ايش رايكم باللي سويته بزوجي ....؟

حلو الحرمه الي تحترم زوجها وتعمل له الي يبغاه

بس بدون ماتلغي شخصيتها

وبدون ماتجرح في الكلام

لان زي مااحنا ماننسى الكلام الجارح حتى الزوج ماينساه

صح هوا زعلك ورجع راضاكي واتكبرتي بس كم مره بيراضيكي بعدها بيقولك انتي نكديه

اعرفي احترام الزوج لااااازم بدون ماتلغي شخصيتك

وبدون تجريح

الزوج مايحب زوجته ضعيفه بس مايحبها تتكبر عليه وتجلس بس تصرخ

الله يصلح بينكم اول شئ ..
بعدين مثل هالخلافات بسيطه ونتحل بالتفاهم مب بترك البيت
يعني هدي نفسك لو ماانه يحبك ويغار عليك كان مانفعل
لو انك شفتي الامور بزاويه ثانيه كان تقبلتي عذره وعذرتيه
يعني مثل ماقالو الاخوان يغار من اخوانه
ونقاشكم معهم والغيره تولد تصرفات غير طبيعيه معض الاحيان اذا مو كل الاحيان
واعتذاره عن خطاه شئ رائع وقله من الانسان مب الازواج بس يعترفو بخطاهم
وهو مادلعك الا لانه مايبي يخسرك ويخسر حبك له
وتهديدك بالخيانه اكبر خطا لانه يولد الشك بينكم
انا نصيحتي لك مره شدي ومره ليني
لانه الرجال مايحب الشده مره
ولا اللين مره
وازني بكل تصرفاتك وافعالك
بس انصحك انك تسامحيه وتعذريه
وخففي من نقاشاتك مع اخوانه اذا الشئ يزعجه
لاتخسري حبه عشان شئ تافه واضح انه يحبك ويموت عليك
وربي يهنيك ..

ههههههههههههههههههههههههههههههههههههههههههههههه الله يسعدك وربي ضحكتيني لاني تذكرت نفسي خخخخخخخخخخخخ فعلا اذا عطيته وجه يقلب علي واذا ماعطيته وجه يمشي معاي مثل الالف

سبحان الله

اسمعي وانا اختك امسكي العصاااا من النص يعني وانتم في البيت لوحدكم عطيه وجه بس برا وبالذات قدام اهله عامليه بجفاف شوي عشان يحترمك انا هذا اسلوبي والحمدلله ارتحت خخخ

الله يهديهم بس


بس عندي شي بقوله لك لاعد تفكرين تهددين زوجك بالخيانه انتبهي حتى لو بالكذب او بالمزح مع ان الامور هذي مافيها مزح

انتبهي وانا اختك

الله يصلح فيما بينكم

زوجج يغار عليييج ومايبيييج تضحكييين مع اخوانه وهذا بااين .. خلاص خلي في حدود بينج وبينهم .. لاتكبرين المسائل ترا اذا تكرر هل شي مره ومرتين مراح يعتذر بعديين بيقول هذي ماترضى خلاص ليش اعتذر..!!

وترا كل الشباب يحبوون البنت اللي تدلع وادلع روحهاا وتهتم بزوجهاا وادلعه بس بثقل .. يعني شوفي انتي قلتي انا احس لين صرت مغروره ومتكبره هو اللي اييج وتحسييينه يموت فيج .. يعني لاتحسسينه انج بتمووتين بعده وان هو كل حياتج .. حسسيه بالحب بس مو كانج تقطين نفسج علييه .. لان بطبيعتهم هم يتمللوون .. وانتي شوفي لو حد يدلعج 24 ساعه ويسال وكل اوامرج مطاعه ولاصق فييييج ومامخليج براحتج بتمللييين صح!!!!

ترا الزواااج اضافه لحياة الزوجه مو حياة جديده مثل مايعلمونااا ..

يعني حبيه ودلعيه واهتمي فيه بس مو دووووم اثقلي علييييه ..

والله يوفقج وياااه حبيبتي ..

