**تجهيزات قمرات مصر الجزء **136**

meshmesh 2009;9817513:
ازيكم يابنات عاملين ايه
كتكوته الف مبروك يا قمر ربنا يتمم حملك على خير ويرزقك طفل سليم معافى دون زياده او نقصان وعقبال كل البنات
ماشيمارو الله اكبر عليكى ياقمر ربنا يرزقك الذريه الصالحه
نيسو بجد بجد حاسه انك بنوته زي العسل والله وطيبه اوى وخدومه ربنا يرزقك بالذريه الصالحه عاجلا غير اجلا يارب

بنات عايزه اسالكوا على حاجه حد يعرف اماكن بتبيع شقق بالقسط فى كايرو يعنى بندفع مقدم وبعد كده اقساط شهريه بس تبقى حنينه اوىىىىىىىى :D

ربنا يكرمك يارب يا مشمش ياعسل انتى والله
والله يابنتى انا بحبكم جدااااااااااا زى اخواتى بجد ربنا يعلم (f)(f)(g)(f)(f)

salola ميرسي يا حبيبتى على الشرح الوافى والمفصل وربنا يتمملك على خير يارب

pascota [COLOR=DarkGreen]ميرسي لردك اوى بس سؤال بقى ياترى ايه اسم السبراى الملمع ده وسعره بيكون كام
وهو مش بيكون موجود عند بتوع البويات ولا ايه ولو فى السوبر ماركت هيكون فى انهى ركن يعنى تبع ايه سورى هتعبك معايا
[/COLOR]

مصريه ميه بالميه;9820055:
يابنات من فضلكوا قولولي ايه أفضل أنواع الانجري ممكن أشتريه من هنا فى مصر
وتكون أسعاره معقوله

لاسو حلو
وجويا حلو
وروحى محلات الانجيرى ولبس البيت زى حبيبه هتلاقى عندهم كتالوجات كتير اختارى منها اللى يعجبك

noogy;9820163:
salola ميرسي يا حبيبتى على الشرح الوافى والمفصل وربنا يتمملك على خير يارب

pascota [COLOR=darkgreen]ميرسي لردك اوى بس سؤال بقى ياترى ايه اسم السبراى الملمع ده وسعره بيكون كام
وهو مش بيكون موجود عند بتوع البويات ولا ايه ولو فى السوبر ماركت هيكون فى انهى ركن يعنى تبع ايه سورى هتعبك معايا
[/COLOR]

تسلميلي ياقمر انا معرفش اسم وكنت بشوفه في ركن المنظفات والحاجات دي لاني كنت بدور على ملمع للاخشاب فاخدت بالي انه فيه حاجات كده كتييير
بنات ها ناوين امتى الجزء ده يتقفل؟؟؟
كفايه بقا مخالفات

هي اتيليه داليا البحيري ده في اسكندريه ولا القاهره هو ديه الممثله ولا تشابه اسماء

miramiro;9816220:
بليز يا بنات

عايزه اسالكم

ان ايمى قالتلى اجيب متر تل جليتر و اعمله برم سلك
انا جبت التل الجبيتر بس اعمل البرم السلك ده فين بليز؟؟؟؟؟؟؟؟؟؟؟

و اجيب شراب للشوز بتاع الفرح ايه؟
البيج اول درجه احلى و لا الابيض؟

هاى ياجميلة بصى ياستى انا كمان حاجزة عند ايمى وجبت التل اعملى برم السلك عند اى ترزى او خياطة ممكن تخدية وانتى واقفة اصلا حاجة سهلة مش صعبة يعنى ان شاء اللة
وبالنسبة للشراب بتاع الشوز الفرح اعتقد هاتية كريستال اعتقد هيبقى احلى واللى تشوفية برضة ياجميل

