تجمع بنات مصر فى ركن العناية بالشعر لشهر رجب 1430-2009الجزء (9)

شيكو جربى حمام كريم فركتيز او بوناويل بالقمح او الفواكه بس طبعا امشى عليه فتره
وقصى الاطراف المتقصفه وعليكى بقا بتغذية الشعر نفس الكلااااام السابق فيتامينات للشعر وحمام كريم او حمامات زيوت مغذيه
وبلاش حاجة حراز فى الشعر خليكى فى الحاجات المتخصصه بتاعة الشعر احسن وفى كمان حمام كريم فاشكول لو متوفر جمبك حلو بيطرى

وغى حمام كريم فاتيكا بالزيوت ده بيطرى الشعر فى منه كزا نوع بس حلو
وفى منه كريم تصفيف البنات شكروا فيه بس انا جربت ححمام الكريم بس وحلو

بصى يا حبيبتى مفيش حاجة تنبت الشعر غير التوم او عصير الجرجير
بالنسبة للتوم هتدقيه فى الهون ةتاخدى الزيت اللى خرج منه وتدلكى بيه فروة راسك وتقعدى ربع ساعة تحت جهاز البخار او تسيبيه ساعة على راسك
انا بالنسبة لي بعصر التوم فى عصارة الجزر واخد السائل اللى طلع واخلطه بزيت زيتون
وادلك بيه فروة راسى بس بعمل كده مرة فى الاسبوع للتساقط والحقيقة نتيجته كويسة اما بالنسبة للانبات ده يحتاج انك تعملى كده كل يوم
ولمدة اسبوعين مثلا لحد ماتحسى ان الشعر نبت وما تسيبيش التوم يا ريت تفضلى تعمليه مرة فى الاسبوع
بالنسبة لعصير الجرجير برضه هتعصريه فى عصارة الجزر او تضربيه فى الخلاط وتدلكى بيه فروة راسك كل يوم
ومهم تعملى تدليك لفروة راسك بلوسيون تجيبيه من الصيدلية انا اعرف ان لوسيون سورسير بالتوم حلو للتساقط وبيعمل على انبات الشعر وهو سعره 153 تقريبا
كمان مهم تاخدى فيتامين للشعر افضل واحد على الاطلاق بانتوجار المستورد ان شاء الله هتلاقيه فى العزبى
بالنسبة للتقصيف لازم يتقص وممكن تعملى حمام زيت او حمام نخاع مرة او مرتين فى الاسبوع

توتا بجد متشكرة جداااااااااا على ردك

موضوع التوم ده حتبقى ريحته صعبة جداا خلينا فى الجرجير


بصى اجيبه واضربه بالخلاط والسائل اللى يطلع منه ادهنه بالمنطقة اللى ادام دى صح كده

وبعدها اغسله ولا ده بعد الحمام ولا ايه

يععنى يقعد اد ايه على الشعر بما انك بتقولى كل يوم؟؟

انا مش من القاهرة بس حاسال على بنتوجار ده هو مفيد للشعر؟ وسعره كام؟



ومعلش حتعبك حمام النخاع ده ازاى؟

مسلمه توتا كتكوته ردت عليكى ماشاء الله رد مفيد

بس انا باكد ان الاكتر بقا فى كلامها وهيجيب نتيجه تجيبى فيامين للشعر ويكون مستورد معللش استحملى انه هيكون الكورس غالى بس شعرك يستاهل وتمشى عليه على الاقل تلات شهوور
وطبعا الحجاب مع قلة العنايه بالشعر بياثر انا قبل الحجاب كان شعرى حلو ولما اتحجبت والكليه وكده مكانش فى وقت اتشغلت واهتمامى بيه قل وخف واتقصف ورجعت بعدها احاول اصلح الكلام ده بقفيتامينز
وطبعا حمامات الزيت مع الجرجير والتوم حلوة اوى امشى عليها فتره على الاقل مرتين فى الاسبوع
بس حاجه مهمه بجد الشعر عاوز صبر عشان تحسى بالنتيجه يعنى مش اقل من تلات شهور مع ان الدكاتره بيقولوا سته كمان

غير كده لما تعملى حمام الزيت اعملى تدليك لفروة اراس وتشوفى شامبو حلو وبلسم وحمام كريم كويس اهتماااام وعنايه بقا لان بجد الشعر مع الحجاب والحر والصيف بنظلمه وبنطلع عينه ومنتظرين منه بعد ماهو حمال اسيه كده انه يبقا حلو وناعم وتقيل ههههههه
وان شاء الله هيتحسن