ارجعي لبيتك واسفيه
وراح يندم وينضبط


بالتووووووووووفيق اختي

الله يهديكم لبعض ،،

حبيبتي مثل ماقالوو خواتي

لاتضحكين وتطيحين الحواجز مع اخواانه او حتى جداام اهله

خلج ثقييله ورزينه

اونه نبرة تهديد ... لا تعليق

انا ريلي نفس الشي عند اهله ما يسوي لي سالفه .. يعني مثلا انا يوم اطبخ ... ما يمدح طبخي قدامهم لو يموت ... ومرة بالغلط قال المكرونه لذييييذه ... راحت عمتي قالت هذي حرمتك سوتها .. راح افتشل وكلنا ضحكنا عليه ... يعني عادي .. الرجال تفكيرهم غريب ... ما تفهمينيه لا تكبرين الموضوع

زوجك يغير عليكى ليس الا

اقولك صراحة زين العقل ما سويتي المفروض ما يصرخ عليك يعني هو كان تزوجك عشان يذلش قدام اهلك !لا مش من حق المفروض يحبك و يراضيك على قد ما يقدر حتي في الدين هذا مرفوض يتعامل معاكي بها الطريقة!المهم انت ادبتيه لما رحت بيت اهلك الحين خليك معاه بس هدديه ان المرة الجاية لو اعاد الكرة ما بيصير خير !هو الانسان هيك كلما اتغليت يحسون مقدارش و بعدين هذا مو بغلا!هذا حقش
انا وحدة تقول اسمها بترد عليك فالمنتدى اتقول مو كل الرياييل يعتذرون او يعترفون بالغلط والله انا اقولها هذا الشي عندها في مجالها اهي او في حياتها هي ما يعتذرون لها بس المراة ذو الثقة القوية في نفسها مستحيل تعطي مجال تحط نفسها مع شخص مايعتذر لها لما يخلط لو كانت ذو الشخصية القوية والله يعتذر و نص مهما بلغت عجرفة الشخص الي قدامها انشا ء الله عنو فرعون بعينه !!مدام انت مو غلطنانة لا تخافين بس حبيت اوضح نقطة انو في نساء تفضل تعزز في الريال و تنسى روحها؛مادري ليش اكنها خايفاه يطلقها ولاشيء !!احنا عندنا مثل مغربي يقول:كبرها تصغار و المعنى هو لما تكبر اي سالفة بتتصغر بمعنى ادق لما عصب عليكي وشخط عليك كبرت السالفة وشخطت عليه انت كمان وقولتيلو بروح بيت اهلي و صار هو يعتذر يعني صارت تصخر لانو عايز يخلص الموضوع و ترجع لطبيعتها!لو فرضا سكت من اول مرة لاصار يكررها كل يوم، وحيجرأ انو ما يعتذر لانو حيحس انو الموضوع عادي يجرحك بس طريقتك هاذي لي سويتي انت بتبرهنين انو لاوالف لا مو عادي يجرحك ,
خليك بو عزيزة نفس !!حذاري تنذلين !انا استغرب للنسا تذل عمرها وتبيع عمرها رخيص !الحين شو سويتي رجعت عندو البيت؟كيف الامور!؟طمنيني اختك المغربية

البنت الي ردت عليك في المنتدى اللي اقصدها اسمها جوهرة ؛


ماعليه هذا لا يعني تكوني قاسية خلاص سامحيه هالمرة ولكن لا تنسي حقك طمنيني

الله يهديكم لبعض

ياحليلك يالمغربيه

كل يوم لك راي

الله يهديك بس

وفكري قبل لاتكتبين يكون أحسن واقري كل الردود مب بس رد الجوهره

ماتسوى انج تروحين بيت اهلج
الصراحه كبرتي السالفه واهي صغيره
تكلموا مع بعض وبينوا وجهة نظركم لبعض
وانتهى الموضوع
ليش الزعل والتكبر
حبيبتي ارجعي لزوجج
وتفاهموا ولا تكبرين الفجوه مابينكم
والله يهديكم ويصلحكم يالغاليه
اهم شي زوجج