اليمامه الصغيره;9818594:
وعايزة اسال سؤال كمان انا ان شاء اللة حاجزة مع ايمى الكاشف وقالتلى اجيب وردتين صغننين ووردة كبيرة وعرفت انها يا تتجاب من النمرسى اللى فى الموسكى او تتجاب من كل شئ اللى فى ميدان الجامع عايزة اعرف بكام بالظبط عشان مش اتخم


كنت عاوزه استفسر منك يا اخت RAZMINIA عن تفاصيل حجزك عند ايمى الكاشف معلش بتقل عليكى يعنى سعرها وهيه هتروحلك ولا انتى هتروحيلها وطلباتها واختيار الميكب ولفه الطرحه هيه اللى بتحدده ولا انتى بتختاريه براحتك وفي بروفه قبلها ولا لاهيعنى معلش اسئله كتيره معلش انا بعتبركم مثل اخوتى

هاى ياقمر وماتقوليش كدة كلنا اخوات ياقمر اولا سورى انى اتاخرت عليكى فى الرد بس واللة لسة شايفة المشاركة دلوقتى حالا
المهم مش هطول عليكى ياجميل انا حجزت عند ماكيرة عندها مش عند ايمى نفسها بس هو هو نفس الشغل لانها هى اللى مدرباهم فشغلهم زى بعض ودة اللى شفتة فى الكتالوجات بتاعتهم هناك فى المحل
وهى هتجيلى البيت ياقمر ان شاء اللة هى بتطلب طلبات كل الناس بتجيبها متر تل جليتر ودة تلاقية فى الوكالة ب 10 جنية ووردتين ملزوقين فى بعض صغيرين ووردة لوحدها كبيرة ودول من محل كل شئ اللى فى ميدان صلاح الدين او النمرسى اللى فى الموسكى ووبتطلب بونية قطن مايكونش بيتربط ولا يكون بأستيك ودة هتجبية من محل دانتيلا اللى جنينة مول اللى فى عباس العقاد او من عند رسمية اللى فى ميدان سفير
وفية حجات زيادة لو حابة تجبيها زى تاج مثلا شريط الماظ يتلف على الطرحة كدة يعنى وبرضة الحجات دى تتجاب من نفس المكان اللى هيتجاب منة الورد
ولا ياقمر مفيش بروفة انا مش عملت ولا هعمل ان شاء اللة سيباها على ربنا وعارفة ان شاء اللة هطلع بالصورة اللى ربنا كتبهالى حتى لو هعمل مع احسن واحدة بتعمل مكياج
وهى خدت منى 500 دفعت نص الفلوس والنص التانى لما تيجى ان شاء اللة
ومش اسئلتك كتيرة ولا حاجة ربنا يجازيكى كل خير ياقمر ويكتبلك الصالح دايما ..:):)

اليمامه الصغيره;9818780:
كمان يا بنات بليز ادعولي نازله دمياط ان شاء الله الاسبوع الجاى و مرعوبه انى ملاقيش حاجه تعجبني و كلهم عندى خلاص قربوا يولعوا فيا:confused: و بيقولوا انى جننتهم ربنا يستر بقي عشان ميدبحونيش بجد:D

عندى سؤال ليكى يا اختى SWETYRONAAA اصل حالتى زى حالتك كل اللى حواليهزهقوا منى لان طلباتى فى العفش غريبه فككنت عاوزه اسالك عن دمياط وخاصه اسعار حجرات السفره رنجها كام انا عايزاها حاجه سمبل وبنى محمر وقاساته صغيره وانتى اخدتى معاكى نجار ولا جبتى من هناكوايه احسن الامكن اللى خشبها مضمون وسعرها معقول وارجوكى تردى عليا بسرعه لان هيه اللى نقصانى عشان الحق احجز معاد الفرح باذن الله

