~'*¤!||!¤ تجهيزات عرايس البحرين {الواحد 51 والخمسون } ¤!||!¤*'~

قوووه بناااات شخباااركم

ابي اجوف مكياااج بوجيري ايمان جنه اسمها ؟؟

سراب الأمنيات;9800648:
هلا عرايس .. :D

بس ابي أسالكم ..

1/ صالون آنسه البحرين الي في ستره اذا تعرفونه شرايكم فيه للعرايس ؟؟

2/ شنو احسن المحلات الى اجار فساتين الاعراس ؟؟

ياهلا فيج

انا شفته ع عروستنا حلوو وكان مكياجها تركواز وذهبي ناايس

بس نفسها اهي راحت بمناسبة عندنا وحطت مكياج بو 15 حسيته واااااااااااايد كانه ملجتها اهي ومتعدلة وماعجبني حسيته اووووفررر بس مكياجهم العادي يختلف عن العراايس

انا بالنسبة لي افضل ماكيرة اهي عاايشة الريس مبدددعة

محلات اجار فساتين عندج فرشة العرايس الزهراء ام حسين ليالي الفرح ليدي مون مليكاان

اذا حابة تتاجرين فستان خطوبة عندي فستانين تبع الملجة والخطوبة للعلم انه فستان الملجة مفصلته كفستان خطووبة بس اذا تبني فستان عرس سوري مااقدر اساعدج ومووفقة

zizitta;9800906:

مرحبا عروسات

مو معقولة حدي محد يرد ابدا على الاقل قولوا ما نعرفها

مو زين جدي التطنيش، والله من قبل ينشد بكم الظهر، ادش واحط اي سؤال والكل ما شا الله ما يقصر

الحين احس الوضع غيير واااجد تطنيش

بجد زعلتوني وهادي مو اول مرة

أي أم أحمد تقصدين،، رباب ولا وهيبة؟؟؟
أنا اللي حنتني حق خطوبتي وهيبه، وهي ماتيي حق أحد
اللي يبيها يروح لها خخخخخ وتحني العرايس ب35 والعادي ب12 كأن
وتاخذ ويا العروس 2 فقط ماكسمم


قطاف

من وين طالعة الشمس؟!! :tongue: أخبارك ايييه؟؟
امممم انتي عاد بتيين الرفاع من أي طريج؟؟ عشان أوصف لج وصف دغيييييييغ :cool:

بحرينية ملتزمة;9800862:
حتى آنه ما آعرف لا حق البخور ولا العود، وآحس انه دهن العود ريحته واااايد قوية واتبط الراس، عاد سؤال ذكي اشوي، دهن العود اهوه نفس العود والا يفرق عنه؟؟؟

أمي اتسوي لي احين انتي بتعرسين ان شاء الله ولا شريتي لج بخور ولا عود ولا شي، المشكلة ما آحبهم وايعورون راسي، مب حلو الدخان:eek: حدي بس العطور، ومب اي عطر بعد، العطور الفرنسية الخفيفة فقط لا غير، أما العطور العربية واااااااااي اتنفخ راسي عدل(n)

دهن العود اللي اهو العطر السائل (( الدهن)) والعود اللي اهو الحطب اللي يتبخرون فية

أنا الشوق;9800912:
أدري اني أفشل خخخخخخخخ
مع اني أحب ريحة العود، بس ماعرف لهم، يعني لين أروح المحل يدور راسي :o
وخواتي أو ربعي مايحبون هالسوالف وكله يقولون لي ريحه عيايز :ss: مع أن خاطري

انزين عطونا اسامي عود عدل،، ذيج المره كأن قلتوا البورمي :think: من عند جنيد
وفي وحده قالت في عطر مادري عود اسمه "جذور العود" بس مادري من وين

وينها الترجيه الحين حزتها :dd:
الا تعالوا صج، وينها الترجيه مختفيه ؟؟؟

جوفي تبين الصج انا العود والدهن العود اللي استعملهم ابوي ايبهم لي من تايلند بس اعرف ان دهن عود جنيد اللي تولته ب 80 مادري ب100 وايد زين انا شريت من عندهم من قبل ربع توله بس مب متذكرة بجم 20 او 25 وانا وايد احب العوووووووووود اموت عليه بس ماحب العطور العربية وايد

أنا الشوق;9801257:



قطاف

من وين طالعة الشمس؟!! :tongue: أخبارك ايييه؟؟
امممم انتي عاد بتيين الرفاع من أي طريج؟؟ عشان أوصف لج وصف دغيييييييغ :cool:

هههههههههههه الشمس كل يوم تطلع ما عليها مني هههههه

أنا عادي أي درب يوديني الرفاع على راحتج شفتي صوب مجمع عبدالله أنا أيي من هني وساعات أروح من صوب ستره ودوار ألبا وسيده. ويالله عفية وصفي لي عدل مدل واسم الصالون ولون البيت ولون الباب وشنو مجابله ههههه وصف بنات عدل يعني.