دمتم سالمين
اختكم شريفة

jawhara i dont mean to hurt you i just gave a comment nothing more ; dont worry i was in qatar before and i love qatar as a country i was working in aspetar hospital with all my love , hawhara

morocan girl;9805893:
اقولك صراحة زين العقل ما سويتي المفروض ما يصرخ عليك يعني هو كان تزوجك عشان يذلش قدام اهلك !لا مش من حق المفروض يحبك و يراضيك على قد ما يقدر حتي في الدين هذا مرفوض يتعامل معاكي بها الطريقة!المهم انت ادبتيه لما رحت بيت اهلك الحين خليك معاه بس هدديه ان المرة الجاية لو اعاد الكرة ما بيصير خير !هو الانسان هيك كلما اتغليت يحسون مقدارش و بعدين هذا مو بغلا!هذا حقش
انا وحدة تقول اسمها بترد عليك فالمنتدى اتقول مو كل الرياييل يعتذرون او يعترفون بالغلط والله انا اقولها هذا الشي عندها في مجالها اهي او في حياتها هي ما يعتذرون لها بس المراة ذو الثقة القوية في نفسها مستحيل تعطي مجال تحط نفسها مع شخص مايعتذر لها لما يخلط لو كانت ذو الشخصية القوية والله يعتذر و نص مهما بلغت عجرفة الشخص الي قدامها انشا ء الله عنو فرعون بعينه !!مدام انت مو غلطنانة لا تخافين بس حبيت اوضح نقطة انو في نساء تفضل تعزز في الريال و تنسى روحها؛مادري ليش اكنها خايفاه يطلقها ولاشيء !!احنا عندنا مثل مغربي يقول:كبرها تصغار و المعنى هو لما تكبر اي سالفة بتتصغر بمعنى ادق لما عصب عليكي وشخط عليك كبرت السالفة وشخطت عليه انت كمان وقولتيلو بروح بيت اهلي و صار هو يعتذر يعني صارت تصخر لانو عايز يخلص الموضوع و ترجع لطبيعتها!لو فرضا سكت من اول مرة لاصار يكررها كل يوم، وحيجرأ انو ما يعتذر لانو حيحس انو الموضوع عادي يجرحك بس طريقتك هاذي لي سويتي انت بتبرهنين انو لاوالف لا مو عادي يجرحك ,
خليك بو عزيزة نفس !!حذاري تنذلين !انا استغرب للنسا تذل عمرها وتبيع عمرها رخيص !الحين شو سويتي رجعت عندو البيت؟كيف الامور!؟طمنيني اختك المغربية

لا اوافق هذا الرأي تماما :ss: و اتمنى الاخت ماتزعل

با الاخير وجهات نظر لاتغيير من الموضوع شيء

اتفق مع البنات ان هذا غيره واتفق مع البنت الي تقول امسكي العصا با النص(y)

لاترخي كثير و لاتشدي كثيير (y)

و الله يهدي سركم و يسعدكم

حلم العذارى;9793884:

عزيزتي ..,

تصرفاتج كلها غلط × غلط

ولو بيتج بينخرب , محد بيخربه غيرج!..

*

زوجج من النوع العصبي , الغيور

وإنتي واثقة ومتآكدة إنه جذي

والمفترض تتعاملينه معاه بأسلوب يناسب شخصيته

مب بأسلوب مناقض , يكدر عليه عيشته

*

ما فيها شي لو جلستي مع أهله ( عمتج , حمواتج , عمج )

بس عرفي إنه ( حميج ) يثير غيرة زوجج

وهو ما يحب يشوفج تقعدين معاهم هالقعدات المطولة و المفصلة , وضحك وسوالف وغشمرة!!!!!

حاولي تحطين للعلاقة بينج وبينهم حدود

يعني حبيهم وأكسبيهم بس مب على حساب زعل و غضب زوجج!!!!!

*

ثاني شي!..

زوجج لو ما يحبج ويغليج

ما دز لج مسج مباشرة بعد طلعته من البيت

في نسوان والله بلأيام بكاء ومعاناة وآلم

ما يبون أزواجهم يراضيهم , ما يبون شي .. يكفيهم مسج إعتذار

وإنتي يجيج الشي لحد عندج وتكابرين وتعاندين .. ليش؟!

