت عليها يمكن 8 أنواع مختلفة من اللمعات .. وخلطتهم مع بعض عدل .. وصارت لمعتها غيييييييير .. وحباتها ناااعمة واايد .. يعني ما تترك أثر على الويه ..
وللأشف ما أعرف خلطة أحمد قبيسي .. نفسي أعرفها .. بس هو بعد يخلط أنواع من اللمعات .. ويكون لمعاته الخاصة .. يعني تقريباً مثل ما أنا سويت بس طبعاً هو غييييييييييير لأنه خبير .. مب مثلي مسكينة هههههه
*لانا*;9815437:
روووووعه أموت بشي أسمه لمعه خصوصا على الخدود
لمعة فور ايفر الورديه وين تنحط على العين أو الخد
ولمعة شانيل وجفنشي ياليت تقولي كيف تستخدميها بالضبط
واللي من بودي شوب ممكن أعرف أسمه لاني نويت عليه ولامره شفته عند بودي شوب
ومشكوره ياقلبي وأسفه على كثرة الاسئله
تسلمين أختي ^_^
لمعة فور إيفر أحطها بمحاذات الخدود قريب من العين .. على الطرف فقط .. وأحيانا أوزعها بالخفيف على الوجه .. بس بشكل خفيييييييييييف جداً
لمعة شانيل هذي Finishing Powder يعني بعد ما اتخلصين المكياج وقبل ما اتحطين البلاشر على الخدود تستخدمينها على كلمل الوجه .. فيها حبيببات دقيييقة جداً لمعات ذهبية .. وايد حلو الانعكاس إللي اتسويه على الوجه
جفنشي إللي في البرطمان الصغير هذي أستخدما كلملة للوجه بشكل خفييييييييييف جداً .. وأستخدمها كإضاءة بعد على عضمة الخد
وبلاشر البودي شوب اسمه Sparkle & Shimmer Powder Puff: Sunset Peach Powder
وحياج الله فأي وقت :)
ام فجوري;9815539:
تسلمين أختي ^_^
روج فوشي$;9815543:
ما شاء الله يجننننننن كل شي بس ياليت كان قلتي طريقه استخدامهم شكلك مدرسه بهالشي انا ماتضبط معي يطلع فيه لمعه بس مش شائله تطلع تدبق ومصطنعه ياليت توضحين طريقتك وبكون ادعيلك من قلبي والله
شوفي أختي ترى أنا بعد بشرتي مب صافية وايد .. بس أهم شيء يوم بتفكرين اتحطين اللمعة .. اتحطين فبالج إنه البودرة إللي بتحطينها فويهج تخلي بشرتج مخملية .. علشان يوم اتحطين اللمعة تبرز على ويهج .. وما تمتزج مع أي كريم علشان ما تسوي كلاميت على البشرة ويطلع شكلها مصطنع ..
ولا تنسين أهم شيء الفرشاه .. حطيها بفرشاه سايبة .. ووزعيها بطريقة عشوائية إذا كانت لكامل الوجه .. وإذا حوالين عضمة الخد تمي سوي بلند بلند لين ما اتحسين صار على مستوى البشرة .. يعني كأنه بشرتج هي إللي تلمع مب شيء مصطنع
إن شاء الله اتكونين فهمتي قصدي
محبوبه الغالي;9815626:
مشاءالله كوكشن روعه
تتهنين فيهم ياقلبي
تسلمين أختي .. ومشكورة على المرور :)
