ايش رايكم باللي سويته بزوجي ....؟

بنات انا طيبة وحبوبة مع زوجي واسلوبي حلو من كلام زوجي
بس زوجي طبعه غريب لما اكون جالسه مع اهله ( انا ساكنه مع اهله بنفس البيت ) ما يكلمني ما يعطيني وجه ما يسويلي سالفه وانا ع نياتي ولما ابتكلم ف موضوع يصد الوص الثاني .... المهم اخر مره جلست معهم بعد الغدا وكنا انا واخوه نتناقش في موضوع ساعة معروضه للبيع 15000 درهم من الماس رجاليه وكنت اتصل بأختي واقنعها وانا متحمسه حيل وهو كل شوي يعترض ع شيء وكل شوي يقول شيء وانا اكلم اخوه ونتناقش ف السعر وبأسلوب مزاح اقول انا خاطري اشتري هذي الساعه لزوجي ....المهم فجأة انفعل زوجي واحرجني لاول مرة قدام اخوانه الاثنين وانفجر ف وجهي وانتي وانتي ... (( معترض ع سالفة الساعة انه ما لها داعي والمفروض ما اتدخل ف شراء او بيع الساعة )) انا تميت ساكته بس كان واضح اني انحرجت وشوية وبصيح وتوه بيكمل صرخت عليه لاول مرة وقلت له لما اكلم اختي ما لك خص بالسالفة ...قدام اخوانه وطلعت ......
الحبيب غلطان وما سوالي سالفة طلع من البيت ورسل لي مسج انه قسى علي شوية وانه اسف يعني ما كلف نفسه يراضيني يسمعني يشوفني .....انا قلبت الاولي والتالي وليش وليش وليش .....وبعدين رسلت له مسج اني بروح بيت اهلي بعد المغرب ...لاول مرة قالي روحي طبعا بعد ما انفجرت بسيل من المسجات اللوم والعتاب الجارحه ...المهم رحت بيت اهلي وويرسل لي ويتصل وما ارد عليه وحاول يتفاهم معي بس انا رفضت ... حاول يجيني بأسلوب وانه بنسير كم يوم دبي نغير جو وانه متوله علي وتعالي البيت وانا قلت له لما اريد ارجع برجع بكيفي وهددته ورسلت له مسجات جارحه وبصراحه قلت له انه الحرمه اذا فق\ت شيء ف البيت تدور عليه برع (( نبرة تهديد بالخيانه )) هو فهم وعصب وثار بس ان ما رديت عليه . بس بغيت اسشيركم ... لاحظت زوجي لما اكون متكبرة يحترمني واحس اني اعجبه اكثر وطلباتي اوامر ويسوي اي شيء عشان ارضى ولما اضحك و اسولف واحترمه واسمعه كلام حب واحسسه اني احبه لازم يصرخ علي ونختلف ويمشي الا براسه وما يأخذ ما برايئ ...وكل طلعه فيها احترام ينكد علي وما يسوي لي سالفه

الحكيمات من الزوجات واللي يفهمن في النفسية شو رايكن ...؟
انا باكر بروح البيت ومفكرة استخدم معه اسلوب الصمت والرد بكلمات بسيطة وارفض اي عرض طلعه لانه قبل كان اذا يريد يراضيني لازم يطلعني