ومشكوره عروس

بعد عندي سؤال وش رايكم في صالون لليان للحنة اللي في جدعلي، ومن تحني خوش شي

قطاف;9801430:
هههههههههههه الشمس كل يوم تطلع ما عليها مني هههههه

أنا عادي أي درب يوديني الرفاع على راحتج شفتي صوب مجمع عبدالله أنا أيي من هني وساعات أروح من صوب ستره ودوار ألبا وسيده. ويالله عفية وصفي لي عدل مدل واسم الصالون ولون البيت ولون الباب وشنو مجابله ههههه وصف بنات عدل يعني.

ومشكوره عروس

خخخخ لا شلون ماعليها الشمس منج
اذا هي والقمر شسمه فيعني شيسمونه :tongue:

المهم، أسهل شي عيل الوصف من صوب مجمع عبدالله
الحين لين محطة البترول مالت البحير على يمينج بتييج اشاره تاخذينها يسار وبعدين بيصير على يمينج صالون ركن السيدات وبيت عود على الزاوية كله حجر بس مب مكمل (وعليه من ولدوني وهم يبنون فيه :() المهم، تلفين يمين وبتلاقيج لفه يمين ويمها سهم اشاره صالون هير لاند,,, تلفين هاللفه وبتلاقيه صالون هير لاند على يمينج وصالون شويطر لاصق فيه وهو صاير بيت لونه أصفرر

يعني باختصار اشاره مجمع عبدالله يسار، يمين، يمين :tongue::tongue:

بس عاد اتصلي فيهم قبل لا تروحين لان ساعات محد هناك والباب مقفول خخخ

أنا الشوق;9801482:
خخخخ لا شلون ماعليها الشمس منج
اذا هي والقمر شسمه فيعني شيسمونه :tongue:

المهم، أسهل شي عيل الوصف من صوب مجمع عبدالله
الحين لين محطة البترول مالت البحير على يمينج بتييج اشاره تاخذينها يسار وبعدين بيصير على يمينج صالون ركن السيدات وبيت عود على الزاوية كله حجر بس مب مكمل (وعليه من ولدوني وهم يبنون فيه :() المهم، تلفين يمين وبتلاقيج لفه يمين ويمها سهم اشاره صالون هير لاند,,, تلفين هاللفه وبتلاقيه صالون هير لاند على يمينج وصالون شويطر لاصق فيه وهو صاير بيت لونه أصفرر

يعني باختصار اشاره مجمع عبدالله يسار، يمين، يمين :tongue::tongue:

بس عاد اتصلي فيهم قبل لا تروحين لان ساعات محد هناك والباب مقفول خخخ

أهاااااا يعني وصلت خير بس ما كملت اللفة، لأن أمس رحت أستكشف المنطقة لأن قالولي هني بس ما عرفت عدل، وشفته هير لند ذي بس ما واصلت، خوش عيل هالأسبوع أنا عندهم

مشكوره بعد شبدي هههههه

هلا هلا قطااف شخبارج ..

صالون ليان تحنيت عندهم حق خطوبتي ما عجبني لذاك الزود بس حلو بحاول اطلع الصور مال الحنة وبحطهم لج علشان تشوفين :)



بنات ابي اسوي جلوة وحنة بنفس الليلة يصير ؟؟
وابي اسوي شيء قدديم شرايكم ؟؟

أنا الشوق;9801257:
أي أم أحمد تقصدين،، رباب ولا وهيبة؟؟؟
أنا اللي حنتني حق خطوبتي وهيبه، وهي ماتيي حق أحد
اللي يبيها يروح لها خخخخخ وتحني العرايس ب35 والعادي ب12 كأن
وتاخذ ويا العروس 2 فقط ماكسمم

يتوم;9801542:
هلا هلا قطااف شخبارج ..

صالون ليان تحنيت عندهم حق خطوبتي ما عجبني لذاك الزود بس حلو بحاول اطلع الصور مال الحنة وبحطهم لج علشان تشوفين :)



بنات ابي اسوي جلوة وحنة بنفس الليلة يصير ؟؟
وابي اسوي شيء قدديم شرايكم ؟؟

قصدج يعني بتتحنين في نفس اليوم؟؟؟
ايه يصير واي نوت؟!