اسمحيلى ياجميل انا ارد عليكى بصى انا جبت السفرة من مفكو حلوان ب 10 وكانت كلاسيك هى فى الاصل كانت بنى محمر بس انا غيرتها لون بنى فاتح عادى لان المطبخ بتاعى امريكان فكنت عايزة الالوان لايقة على بعض
لما سافرت دمياط بس الكلام دة شهر 4 اللى فات وكنت بسال على رنجات الاسعار بتاعة السفرة عشان اعرف اذا كنت اتخميت فى مفكو ولا لا لقيت سفرات ب 17 و14 بس دة قبل الفصال بصراحة انا سألت فى 4 معارض بس لانى كنت مركزة على بقية العفش لانة كان يوم وانتهينا فكنت عايزة اخلص قوام قوام عشان انقى حاجة كويسة ممكن رنجات الاسعار تقل فى معارض تانية بس انا بقولك على اللى شفتة وربنا يتمملك على خير ياجميل انتى وانا وكل البنات يارب

اشرى;9816153:
http://forums.3roos.com/uploaded/224447_01246024938.jpg

اهم يا بنات المعالق مبقتش الحمد للة اعرف انزل الصور يلااااااااااا بكملت بقا اضرار التجهيزات عليا واللة حاسة كانى اول مرة انزل صورة معلش بقا

جميله اوى المعالق بتاعتك ماشاءالله ان نفسى اجيب زيهم عشان مش بحب المعلقه يكون فيها دهبى عجبونى بتوعك عشانكلهم سيلفر ربنا يباركلك فيهم
جيباهم من فين ياقمر وكمان ياريت تقوليلى سعرهم وكم قطعه وصناعه ايه ؟
وشكرا ياجميله

بنات ازيكم صباح الخير
انا كنت ف اسكندرية بقالي كام يوم وقلت اقولكم اخبار الرحلة دي
بالنسبة لمعرض العجمي 6 اكتوبر انا شفته من العربية بس مادخلتوش للاسف

رحت بقى جرين بلازا...معمول فيها مهرجان التسوق للمنتجات السورية والمصرية والهندية والصينية
لما دخلت المعرض كانوا لسا بيفرشوا مع ان الساعه كانت 5 ...بس واضح انهم بيصحوا متأخر
اول مادخلت ف الوش في محل كدا بتاع مفروشات ... عجبني عنده ملايات لاوض الاطفال الوانها حلوة وزاهيه كدا ...كان الطقم قالي ب60 بس انا مافاصلتش لاني ماشتريتش
وشفت الكوفرته او اللحاف الصيفي الي كنت بحكي عليه...الي هو دبل فيس...وطقم اتنين كوفرته واتنين مخده واتنين خداديه...قالي اول كلام ب250
وشفت عند واحد تاني لحاف شكله راااااااااااااائع بجد..عليه توم وجيري كبيرة كدا...وكان طقم لحافين وملايتين ومخدتين واربع خداديات كان اول كلام ب350
وجبت من عند واحد صيني هناك بيجاما شورت بحمالات عليها كيتي...قالي ب35 او ب40 مش فاكره بس جبتها ب25
وجميلة اوي ف اللبس

اممم ايه تاني؟ اه طلعت بقى رحت جرين بلازا نفسه
اشتريت من هناك من اتش اتش...جبت جيبه منقوشة..وفيست كدا عليه قطاقيط من تحت...ورحت محل تاني اسمه ايزيس جبت منه فيست تاني الي هو نازل موضة القماشه الي تشبه الجينز دي

وبعدين روحنا...ونزلت تاني يوم محطة الرمل...دخلت سنتر الفلكي وعجبني هناك دريل بيج ف فوشيا كان جمييييييل بس اللون الي عجبني كان مفيش منه مقاسي...كل المقاسات كبيرة

وجبت من محل تاني فيست كدا اسود ف احمر
ووانا ماشيه رايحه للعربية...عديت على محل كدا...هحاول افتكر اسمه بتاع ادوات منزلية
شفت عنده طقم الاركو بايركس الي دايخه عليه...جبته
هو 52 قطعه...كان ب600 ومفيش فصال
ودي صورته

