eng_lolla2010;10207782:
مش عارفه معلش يعنى ازاى اعرف نوعه؟؟:oهو طرى وناعم:o
انا بصراحه
مقلقه من موضوع كريمات وشامهبوهات ده
نفسى استخدم حاجات طبيعيه وبس
انا عملت زيت كدا عجبنى احلى زيت استخدمته وعملت منه كمان كريم
بس برضو شعرى بيقع
كمان فى حاجه اان بحط زيت على شعرى هى مره او مرتين فى الاسبوع بالكتير حتى لو استحميت كل يوم يدوبك بس ابل شعرى من غير اى شامبو وهو الزيت مره او مرتين فى الاسبوع:ss:
يعنى كدا صح ولا غلط؟؟
بصراحه بقى انا ضايعه مبفهمش فى الشعر ده خالص :o
معلش انا هتعبكو:o:o
طبعا غلط كده الشعر يتكتم وممكن يعمل ريحة كمان
مادمتي بلتيه يبقى نضفيه لكن تبليه وتسبيه كده ممكن ينشف منك والافضل انك تغسليه مرتين او 3 مرات في الاسبوع ومش تبليه ولا اي حاجه وانتي داخله تاخدي شاور تلمي شعرك وتغطيه عشان مش يتبل منك
بوصي ياقمر عشان تعرفي نوعيه شعرك اغسليه عادي واستني عليه يومين شوفي هو ايه لو ناشف واطرافه متقصفه يبقى جاف ولو ملزق كده يبقى دهني اما لو عادي شكله لذيذ ومش ملزق ولا مقصف يبقى شعرك عادي ودا احسن انواع الشعر يعني مفيهوش اي مشاكل
على اساس الكلام دا هتجيبي الشامبو اللي يناسب شعرك وخدي بالك في بنات بيكون شعرها دهني وبستخدمله اي شامبو ودا غلط لان الدهني يعتبر مش حلو زيه زي الجاف بيعاني مشاكل انه بيلزق وبيلم تراب بس مادمتي بتقولي شعرك حلو يبقى غالبا هيكون عادي فلو انتي شعرك عادي مفيهوش مشكلة يبقى استخدمي مجموعة للشعر العادي اما لو اغراض الدهني دي عندك يبقى استخدمي مجموعة للشعر الدهني
اهم حاجه في اختيارك للشامبو والبلسم او حمام الكريم انك لما تستخدميهم عالاقل يحافظو على طراوة شعرك يعني مش ينشفه ولا يكعبلة في بعض ولو عمل معاكي اعراض مش لطيفة يبقى وقفيه وبلاش تضحي بشعرك وتقولي اكمل بيه ولما اخلص اجيب غيره
ممكن تستخدمي بانتين مش وحش هاتي الشامبو مع البلسم وكريم التصفيف اللي هو بديل الزيت الكريم حلو مع الشعر الناعم لانه خفيف ومش مدهنن
وممكن تستخدمي حمام كريم بدل البلسم انا بستخدم لوريس بزيت الحية عاجبني خالص بصراحة ريحة و
بيخلي شعري طري جميل انا داومت عليه بئالي فترة في الاول كنت حساه عادي كده حتى كانت بيجي عليا ايام كتير مش بستخدمه عشان رميه طوبته بس لما استخدمت شامبو لوريال وبهدلي شعري قلت لازم حتما ولابد استخدم حمام كريم واستخدمته والله طلع جميل وطرالي شعري جدا :)
في كمان حمام كريم فركتوز رورو وستايسي وبنات كتير شكرت فيه ان شاءالله ناوية اجربه بس لما اخلص اللي عندي
حكاية ان شعرك بيقع دي لازم تعملي تحليل عند دكتور لان احتمال كبير يكون في نقص فيتامين وعشان مش نلعب في حاجه مش تخصنا روحي لدكتورة جلدية اضمن ليكي
اتمنى كون افدتك ياقمر وكل سنة وانتي طيبة :)