وحلو الستايل القديم، أو تقدرين تسوين قديم بس مطور خخخخ عاد شلون مادري

zizitta;9801580:

مشكورة اختي انا الشوق على الرد والله كلك ذوق
والله ما اعرف اسمها كل الي جفته صور حق حنتها هني والبنات قالو اسمها ام احمد
حاولت ارفع الصورة بس مو قاعد يضبط وياي
انزين بسألش عن رباب حليو حناها وله لا؟ حق عرايس قصدي

أظن قصدج رباب، والصراحه ماتذكر حناها بس كان أوكي كأنه :think:

أما وهيبة فأنا حطيت صورة وحده لها وكنت اسأل عنها لان عاجبني

شلون بعد قديم بس مطور هههههههه .. انزين وشلون اتحنى ويجلوني ... يعني اول شيء يجلوني وعقب الحنة ؟؟؟

يتوم;9801542:
هلا هلا قطااف شخبارج ..

صالون ليان تحنيت عندهم حق خطوبتي ما عجبني لذاك الزود بس حلو بحاول اطلع الصور مال الحنة وبحطهم لج علشان تشوفين :)



بنات ابي اسوي جلوة وحنة بنفس الليلة يصير ؟؟
وابي اسوي شيء قدديم شرايكم ؟؟

الله يسلمج ويعافيج ويبارك لج

يعني مو ذاك الزود إمممممم وأنا اللي قلت بدق درب لي جدعلي حق حنه، ع العموم حطي لنا الصور وبنشوف أنا أحب الحنه العريض شوي مو وايد يعني وأحبه غامج وفيه فراغات، إش هالحجي ههههه :tongue:

وبالنسبه للجلوه والحنه نفس الليلة

إيصير تسوين عاد أول الجلوه وبالعادة العروس في الجلوة تدخل بس ايجلونها وبعدين تطلع، عشان جذي معظم الناس الحين يشبكون هالليلتين مع بعض، لكن إذا كنتي بتسوينها في صالة فصعب إنج تتحنين وخصوصا إذا الحناية بطيئة والحنه ما راح ينشف وبيطلعونكم من الصالة :ss:، لكن لو في البيت أوكي بس سألي الحناية إذا ممكن تتأخر؟؟؟؟

وبالعموم ممكن أنج تتحنين الصبح وبالليل تتجلين وبعدين تدخلين واتغيرين ثيابج وايدخلونج بزفة وايحطون لج صينية الحنه بس تقعدين عرض، والحلو أنج ممكن تتحركين براحة وترقصين بعد هههههههه.

عروسة المنامة;9799265:

:shy:

هلا بنوتات حبوبات
شخباركم شمسويين؟؟؟

انه عرسي تاريخ 18\8

حجزت وحيدة حق الشعر :21_213:

بس الميك اب للحين محتارة؟؟؟

من جذي بروح هالاسبوع حق جم من وحدة بشوف شغلهم

بروح حق ابتسام كمال و فردوس الحلواجي و صالون الرونق

واذا عندكم مكان ثاني قولو لي؟؟؟

واببي رايكم عن ديجي الرعد اللي في مرميز اوكي اهو؟؟؟
ولا اخليهم يغيرونه لي ؟

كلمت الرياش يقول عنده حفلة في نفس اليوم

:pain:

هلا عروسة جيكي بعد عابسة الريس تمكيج في صالون الي زاند في جدعلي
و صفية شويطر بعد يمدحونها في صالونها شويطر في الرفاع

لؤلؤة المحرق;9799372:
حطي كل أنوآع الفوآكه الصيفيه بعد هههههههه ..

آنه مجربتهآ وكل أهلي عندهآ ورفيجآتي بعد ..

وعقب مآتخلص بعد تسألج أذآ في شي مو عآجبج أو شي حق تعديل ..

وقوليلهآ اللي تبينه ..

مثآل :

في البعض مآينآسبهم السموكي .. في البعض مآينآسبهم الآلوآن الفلآش .. في البعض

مآينآسبهم اللون الفآتح وعقب الغآمج .. وفي العكس .. وفي البعض كل شي ينآسبهم ..