اه صحيح يابنات... انا دخلت زهران بردو هناك وعجبني عندو سرفيس كدا
هو ستاند فيه سرفيسين تحت كل واحد شعله كدا صغننه
هي شمعه مش شعله على ما اعتقد
والسرفيسات نفسها خامه زي البورسلين كدا
كان ب150
وكان عاجبني بس ماما ماكانتش معايا فماجبتوش...وقلت كويس اسالكم الاول ايه رايكم؟

واشتريت منه كاسات البيض المسلوق على شكل بقرات ابيض ف اسود اصلي بحبها اوي
وملاحات نفس الشكل
وانا عندي قميص نفس الشكل ممكن البسه ونعمل طقم هههههههههههه

اه يابنات وبالمناسبة بردو...المحل الي جبت منه البايركس ده كان عنده اطقم صيني حلوة
وكان عنده طقم شاي كان ب325 بس للي بيحبوا الحاجات المزخرفة
وكان عنده من الطقم بتاعي ده الوانه التانيه...الفوشيا ف اصفر واورانج ف اخضر باين
بس انا كان عاجبني الفوشيا...لكن بابا وماما وبنت خالتي قالولي لا الازرق احلى
اخدته على مضض
بس اما جيت وريت الصور لخطيبي...عجبه الازرق بردو فقلت الحمد لله

البنوته الي كانت بتسال عن اوض الاطفال
انا شفت اوض تحفه بجد ف ان اند اوت...بجد وهمية...على شكل مركب
وجيتار
وعربية
وقطه
حاجات وهم بجد
انا نويت ان شاء الله ابقى اجيب منها بس بردو عندي هنا بيقولوا ماتقاطعيش وكلام من ده
بس انا هجيبها باذن الله لاني عايزاها لنفسي اساسا ههههههههههه اعيش طفولتي بقى
كانت الاسعار حلوة يعني واحده بس الي كانت ب9 الاف
انما الجيتار كانت ب5 وشوية
المركب ب6 وشوية
القطة ودي بجد كانت روعه واكتر واحده عجبتني كانت ب4 وشوية
بس دول لسرير واحد...

يا عرايس ازيكم وحشتونى اوووووووووووووووى مبروك للى اتجوزوا وعقبال الباقى وانا منهم الف مبروك للحوامل وعقبال الى لسة ان شاء الله عاوزة اعرف اللينك بتاع شقة كتكوتة وكمان فستان ماشيماروا منين لانة ماشاء الله تحفة

اليمامه الصغيره;9819287:
متشكره جدا يا اختى katkoot84مش عارفه اشكرك ازاى لان احلى حاجه انها ساكنه جنبى والسنتر بردو جنبى ونفسى اخدمك زى مخدمتينى بس كنت عاوزه اعرف هيه عملتلك ايه بالظبط واسعارها ايه وهيه بتعمل شو الحنه وبكام(g)(y)
وعلى فكره مبروك عالحمل وربنه يقومك بالسلامه معلش ببارك متاخر لانى جديده وماكنتش واخده بالى

ربنا يخليكي، الله يبارك فيكي يا قمر عقبالك ان شاء الله، بصي بالنسبة لشو الحنة بتاعها بردو معرفش التفاصيل بس كن فيه واحدة كلمتها وحجزت بردو وانا معاها، انا مجربتهاش غير في السويت والدلكة السودانية وبس، انتي ساكنة في عين شمس زيي.

M!ss Tuky;9819297:
كتكووت يا قمر ممكن تبعتيلي تفاصيلها او رقمها
انا اختى فعين شمس وحابه اعرف تفاصيل الست دي
وبتعمل الجسم كلو بكام

هبعتهالك حالا، بصي بتعمل الجسم كله ب 100 وبتاخد فوقهم 10 موصلات هي نظامها كده :ss:

بنات لو سمحتوا عايزة واحد بتعمل شويت تيجى اخر شارع الهرم أو ناحية المهندسين أو أكتوبر.. أى حاجة من الاماكن دى الله يخليكوا..