مارول ميرسى يا قمر لاهتمامك

فعلا الصيف والحر بيدمروا الشعر

انا كان شعرى حلو جدا والله بس معرفش ايه اللى حصله

والمشكلة ان فرحى كمان شهرين

علشان كده عايزة حاجات سريعة

هبه الجندى;10045817:
ازيكو يا قمرات انا شعرى عادى وناشف وخفيف وقصير ومقصف يعنى فيه كل العبر وعايزة اعرف اكتر شامبو وكريم يطرى الشعر دا

شوفى يا هبة مش كفاية خااااااالص شامبو وكريم طالما شعرك فيه كل العبر لازم برنامج عناية مكثف تمشى عليه وتنتظرى نتايجه بعد شهرين هتتحسنى وبعد 6 شهور شعرك هيبدا يتغير
يعنى انتى مثلا قولتى ان شعرك ناشف
يبقى لازم تعملى حمام نخاع +زيوت مرتين فى الاسبوع
وقولتى ان شعرك خفيف
يبقى برضه لازم تعملى حمام توم مرة فى الاسبوع وبعديه حنة بتتعجن بالبيض+نخاع +زيوت +عسل +زبادى دى كل اسبوع ولو هتعجنيها بالماء والليمون تبقى تتعمل كل شهر
وقولتى ان شعرك مقصف يبقى لازم يتقص
وقولتى انه قصير
حمام التوم هيساعد انه يطول بالاضافةالى انك لازم تستعملى لوسيون مرتين يوميا وده من احلى الحاجات للشعر لانك بتنشطى الدورة الدموية فى راسك فالشعر يطول اسرع
برضه مهم التغذية جداااا وممكن تاخدى بانتوجار وممكن تاخدى زيت كبد الحوت سيفن سيز وسعره حوالى 55

ييجى بعد كده دور الشامبو وحمام الكريم فى شامبو 4*1 بتاع دينا الجارم حلو وفى برضه زيروفريز وستاسى كانت شكرت فى لوريال البينك
حمام الكريم عندك بوناويل وفى جارنييه فروكتيس
وبرضه راجعى مواضيع ستاسى هتستفيدى برضه
اتمنى اكون افدتك واى سؤال انا تحت امرك

بنات بليييييييز عايزه اسال عن الكرياتين
حد جربه وايه مميزاته وعيوبه
واسعارره والاماكن اللى بتعمله ؟؟؟؟؟؟؟؟

Muslma;10048969:

توتا بجد متشكرة جداااااااااا على ردك

موضوع التوم ده حتبقى ريحته صعبة جداا خلينا فى الجرجير


بصى اجيبه واضربه بالخلاط والسائل اللى يطلع منه ادهنه بالمنطقة اللى ادام دى صح كده

وبعدها اغسله ولا ده بعد الحمام ولا ايه

يععنى يقعد اد ايه على الشعر بما انك بتقولى كل يوم؟؟

انا مش من القاهرة بس حاسال على بنتوجار ده هو مفيد للشعر؟ وسعره كام؟



ومعلش حتعبك حمام النخاع ده ازاى؟

اولا مفيش داعى للشكر يا حبيبتى
التوم صحيح ريحته هتبقى صعبة بس نتايجه ان شاء الله ممتازة
عموما خلينا فى الجرجير هتغسليه كويس وتضربيه فى الخلاط مع شوية ميه صغيرة وبعدين تصفيه وتاخدى الناتج وتدهنى بيه فروة راسك كلها وتركزى على الاماكن الخفيفة وتسيبيه ساعتين مثلا
وبعد كده هتشطفيه كويس بالماء وبعدين الشامبو وطالما هتغسلى شعرك كل يوم ياريت يكون شامبو لطيف او انك تخففى الشامبو بتاعك بالماء
بالنسبة للبنتوجار كنت اخدته زمان بس كان المصرى معملش حاجة ياريت تجيبى المستورد وده ثقة من صيدلى خبرة انه رائع
هو عموما غالى يمكن يكون ب 175 مش متاكدة
وانا عموما هنزل برنامج غذائى رائع للشعر والبشرة وده ممكن يغنى عن اى مكملات غذائية
بالنسبة للنخاع انا كنت بجيب بتاع دينا الجارم ودلوقتى بجيب النخاع من الجزار
طريقته بقى بتخلى الجزار يكسر لك الماسورة ويطلعلك النخاع
بعد كده بتسيحيه على حمام بخاروتاخدى الزيت الناتج وممكن تضيفى عليه زيت زيتون ..جوزهند ..خروع ....او اى زيوت متوفرة عندك وتدلكى بيه فروة راسك كويس قوى وتحطى على خصلات شعرك وتعملى حمام الفوطة السخنة لمدة ربع ساعة
وبعد كده تلبسى بونيه بلاستيك وتربطى راسك بايشارب وتسيبيه ساعتين وبعد كده تشطفيه كويس بالماء الدافىء وبعد كده الشامبو
حاولى تعمليه مرتين فى الاسبوع نتايجه حلوة قوى ومتقلقيش من اى رائحة لو فيه ريحة بتروح بعد الغسيل
لو حابة تسالى على اى حاجة انا تحت امرك