*

ترى ما تحس بقيمة الشي إلا لين فقدته

وإذا فقدتي هالزوج , هني جد بتحسين بقيمة كل أخطائج

*

كوني واقعية وشوفي المشاكل الزوجية حوالينج

كل وحدة تعاني أزيد من الثانية!..

*

لا تتعاملين مع زوجج إلا بالطيب وبالحسنة , بلأبتسامة وبالكلام المعسول

كوني له الحضن الدافىء , والبيت الحنون , كوني له كل جزء من أجزاء حياته ..,

*

ومسآلة تهديدج المبطن له ( بالخيانة )

هذي أكبر مصيبة وغلط

إنتي جذي تزرعين نبتة الشك الشيطانية داخل قلبه

الله يهداج , الله يهداج

تصوري يهددج بالمثل ؟!..

مو بتقلبين الدنيا على راسه ؟!.....

*

عزيزتي ..,

العقل , ثم العقل , ثم العقل

خلي عنج العواطف , والعصبية , والغصب

لأن كلها وسوسة شيطان

تصرفي مع زوجج و عامليه بأحسن وأفضل معاملة

هذا زوجج .. إنسان واحد شريكج بالحياة

ومب كل يوم بتلقين شريك

*

الحين زوجج حلو معاج , ويراضيج , ويصالج

باجر يمل , ويتعب , وينقلب ضدج

*

كل المطلوب منج الحين!..

ترجعين بيتج وتتصرفين معاه بشكل طبيعي جداً

أستحملي عصبيته ( إذا هو نار إنتي الثلج إلي تطفيها )

وإذا هو غيور , أستحملي غيرته .. لأنها طبع وصفة قوية بكل شاب عربي

وما يحتاج أقولج شدة الغيرة عندنا شلون!..

*

والله يوفقج ويهديج

كلامك عين العقل


,احب طريقة ردك ع المواضيع...

اتوقع زوجك شمالي شرقي

يحب المرأة القوية

لكن خليك قوية والله زين وتجيب نتايج خخخ

بس لو صار لك شئ انا مو معاك هع

جربي ومثلي الدور وخليك قوية بس مو في صرامة

يعني قوية ولينة في نفس الوقت

لاتكن لينا فتعصر ولايابسا فتكسر

اممم فيه حاجة ابغى انبهك عليها

كونه يرفع صوته عليك امام اهله لاتعديها ابددد

بس ..مودتي(f)

حبيبتي زوجج غيران لأنج تبسطتي مع اخوه و تميتي اتمزحين !! حرام و هو معاه حق خلي علاقتج رسميه (الحمو الموت )

و يمكن اهو ا يكلمج جدامهم لأنه يخاف انهم يغترون و يراعيهم

ساهرة مع القمر;9793844:
من جد غلطانه يوم قلتي له ان الحرمه لو فقدت شي في البيت


............

تدرين ان الرجال حتى لو جعت العلاقه عاديه و زي اول

بس يضل بقلبه شك


يعني انتي شعلتي بقلبه الشك


روحي له وارجعي بيتك

وتدلعي شوي وطلعي معاه و خلي الطلعه كأنه هو اللي يطلب رضاك

بس لا تزوديها لأنهم مايحبون الزياده وناقشيه بأخطاءه و انتي قولي له
صحيح أني غلطت يوم قلت كذا و كذا بس

طلعت عن طوري و كنت معصبه بس أنت ماكان المفروض تكلمني بهالطريقه وبالذات قدام اخوانك
المفروض تبين لهم ان هذي زوجتي و حبيبتي و أحترمها مثل ما هي تحترمني


اتمنى أفدتك غاليتي بس أماااااااانه لا تكرري اللي قلتيه لأنه أحيانا يدمر العلاقه الزوجيه

تحياتي

انا من راي الاخت ساهرة مع القمر
واحمدي الله انه يعتذر لك
والله لو يغلط زوجي واموت مايفكر يعتذر لي