فأنتي قوليلهآ اللي تحسينه حلو عليج .. وعلى لون فستآنج .. انتي اي لون فستآنج ؟؟

لا تخافين بقول ليها كل الي فخاطري قبل لا تبدي بعطيها لسته طويلة عريضة ما اخلي وحدة تلعب في وجهي على كيفها نو وي و هم براويها صورة مكياج يعجبني عشان تفهم فكرتي اكثر و اني بيضة يعني كل الالوان اوكي عليي و الفستان للحين ما شريت قريب ان شاء الله

لؤلؤة المحرق;9799389:
عندج بالنسبه للجلآبيآت .. في المحرق أسعآرهآ منآسبه جدآ .. وتشتغل المره بضمير ..

وكل جلآبيه او فستآن ينآسبه السعر .. اسم المحل ميآسم في المحرق .. وأسم صآحبه

المحل (( أم فهد )) .. أنصحج أنج تروحين لهآ .. وكل جلآبيه أحلى من الثآنيه .. وصآر خآطري

في الجلآبيآت مآلآتهآ .. مع أني مآلبس .. بس بآخذ لي حق عرسي ..

(y)

امي مسويه عندهم جلابية شهر 3 شيفون و فيها شك و مترووسة كرستال وااااحد حلوة و مرتبة طلعت عليها ب 110
بس تسوى

لؤلؤة المحرق;9799420:
بنآت كلمآ آفكر ان الحفله جربت .. يدق قلبي ,, ومآتييني النوده خخخخخخخخخخخخخخ .. شآسوي خخخخخخخخخخخخخخخخخخخخخخخخخ ..

لولو

صلي على النبي ما بيصير الا الخير ان شاء الله و المحاتاه شي طبيعي و تصدقين عاد طول الفترة على بالي عرس

بنت النور666;9799566:
لووووول والله حاسه فيكم فديت عرووووساتنا والله دوم ذكروو ربكم واقرو على روحكم والمعوذات اهم شي قبل لاتنامين مع سوره الكرسي تحفظكم من كل شر وعين خبركم الحين الناس عينها مثل السهم تصيب لو كانت ماتقصد ..! وانتو عرايس يعني هالله هالله .. وهالخوف شي طبيعي انا يوم الشوووفه واتنافض الله يعين الخطوبه شو بسوي لوووول ف احس باحساسكم وربي يهنيكم ..


حد يعرف وين بالظبط بيت ابتسام بوكمال؟ الي ف البسيتين ؟! ودي احجزها لعرس عندي نهايه شهر 7

اتصلي فيها حزة الي بتروحين خليها تدليش لأن احنا ما نعرف من وين بتجين اي صوب يعني عشان ندليش اياه
امس كنت رايحة و اتصلت فيها و دلتني

zo0oz.zo0oz;9799877:
محد رد على سؤاليي .. ؟و عندي سؤال ثاني .. اي صالون تنصحوني للملجه ؟؟

زوز
رديت عليش شوفيهم بنفسش احسن لأنها ليلة من العمر انتين عروس مو عادي عشان لا تنصمين
اما عن الملجة عندش اشرقت يمدحونه

أنا الشوق;9800546:



أما عن العمر خخخخ انا اختي نفس سالفتكم
كله عبالهم هي أصغر مني، مع انها أكبر مني ب4 سنين بس لانها ضئيله بالنسبة لي :o
وحتى صوتها جنها ياهل،، مب انا جني واحد من الربع :dd::dd:
اذكر مره اتصلنا بهارديز نبي نطلب عشا،، الا اللي تشتغل هناك تقول حق اختي where's your mother؟؟؟؟ :eek: قالت لها اختي محد خخخخخخخخ وبس ليومكم ذي مايابوا الاوردر :dd::dd:

مسكينة اختش حالتها اخس:dd: مني على الاقل اني بعدي للحين مو كبيرة لو مكانها تنبط جبدي

عروس متفرغة;9800678:
بس خلاص سامحتكم طحتوا في جبدنا :tongue::tongue::tongue::tongue::tongue:

ايي عروسو الحين اوكي :D

zizitta;9800906:

مرحبا عروسات

مو معقولة حدي محد يرد ابدا على الاقل قولوا ما نعرفها

مو زين جدي التطنيش، والله من قبل ينشد بكم الظهر، ادش واحط اي سؤال والكل ما شا الله ما يقصر

الحين احس الوضع غيير واااجد تطنيش

بجد زعلتوني وهادي مو اول مرة

هلا زيزيتا

ترى البنات اذا ما يردون معناها ما يعرفون
و عن ام احمد و الله مادري تحني عادي لو لاء بس هي تحني عرايس و اذا رباب ام احمد ترى ما تروح اماكن بعيدة عنها