يا بنات يا ريت تشوفوا موضوعى الجديد



برنامج تغذية للشعر من خبيرة الجميل دينا الجارم
ويا ريت واحدة فيكم تقولى ازاى احط اللنك بتاعه

انا يابنات مشكلتى الشعر الابيض عندى كتير ياريت لوحد جرب حاجة تقلل منه اوحاجة تثبت لون الحنة او الصبغة لانى بحنيه تقريبا كل 10 ايام وحاسة انى خلاص عجزت

إزيكوا يابنات ؟ عاملين إيه ؟

أنا عايزه أعترف ليكوا بحاجه :: أنا ياجماعه مهملة جدا جدا فى الإهتمام بشعرى وزعلانه أوى من نفسى!

حالة شعرى اليوم (2-8-09):: فتلة شعرى ناعمة الحمد لله - بس دايما بيهيش - وبيكون حلو لما بحطله كريم تصفيف بعد الشاور، لكن لو محطتلوش كريم - بيهيش جداااااااااااا - ، مقصف أوى من أطرافه ومن قدام ، كثافته متوسطه تميل للأقل ، طوله لحد كتفى.

اللى بستعمله بقى دلوقتى من منتجات العناية بالشعر:

1- شامبو Pantine - للشعر العادى.

2- بلسم Wildrose & cotton من أوريفليم - يزيل التشابك ويرطب.

3- زيت فاتيكا بالصبار - للشعر المتقصف والمتساقط - بستعمله بعد الشاور.

4- وساعات بدل الزيت، بستخدم كريم بالمرز الأصفر - كريم مغذى للشعر.

ولأنى محجبة دايما بعمل كحكة ، ولما بروح بعمله ديل حصان.

- - -
طبعا الحاجات اللى بستخدمها ديه مش حاسه إنها بتفيد شعرى ، يعنى مشاكله هى هى!
- - -

نفسى بقى:

1- أعالج التقصف.
2- نفسى أوى أوى يطول - مع العلم إن عمرى ما شعرى عدى كتفى - دايما بيوصل لكتفى ويوقف على كده (الحمد لله على كل حال).

- - -
أنا عايزه أغير مجموعة (الشامبو ، البلسم، الكريم ..) بس مش عارفه أجيب إيه بس !!

رشحولى حاجه أبتدى بيها وأشوف كده النتيجة !!

- - -

وكنت عايزة أسألكوا عن "زيت جدايل" من "عبد الصمد القرشى"، حد جربه ياجماعه ؟ أصل بفكر أجيبه!

- - -

أه وفى حاجه كمان، أنا بفكر أقص شعرى كاريه عشان الحر اللى إحنا فيه ده وأبتدى بقى العناية بيه بمجموعة جديدة ، إيه رأيكوا ؟
ولا أقص اطرافه وبس ؟

- - -

جزاكم الله خيرا :)

لو سمتو يابنات كنت عايزة اعرف ايه هى أفضل مكواة سيراميك؟ وكم سعرها؟
وأين يمكنني الحصول عليها من مصر

ميرسى ليكى يا توته اوى على النصايح الغاليه دى ايه رايكو فى بديل الزيت بتاع بانتين

بديل الزيت مجربتوش بصراحه فى ناس بتشكر فيه وفى ناس بتشتم ياريت الى جرب يقولك


warde
بصى ياقمر بانتين كويس مش وحش بس مممكن تغيريه لصن سيلك البنات هنا بتشكر فيه انا مجربتوش بقالى فتره بس جربت vo5 وكويس وحاولى وانتى بتجيبى الشامبو متجبيش العادى جيبى الى مكتوب ععليه مغذى او للشعر المتقصف او المتضرر