dollyferfer;9821124:
يا عرايس ازيكم وحشتونى اوووووووووووووووى مبروك للى اتجوزوا وعقبال الباقى وانا منهم الف مبروك للحوامل وعقبال الى لسة ان شاء الله عاوزة اعرف اللينك بتاع شقة كتكوتة وكمان فستان ماشيماروا منين لانة ماشاء الله تحفة

ازيك يا جميلة ، حمدلله علي سلامتك، كل ده اختفاء، بصي فيه كذا حد سأل علي لينك الشقة ومظنش ان حد هايعرف يوصه تاني وانا منهم اساسا، فهنزل الصور تاني اسهل ايه رأيك :D

بنات سبينس عامل عروض من ضمنها مكنسة هيتاشي 1500 واط ب 349
غسالة ايديال اكواتك 14 برنامج ب 2099
فرن كهرباء كوميتيل 32 لتر ب 179
وفيه فود بروسيسور من مولينكس وكينوود
وفيه خلاطات لوحدها
مايكروويف سانيو بالشواية 23 ب 599
مروحة بلاك اند ديكر ستاند ب 239
مكواة بلاك اند ديكر بخار ب 119
استنوا بشوف باقي العروض وهقولهالكم

مكواة شعر سيراميك فيليبس ب 195
وفيه واحدة ب 309
سشوار فيليبس ب 115
وفيه متنجات تروفال وكذا عرض عليهم

ما شاء الله يا مشايمارو زي القمر ربنا يهنيكي و يرزقك بالذرية الصالحة عن قريب ياااااااااااارب
كتكوت 84 ربنا يتملك على خير يا حبيبتي و تجيبيب ان شاء الله توأم او بنوتة زي مانتي عايزة و ربنا ييسرلك الحال يارب العالمين يااااااااااااارب

حبيبة مادو يا قمر ربنا معاكي يااااااااااااارب في توضيب شقتك حاسة بيكي و الله و ان شاء اللله تطلع أحلى شقة في الدينا كلها

برنسس ميرو و بطة فارس و هبة 017 وحشتوني اوييييييييييييييييييييي و نفسي اطمن عليكو بجد

بنات ممكن سؤال انا عايزة أروح مكانين في شهر العسل يعني 5 ايام و 5 ايام يا ترى تقترحوا عليا ايه
مرسى علم ، مرسى مطروح ، شرم ، الغردقة ، راس سدر ، الجونة ، العين السخة ، بورت غالب و بالله عليكو اللي يعرف اي مكان أحلى لشهر العسل يقولي اي مناطق مثلا شرم فيها اماكن ايه حلوة و قريبة من الفسح فاهماني يا قمرات بالله عليكو محتاجة كلكم تقولولي يا قمرات

دندونه حبيبتى وحشاااانى قربتى يا عروسسسسه ربنا يتمملك بخير بصى انا هقولك راى لو عاوزه تروحى مكانين شهر عسل وكده اختارى مكان رخيص شويه ومكان حلو عشان التكلفه وحاولى تروحى اماكن انتى مش روحتيها مثلا عشان تبقى حاجه ذكرى ليكى انك روحتى دى مع جوزك اول مره فى شهر عسلكم يعنى فهمانى

انتى حجزتى الكوافير ولا لسه استقريتى على مييين ؟؟؟؟؟

كتووووته ازيك عامله ايه ؟؟؟

بقولك انتى تعرفى لو عاوزه احجز اوضه فى الفندق الشانزليزيه من الصبح لغايه الفرح يعنى عشان ارتاح ومش اتبهدل لانى بعيده عنه يوم يعنى يكون بكام ؟؟

اه سؤال كماااان ههههههههه بس خاص بالعريس هو جوزك العريييس بابا عترررريس عمل صالون فين شعره يعنى والحلاقه وكده الحاجات بتاعه العريس دى لو تعرفى تفاصيله وكده ياريت تقوليلى يا مدام فرخه؟؟؟؟؟؟؟؟؟