يعني شوفي من اللحين اذا بعيدة عنش لا تحجزينها

أنا الشوق;9800997:
انزين باقول لكم شسويت أمس

عقب الشغل رحت الستي سنتر حق أدور لي اكسسوارات حق خطوبة بنت خالتي الليلة
رحت ألدو، وماعجبني شي عدل وحسيت أغراضه ماتسوى مادري شلون
فطلعت ورحت H&M حصلت عندهم اسويره وخاتم ومضاعد، وعندهم عرض تشترين 2 تحصلين 1 مجان
فالخاتم كان هو المجان

وبعدين رحت أدور لي ترجيه، وكنت أبي شي صغير ولابق مابيها نازله وتميت أدور أدور وحصلت في لايف ستايل واحترت بين ثنتين وطخيتهم لأن يعني بينفعوني بعدين

امممم وشريت صبغ أظافر ورردي :15:وخذت لي بعد خاتم من نيو لوك، حبيته وقلت مابفوته

ورحت وومنز سيكرت وخذت لي الاسفنجات اللي ينلصقون على الصدر بدل الصدريه، ب13 ونص بس للحين ماجربتهم
عاد وانا هناك الفلبينية تسألني جم سايزج وقلت لها ، الا تقول ماعندنا وطلعت لي سايزات غير، واحد مقارب لسايزي وطلع صغيير (n) والثاني أكبر وطلع شوي عود :ss:
وآخرتها جربت وحده الcup مالها A وطلعت عدله :ss::ss: مع ان انا البس اكبرررر
مادري شلون مقاساتهم ذلين بعد
فعلى هالاساس خذت اللصقات فاتوقع انهم مابيسوون شي
الله يستر بس :ss:

ودشيت بوتس، وكان في عندهم كريم ينحط على الجسم ويعطي لمعه، مادري من هني كانت تدور السبري اللي فيه لمعه
المهم، جربته على يدي وصارت اللمعه خفييفه بس أتوقع في الاضاءة القوية تصير (y)
وبس خذت لي خرابيط وطلعت

كنت أبي آخذ لي ثياب، بنطلونات وبرمودات بس مافي ميزانية (n)(n) وترى يعني صج الحين السيل صار له فتره بس المحلات فيها بضايع يعني مب خاليين خخخخخخ ونيو لوك ذاك الاسبوع رحته وأمس البضاعه أكثر من ذيج المره

فيعني ان شالله من الحين للمعاش باحصل اللي ابيه

بس سؤال، الحين الاعلان مال تخفيضات الستي مكتوب لحد 31 يوليو!!! يعني المحلات بيتمون لشهر 7 بعد ولا بس 6؟؟

معقولة يعني التخفيضات لي نهاية 7 و الله خوش شي بس مو داشة مخي معقولة شهرين ورا بعض كله سيل؟
يلا احسن بعد

قطاف;9801113:
مبروك لكل اللي إرتبطوا وربي يجمعهم على خير

بنات بغيت أسأل عن موقع صالون شويطر، وشنو إسمه لأن خاطري أتمكيج عند صفية وما أدل الصالون فيا ليت اللي تعرف توصف لي وصف دقيق.

ومعلومه مهمة: من فترة أسبوعين رحت مجمع اللولو في المنامة وشفت في الطابق الأول محل يبيع فساتين أطفال للأعراس وكان عارض فستان زفاف أبيض وفيه تطريزات ناعمه ذهبية والصدر كله كرستال وكان روووووووعه والأهم سعره واوووووو يبيعه ب 450 دينار ، وطبعا أنا ما فاصلته في السعر.

وردة مغرورة بعطرها
بالنسبه لفساتين أجار، عندج في سوق الرفاع جنب الإشاره محل لفساتين الأفراح، توها عروس عندنا مأجره من عنده فستان أبيض روووووعه يبرق ويرعد من بعيد والطرحة تور وفيها دانتيل وكرستال، وفستانها مثل ستايل رومان ديزاين، لأني من فترة شفت مثله عندهم بس الفرق هي من تحت تور لماع، وهم كان كله دانتيل فرنسي.

واللي سألو عن عاشقة الذوق أعتقد هي قالت أنها راح تكون مسافرة مع زوجها لمدة 3 شهور.

الحين قطاف

من زمان عنش

وينش مختفية ما تبينين

اما عن صالون شويطر ما ادله

banota_tota;9801157:
قوووه بناااات شخباااركم

ابي اجوف مكياااج بوجيري ايمان جنه اسمها ؟؟

اذا تقصدين شيماء بوجيري بحط ليش صور مكياجها

و اذا وحدة غير ما اعرفها