البلسم انا جبت دوف بالسيروم المعالج وعجبنى
وانصحك عشان الهيشان وكاهتمام للشعر تجيبى حمام كريم لشعرك عندك بوناويل وفاتيكا وفركتيز وكارتيز

الكريم بتاع التصفيف فى فاتيكا بردو ..انا بالمرز عندى بصراحه جربته كم مره منه ومعجبنيش حاساه بيزيت كده ولا بيغذى ولا بتاع
وولو افتكرت حاجه تانى هجى اكمل

ااااه كمان حاولى تعملى حمام زيت ولو مره فى الاسبوع لشعرك

انا كنت بجرب vo5من فتره وعجبني بصراحه بس برده خفت اكرره تاني من الكلام اللي بيتقال
قالو انه منعوه في الامارت بسبب الماده اللي هي بتعمل رغوه دي مش فاكره اسمعهها دلوقتي
بس

hoba555;10055640:
انا كنت بجرب vo5من فتره وعجبني بصراحه بس برده خفت اكرره تاني من الكلام اللي بيتقال
قالو انه منعوه في الامارت بسبب الماده اللي هي بتعمل رغوه دي مش فاكره اسمعهها دلوقتي
بس

لاياقمر ده كان تقرير نازل كبير في مجموعه شامبوهات ومنها دوف مش كلام بنات
المهم انا اصلا كبرت منها ورحت اشتريته بس برده بسوس وبقلق
وقلت هو مفيش غيره يعني اغير لحاجه تاني ومادام الحاجه فيها شبه ومقلقه منها بلاش
بس
وبعد كده الواحد ليه حق يقلق من اللي بنسمعه كل يوم وبنشوفه بيعيونا ومش بنعرف سببه ايه في الاخر

Stacy;10056514:

يا حبيبى

vo5 brand عموما كويس اوى و انا مش عارفة اية الكلام الى اتقال دى اصلا

بس عموما مش المفروض ان اى كلام من اى حد نصدقة و نمشى واراة

يعنى لازم تشوفى مين الى بيكلم دى اصلا

و بعدين المادة الى بتعمل الرغوة دى اصلا فى 99% من الشامبواهات الى موجودة عموما

كانوا يمنعوا بقى كل الشامبوهات و نفضل منغسلش شعرنا خالص :D

و بعدين معلش يعنى بس انا بستفز اوى من الحركة دى تلاقى بنات ملهومش اصلا فى حاجة

و تقولك لا دى فى مادة مش عارفة اية معلش يعنى و هى اش عارفها اصلا المادة دى بتعمل اية و حتى لو عرفت مش المهم مادة معينة المهم المواد فى الاخر بتتفاعل مع بعض ازاى و دى طبعا مش هيعرف كدة غير حد كميائى متخصص فى تركيب الكريمات و كدة

يعنى ياريت بجد كفاية فتى علشان بتعصب بجد من البنات دى :D

الماده دي ف ياي حاجه بترغي عمر ما في رغاوي تطلع من غيرها يعني حتى المعجون مدام بيرغي فيه وسائل غسيل الاطباق والغسالات ولو هنمنع بقىيبقى كل واحده تشيل الصابونه من الحوض ده الصابونه لو مرغتش وانتي بتغسلي ايدك بتبقى هترميمها ومتقتنعيش بيها اصلا
هي دي الرغوووووووووووووه يا جماااااااااااعه افهموووووووووا بقى بس في حاجات او نسب اعلا من المسموح بيها ودى الغلط

ايوه يارورو
ده اللي اقصده ان الماده الي في الحاجات الممنوعه اعلي من النسب المسموحه
لكن مش اي حاجه ترغي هقوم رمياها
المهم انا زمااااااان جربت شامبو بالموليف وبصراحه كان تحفه
بفكر اجربه
وممكن كمان اجيب لوريال بتاع بنتي بس لسه عايزه اشوف بالموليف الاول
حد جربه؟

كوكونانا;10050870:
انا يابنات مشكلتى الشعر الابيض عندى كتير ياريت لوحد جرب حاجة تقلل منه اوحاجة تثبت لون الحنة او الصبغة لانى بحنيه تقريبا كل 10 ايام وحاسة انى خلاص عجزت

نفس السؤال ليه محدش عبرنى:confused::confused::confused::confused:

كوكونانا;10057163:
نفس السؤال ليه محدش عبرنى:confused::confused::confused::confused:

ليه محدش رد علية يابنات